প্রধানমন্ত্রীগী লোইশঙ
শক্নাইরবা মীওইশিং পদ্ম এৱার্দশিংগীদমক নোমিনেত তৌনবা প্রধান মন্ত্রী শ্রী নরেন্দ্র মোদীনা মীয়ামদা তকশিনখ্রে
Posted On:
09 SEP 2024 6:09PM by PIB Imphal
লেমজনিঙাই ওইরবা পদ্ম এৱার্দশিংগীদমক নোমিনেসনগী থবক্তা থৱায় য়াওনা শরুক য়ানবা প্রধান মন্ত্রী শ্রী নরেন্দ্র মোদীনা ভারতকী মীয়ামদা তকশিনখ্রে।
শ্রী মোদীনা হায়খি খুন্নাইগীদমক শিংথাবা য়াবা থবকশিং পাংথোকপা মীয়ামগা হকথেংননা থবক তৌরিবা অথৌনা ফরবা মীওইশিং ইকায়খুম্নবা উৎপা হায়বসি য়াম্না মরুওই। নোমিনেসনগী থবকশিংদা অরোন-অথুপ লৈতবা অমসুং মীয়াম শরুক য়াবগী মতাংদা, শ্রী মোদীনা হায়খি হান্নদগী মশিং হেন্না নোমিনেসনশিং লাকপা অসিদা হরাওই অমসুং ওফিসিএল পোর্তেল awards.gov.in গী খুৎথাংদা লেমজনিঙাই ওইরবা পদ্ম এৱার্দশিংগীদমক মতিক চারবা মীওইশিং নোমিনেত তৌনবা মহাক্না মীয়ামদা তকশিনখি।
প্রধান মন্ত্রীনা এক্সতা হায়খি;
“হৌখিবা চহি ১০দা, ঐখোয়না মশিং থিঙমদ্রবা মীয়ামগী থবক তৌবা অথৌবশিং #PeoplesPadma পীদুনা ইকায়খুম্নবা উৎখ্রে। মনা ফংলবশিংগী পুন্সিগী খোঙচৎশিংনা মশিং থিঙমদ্রবা মীওইশিং পুক্নিং থৌগৎলে। মখোয়গী খাংবা কনবা অমসুং হৈথোই-শিংথোইবা অদু মখোয়গী অফবা থবকশিংদা ময়েক শেংনা উবা ফংলে। থবক অসি হেন্না অরোন-অথুপ লৈতনবা অমসুং অমসুং মীয়াম শরুক য়ানবা, অতোপ্পা মীওইশিং তোঙান-তোঙানবা পদ্ম এৱার্দশিংগীদমক নোমিনেত তৌনবা ঐখোয়গী সরকারনা মীয়ামদা হায়জরি। নোমিনেসন কয়া লাকপদা ঐ হরাওই। নোমিনেত তৌবগী অরোইবা নুমিৎ থা অসিগী তাং ১৫ নি। শক্নাইরবা মীওইশিং পদ্ম এৱার্দশিংগীদমক নোমিনেত তৌনবা ঐনা হায়জরি। অদোম্না মসি awards.gov.in দা পাংথোকপা য়াগনি”।
****
(Release ID: 2053200)
Visitor Counter : 24
Read this release in:
Odia
,
Khasi
,
English
,
Urdu
,
Marathi
,
Hindi
,
Bengali-TR
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam