Ka Ophis jong u Myntri Rangbah duh ka ri
Kyntu u Myntri Rangbah duh, Narendra Modi ia ki briew ban jied ia ki briew kiba ai mynsiem na ka bynta ki khusnam Padma Award
Posted On:
09 SEP 2024 6:09PM by PIB Shillong
U Myntri Rangbah duh, Narendra Modi u la kyntu ia ki briew jong ka ri ban iashim bynta shitrhem ha ka jingjied na ka bynta ki khusnam Padma Award.
U Modi u la ban jur ia ka jingkongsan ban ithuh ia ki riewkhraw naduh ki jaka nongkyndong kiba la nohsynniang shitkadei sha ka imlang sahlang. Ha ka jingban jur ia ka rukom treikam kaba shai bad kaba iashim bynta ha ka kam ban jied, u Modi u la pynpaw ka jingkmen jong u ha ka jingdon ki jingthep kyrteng ba la iohpdiang bad u la kyntu shuh shuh ia ki briew ban jied ia ki kandidet kiba dei hok ban ioh ia ka khusnam Padma Award lyngba ka rynsan awards.gov.in.
Ha ka post ha ka X, u Myntri Rangbah duh u la ong;
“Ha ki shiphew snem ba la leit, ngi la pynkup burom ia ki riewkhraw naduh ki jaka nongkyndong da ka #PeoplesPadma. Ka jingiaid lynti ki nongioh khusnam ka la ai mynsiem ia ki briew ba bun. Ka jingskhem bad ka jingkut jingmut jong ki, ki paw shai ha ka kam jong ki. Ha ka jingngeit ban pynlong shuh shuh ia ka kam kaba shai bad kaba iashim bynta baroh, ka sorkar jong ngi ka la kyntu ia ki briew ban jied ia kiwei kiwei na ka bynta ki khusnam Padma bapher bapher. Nga sngewkmen ba bun ki jingthep kyrteng ki la poi. Ka sngi ba khatduh ban jied kadei ha ka 15 tarik mynta u bnai. Nga kyntu ia ki briew ban jied ia ki riewkhraw kiba ai mynsiem na ka bynta ki khusnam Padma Award. Phi lah ban leh ia kane ha ka - awards.gov.in”.
************
(Release ID: 2053240)
Visitor Counter : 19
Read this release in:
Odia
,
English
,
Urdu
,
Marathi
,
Hindi
,
Bengali-TR
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam