প্রধান মন্ত্রী - লাখপতি দিদি ওইরবশিং অমসুং লাখপতি দিদি ওইদ্রিবশিংগী মরক্তা করি ৱারি শান্নগনি ?

লাখপতি দিদি - লাখপতি দিদি ওইরবশিংগী, মখোয়গী য়ুমশিংগী ফিবম, মখোয়গী থবক তোঙাল্লি অমসুং মখোয় মশামক মশা মরোমদোম লেপচবা ঙম্লে। মহাক্না মহাক্কী ইমুং-মনুংগী চাদিং ফজনা পুবা ঙম্লে। সার, ঐগী দিবয়াং ইনাওনুপী অনি লৈরি। মখোয়শু শৌগৎলি। অহানবদা মখোয় উবদা ঐ য়াম্না হরাওই।

প্রধান মন্ত্রী - মহাকশু লাখপতি দিবয়াং দিদি অমা ওইবরা ?

লাখপতি দিদি – হোই, মহাকশু লাখপতি দিবয়াং দিদি অমা ওইরে।

প্রধান মন্ত্রী – মখোয় করি থবক শুবগে ?

লাখপতি দিদি –অমনা দোনা পাত্তলগী ললোন-ইতিক তৌরি, অমনা কিরানাগী দুকান ফম্লি। ঐ ইশামক লাখপতি সি.আর.পিনি। ঐ লুপা লাখ অহুমদগী লুপা লাখ ৪ ফাওবা তানবা ঙম্মী অমসুং ঐনা ঐগী ইনাওনুপীশিং লাখপতি সি.আর.পি অমা ওইহল্লে।

লাখপতি দিদি –ঐশু লাখপতি দিদিনি। ঐনা নুপী ২৬০ লাখপতি দিদি ওইহল্লে।

প্রধান মন্ত্রী –অদোম লাখপতি দিদি ওইরবদি অদোম্না চহি অমদা লুপা কয়া তানবা ঙম্বগে?

লাখপতি দিদি –ঐ চহি অমদা লুপা লাখ ৮ তানবা ঙম্মী।

প্রধান মন্ত্রী – লুপা লাখ ৮ ?

লাখপতি দিদি – হোই সার।

প্রধান মন্ত্রী - নহাক্না শরুক অনি হেন্না তাল্লে। মসি ঙম্নবা হোৎনবদা চহি কয়া চঙবগে ?

লাখপতি দিদি – সার, ঐগী থবক অসি চহি ৫ মপুংফারে।

প্রধান মন্ত্রী – অদোম অসাম পুম্নমক্কী মীয়ামগী অচৌবা ইথিল অমা ওইরে।

লাখপতি দিদি – হোই। ঐ হৌজিক জিরো অমা ওইরম্বদগী হিরো অমা ওইরে।

প্রধান মন্ত্রী – য়াম্না ফরে !

লাখপতি দিদি – ঐখোয়গী শখি মন্দলগী মমিং অতিয়ুতামাম শখি মন্দল হায়না কৌই। মসিদা ঐখোয়না য়ুমদা খুৎশা শাবা পোৎলম কয়া পুথোক্লি। শারিবা পোৎলমশিং ইমুং-মনুংদা শীজিন্নবা ঙাক্তনি। সারাস মেলা, ভাইব্রেন্ত গুজরাত, মোনসুন ফেস্তিবেলশিং পাংথোকখ্রে। মখোয়না ঐখোয়দা ঐখোয়গী পোৎথোকশিং উৎনবগী অফবা মফম অমা পীরে। চহি অমদা ঐখোয়না লুপা লাখ ৩০ হেনবগী পোৎথোকশিং য়োনখি।

প্রধান মন্ত্রী – লুপা লাখ ৩০।

লাখপতি দিদি – সার, লুপা লাখ ৩০ হেনবগী তর্নওভরনি অমসুং ঐখোয়গী শেন্দোংনা লুপা লাখ ১২ নি।

লাখপতি দিদি –সার, নুপী ১০ পুন্দুনা সেনিতরি নেপকিন কম্পেনি অমা লিংখৎলে।

প্রধান মন্ত্রী – অদোমগী খুঙ্গং অদু লাতুরদগী কয়া য়াম্না লাপ্পগে ?

লাখপতি দিদি – সার, কিলোমিতর ২০ লাপ্পী।

প্রধান মন্ত্রী – কিমিলোমিতর ২০। কম্পেনি অসি থবক হৌরকপদা দিদি কয়া শরুক য়াখিবগে ?

লাখপতি দিদি – মতম অদুদা দিদি ১০ শরুক য়াখি। কনাগুম্বা অমতা শরুক য়ানবা থৌরাং তৌখিদে অমসুং ইকায়বা ফাওবদগী কনাগুম্বা অমতনা সেনিতরি নেপকিনগী মরমদা ৱা অমতা ঙাংখিদে। ঐখোয়না মসি ঙাংবা য়াই, মহাক্না মসি ঙাংবা য়াদে হায়বা লৈখি।

প্রধান মন্ত্রী – তর্নওভর কয়া লৈখিবগে ?

লাখপতি দিদি – সার, লুপা লাখ ৫ গী তর্নওভর ওইখি।

প্রধান মন্ত্রী – অদোম কমদৌনা হিন্দী ফজনা ঙাংবা ঙম্লিবনো ?

লাখপতি দিদি – সার, খর খর ঙাংবদগী অসুম্না ঙম্লকপনি।

প্রধান মন্ত্রী – য়াম ফরে, অদোম্না পোৎথোকশিং অদু মহারাস্ত্রাগী ৱাংমদশু য়োনবরা ?

লাখপতি দিদি – য়োন্দো সার, মহারাস্ত্রা খক্তদা য়োল্লি। নুপীশিংগী ফিবম ফগৎনবা স্কিম পায়খৎপগীদমক ঐনা অদোম থাগৎচরি অমসুং ঐখোয়না থবক শুবা ফংবা অসিদা অদোম্না মরুওইবা থৌদাং অমা লৌরে। মফম অসিদা ঐখোয় পাম্বৈ অমা ওইরি। খুদিংমক অদোম্না শেম্বনি। ঐখোয়না চৎপা খক্তনি।

লাখপতি দিদি – ঐ ২০১৭ দগী বেঙ্ক শখি অমা ওইনা থবক তৌরকখি।

প্রধান মন্ত্রী - হৌজিক অদোম লুপা কয়া তানবা ঙম্লবগে ?

লাখপতি দিদি –হৌজিক ঐ লুপা লাখ ৪.৫ দগী লুপা লাখ ৫ ফাওবা তানবা ঙম্লে।

প্রধান মন্ত্রী – অদোম মফম অসিদা থবক শুবরা ?

লাখপতি দিদি – হোই।

প্রধান মন্ত্রী - মখোয় য়ুমদা চৎলসি।

লাখপতি দিদি - সার ঐনা পুগনি অদোমশু চৎসি।

প্রধান মন্ত্রী –হোই, কনানা ঐ পুবীগনি, কনা অমতনা চৎসি হায়রক্তে।

লাখপতি দিদি – ঐ খঙই সার, ঐ মফম অদুদা থবক শুবনি। খুঙ্গংগী নুপীশিং বেঙ্কতা চৎপদা খুদোংচাদবশিং থেংনখি, মখোয়না য়ুমদশু খুদোংচাদবা থেংনৈ। ঐনা মখোয়গী য়ুমদা চৎখি অমসুং মখোয়গী একাউন্তশিং হাংদোকখি।

লাখপতি দিদি – সার, ঐ ঙরাংগী ৱারি অমা তমগে। সার, ঙরাং ঐগী ইচানুপীদা মহাক্কী স্কুলদা নহাক্কী মমা কদাইদা চৎখিবগে হায়না হংখি ?

প্রধান মন্ত্রী – হোই।

লাখপতি দিদি – সার, ঐগী ইচানুপীনা চাউথোকচনা ঐগী ইমা মহারাস্ত্রাদা চৎখি অমসুং মোদীজি উনবা চৎখি হায়না খুমখি। সার, অদোম্না ঈরুপ্পা লাকপা মতম অদুদা ঐনা অদোম উনবা ফংখিদে। অদুবু ঙসিদি অদোমগা উনবগী খুদোংচাবা অমা ফংলে, ঐখোয় লাইবক য়াম্না ফরে।

প্রধান মন্ত্রী – ঐ মমাঙদা সিরমাওরদা কয়ারক লাকখ্রে।

লাখপতি দিদি – সার, ২০২৩ দা মালেমগী মিল্লেতশিং চহি থৌরম পাংথোকখি। সার, ঐখোয় মিল্লেতশিংগী ত্রেনিং শরুক য়াখি। ঐখোয়না মিল্লেত কেফে অমা চল্লাইনবা ত্রেনিং অমা শরুক য়াখি। ঐখোয় দিদি ৩৮ মফম অদুদা থবক তৌখি।

প্রধান মন্ত্রী – অদোম লুপা কয়া তানবা ঙম্বগে?

লাখপতি দিদি – সার, ঐগী থাগী তোলোব লুপা লিশিং ৩০ নি। চহি অমগী ঐগী অপুনবা শেন্থোক অসি লুপা লাখ ৩.৩০ নি।

লাখপতি দিদি – ঐ শা-উচেক নুংশিজবা মীওই অমনি অমসুং গুজরাত্তা এন.দি.দিগী মতেং পাংবা শিন্মী অমসু ওইরি অমসুং ঐ ইশামক লাখপতি দিদি অমনি অমসুং ঐগা লোয়ননা নুপী ৮৮ থবক শুমিন্নরি।

লাখপতি দিদি –ঐগী গ্রুপকী মমিং জয় মাতা দি কৌই। ঐখোয়গী গ্রুপ অসিদা লৌমী ৫০০ পাসু শখিশিং ওইনা থবক তৌরি। ঐ লৌমী ৫০০গী মরক্তা য়াওরি।

প্রধান মন্ত্রী – ৫০০

লাখপতি দিদি – লৌমী ৫০০ গা লোয়ননা।

লাখপতি দিদি – ঐগী থবক্তি দিদিশিংগী মতেং পাংবনি। ঐনা লৌমীশিংগী লোন পীবদা মতেং পাংলি অমসুং মখোয় চাউখৎনবা মতেং পাংলি। ঐনা চহি অমদা লুপা লাখ ১.৫০ তানবা ঙম্মী।

প্রধান মন্ত্রী – লুপা লাখ ১.৫০ ।

লাখপতি দিদি – হোই সার।

প্রধান মন্ত্রী – অঙকপনি।

লাখপতি দিদি – সার, ঐখোয় অমাদিয়ান ফুরুপনি, মরম অদুআন ঐখোয়গী খুন্নাই থাদোক্তুনা চৎপা য়াদে। সার, ঐখোয়গী ইমুংগী ফিবম য়াম্না ফত্তে। অদুবু গ্রুপ অসিদা শরুক য়ারবা মতুংদা, ঐ পাসু শখি অমা ওইনা থবক তৌরে অমসুং ঙসি ঐ লাখপতি দিদি অমা ওইবা ঙম্লে, সার।

প্রধান মন্ত্রী – অদোম করি লমদগী লাকপনো ? 

লাখপতি দিদি – মেঘালয়দগী ।

প্রধান মন্ত্রী –মেঘালয়দগী, অদোমগা লোয়ননা নুপী কয়া থবক শুরি ?

লাখপতি দিদি –ঐখোয়গী কাংবুদা নুপী ১০ থবক শুরি।

প্রধান মন্ত্রী – ১০ ।

লাখপতি দিদি – ঐখোয় সেল্ফ হেল্প গ্রুপ ফার্মাসিদা থবক তৌরি, ঐখোয়না হৌজিক সেল্ফ হেল্প গ্রুপ ফার্মাসি লিশিং অহুম লিংখৎলে।

লাখপতি দিদি – ঐখোয়না স্কিম অসিদা শরুক য়াদ্রিঙৈদা, ঐখোয় মরুওইনা লৌরমদে। ঐখোয়না স্কিম অসিদা শরুক য়ারকপা মতমদা, ঐখোয়গী ইকায়খুম্নবা হেনগৎলক্লে। ঐখোয় লৌউ-শিংউগী দোক্তর অমা ওইরে অমসুং লৌউ-শিংউগী লমদা লৌমীশিংগী মতেং পাংনবা ত্রেনিং ফংলে।

লাখপতি দিদি – ঐখোয় মীয়াম্না দোক্তর দিদি হায়না খঙনরে।

প্রধান মন্ত্রী – অদোম্না শা-ষন কয়া য়াম্না য়েংশিল্লিবগে ? 

লাখপতি দিদি –সার, ঐখোয়গী ব্লোক অসি য়াম্না চাউই। মসিদা ঐখোয় ২০ থবক তৌরি। ঐখোয়গী মহুত্তা ঐখোয়না লাখপতি দিদি ৪৭০ শেমগৎলে।

প্রধান মন্ত্রী – ৪৭০ ?

লাখপতি দিদি – হোই, সার।

প্রধান মন্ত্রী - অঙকপনি, অদোম্না অচৌবা থবক অমা পাংথোক্লে। অদোম থাগৎপা ফোঙদোকচরি।

লাখপতি দিদি – সার, ঐখোয়না ২০২১ দা ফার্মর প্রদুসর গ্রুপ লিশিং ১০ লিংখৎনবা থৌরাং তৌখি। মদুগী মখাদা ঐখোয়না নুপীশিংগী ফার্মর প্রদুসর কম্পেনি ইছাৱার লিমিতেদ শেম্লে। সার, অহানবা চহিদা ঐখোয়না নুপী লৌমী লিশিং অমা কম্পেনিদা শরুক য়াহনখি।

প্রধান মন্ত্রী – লিশিং অমা ?

লাখপতি দিদি – হোই, সার।

প্রধান মন্ত্রী – চহি অমদা।

লাখপতি দিদি – হোই, সার।

লাখপতি দিদি – খুরুমজরি সার, ঐগী মিং রবিয়া বাসির কৌই। ঐ জম্মু অমসুং কাস্মিরগী কুপৱারা জিলাদগীনি। ঐ শঙ্গোম পুথোকপগী থবক তৌরি। ঐগী চহি অমগী শেন্থোক অসি লুপা লাখ ১.২০ নি। ঐ ইশামক লাখপতি দিদি ওইরে অমসুং ঐগা লোয়ননা লাখপতি দিদি ১৬০ শেমগৎলে।

প্রধান মন্ত্রী –অদোম্না শা-ষন কয়া লোইরিবগে ?

লাখপতি দিদি – হৌজিক ঐখোয়না শা-ষন ১০ লোইরি।

লাখপতি দিদি –জয় জোহার সার, জয় ছতিসগর।

প্রধান মন্ত্রী – জয় জোহার।

লাখপতি দিদি – সার, ঐখোয়গী এফ.পি.ও অসি সনাগীনি। মসি ভারত সরকারগী প্রোজেকনি। মসিদা লৌমী ইচন-ইচে ১৫৮০০ শরুক য়ারি। নুপী অমমমনা লুপা লিশিং ৫০-৬০গী কম্মিসন ফংলি।

প্রধান মন্ত্রী - হৌজিক নুপী কয়া থবক শুরিবগে ?

লাখপতি দিদি –হৌজিক ঐখোয়গা লোয়ননা নুপী ১০০, ৫০০ থবক শুরি।

প্রধান মন্ত্রী – য়াম ফৈ।

লাখপতি দিদি – ঐ দ্রোন দিদিনি।

প্রধান মন্ত্রী – দ্রোন দিদি। অদুদি অদোম খুঙ্গংদা দ্রোন পাইলোত ওইবগী মতাংদা খর হায়য়ু।

লাখপতি দিদি –হোই, ঐখোয়গী জিলা অদুদা ঐ থারগা দ্রোন পাইলোত অহুম লৈরি।

লাখপতি দিদি – ২০১৯ দগী ঐ সেল্ফ হেল্প গ্রুপ শ্বায়াম সমায়াতকী মেম্বর অমা ওইরক্লি। সার, ঐখোয় নুপী ১৫০০ থবক শুরি।

প্রধান মন্ত্রী – ১৫০০ ?

লাখপতি দিদি – হোই সার, ঐ মরাথি নত্ত্রগা হিন্দী খঙদে সার।

প্রধান মন্ত্রী – অদোম মরাথি ঙাংবা ঙম্মী।

লাখপতি দিদি – ঐখোয়গী লৌবুক্তা মহুৱা থাই। ঐ মহুৱা ললোন-ইতিক চৎথরি অমসুং ঐনা নুপীশিংগী গ্রুপতগী মহুৱাশু লৈরি। ঐ লুপা লাখ ২.৫০ তানবা ঙম্মী।

প্রধান মন্ত্রী – লুপা লাখ ২ ?

লাখপতি দিদি – হোই।

প্রধান মন্ত্রী - কাংবু অদুদা নুপী কয়া থবক তৌরি। ৫০০ ?

লাখপতি দিদি – ৫৩৮।

লাখপতি দিদি - সার, ঐ মরাথি ঙাংবা ঙম্মী।

প্রধান মন্ত্রী - হোই, ঙাংঙু।

লাখপতি দিদি - ঐ তুরিজমগী থবক তৌরি। ঐগী তুরিস্ত বোত অনি লৈ। ঐনা লমকোয়বা লাকপা মীওইশিং হায়রিবা হিশিং অসিদা তোংহনখি। ঐ ইশামক কেরলাদা চৎতুনা মখোয়গী থবকশিং য়েংলুরে। মফম অদুদা নুপীশিং খক্তনা মসিগী থবক অসি তৌখি। হৌখিবা চহি অহুমগী মমাঙদগী ঐনা ঐ ইশাগী তুরিস্ত বোতগী থবক তৌদুনা লাক্লি। মসিদগী ঐনা চহি অমদা লুপা লাখ ১.৫০ তানবা ঙম্লে।

প্রধান মন্ত্রী – অঙকপনি!

লাখপতি দিদি - ঐখোয় নুপীশিং মসিগী থবক অসি মখা তানা পুন্না তৌমিন্নগদবনি।

লাখপতি দিদি - ঐ গোন্দিয়া জিলাদগীনি। ঐ সালেকসা ত্রাইবেল লমদমদগীনি, ঐ ত্রাইবেল নুপী অমনি অমসুং ঐ ই-রিক্সো থৌরি অমসুং ঐ ইশাগী ই-রিক্সো থৌজবনি। ঐনা থা অমদা লুপা লিশিং ১০ দগী লিশিং ১২ ফাওবা তানবা ঙম্মী।

প্রধান মন্ত্রী –ময়াম পুম্নমক্কী ৱারোল তারবা মতুংদা, লৈবাক অসিগী লাখপতি দিদিশিং য়াম্না চাউখৎলক্কনি হায়না ঐনা খল্লি। মীয়াম্না অদোমগা উনরকপা অমসুং অদোমগী ৱা তারকপা মতমদা, অদোম্না মীয়ামদা অদোম্না খঙজবশিং তাকপা ঙম্লগনি, কমদৌনা অদোম্না থবক অসি তৌরকখিবগে, অমসুং থবক অসি তৌরকপদগী কমদৌনা অদোম নিংতম্বা ফংলবগে হায়বা অমসুং কমদৌনা অদোম্না ইমুং-মনুংগী মতেং পাংবা ঙম্লবগে হায়বা ফোঙদোকপা ঙম্লগনি। মাইপাকপা অসি খক নত্তনা, অদোমগী থৌনা অমসুং থবক অসিনা অদোমগী অকোয়বদা লৈরিবা মীওইশিংদা অচৌবা অহোংবা অমা পুরকপা ঙম্লে। ঐগী পান্দম করিনো হায়বা অদোম খঙলবরা? য়েংউ, দিদি করোর অমা লাখপতি দিদিশিং ওইরে আমসুং নুপী করোর ৩ লাখপতি দিদি ওইনা শেমগৎপা ঐনা পাম্লি। মতম অদুদা অদোম্না অতোপ্পা মীওইশিংদা তাকপীগদবনি। তাকপীগদরা ?

লাখপতি দিদি – হোই,সার।

প্রধান মন্ত্রী – শোইদনা।

লাখপতি দিদি – হোই।

প্রধান মন্ত্রী – য়াম ফরে। অদোম থাগৎচরি।

দিসক্লেমর : প্রধান মন্ত্রীগা ৱারি শান্নখিবা লাখপতি দিদিশিংগী মরক্তা নুপী অনি মরাথি ঙাংখি, মদু মফম অসিদা হিন্দীদা(মখা তানা মনিপুরিদা) হন্দোক্লে।

****