মন্ত্রীমন্দল
কেবিনেতনা রবি কুম, ২০২৪ (০১.১০.২০২৪ দগী ৩১.০৩.২০২৫) ফাওবগী ওইনা ফোস্ফেতিক অমসুং পোতাসিক (পি অমসুং কে) ফর্তিলাইজরগী ন্যুত্রিএন্ত বেজ সবসিদী (এন.বি.এস.) রেত অয়াবা পীখ্রে
Posted On:
18 SEP 2024 3:14PM by PIB Imphal
প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী কেবিনেতনা কেমিকেল অমসুং ফর্তিলাইজর মন্ত্রালয়না রবি কুম, ২০২৪ (০১.১০.২০২৪ দগী ৩১.০৩.২০২৫) ফাওবগী ওইনা ফোস্ফেতিক অমসুং পোতাসিক (পি অমসুং কে) ফর্তিলাইজরগী থাংগৎলকপা ন্যুত্রিএন্ত বেজ সবসিদী (এন.বি.এস.) রেত অয়াবা পীখ্রে।
রবি কুম ২০২৪গী মরক্কী ওইবা বজেতকী তঙাইফদবা অসি চাউরাক্না লুপা করোর ২৪,৪৭৫.৫৩ রোম ওইগনি।
কান্নবশিং:
- লৌমীশিংদা সবসিদাইজ তৌরবা, অহোংবা অমসুং চুনবা মমলদা হার ফংহনবা।
- হৌজিক চৎলিবা অন্তর্জাতিগী হারগী মমল অমসুং ইনপুতশিংগা চুননা পি এন্দ কে ফর্তিলাইজরগী রেসনেলাইজেসন তৌবা।
চলাইবগী মওং অমসুং পান্দমঃ
পি এন্দ কে ফর্তিলাইজরগী সবসিদী অসি রবি ২০২৪ (০১.১০.২০২৪ দগী ৩১.০৩.২০২৫ ফাওবা)গী ওইনা হায়রিবা হারশিং অসি লৌমীশিংদা মমল চুনবা মওংদা ফংহন্নবা অয়াবা পীরবা মমলদা পীগনি।
হৌরকপগী ৱারী
লৈঙাক অসিনা লৌমীশিংদা ফর্তিলাইজর/ইম্পোর্তরশিংগী খুত্থাংদা সবসিদাইজ তৌরবা মমলদা পি এন্দ কে ফর্তিলাইজরগী গ্রেদ ২৮ ফংহল্লি। পি এন্দ কে ফর্তিলাইজরগী সবসিদী অসি এন.বি.এস. স্কিম্না ০১.০৪.২০১০ দগী হৌদুনা পায়রক্লি। লৌমীশিংদা নুংঙাইগদবা মওংদা লৈঙাক অসিনা লৌমীশিংদা পি এন্দ কে হারশিং মমল হোংনা ফংহন্নবা হোৎনরি। হৌজিক চৎলিবা অন্তর্জাতিগী হারগী অমসুং ইনপুতশিং হায়বদি য়ুরিয়া, দি.এ.পি., এম.ও.পি. অমসুং সল্ফরগী মমলগা চুননা লৈঙাক অসিনা রবি ২০২৪গী ওইন ০১.১০.২৪ দগী ৩১.০৩.২৫ ফাওবা ফোস্ফেতিক অমসুং পোতাসিক (পি.এন.এ)গী এন.বি.এস. মমল অয়াবা পীখি। সবসিদী অসি অয়াবা পীবা অমসুং নোতিফাই তৌখিবা মমল মতুং ইন্না ফর্তিলাইজর কম্পেনীশিংদা পীগনি, মসিনা ফর্তিলাইজরশিং অসি লৌমীশিংদা অহোংবা মমলদা ফংহনগনি।
***
(Release ID: 2056353)
Visitor Counter : 22
Read this release in:
Kannada
,
English
,
Urdu
,
Hindi
,
Marathi
,
Nepali
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam