ইনফোর্মেসন অমসুং ব্রোদকাস্তিং মন্ত্রালয়
"ক্রিএত ইন ইন্দিয়া চেলেঞ্জ –সিজন ১"গী মখাদা কেন্দ্রগী ইনফোর্মেসন অমসুং ব্রোদকাস্তিং মন্ত্রী শ্রী অস্বিনি বৈষ্ণবনা WAVES কী চেলেঞ্জ ২৫ হৌদোকখ্রে
ক্রিএতরশিংগী একনোমীনা ঐখোয়গী ইনাক খুল্লবা নাৎকী পুক্কৈ লনগৈ অমসুং পুন্সিগী লম্বী তাক্নবগী অঙকপা খুৎলাই অমনিঃ শ্রী অস্বিনি বৈষ্ণব
লৈঙাক্না ক্রিএতরশিংগী শক্তি হেনগৎনবগীদমক মালেমগী থাক্তা লৈবা য়ুনিভর্সিতী অমসুং ফেসিলিতীশিং লিংখৎনবা হোৎনরি
ফিল্ম সেক্তরদা অনৌবা তেক্নোলোজী অমসুং খুৎলাইশিং শীজিন্নবগী অচৌবা স্কোপ লৈরে; অনৌবা ইমপ্লোইয়ী লাখ ২-৩ ফাওবা মসিনা কান্নবা পীগদৌরিঃ কেন্দ্রগী মন্ত্রী
Posted On:
22 AUG 2024 8:11PM by PIB Imphal
কেন্দ্রগী ইনফোর্মেসন অমসুং ব্রোদকাস্তিং মন্ত্রী শ্রী অস্বিনি বৈষ্ণবনা ঙসি ৱার্ল্দ ওদিও ভিজ্বেল অমসুং এন্তর্তেন্মেন্ত সম্মিত (WAVES) কীদমক "ক্রিএত ইন ইন্দিয়া চেলেঞ্জ –সিজন ১"গী শরুক অমা ওইনা চেলেঞ্জ ২৫ হৌদোকখ্রে। থৌরম অদুদা ৱা ঙাংলদুনা শ্রী বৈষ্ণবনা হায়খি, ঙসি হৌদোক্লিবা অসি চাউখৎলক্লিবা অমসুং হৌগৎলক্লিবা শেন্মিৎলোন অসিগী মমিনি। পুম্নৌ নৌবা ক্রিএতর একনোমী অমা শেম্লে অমসুং হায়রিবসিমক ভারতকী প্রধান মন্ত্রীনা ইহান হানবা ওইনা মার্চ ২০২৪দা লান্থোকখিবা নেসনেল ক্রিএতর এৱার্দ তা মমি তারদুনা মহাক্না মশক খঙলে।
![](https://static.pib.gov.in/WriteReadData/userfiles/image/image0016HC8.jpg)
ক্রিএতর একনোমী চাউখৎপাঃ খুদোংচাবা, ইনফ্রাস্ত্রকচর, অমসুং থবক শেম্বা
শেন্মিৎলোন অসিদা লৈরিবা চাউরবা শক্তি অসি পল্লদুনা কেন্দ্রগী মন্ত্রীনা ফোংদোকখি মদুদি ক্রিএতরশিংগী একনোমী অসিনা ঐখোয়গী নাৎকী পুক্কৈ লনগৈ, পুন্সিগী লম্বী, য়োগা, নাৎকী হিদাক লাংথক্কী পথাপ, অমসুং ঐখোয়গী ইনশাংশিংগী য়াম্লবা মশকশিং তাক্নবা অঙকপা খুৎলাই অমা ওইরগনি। ভারত সরকারনা অসিগুম্বা একনোমী অসিবু পুক্নিং থৌগৎনবা অঙম্বা থাক্তা হোৎনরি অমসুং মসিনা মরম ওইদুনা, ঐখোয়না তেলেন্ত অমসুং স্কিল লৈহন্নবা অমসুং সেক্তর অসিদা তঙাইফদবা ইনফ্রাস্ত্রকচরশিং ফংহন্নবা হোৎনগদবনি।
![](https://static.pib.gov.in/WriteReadData/userfiles/image/image002S7MX.jpg)
মখা তানা ক্রিএতরশিংগী শেন্মিৎলোন চাউখৎহন্নবগীদমক লৈঙাক অসিনা মালেমগী থাক্তা লৈবিয়া তেলেন্ত শেমগৎনবা থৌরাং অমসুং ইনফ্রাস্ত্রকচর শেমগৎনবা হোৎনরি। মীদিয়া অমসুং এন্তর্তেন্মেন্তকা ক্রিতরশিংগী শক্তি হেনগৎনবগীদমক মালেমগী থাক্তা লৈবা য়ুনিভর্সিতী অমসুং ফেসিলিতীশিং লিংখৎনবা থৌরাংশিং লৈরি।
ফিল্মমেকিংদা অনৌবা তেক্নোলোজী শীজিন্নবাঃ থবক শেম্বা
ফিল্মমেকিং হায়বসিনা ঐখোয়গী পাঙ্গলশিংগী মরক্তা অমনি হায়রদুনা, শ্রী অস্বিনি বৈষ্ণবনা ফোংদোকখি মদুদি ঙসিগী য়ুগ অসিদা অনৌবা তেক্নোলোজী অমসুং খুৎলাইশিং শীজিন্নবগী অচৌবা স্কোপ লৈরে; অনৌবা ইমপ্লোইয়ী লাখ ২-৩ ফাওবা মসিনা কান্নবা পীগদৌরি। করিগুম্বা নীংথিজনা পায়খৎপা তারবদি, থৌরম অসিনা সেক্তর অসিদা থবক লাখ ২-৩ ফাওবা শেম্বা ঙমগনি।
খুনাইগী থৌদাং
কেন্দ্রগী মন্ত্রীনা মসিমসু নীংশিংখি মদুদি মসিগী খোঙচৎ অসিনা ঐখোয়গী খুনাইদা অকায়বা পীরোইদবনি অমসুং মসিগী থৌদাং অসি লৈঙাক খক্তা নত্তনা খুনাই, ইন্দস্ত্রী অমসুং ঐখোয় খুদিংমক্তা লৈ।
সেক্তর অসিদা লৈরিবা চাউরবা শক্তি অসিবু কান্নবা লৌনবগীদমক WAVES পাঙথোক্লিবনি অমসুং মসিনা তুংদা অচৌবা থৌরম অমা ওইহৌরগনি হায়না মহাক্না ফোঙদোকখি।
I&B মন্ত্রালয়গী সেক্রেতরী শ্রী সঞ্জয় জাজু, এদিসনেল সেক্রেতরী I&B মন্ত্রালয়, শ্রীমতি নীরজা শেখর, দিরেক্তর জেনরেল, এফ.আই.সি.সি.আই., শ্রীমতি জ্যোতি ভিজ, ভাইস চীয়রমেন, সি.আই.আই. নেসনেল কম্মিতী ওন মীদিয়া অমসুং এন্তর্তেন্মেন্ত, শ্রী বিরেন ঘোসসু থৌরম অদুদা শরুক য়াখিবা শক্নাইরবা মীওইশিংনি।
'দিজাইন ইন ইন্দিয়া, দিজাইন ফোর দি ৱার্ল্দ'
থৌরম অদুদা ৱা ঙাংলদুনা শ্রী সঞ্জয় জাজুনা পনখি মদুদি অসিগুম্বা থৌরাং অসি ঐখোয়না ভারতকী ক্রিএতিব ইকোসিস্তেম্বু য়োকখৎনবা অমসুং ৱাংনা থাংগৎনবগী চঙশিল্লিবা মিসন অসিদা অচৌবা খোঙথাং অমা ওইরগনি। "মসিনা ঐখোয়গী প্রধান মন্ত্রীগী ৭৮শুবা নীংতম নুমিৎ পালনদা পীখিবা খোল্লাও 'দিজাইন ইন ইন্দিয়া, দিজাইন ফোর দি ৱার্ল্দ'গা তুননা চৎমিন্নরি", হায়না মহাক্না মখা তাখি। ঐখোয়গী লৈবাক অসিদা লৈরিবা চাউরবা শক্তি অমসুং তেলেন্ত অসিবু পল্লদুনা মহাক্না হায়খি মদুদি WAVES না শক্তি অসিগী খুদম ওইরগনি অমসুং মালেমদা লৈরিবা খ্বাইদগী লংলবা ৱাখলোনশিং, খ্বাইদগী তেলেন্ত লৈবা ক্রিএতর, অমসুং লুচিংবশিংনা লৌশিং, ৱাখল্লোন, ক্রিএতিবিতীগী পনখৈ লান্না খন্ন নৈনবগী মফম অমা ওইগদবা মালেমগী ফম্বাক অমা ওইনা শেবা তৌগনি।
'ক্রিএত ইন ইন্দিয়া চেলেঞ্জ – সিজন ১'
মকোক থোংবা ইন্দস্ত্রী এসোসিএসন অমসুং ওর্গানাইজেসনশিংনা হোস্ত ওইরিবা চেলেঞ্জশিং অসিদা এনিমেসন, ফিল্মমেকিং, গেমিং, ম্যুজিক, অমসুং ভিজ্বেল আর্তশিং য়াওনা দিসিপ্লিন কয়া অমা কোল্লি। হায়রিবা চেলেঞ্জশিং অসি মরুওইবা থৌরমশিংগী রন অপ ওইনা পায়খৎলি।
'ক্রিএত ইন ইন্দিয়া' চেলেঞ্জ-সিজন ১গী লিস্ত
- মীদিয়া অমসুং এন্তর্তেন্মেন্ত এসোসিএসন ওব ইন্দিয়াগী এনিমে চেলেঞ্জ
- দান্সিং এতম্সকী এনিমেসন ফিল্মমেকর্স কম্পিতিসন
- ইন্দিয়া গেম দিবেলপর কনফরেন্সকী গেম জেম
- ইস্পোর্তস ফেদরেসন ওব ইন্দিয়াগী ইস্পোর্তস তোর্নমেন্ত
- ই-গেমিং ফেদরেসনগী সিতী ক্বেস্তঃ সেদস ওব ভারত
- ইন্দিয়ন দিজিতেল গেমিং সোসাইতীগী হেন্দহেল্দ এজুকেসনেল ভিদিও গেম দিবেলপমেন্ত
- ইন্দিয়ন কোমিক্স এসোসিএসনগী কোমিক্স ক্রিএতর চেম্পিয়নশিপ
- ফেদরেসন ওব ইন্দিয়ান চেম্বর্স ওব কম্মর্স এন্দ ইন্দস্ত্রী এন্দ ৱিস্তকিং ৱুদস ইন্তর্নেসনেলগী য়ং ফিল্মমেকর চেলেঞ্জ
- ৱেবলেপ অমসুং XDGগী XR ক্রিএতর হেকাথোন
- ইনভিদিওগী AI ফিল্ম মেকিং কম্পিতিসন
- ইন্দিয়ন ব্রোদকাস্তিং এন্দ দিজিতেল ফাউন্দেসনগী ৱেবস প্রোমো ভিদিও চেলেঞ্জ
- ইন্দিয়ন সেলুলার এন্দ ইলেক্ত্রোনিক্স এসোসিএসনগী ত্রুথতেল হেকাথোন
- কম্ম্যুনিতী রেদিও এসোসিএসনগী কম্ম্যুনিতী রেদিও কন্তেন্ত চেলেঞ্জ
- ইন্দিয়ন ম্যুজিক ইন্দস্ত্রীগী থিম ম্যুজিক কম্পিতিসন
- এদভর্তাইজিং এজেন্সীস এসোসিএসন ওব ইন্দিয়াগী ৱেবস হেকাথোনঃ এদস্পেন্দ ওপতিমাইজর
- ইন্তর্নেত এন্দ মোবাইল এসোসিএসন ওব ইন্দিয়াগী ৱেবস AI আর্ত ইন্সতোলেসন চেলেঞ্জ
- ইন্তর্নেত এন্দ মোবাইল এসোসিএসন ওব ইন্দিয়াগী ৱেবস এক্সপ্লোরর
- ইন্তর্নেত এন্দ মোবাইল এসোসিএসন ওব ইন্দিয়াগী রীল মেকিং চেলেঞ্জ
- নেসনেল ফিল্ম আর্কাইব ওব ইন্দিয়া – নেসনেল ফিল্ম দিবেল্পমেন্ত কোর্পোরেসনগী ফিল্ম পোস্তর মেকিং কম্পিতিসন
- এ.ভি.তি.আর. মেতা লেবসকী ভর্চুএল ইনফ্লুএন্সর ক্রিএসন কন্তেস্ত
- প্রসার ভারতিগী বেত্তল ওব বেন্দস
- প্রসার ভারতিগী সিম্ফোনি ওব ইন্দিয়া
- ব্রোদকাস্ত ইঞ্জিনীয়রিং কন্সলতেন্তস ইন্দিয়া লিমিতেদকী ইন্দিয়াঃ এ বার্দ'স আই ভিয়ু
- কনফেদরেসন ওব ইন্দিয়ন ইন্দস্ত্রীগী এন্তি পাইরেসী চেলেঞ্জ
- ফেদরেসন ওব ইন্দিয়ন চেম্বর্স ওব কম্মর্স এন্দ ইন্দস্ত্রীগী ত্রেলর মেকিং কম্পিতিসন
চেলেঞ্জশিং অসিগী রেজিস্ত্রেসন অথুবদা হাংদোক্লগনি। মখা তাবা অকুপ্পা মরোলগীদমক চানবীদুনা wavesindia.org ৱেবসাইত্তা চঙবীয়ু।
***
(Release ID: 2047865)
Visitor Counter : 31
Read this release in:
Odia
,
Telugu
,
Bengali
,
Tamil
,
English
,
Urdu
,
Marathi
,
Hindi
,
Hindi_MP
,
Bengali-TR
,
Assamese
,
Punjabi
,
Gujarati
,
Kannada
,
Malayalam