আজি নতুন দিল্লীত অনুষ্ঠিত হোৱা ইকনমিক টাইমছ ৱৰ্ল্ড লিডাৰ্ছ ফ’ৰামত প্ৰধানমন্ত্ৰী শ্ৰী নৰেন্দ্ৰ মোদীয়ে ভাষণ দিয়ে।

সমাৱেশত দিয়া ভাষণত প্ৰধানমন্ত্ৰীয়ে আস্থা প্ৰকাশ কৰে যে ইকনমিক টাইমছ ৱৰ্ল্ড লিডাৰ্ছ ফ’ৰামে দেশৰ উজ্জ্বল ভৱিষ্যতৰ বাবে মূল্যৱান আলোচনাৰ সুবিধা প্ৰদান কৰিব। তেওঁ এই কথাও আলোকপাত কৰে যে ভাৰতৰ ওপৰত বিশ্বব্যাপী আস্থা দৃঢ় হোৱা এই মুহূৰ্তত এই আলোচনাসমূহ সংঘটিত হৈছে।

প্ৰধানমন্ত্ৰীয়ে মন্তব্য কৰে যে ভাৰতে এক নতুন সফলতাৰ কাহিনী গঢ় দিছে, শেহতীয়া সংস্কাৰসমূহ দেশৰ অৰ্থনৈতিক প্ৰদৰ্শনত স্পষ্টভাৱে প্ৰতিফলিত হৈছে। বিগত দশকত ভাৰতৰ অৰ্থনীতি ৯০ শতাংশ বৃদ্ধি পোৱাৰ বিপৰীতে বিশ্ব অৰ্থনীতি ৩৫ শতাংশ বৃদ্ধি পোৱাৰ কথা উল্লেখ কৰি তেওঁ ভাৰতে প্ৰায়ে আশাক অতিক্ৰম কৰি আহিছে বুলি আঙুলিয়াই দিয়ে। তেওঁ এই শক্তিশালী প্ৰদৰ্শনৰ কাৰণ স্থায়ী বৃদ্ধিৰ প্ৰতিশ্ৰুতি বুলি কয় আৰু ভৱিষ্যতেও এই ইতিবাচক গতি অব্যাহত থাকিব বুলি আশ্বাস দিয়ে।

যোৱা কিছু বছৰত নাগৰিকৰ উন্নতিৰ বাবে চৰকাৰে ৰূপায়ণ কৰা ব্যাপক পৰিৱৰ্তনৰ ওপৰত আলোকপাত কৰি প্ৰধানমন্ত্ৰীয়ে উল্লেখ কৰে যে এই প্ৰচেষ্টাসমূহে লাখ লাখ লোকৰ জীৱনত প্ৰভাৱ পেলাইছে। প্ৰধানমন্ত্ৰী মোদীয়ে কয় যে, “আমাৰ সংকল্প হৈছে সুশাসন প্ৰদান কৰা।”সংস্কাৰ, পৰিৱেশন, আৰু ৰূপান্তৰ আমাৰ মন্ত্ৰ হৈ আহিছে।” তেওঁ এই কথাত গুৰুত্ব আৰোপ কৰে যে ভাৰতৰ জনসাধাৰণে বিগত দশকত চৰকাৰৰ নিষ্ঠা আৰু দেশৰ সাফল্যৰ সাক্ষী হৈ আহিছে, যাৰ ফলত জনসাধাৰণৰ মাজত আস্থা পুনৰ বৃদ্ধি পাইছে। এই বিশ্বাস নিজৰ, জাতিৰ অগ্ৰগতি আৰু চৰকাৰৰ নীতি, সিদ্ধান্ত আৰু উদ্দেশ্যৰ ওপৰতো বিস্তৃত। বিশ্বৰ নিৰ্বাচন সন্দৰ্ভত মন্তব্য কৰি প্ৰধানমন্ত্ৰীয়ে লক্ষ্য কৰে যে বিশ্বৰ বহু ভোটাৰে পৰিৱৰ্তন বাছি লৈছে, যাৰ ফলত কেইবাখনো চৰকাৰৰ বাবে প্ৰত্যাহ্বানৰ সৃষ্টি হৈছে। ইয়াৰ বিপৰীতে তেওঁ আলোকপাত কৰে যে ভাৰতীয় ভোটাৰে, ৬০ বছৰৰ পাছত প্ৰথমবাৰৰ বাবে, একক চৰকাৰক হেট্ৰিক জয় প্ৰদান কৰিছে। তেওঁ ভাৰতৰ আকাংক্ষিত যুৱক-যুৱতীসকলক তেওঁলোকৰ সমৰ্থনৰ বাবে কৃতজ্ঞতা প্ৰকাশ কৰে, ধাৰাবাহিকতা, ৰাজনৈতিক স্থিতিশীলতা, আৰু অৰ্থনৈতিক বিকাশৰ বাবে তেওঁলোকৰ সমৰ্থনৰ কথা উল্লেখ কৰে।

প্ৰধানমন্ত্ৰীয়ে গুৰুত্বসহকাৰে কয় যে ভাৰতৰ অগ্ৰগতিয়ে বিশ্বৰ শিৰোনাম দখল কৰিছে। পৰিসংখ্যাৰ তাৎপৰ্য স্বীকাৰ কৰাৰ সমান্তৰালকৈ শ্ৰী মোদীয়ে কিমান জীৱন ৰূপান্তৰিত হৈছে সেই কথা বুজাৰ গুৰুত্বৰ ওপৰত গুৰুত্ব আৰোপ কৰে। তেওঁ দৃঢ়তাৰে কয় যে ভাৰতৰ ভৱিষ্যতৰ চাবিকাঠি এই ৰূপান্তৰসমূহতে নিহিত হৈ আছে। শ্ৰী মোদীয়ে আলোকপাত কৰি কয় যে বিগত দশকত ২৫ কোটি লোকে দৰিদ্ৰতাৰ পৰা ওলাই আহি নব্য মধ্যবিত্ত শ্ৰেণী গঠন কৰিছে। তেওঁ লগতে কয় যে এই সাফল্যৰ গতি আৰু পৰিসৰ বিশ্বৰ কোনো গণতান্ত্ৰিক সমাজত অভূতপূৰ্ব। শ্ৰী মোদীয়ে এই ঐতিহাসিক পৰিৱৰ্তনৰ কাৰণ চৰকাৰৰ দৰিদ্ৰসকলৰ প্ৰতি থকা দৃষ্টিভংগীৰ পৰিৱৰ্তন বুলি কয়। তেওঁ লগতে কয় যে, তেওঁলোকৰ আকাংক্ষা আৰু যুঁজাৰু মনোভাৱৰ মাজতো দৰিদ্ৰসকলে অসংখ্য বাধাৰ সন্মুখীন হৈছে, যেনে মৌলিক সা-সুবিধাৰ অভাৱ। প্ৰধানমন্ত্ৰীয়ে উল্লেখ কৰে যে চৰকাৰে এই বাধাসমূহ আঁতৰাই আৰু সহায় আগবঢ়াই দৰিদ্ৰ লোকসকলক সবলীকৰণৰ পথ বাছি লৈছিল। এই পদ্ধতিৰ ফলত তেওঁলোকৰ জীৱনত ডিজিটেল লেনদেন আৰু জামিনমুক্ত ঋণৰ দৰে সুবিধাকে ধৰি যথেষ্ট পৰিৱৰ্তন হৈছে বুলিও তেওঁ কয়। পূৰ্বতে দৰিদ্ৰ বহু লোক এতিয়া উদ্যোগী হৈ পৰিছে, আৰু সংযোগ আৰু যন্ত্ৰৰ সহায়ত তেওঁলোক ‘উত্তম জ্ঞাত নাগৰিক’লৈ বিকশিত হৈছে নতুন আন্তঃগাঁথনিৰ বিকাশৰ বাবে পৰিচালিত। তেওঁলোকৰ সৃষ্টিশীলতাই উদ্ভাৱনৰ নতুন পথ গঢ়ি তুলিছে, তেওঁলোকৰ দক্ষতাই উদ্যোগৰ ধাৰাক প্ৰভাৱিত কৰিছে, তেওঁলোকৰ প্ৰয়োজনীয়তাই বজাৰৰ দিশ গঢ় দিছে, আৰু তেওঁলোকৰ আয় বৃদ্ধিয়ে বজাৰৰ চাহিদাক আগুৱাই লৈ গৈছে। শ্ৰী মোদীয়ে সামৰণি মাৰে, ‘ভাৰতৰ নব্য মধ্যবিত্ত শ্ৰেণীয়ে দেশৰ প্ৰগতিৰ বাবে সৰ্ববৃহৎ শক্তি হিচাপে প্ৰমাণিত হৈছে।

নিৰ্বাচনৰ ফলাফলৰ দিনা চৰকাৰৰ তৃতীয় কাৰ্যকালত তিনিগুণ গতিৰে কাম কৰাৰ প্ৰতিশ্ৰুতি স্মৰণ কৰি প্ৰধানমন্ত্ৰীয়ে চৰকাৰৰ সংকল্প এতিয়া আৰু অধিক শক্তিশালী বুলি আশ্বাস দিয়ে। তেওঁ গুৰুত্ব আৰোপ কৰে যে নাগৰিকসকলৰ দৰেই চৰকাৰতো নতুন বিশ্বাস আৰু আশাৰ সঞ্চাৰ হৈছে। তৃতীয় কাৰ্যকালৰ এতিয়াও ১০০ দিন পাৰ হোৱা নাই যদিও পি এম মোদীয়ে ভৌতিক আন্তঃগাঁথনি আধুনিকীকৰণ, সামাজিক আন্তঃগাঁথনি সম্প্ৰসাৰণ, সংস্কাৰ আগুৱাই নিয়াত গুৰুত্ব দিয়াৰ ওপৰত আলোকপাত কৰে। বিগত তিনিমাহত চৰকাৰে দৰিদ্ৰ, যুৱক-যুৱতী, মহিলা, কৃষকক উপকৃত কৰি উল্লেখযোগ্য সিদ্ধান্ত গ্ৰহণ কৰিছে। শেহতীয়া কৃতিত্বসমূহৰ ভিতৰত আছে দৰিদ্ৰৰ বাবে ৩ কোটি পকী ঘৰ নিৰ্মাণ, ইউনিফাইড পেঞ্চন আঁচনিৰ প্ৰৱৰ্তন, কৃষি আন্তঃগাঁথনি সম্প্ৰসাৰণৰ বাবে ১ লাখ কোটি টকাৰ পুঁজি, কৃষকৰ বাবে উচ্চমানৰ বীজৰ ভিন্নতা মুকলি কৰা, ২ লাখ কোটি টকাৰ পিএম ৪ কোটিতকৈ অধিক যুৱক-যুৱতীক উপকৃত কৰা পেকেজ, আৰু গ্ৰাম্য পটভূমিৰ পৰা ১১ লাখ নতুন লাখপতি দিদিৰ সৃষ্টি। শ্ৰী মোদীয়ে উল্লেখ কৰে যে মহিলাসকলৰ আৰ্থিক সবলীকৰণৰ ক্ষেত্ৰত লখপতি দিদী কাৰ্যসূচীয়ে গুৰুত্বপূৰ্ণ ভূমিকা পালন কৰিছে।

কালি প্ৰধানমন্ত্ৰী মোদীয়ে মহাৰাষ্ট্ৰৰ পালঘৰ ভ্ৰমণৰ ওপৰত আলোকপাত কৰে, য’ত তেওঁ ৭৫ হাজাৰ কোটিৰো অধিক মূল্যৰ বাধৱন বন্দৰৰ আধাৰশিলা স্থাপন কৰে। তেওঁ শেহতীয়াকৈ ৩০ হাজাৰ কোটি টকাৰ বিনিয়োগেৰে ১২খন নতুন ঔদ্যোগিক চহৰ উন্নয়নৰ সিদ্ধান্ত, আৰু ৫০ হাজাৰ কোটিতকৈ অধিক মূল্যৰ ৯টা তীব্ৰবেগী কৰিডৰ নিৰ্মাণৰ বিষয়েও আলোচনা কৰে। ইয়াৰ উপৰিও তেওঁ পুনে, থানে, আৰু বাংগালুৰু মেট্ৰ’ ব্যৱস্থাৰ সম্প্ৰসাৰণৰ কথা উল্লেখ কৰে, য’ত ৩০ হাজাৰ কোটি টকা বিনিয়োগ কৰা হৈছে। প্ৰধানমন্ত্ৰীয়ে আৰু উল্লেখ কৰে যে লাডাখৰ বিশ্বৰ অন্যতম উচ্চতম সুৰংগৰ কাম আৰম্ভ হৈছে।

আজি প্ৰধানমন্ত্ৰীয়ে ভাৰতৰ আন্তঃগাঁথনি উন্নয়নৰ এক বৃহৎ মাইলৰ খুঁটি স্থাপনেৰে তিনিখন নতুন বন্দে ভাৰত ৰে’ল উদ্বোধন কৰে। তেওঁ চৰকাৰৰ পৰিৱৰ্তনশীল পদ্ধতিৰ ওপৰত আলোকপাত কৰি কয়, “আমাৰ বাবে আন্তঃগাঁথনি কেৱল দৈৰ্ঘ্য, প্ৰস্থ আৰু উচ্চতা বৃদ্ধি কৰাটোৱেই নহয়; ভাৰতৰ নাগৰিকসকলৰ জীৱন-যাপনৰ সহজতা উন্নত কৰাৰ কথা।” ভাৰতীয় ৰে’লৱেৰ উন্নতিৰ ওপৰত গুৰুত্ব আৰোপ কৰি তেওঁ উল্লেখ কৰে যে ৰে’ল ডবা সদায় এই ব্যৱস্থাৰ অংশ হৈ আহিছে যদিও বন্দে ভাৰতৰ দৰে আধুনিক ৰে’লে বৰ্ধিত গতি আৰু আৰাম প্ৰদান কৰে। তেওঁ লগতে কয়, ‘এই নতুন ৰে’লসমূহৰ আৰম্ভণিৰ উদ্দেশ্য হৈছে দেশৰ পৰিবহণ আন্তঃগাঁথনিত বৈপ্লৱিক পৰিৱৰ্তন আনিবলৈ এক বহল দৃষ্টিভংগীৰ অংশ, দ্ৰুতগতিত আধুনিকীকৰণ কৰা জাতিৰ প্ৰয়োজনীয়তা পূৰণ কৰা।’

দেশৰ সংযোগ বৃদ্ধিৰ বাবে চৰকাৰৰ দায়বদ্ধতাক সম্প্ৰসাৰণ কৰি শ্ৰী মোদীয়ে মন্তব্য কৰে যে, “পূৰ্বতে পথ নিৰ্মাণ কৰা হৈছিল যদিও আমি এতিয়া সমগ্ৰ ভাৰতত আধুনিক এক্সপ্ৰেছৱেৰ নেটৱৰ্ক স্থাপন কৰিছো।” তেওঁ বিমান সংযোগ উন্নত কৰাৰ প্ৰচেষ্টাৰ বিষয়ে আৰু বিশদভাৱে কয়, উল্লেখ কৰে যে বিমানবন্দৰ পূৰ্বেও আছিল যদিও এতিয়া চৰকাৰে টায়াৰ-২ আৰু টায়াৰ-৩ চহৰসমূহক বিমান যাত্ৰাৰ সৈতে সংযোগ কৰিছে। এই পদক্ষেপৰ লক্ষ্য হৈছে আধুনিক যাতায়তৰ সুবিধাসমূহ দেশৰ প্ৰতিটো কোণলৈ সম্প্ৰসাৰিত কৰা।

প্ৰধানমন্ত্ৰীয়ে চৰকাৰী বিভাগসমূহৰ মাজত থকা বাধাসমূহ ভাঙি আন্তঃগাঁথনি উন্নয়নৰ ক্ষেত্ৰত এক ঐক্যবদ্ধ, সমন্বিত দৃষ্টিভংগীক প্ৰসাৰিত কৰাৰ লক্ষ্যৰে প্ৰধানমন্ত্ৰী গতি শক্তি ৰাষ্ট্ৰীয় গুৰু আঁচনিৰ ওপৰতো আলোকপাত কৰে। চৰকাৰৰ পদক্ষেপসমূহৰ বহল অৰ্থনৈতিক সুবিধাসমূহৰ ওপৰত গুৰুত্ব আৰোপ কৰি তেওঁ মন্তব্য কৰে যে এই প্ৰচেষ্টাসমূহে উল্লেখযোগ্য নিয়োগৰ সুযোগ সৃষ্টি কৰিছে আৰু আমাৰ অৰ্থনীতি আৰু উদ্যোগত গভীৰ ইতিবাচক প্ৰভাৱ পেলাইছে।

ভৱিষ্যৎৰ প্ৰতি লক্ষ্য ৰাখি শ্ৰী মোদীয়ে ঘোষণা কৰে যে একবিংশ শতিকাৰ তৃতীয় দশক ভাৰতৰ বাবে এক গুৰুত্বপূৰ্ণ সময় হ’ব। তেওঁ এই গতিবেগ বজাই ৰখা আৰু উন্নয়নৰ সুবিধাসমূহ যাতে সমগ্ৰ দেশৰ সকলো নাগৰিকৰ বাবে সুলভ হয়, তাৰ বাবে সামূহিক দায়িত্বৰ ওপৰত গুৰুত্ব আৰোপ কৰে। ভাৰতৰ অৰ্থনীতি আৰু ব্যক্তিগত খণ্ডৰ অংশীদাৰসকলক সম্বোধন কৰি তেওঁ উন্নত ৰাষ্ট্ৰ হোৱাৰ দিশত ভাৰতৰ অগ্ৰগতিৰ মূল স্তম্ভসমূহৰ ওপৰত আলোকপাত কৰি উল্লেখ কৰে যে, “এই স্তম্ভসমূহ কেৱল ভাৰতৰ সমৃদ্ধিৰ ভেটি নহয়, বিশ্বৰ সমৃদ্ধিৰ ক্ষেত্ৰতো অৰিহণা যোগায়।” ভাৰতে বিভিন্ন খণ্ডত ক্ৰমবৰ্ধমান সুযোগৰ অভিজ্ঞতা লাভ কৰি থকাৰ সময়তে প্ৰধানমন্ত্ৰীয়ে দেশৰ দীৰ্ঘম্যাদী দৃষ্টিভংগীৰ সৈতে মিল থকা পদক্ষেপসমূহক সমৰ্থন কৰাৰ বাবে চৰকাৰৰ দায়বদ্ধতাক পুনৰ দৃঢ় কৰে। তেওঁ এক উল্লেখযোগ্য জাঁপ আগবঢ়াই যোৱাৰ প্ৰয়োজনীয়তাৰ ওপৰত গুৰুত্ব আৰোপ কৰি কয় যে চৰকাৰখন এক ব্যাপক, দীৰ্ঘম্যাদী কৌশল গ্ৰহণৰ বাবে উৎসৰ্গিত।

শ্ৰী মোদীয়ে গুৰুত্ব সহকাৰে কয়, ‘ভাৰতক বিশ্বব্যাপী উৎপাদন কেন্দ্ৰ হিচাপে গঢ়ি তোলাটো প্ৰতিজন ভাৰতীয়ৰ আকাংক্ষা। তেওঁ উল্লেখ কৰে যে ভাৰতৰ পৰাও এইটোৱেই বিশ্বৰ আশা আৰু এই লক্ষ্যত উপনীত হ’বলৈ এক বিপ্লৱ চলি আছে। প্ৰধানমন্ত্ৰীয়ে এম এছ এম ইসমূহক এতিয়া প্ৰদান কৰা উল্লেখযোগ্য সহায়ৰ ওপৰত আলোকপাত কৰে, পূৰ্বৰ তুলনাত। তেওঁ প্লাগ-এণ্ড-প্লে ঔদ্যোগিক উদ্যান আৰু অৰ্থনৈতিক কৰিডৰৰ উন্নয়নৰ লগতে জটিল খনিজ উৎপাদনৰ প্ৰসাৰকে ধৰি কেইবাটাও পদক্ষেপৰ ৰূপৰেখা দাঙি ধৰে। শ্ৰী মোদীয়ে ভাৰতত প্ৰডাকচন লিংকড ইনচেন্টিভ (পিএলআই) আঁচনিৰ অভূতপূৰ্ব সফলতাৰ কথাও আঙুলিয়াই দিয়ে।

ঔপনিৱেশিক শাসনৰ পূৰ্বৰ সময়ছোৱাৰ কথা চিন্তা কৰি প্ৰধানমন্ত্ৰীয়ে উল্লেখ কৰে যে ভাৰতৰ সমৃদ্ধি বহুলাংশে ইয়াৰ চহকী জ্ঞান ব্যৱস্থাৰ ওপৰত নিৰ্মিত, যিটো উন্নত ভাৰতৰ বাবে এক গুৰুত্বপূৰ্ণ স্তম্ভ হৈয়েই আছে। তেওঁ ভাৰতক দক্ষতা বিকাশ, জ্ঞান, গৱেষণা, আৰু উদ্ভাৱনৰ কেন্দ্ৰ হিচাপে প্ৰতিষ্ঠা কৰিবলৈ উদ্যোগ আৰু শিক্ষাৰ মাজত অংশীদাৰিত্ব গঢ়ি তোলাৰ চৰকাৰৰ প্ৰচেষ্টাৰ ওপৰত আলোকপাত কৰে। শ্ৰী মোদীয়ে জোৰ দি কয় যে এই গুৰুত্ব এইবাৰৰ বাজেটত স্পষ্ট হৈ পৰিছে, য’ত ১ লাখ কোটি টকাৰ যথেষ্ট পৰিমাণৰ গৱেষণা পুঁজি অন্তৰ্ভুক্ত কৰা হৈছে। লগতে মধ্যবিত্তীয় পৰিয়ালসমূহে বহিঃৰাজ্যত অধ্যয়নৰ বাবে কৰা উল্লেখযোগ্য ব্যয়ৰ বিষয়েও সম্বোধন কৰি ভাৰতৰ আগশাৰীৰ বিদেশী বিশ্ববিদ্যালয়ৰ চৌহদ খুলি এই খৰচসমূহ লাঘৱ কৰাৰ বাবে চৰকাৰে পদক্ষেপ গ্ৰহণ কৰা বুলি ঘোষণা কৰে। তদুপৰি শ্ৰী মোদীয়ে আঙুলিয়াই দিয়ে যে বিগত দশকত প্ৰায় ১ লাখ নতুন এমবিবিএছ-এমডি আসন সৃষ্টি হৈছে, যিটো স্বাধীনতাৰ পিছত প্ৰথম সাতটা দশকত ৮০ হাজাৰ আসন সৃষ্টি হৈছিল। তেওঁ স্বাধীনতা দিৱসৰ ভাষণত অহা পাঁচ বছৰত ৭৫ হাজাৰ নতুন চিকিৎসা আসন সংযোজনৰ ঘোষণা স্মৰণ কৰি কয় যে এই ব্যৱস্থাসমূহে অদূৰ ভৱিষ্যতে ভাৰতক বিশ্বজুৰি স্বাস্থ্য আৰু সুস্থতাৰ এক গুৰুত্বপূৰ্ণ কেন্দ্ৰ হিচাপে স্থান দিব।

প্ৰধানমন্ত্ৰী মোদীয়ে ভাৰতৰ “গ্ল’বেল ফুড বাস্কেট” হোৱাৰ প্ৰতিশ্ৰুতিৰ ৰূপৰেখা দাঙি ধৰি এই লক্ষ্যত গুৰুত্ব আৰোপ কৰে যে বিশ্বৰ প্ৰতিখন ডাইনিং টেবুলত ভাৰতত নিৰ্মিত অন্ততঃ এটা খাদ্য সামগ্ৰী থাকিব লাগে। এই দৃষ্টিভংগী লাভ কৰিবলৈ তেওঁ কয় যে চৰকাৰে জৈৱিক আৰু প্ৰাকৃতিক উভয় কৃষি পদ্ধতি সক্ৰিয়ভাৱে প্ৰসাৰিত কৰাৰ লগতে ভাৰতৰ দুগ্ধ আৰু সাগৰীয় খাদ্য সামগ্ৰীৰ মান উন্নত কৰিছে। শেহতীয়া কৃতিত্বৰ ওপৰত চিন্তা কৰি শ্ৰী মোদীয়ে ভাৰতে নিজেই আৰম্ভ কৰা আন্তৰ্জাতিক বাজৰাৰ বছৰ উদযাপনৰ ক্ষেত্ৰত ভাৰতৰ ভূমিকাক আলোকপাত কৰে। “পৃথিৱীৰ বজ্ৰাৰ সৰ্বাধিক উৎপাদনকাৰী কোন? ই ভাৰত৷’ পৰিৱেশ আৰু অগ্ৰগতি দুয়োটাৰে বাবে ছুপাৰফুডৰ উপকাৰিতাৰ ওপৰত গুৰুত্ব আৰোপ কৰি তেওঁ গৌৰৱেৰে লক্ষ্য কৰে। প্ৰধানমন্ত্ৰীয়ে খাদ্য উদ্যোগত দেশখনৰ ক্ৰমবৰ্ধমান প্ৰাধান্য চিহ্নিত কৰি শীৰ্ষ বিশ্বব্যাপী খাদ্য ব্ৰেণ্ডসমূহৰ মাজত ভাৰতৰ উপস্থিতি বৃদ্ধি পোৱাত সন্তুষ্টি প্ৰকাশ কৰে।

বিকশিত ভাৰতৰ আন এক গুৰুত্বপূৰ্ণ স্তম্ভলৈ মনোযোগ স্থানান্তৰিত কৰি প্ৰধানমন্ত্ৰীয়ে সেউজ শক্তি খণ্ডৰ তাৎপৰ্যৰ ওপৰত আলোকপাত কৰে। তেওঁ জি-২০ত ভাৰতৰ সফলতাৰ ওপৰত গুৰুত্ব আৰোপ কৰে, য’ত গ্ৰীণ হাইড্ৰ’জেন ইনিচিয়েটিভে অংশগ্ৰহণকাৰী সকলো দেশৰ পৰা সমৰ্থন লাভ কৰে। ইয়াৰ পিছত প্ৰধানমন্ত্ৰীয়ে ২০৩০ চনৰ বাবে ভাৰতৰ অভিলাষী লক্ষ্য ঘোষণা কৰে: ৫০ লাখ টন সেউজ হাইড্ৰ’জেন উৎপাদনৰ ক্ষমতা গঢ়ি তোলা আৰু ৫০০ গিগাৱাট নবীকৰণযোগ্য শক্তি উৎপাদন।

প্ৰধানমন্ত্ৰী মোদীয়ে প্ৰযুক্তিৰ সমান্তৰালভাৱে ভাৰতৰ বৃদ্ধিৰ এক মূল স্তম্ভ হিচাপে পৰ্যটনৰ গুৰুত্বপূৰ্ণ ভূমিকাত গুৰুত্ব আৰোপ কৰে, যিয়ে ইতিমধ্যে দেশৰ অগ্ৰগতিৰ বাবে প্ৰেৰণা যোগাইছে। তেওঁ ঘোষণা কৰে যে ভাৰতে বিশ্বৰ সকলো খণ্ডৰ পৰ্যটকৰ বাবে প্ৰধান গন্তব্যস্থান হ’বলৈ চেষ্টা কৰিছে। তেওঁ দেশৰ ঐতিহাসিক আৰু সাংস্কৃতিক স্থানসমূহ বৃদ্ধি আৰু সৰু সৰু বিলসমূহ উন্নয়নৰ বাবে চলি থকা প্ৰচেষ্টাসমূহৰ ওপৰত আলোকপাত কৰে। ইয়াৰ উপৰিও তেওঁ ‘দেখো নিজৰ দেশ, পিপলছ চয়ছ’ অভিযানৰ প্ৰতি দৃষ্টি আকৰ্ষণ কৰে, য’ত নাগৰিকে মিছন মোডত উন্নয়নৰ বাবে ভাৰতৰ শীৰ্ষ পৰ্যটন স্থলী চিনাক্ত কৰিবলৈ ভোটদান কৰি আছে। তেওঁ লগতে কয় যে এই পদক্ষেপে উল্লেখযোগ্য নিয়োগৰ সুযোগ সৃষ্টি কৰিব।

বিশেষকৈ গ্ল’বেল চাউথৰ বাবে সৰ্বাংগীন বিশ্ব উন্নয়নৰ গুৰুত্বৰ ওপৰতো প্ৰধানমন্ত্ৰীয়ে আলোকপাত কৰে। ভাৰতৰ জি-২০ ৰাষ্ট্ৰপতিত্বৰ বিষয়ে চিন্তা কৰি তেওঁ উল্লেখ কৰে যে, “ভাৰতে গ্ল’বেল চাউথৰ কণ্ঠ শক্তিশালী কৰিলে আৰু আমাৰ আফ্ৰিকান বন্ধুসকলক সমৰ্থন কৰিলে।” তেওঁ এনে ভৱিষ্যতৰ কল্পনা কৰিছিল য’ত গ্ল’বেল চাউথৰ উল্লেখযোগ্য সম্ভাৱনা আছে, য’ত ভাৰতে বিশ্ব ভ্ৰাতৃত্ববোধৰ মনোভাৱেৰে এই জাতিসমূহৰ বাবে কণ্ঠস্বৰ হিচাপে কাম কৰিব। তেওঁ দৃঢ়তাৰে কয় যে আমি এনে এক বিশ্ব ব্যৱস্থাৰ আকাংক্ষা কৰোঁ যিয়ে সকলোৰে বাবে অন্তৰ্ভুক্ত উন্নয়ন নিশ্চিত কৰে, বিশেষকৈ গ্ল’বেল চাউথৰ বাবে।

নিত্য পৰিৱৰ্তিত বিশ্ব পৰিৱেশক স্বীকাৰ কৰি শ্ৰী মোদীয়ে ভাৰত চৰকাৰৰ নীতি আৰু কৌশলৰ অভিযোজন ক্ষমতাৰ ওপৰত আলোকপাত কৰে। “আমাৰ গুৰুত্ব ভৱিষ্যতৰ ওপৰত। আমি আজি দেশখনক কাইলৈৰ প্ৰত্যাহ্বান আৰু সুযোগৰ বাবে প্ৰস্তুত কৰিছো।’ প্ৰধানমন্ত্ৰীয়ে মহাকাশ প্ৰযুক্তিৰ উন্নতিৰ বাবে শেহতীয়াকৈ ১০০০ কোটি টকাৰ আবণ্টনৰ কথাও উল্লেখ কৰি জোৰ দি কয় যে, “আজিৰ ভাৰত সুযোগৰ দেশ, আৰু আমি নিশ্চিত যে ভাৰতৰ ভৱিষ্যত আৰু উজ্জ্বল হ’ব।”

সামৰণি ভাষণত প্ৰধানমন্ত্ৰী মোদীয়ে ২০৪৭ চনৰ ভিতৰত ভাৰতৰ বিক্ষিত ভাৰত হোৱাৰ দায়বদ্ধতাক পুনৰ দৃঢ় কৰে।তেওঁ সকলো নাগৰিক আৰু অংশীদাৰক এই যাত্ৰাত সক্ৰিয়ভাৱে জড়িত হ’বলৈ আহ্বান জনায় আৰু অধিক ভাৰতীয় কোম্পানীয়ে বিশ্বজুৰি প্ৰাধান্য লাভ কৰা দেখাৰ ইচ্ছা প্ৰকাশ কৰে। তেওঁ ঘোষণা কৰে যে আমি বিচাৰো যে ভাৰতে বিশ্বৰ প্ৰতিটো খণ্ডতে আগবাঢ়ি যাওক। তেওঁ আশ্বাস দিয়ে, “আমি বৃদ্ধিৰ বাবে সুবিধা, সংস্কাৰ, আৰু এক সুস্থিৰ নীতিগত ব্যৱস্থা প্ৰদান কৰাৰ প্ৰতিশ্ৰুতি দিছো। আপুনি উদ্ভাৱন, প্ৰদৰ্শন, ইতিবাচক বিঘিনি সৃষ্টি, আৰু উচ্চমানৰ ওপৰত গুৰুত্ব দিয়াৰ প্ৰতিশ্ৰুতি দিব লাগে।” সকলোকে ডাঙৰ চিন্তা কৰিবলৈ আৰু ভাৰতৰ সফলতাৰ কাহিনী ৰচনা কৰাত সহযোগিতা কৰিবলৈ উৎসাহিত কৰি তেওঁ কয়, “আজিৰ ভাৰতে সম্পদ সৃষ্টিকৰ্তাক মূল্য দিয়ে। এখন সমৃদ্ধিশালী ভাৰতে বিশ্বৰ সমৃদ্ধিৰ বাট মুকলি কৰিব পাৰে।” তেওঁ উদ্ভাৱন, অন্তৰ্ভুক্তি, আৰু আন্তঃৰাষ্ট্ৰীয় সহযোগিতাৰ নীতিসমূহ পালন কৰিবলৈ আহ্বান জনায় আৰু দেশ-বিদেশৰ প্ৰতিজন ভাৰতীয়ক আহ্বান জনায় যে “এই পথটো একেলগে চলিব লাগে, কাৰণ ভাৰতৰ সমৃদ্ধিতেই বিশ্বৰ সমৃদ্ধি নিহিত হৈ আছে।” এই লক্ষ্য সাধনযোগ্য বুলি তেওঁ ভাষণৰ সামৰণি মাৰে।

***

MJPS/SR/TS