কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ঙসি নই দিল্লীদা ওফিসিএল লেংগ্বেজ দাইমন্দ জুবিলী সেলেব্রেসন অমসুং 4শুবা অখিল ভারতী রাজভাশা সম্মেলনদা ৱা ঙাংখ্রে। গৃহ মন্ত্রীনা থৌরম অসিগীদমক্তা অখন্ননা শেম্লবা 'রাজভাশা ভারতী' মেগাজিনগী দাইমন্দ জুবিলী স্পেসিএল ইশু অসি রিলিজ তৌখি। শ্রী অমিৎ শাহনা দাইমন্দ জুবিলীগী থৌরমদা কম্মেমোরেতিব পোস্তেজ স্তাম্প অমসুং কম্মেমোরেতিব কোইন অমসু ফোংখি। শ্রী শাহনা রাজভাশা গৌরব অমসুং রাজভাশা কির্তি এৱার্দসু পীখি। থৌরম অদুদা গৃহ মন্ত্রীনা ভারতী ভাশা অনুভাগ (ইন্দিয়ন লেংগ্বেজ সেক্সন)সু লোঞ্চ তৌখি।

মহাক্কী ৱারোলদা শ্রী অমিৎ শাহনা হায়খি মদুদি হৌখিবা চহি 75গী খোঙচৎ অসি হিন্দীবু ওফিসিএল লেংগ্বেজ ওইনা লৌশিনবা অমসুং ঐখোয়গী চৎনবীশিং, কলচর, লোলশিং, সহিত্যা, আর্ত অমসুং গ্রামারবু ঙাক শেন্দুনা থম্বগা লোয়ননা লৈবাক অসিগী লোকেল লেংগ্বেজ পুম্নমকপু মসিগী খুত্থাংদা শম্নহন্দুনা প্রমোৎ তৌবনি। মহাক্না হায়খি মদুদি হিন্দীগী চহি 75গী খোঙচৎ অসি হৌজিক মসিগী পান্দমশিং অসি ফংনবগী অরোইবা তাঙ্কক অদুদা লৈরে অমসুং ঙসিদি হিন্দীবু কম্ম্যুনিকেসন, মীয়াম, তেক্নোলোজী অমসুং হৌজিক্তি মালেমগী লোন অমা ওইহন্নবা নুমিৎ অদুনি।

কেন্দ্রগী গৃহ মন্ত্রীনা হায়খি মদুদি ঙসি ইন্দিয়ন লেংগ্বেজ সেক্সন হৌদোক্লে। মহাক্না হায়খি মদুদি ঐখোয় পুম্নমক্না অনৌবা হৌরকপগী মীৎয়েং অমা উবা ফংলে। মসি অপীকপা মরু অমা হুনবগা মান্নৈ অমসুং অথুবা মতমদা অচৌবা খোঙনাং পাম্বী অমা ওইরক্লগনি। মহাক্না হায়খি মদুদি ইন্দিয়ন লেংগ্বেজ সেক্সন অসিনা লাক্কদৌরিবা চহিশিংদা ঐখোয়গী লোনশিংবু ঙাক শেনবগী সেন্তর অমা ওইগনি। মহাক্না হায়খি মদুদি ইন্দিয়ন লেংগ্বেজ সেক্সন অসি দিপার্তমেন্ত ওফ ওফিসিএল লেংগ্বেজকী সপ্লিমেন্তরী সেক্সন অমা ওইগনি, মরমদি ঐখোয়না ঐখোয়গী লমদমসিগী লোন খুদিংমক মপাঙ্গল কনখৎহন্দনা অমসুং ওফিসিএল লেংগ্বেজ অমসুং অতোপ্পা ভারতকী লোনশিংগী মরক্তা দাইলোগ অমা তৌদনা ওফিসিএল লেংগ্বেজ প্রমোসন তৌবা ঙম্লোই।

শ্রী অমিত শাহনা হায়খি মদুদি হিন্দী অমসুং লোকেল লোলশিংগী মরক্তা কৈদৌঙৈদা কম্পিতিসন লৈরোই মরমদি হিন্দী অসি লোকেল লোল খুদিংমক্কী মরুপ্নি। মহাক্না হায়খি মদুদি হিন্দী অমসুং লোকেল লোলশিংনা অমগা অমগা মতেং পাংনৈ অমসুং মরম অসিনা হিন্দী অমসুং লোকেল লোল পুম্নমক্কী মরক্তা লৈনরিবা মরী অসি ইন্দিয়ন লেংগ্বেজ সেক্সনগী খুত্থাংদা মপাঙ্গল কনখৎহল্লগনি। মহাক্না হায়খি মদুদি হিন্দীদা ইবা আর্তিকল, স্পীচ নত্ত্রগা চীথি অমা লৈরবদি, ইন্দিয়ন লেংগ্বেজস সেক্সন্না লৈবাক অসিগী লোল পুম্নমক্তা হন্দোক্কনি। অসিগুম্বা মওংদা, লৈবাক অসিগী লোল খুদিংমক্কী সাহিত্য, আর্তিকলশিং অমসুং স্পীচশিং অসি হিন্দীদা হন্দোক্কনি, মসি মতম অসিগী তঙাইফদবা অমনি।

কেন্দ্রগী গৃহ মন্ত্রীনা হায়খি মদুদি স্বরাজ, স্বধর্ম অমসুং স্বভাশা য়াওদ্রবা মীওইশিংনা মখোয়গী তুংগী মীরোলশিংবু মীখা পোনবগী ৱাখল্লোনদগী মনীং তম্বা ফংবা ঙম্লোই। মহাক্না হায়খি স্বভাশা অসি স্বরাজকী ৱাহন্থোক্তা য়াওরি। মহাক্না হায়খি মদুদি লৈবাক অমসুং মীয়াম্না মখোয়গী লোলশিংবু ঙাকথোকপা ঙমদ্রবদি মখোয়গী পুৱারী, সাহিত্য, কলচরদগী মাংখিগনি অমসুং মখোয়গী তুংগী মীরোলশিং অসি মীখা পোনবগী ৱাখল্লোনগা লোয়ননা হিংদুনা লৈগনি। শ্রী শাহনা হায়খি মদুদি নীংতম্বা ফংলবা চহি 75গী মতুংদসু ঐখোয়না স্বরাজ, স্বভাশা অমসুং স্বধর্মগী শিবাজী মহারাজগী ৱাখল্লোনশিংদা মরুওইবা পীদুনা থবক তৌরি। অনৌবা এজুকেসন পোলিসীদা, প্রধান মন্ত্রী শ্রী নরেন্দ্র মোদীনা মমা-মপাগী লোলদা প্রাইমরী এজুকেসন পীবদা মরুওইবা পীরি হায়না মহাক্না মখা তাখি। মহাক্না হায়খি মদুদি অঙাং অমনা লোলগী ওইবা এক্সপ্রেসন, থিঙ্কিং, অন্দরস্তেন্দিং, রিজনিং, এনালাইসিস তৌবা অমসুং ৱারেপ অমা লৌবদা খ্বাইদগী লায়বা লোল অসি মহাক্কী মমাগী লোলগী খুত্থাংদা ওইগনি। মহাক্না হায়খি মদুদি মরম অসিনা প্রধান মন্ত্রী মোদীনা মমা লোনদা এজুকেসন পীবদা চাউনা মীৎয়েং থম্লি। গৃহ মন্ত্রীনা হায়খি মদুদি ঙসি অসি ভারতকী লোল খুদিংমক মপাঙ্গল কনখৎহন্নবা অমসুং ওফিসিএল লেংগ্বেজ অসি লৈবাক অসিগী কন্নেক্তিং লেংগ্বেজ ওইহন্নবা নুমিৎনি। মসিগী খুত্থাংদা ঐখোয়না ঐখোয়গী লৈবাক অসিগী থবকশিং ঐখোয়গী লোলশিংদা পাংথোকপা ঙমহনগনি।

শ্রী অমিত শাহনা হায়খি মদুদি ঐখোয়গী নীংতম ইহৌদা হিন্দীগী অচৌবা থৌদাং লৈরি। মহাক্না হায়খি মদুদি 1857গী রিভোলুসনগী মায় পাকপা ঙমদবগী মরুওইবা মরমশিংগী মরক্তগী অমা হায়রগদি লোল অমা লৈতবা অসিনি। মহাক্না হায়খি মদুদি ঐখোয়গী লৈবাক অসি জিওপোলিতিকেল ওইবা লৈবাক অমা নত্তে অদুবু জিও-কলচরেল ওইবা লৈবাক অমনি অমসুং ঐখোয়গী লৈবাক অসিবু শম্নহল্লিবা লিঙ্ক অসি কলচরনি। মহাক্না মখা তাখি মদুদি ঐখোয়গী লৈবাক অসিগী অপুনবা অসি চৎনবীদা য়ুম্ফম ওইরি, ঐখোয়গী চৎনবী অসি শম্নৈ অমসুং লোলশিংদা য়ুম্ফম ওইরি অমসুং ঐখোয়গী লোলশিং মাংখিবা নুমিত্তা, লৈবাক অসিগী অপুনবা অসি য়াম্না খুদোংথিনিংঙাই ওইগনি।

কেন্দ্রগী গৃহ মন্ত্রীনা হায়খি মদুদি মসি দোক্তর ভীম রাও অম্বেদকর, সি. রাজাগোপালচারী, মহাত্মা গান্ধী, সরদার বল্লভভাই পতেল, কে.এম. মুন্সি, লালা লাজপত রাই, নেতাজী সুভাশ চন্দ্র বোস নৎত্রগা আচার্য কৃপালানিবু ওইরো হিন্দী শন্দোকখিবা ঐখোয়গী লুচিংবা অয়াম্বদি হিন্দী ঙাংদবা মফমশিংদগী লাকখি। মখোয় পুম্নমক্কী তোঙান-তোঙানবা মমা লোন লৈরম্মি অদুবু মখোয়না হিন্দী লোল অসি লৈবাক অসিবু অমত্তা ওইনা পুনশিনবগী মেদিয়ম অমনি হায়বা খঙই, মরম অদুনা হিন্দী অসি লৈবাক অসিগী অমত্তা ওইবগী খুদম অমা ওইহন্দুনা মখোয়না মসি ওফিসিএল লোলগী মওং অমা পীখি হায়না মহাক্না হায়খি।

শ্রী অমিৎ শাহনা হায়খি মদুদি ঐখোয়গী লোলশিং অসি কনাগুম্বা অমনা ঙাকথোকপা ঙম্লবদি, মসি মমাশিং খক্তনি। মহাক্না মমা-মপা পুম্নমকপু মখোয়গী মচাশিংগা মখোয়গী মমা লোল লোন্নবা হায়খি। ঐখোয়না মসি পাংথোক্লবদি ঐখোয়গী লোলশিং অসি করিগুম্বা অমত্তনা খুদোংথীবা থোকহল্লোই হায়না মহাক্না হায়খি। শ্রী শাহনা হায়খি মদুদি ঐখোয়গী লোলশিংনা লৈবাক অমসুং মালেমদা মতম শাংনা সেবা তৌদুনা লৈহৌরগনি। মহাক্না হায়খি মদুদি লাক্কদৌরিবা মতম অসি ওফিসিএল লেংগ্বেজ অমসুং অতোপ্পা ভারতকী লোলশিংগীনি। মহাক্না হায়খি মদুদি হৌজিক লৈবাক অসিবু কনাগুম্বা অমত্তনা মখল অমত্তগী মীখা পোনবগী মওংদা থম্বা ঙম্লোই অমসুং লোলবু মীখা পোনহন্দুনা কৈদৌঙৈদা থম্বা ঙম্লোই।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি ওফিসিএল লেংগ্বেজ দিপার্তমেন্তনা হিন্দীবু এক্কোমোদেতিব অমসুং এসেপ্তেবল ওইহন্নবা থবক কয়া পায়খৎলে। মহাক্না হায়খি মদুদি হিন্দী অসি ইমা গঙ্গাগা মান্নৈ অমসুং মতম পুম্নমক্তা অশেংবা ওইদুনা লৈগনি মরমদি অতোপ্পা ভারতকী লোলশিংদগী ৱাহৈশিং লৌশিন্দুনা হিন্দী অসি অমুক্তা ফত্তবা ওইহনবা ঙম্লোই। ৱাহৈ কয়া অসি হিন্দীদা লৈতে অদুবু অতোপ্পা লমদমসিগী লোলশিংদা লৈ অমসুং ঐখোয়না মখোয়শিং অসিবু লৌশিনখি। হিন্দীনা ৱাহৈশিং অসিবু লৌশিনবা মতমদা, হিন্দীগী ৱাহৈ কয়া অমসু ঐখোয়গী লমদমসিগী লোলশিংনা লৌশিনখি হায়না মহাক্না মখা তাখি। গৃহ মন্ত্রীনা হায়খি মদুদি ঐখোয়না ভারতকী লোল খুদিংমক্কী ৱাহৈশিং শবদ সিন্ধু দিক্সনরীদা য়াওহনখ্রে। মহাক্না হায়খি মদুদি ঐখোয়না হিন্দীবু য়ানবা, ফ্লেক্সিবল ওইবা অমসুং খন্ন-নৈননবা ওইহনগদবনি। মহাক্না থাজবা থমখি মদুদি শবদ সিন্ধু দিক্সনরী অসি লাক্কদৌরিবা লোক সভা মীখলগী মমাংদা মালেমগী খ্বাইদগী চাউবা দিক্সনরী ওইগনি।

শ্রী অমিৎ শাহনা হায়খি মদুদি প্রধান মন্ত্রী মোদীগী লুচিং মখাদা কেন্দ্র সরকারনা এজুকেসন, তেক্নিকেল এজুকেসন অমসুং জুদিসিয়রীদা হিন্দী শীজিন্ননবা হোৎনরি। মহাক্না হায়খি মদুদি হিন্দী অসি লান্থেংগা লোয়ননা পুখৎলোইদবনি অদুবু থৌনা লৈনা লৌশিনগদবনি। শ্রী শাহনা হায়খি মদুদি সুপ্রিম কোর্তকী ৱায়েল কয়া অমা ভারতকী লোল কয়াদা হন্দোকখ্রে। মহাক্না হায়খি রাজস্থান, উত্তর প্রদেশ, মধ্য প্রদেশ অমসুং উত্তরাখন্দনা ঙসিদি মেদিকেল এজুকেসনগী মপুং ওইবা করিক্যুলম হিন্দীদা শেম্লে। মহাক্না হায়খি মদুদি ভারতকী লোন 13দা ইঞ্জিনীয়রিংগী করিক্যুলম শেম্নবা থবক পায়খৎলি অমসুং লাক্কদৌরিবা মতমশিংদা রিসর্চকী লোনসু হিন্দী শোইদনা ওইগনি।

কেন্দ্রগী গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা হিন্দীগী অয়াবা হেনগৎহন্নবা ঐখোয়গী রোদমেপ অসি মায় পাক্না মাংলোমদা চংশিল্লি। মহাক্না হায়খি মদুদি প্রধান মন্ত্রীনা মালেমগী খ্বাইদগী চাউবা স্তেজতা থাজবা অমসুং ইকাই খুম্নবগা লোয়ননা হিন্দীদা মহাক্কী ৱারোল পীদুনা হিন্দীগী এসেপ্তেন্স হেনগৎহন্নবা থবক তৌরি। মহাক্না হায়খি মদুদি হান্নগী প্রধান মন্ত্রী অতল বিহারী বাজপেয়ীনা য়ুনাইতেদ নেসন্স জেনরেল এসেমব্লীদা হিন্দীদা ৱা ঙাংখিবদা মালেম পুম্বনা থোইদোক্না হরাওখি। শ্রী শাহনা হায়খি মদুদি ঙসিদি হিন্দী অসি য়ুনাইতেদ নেসন্সকী লোল ওইরে অমসুং লৈবাক 10 হেনবগী অনিশুবা লোলসু ওইরে। মহাক্না হায়খি মদুদি হিন্দী অসি হৌজিক ইন্তর্নেস্নেল লোন অমা ওইরক্নবা খোঙজেল য়াংখৎলি।

শ্রী অমিৎ শাহনা হায়খি মদুদি ভারতকী লোলশিং অসি হিন্দীনা হেন্না মপাঙ্গল কনখৎহনবা ঙম্মি অমসুং ভাইস ভর্সা ওইগনি। মহাক্না হায়খি ঙসিদি গৃহ মন্ত্রালয় অমসুং কোওপরেসন মন্ত্রালয়দা ফাইলশিং অমসুং কোরেস্পোন্দেন্সশিং হিন্দীদা ইরি। মহাক্না হায়খি মদুদি লোল অসি এক্সপ্রেসন অমনি, অমসুং এক্সপ্রেসন অসি কনাগুম্বা অমগী লোলদা ওইরকপা মতমদা ভোকেল ওই।

******