প্রধানমন্ত্রীগী লোইশঙ
পি.এম.না সেপ্তেম্বরগী ১২দা অনিশুবা এসিয়া পেসিফিক সিভিল এভিয়েশন কনফরেন্সতা শরুক য়ারগনি
পি.এম.না এসিয়া পেসিফিক রিজনদা এভিয়েশন সেফতী, সেক্যুরিতী অমসুং সস্তেনেবিলিতী হেনগৎহন্নবগীদমক্তা দিল্লী দিক্লেরেশনবু চৎনহন্নবা লাউথোক্লগনি
Posted On:
11 SEP 2024 7:41PM by PIB Imphal
প্রধান মন্ত্রী, শ্রী নরেন্দ্র মোদীনা ২০২৪গী সেপ্তেম্বর ১২দা নুমিদাংৱাইরমগী পুং ৪ তাবা মতমদা নই দিল্লীগী ভারত মন্দপমদা সিভিল এভিয়েশনগী মতাংদা ২শুবা এসিয়া-পেসিফিক মিনিস্তরিয়ল কনফরেন্সতা শরুক য়ারগনি। মহাক্না থৌরম অদুদা ময়ামগী মীতিন অদুদা ৱা ঙাংগনি।
প্রধান মন্ত্রীনা রিজন অসিগী এভিয়েশন সেক্তরবু অনৌবা অৱাংবা থাক অমদা পুখৎকদবা ভিজনরী ওইবা রোদমেপ অমা ওইরিবা “দিল্লী দেক্লেরেশন”বু মেম্বর স্তেত খুদিংমক্না চৎনহন্নবশু লাউথোক্লগনি।
মসিগী কনফরেন্স অমসুং দিল্লী দেক্লেরেশনবু চৎনহনবা অসিনা এসিয়া পেসিফিক সিভিল এভিয়েশন সেক্তরদা সেফতী, সেক্যুরিতী অমসুং সস্তেনেবিলতীদা খুমাং চাউশিনহনবদা য়াম্না মরু ওইবা খোংথাং অমা ওইরি অমসুং রিজন অসিগী লৈবাকশিংগী মরক্তা খুৎশম্নদুনা থবক তৌমিন্নবগী ৱাখল্লোন অদুবু উৎলি।
সিভিল এভিয়েশন মন্ত্রালয়না ইন্তর্নেস্নেল সিভিল এভিয়েশন ওর্গনাইজেশন (ICAO)গা খুৎশম্নদুনা শিননবা সিভিল এভিয়েশনগী এসিয়া-পেসিফিক মিনিস্তরিয়ল কনফরেন্স অসিনা এসিয়া-পেসিফিক রিজনদগী ত্রান্সপোর্ত অমসুং এভিয়েশন মন্ত্রীশিং, রেগুলেতরী বোদীশিং অমসুং ইন্দস্ত্রী এক্সপর্তশিংবু অমত্তা ওইনা পুনশিল্লগনি। কনফরেন্স অসিনা পব্লিক অমসুং প্রাইভেত সেক্তরশিংগী মরক্তা হেন্না ফজনা খুৎশম্নদুনা থবক তৌমিন্নবা অসিবু থৌগৎপগা লোইননা মরু ওইবা শিংনবশিং খুদম ওইনা ইনফ্রাস্ত্রকচর দেবেলপমেন্ত, সস্তেনেবিলিতী অমসুং ৱার্কফোর্স দেবেলপমেন্তপু য়েংশিনবদা মরু ওইবা মিৎয়েং থম্লগনি।
***
(Release ID: 2054045)
Visitor Counter : 8
Read this release in:
Bengali
,
English
,
Urdu
,
Marathi
,
Hindi
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam