প্রধানমন্ত্রীগী লোইশঙ
প্রধান মন্ত্রী পোলেন্দ অমসুং য়ুক্রেনদা চৎকনি
Posted On:
19 AUG 2024 8:38PM by PIB Imphal
ওগস্ত 21-22, 2024 দা প্রধান মন্ত্রী শ্রী নরেন্দ্র মোদী পোলেন্দ অমসুং য়ুক্রেনদা চৎকনি। হৌখিবা চহি 45 দা ভারতকী প্রধান মন্ত্রী অমনা পোলেন্দা চৎপা অসি হন্দক্কী অসিনা অহানবা ওইরগনি।
প্রধান মন্ত্রী ৱারসোদা তরাম্না ওক্কনি। মহাক্না রাস্ত্রপতি অন্দরজেজ সবাস্তিয়ান দুদা উনগনি অমসুং প্রধান মন্ত্রী দোনাল্দ তস্কগা লোয়ননা লৈবাক অনিগী ওইবা ৱাফমশিংদা ৱারি শান্নগনি। প্রধান মন্ত্রীনা পোলেন্দদা লৈবা ভারতমচাশিংগা উনগনি।
তুংদা, প্রধান মন্ত্রী য়ুক্রেনদা চৎকনি। 1992 দা লৈবাক অনিগী মরক্তা দিপ্লোমেতিক্কী মরী লৈনরবা মতুংদা ভারতকী প্রধান মন্ত্রী অমনা য়ুক্রেনদা চৎপা অসি হন্দক্কী অসিনা অহানবা ওইরগনি।
রাজনিতি, ললোন-ইতিক, শেন-থুম, শেন থাদবা, লাইরিক-লাইশু, নাত, মীগা মীগা চৎথোক-চৎশিন তৌনবা, অৱাবা মতমদা মতেং পীনবা অমসুং অতোপ্পা হিরমশিং য়াওনা তোঙান-তোঙানবা হিরমশিংদা প্রধান মন্ত্রীনা কিবগা ৱারি শান্নগনি। খোঙচৎ মনুংদা প্রধান মন্ত্রীনা মহৈরোয়শিং য়াওনা ভারতমচাশিংগশু উনগনি। প্রধান মন্ত্রীনা য়ুক্রেনদা চৎকদৌরিবা অসিনা লৈবাক অনিগী মরী চেৎশীনহনবা অমসুং পাকথোক-চাউথোকহনবদা মতেং পাংগনি।
****
(Release ID: 2046880)
Visitor Counter : 15
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam