য়ুমলৈ-কৈরৈ মন্ত্রালয়
চাওখৎপা অমসুং নুংঙাই য়াইফবা লদাখ অমা শেমগৎনবগী প্রধান মন্ত্রী শ্রী নরেন্দ্র মোদীগী মঙলান মঙফাওনহন্নবগীদমক, গৃহ মন্ত্রালয়না য়ুনিয়ন তেরিতরী অসিদা নৌবা দিস্ত্রিক্ত ৫ শেম্নবা ফিরেপ লৌখ্রে
কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহনা, জান্সকর, দ্রাস, সাম, নুব্রা অমসুং চাংথাং হায়রিবা অনৌবা দিস্ত্রিক্ত ৫গী এদিমিনিস্ত্রেসন মপাঙ্গল কনখৎহন্নবগী পুৱারী ওইরবা ৱারেপ অসিনা লমদমদুগী মীওইশিংবু লৈঙাক্কী স্কীমশিংগী কান্নবা মখোয়গী থোঙজিলদা ফংহনবা ঙমগনি হায়খ্রে
মোদী লৈঙাক্না লদাখকী মীয়ামগীদমক য়াম্লবা পোজিবিলিতীশিং শেম্নবা লেপ্লি
অনৌবা দিস্ত্রিক্তশিং অসি শেম্বগা লোয়ননা, লৈঙাক্কী য়াইফ-থৌরাংগী স্কীম পুম্নমক মীয়ামদা লায়না য়ৌরগনি অমসুং মসিদগী মী মশিং হেন্না হেন্না কান্নবা ফংলগনি
মরুওইবা ৱারেপ অসি লদাখতা মায়কৈ শুনা চাওখৎপা পুরকপদা য়াম্না কান্নবা ওইরগনি
Posted On:
26 AUG 2024 1:15PM by PIB Imphal
চাওখৎপা অমসুং নুংঙাই য়াইফবা লদাখ অমা শেমগৎনবগী প্রধান মন্ত্রী শ্রী নরেন্দ্র মোদীগী মঙলান মঙফাওনহন্নবগীদমক, গৃহ মন্ত্রালয়না য়ুনিয়ন তেরিতরী অসিদা নৌবা দিস্ত্রিক্ত ৫ শেম্নবা ফিরেপ লৌখ্রে।
পুৱারী ওইরবা ৱারেপ অসিগী মরমদা X প্লেতফোর্মদা থাগৎপা পোস্ত অমদা পাউদম্লদুনা, কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহনা, জান্সকর, দ্রাস, সাম, নুব্রা অমসুং চাংথাং হায়রিবা অনৌবা দিস্ত্রিক্ত ৫ অসিনা মীয়ামগী কান্নবশিং মখোয়গী ধোঙজিলদা য়ৌহন্দুনা কাচিন কোয়া শিন্বা থুংনা গভর্নেন্সকী মপাঙ্গল কনখৎহল্লগনি হায়খি। দিস্ত্রিক্ত মঙা অসি শেম্লবা মতুংদা হৌজিক লদাখতা লেহ অমসুং কার্গিল য়াওরগা পুন্না দিস্ত্রিক্ত তরেৎ লৈরগনি।
লদাখ পাক চাউবগী মতুং ইন্না য়াম্না চাওবা য়ুনিয়ন তেরিতরী অমনি। হৌজিক হৌজিক লদাখকী– লেহ অমসুং লদাখ হায়না দিস্ত্রিক্ত অনি লৈ। মসি ভারতকী মী খ্বায়দগী লন্না তাবা মফমশিংগী মনুংদা অমনি। য়াম্না খুদোংথিনিংঙাই ওইবা অমসুং চঙশিন্বা পাক হেক ঙমদবা মফম ওইবনা, হৌজিক দিস্ত্রিক্ত এদমিনিস্ত্রেসন্না গ্রাসরুত্স লেভেলদা য়ৌশিন্বদা খুদোংথিবা কয়া মায়োক্নরম্মি। হায়রিবা দিস্ত্রিক্তশিং অসি শেম্লবা মতুংদা, হৌজিক্তি কেন্দ্র লৈঙাক অমসুং লদাখ এদমিনিস্ত্রেসনগী মীয়ামগী য়াইফ-থৌরাং স্কীমশিং মীয়ামদা লায়না য়ৌহন্বা ঙম্লগনি অমসুং মীশিং হেন্না হেন্না মখোয়গী কান্নবা লৌবা ঙম্লগনি। MHA গী মরুওইবা ৱারেপ অসিনা লদাখতা মায়কৈ শুনা চাওখৎপা পুরকপদা য়াম্না কান্নবা ওইরগনি।
অনৌবা দিস্ত্রিক্ত মঙা শেম্নবগী “ইন-প্রিন্সপল এপ্রুভেল” পীবগা লোয়ননা, গৃহ মন্ত্রালয়না লদাখ এদমিনিস্ত্রেসন্দা, হেদক্বার্তর্স, ঙমখৈ, স্ত্রকচর, পোস্ত শেম্বা অসিনচিংবা অমদি অতৈ দিস্ত্রিক্ত শেম্বগা মরী লৈনবা তোঙান তোঙানবা ৱাফমশিং য়েংশিন্নবা কম্মিতী অমা শেম্ননবা, অমসুং মদুগী রিপোর্ত থা অহুমগী মনুংদা থাগৎলক্নবা খঙহনখ্রে। হায়রিবা কম্মিতী অসিগী রিপোর্ত ফংলবা মতুংদা, লদাখ য়ুনিয়ন তেরিতরীনা রিপোর্ত অসিদা য়ুম্ফম ওইরগা অনৌবা দিস্ত্রিক্ত শেম্বগী অরোয়বা প্রপোজেল গৃহ মন্ত্রালয়দা মখা তাবা থবক পায়খৎনবগীদমক থাগনি।
নরেন্দ্র মোদী লৈঙাক্না লদাখকী মীয়ামগীদমক য়াম্লবা পোজিবিলিতীশিং শেম্নবা মপুং ফানা লেপ্লি।
*****
(Release ID: 2048930)
Visitor Counter : 29