কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতী. নির্মলা সিতারামন্না লুচিংদুনা ঙসি নই দিল্লীদা পি.এস.বি.শিংগী ফাইনান্সিএল পেরামিতর, দিপোজিৎ মোবিলাইজেসন, দিজিতেল পেমেন্ত অমসুং সাইবর সেক্যুরিতী ফ্রেমৱার্ক, ফাইনান্সিএল ইনক্লুজনগী মখাদা ক্রেদিৎ ফংহনবা অমসুং পি.এস.বি.শিংগা মরী লৈনবা অতোপ্পা হীরমশিং য়েংশিন্নবা মীফম অমা পাংথোকখ্রে।

মীফম অদুদা দাক্তর. বিবেক জোশী, সেক্রেতরী; শ্রী এম. নাগরাজু, সেক্রেতরী-দেজিগ্নেত, দিপার্তমেন্ত ওফ ফাইনান্সিএল সর্ভিসেস; দিপার্তমেন্ত ওফ ফাইনান্সিএল সর্ভিসেস (দি.এফ.এস.) গী সেনিয়র ওফিসিএলশিংগা লোয়ননা পব্লিক সেক্তর বেঙ্কশিংগী মকোকশিংনা শরুক য়াখি।

শেনবা চহি 24দা পি.এস.বি.শিংনা ফাইনান্সিএল পেরামিতর পুম্নমক্তা ফজনা থবক তৌখি অমসুং মসিগী খুদমদি অপুনবা এন.পি.এ. (এন.এন.পি.এ.)না 0.76%তা, বেঙ্কশিংগী সাউন্দ কেপিতেল এদিক্বেসীনা 15.55%তা, বেঙ্কশিংগী নেত ইন্তরেস্ত মার্জিন (এন.আই.এম.)না 3.22%তা হন্থখিবা অমসুং শেয়রহোলদরশিংদা লুপা করোর 27,830গী দিবিদেন্দ পীদুনা নেত এগ্রিগেত প্রোফিতনা খ্বাইদগী ৱাংবা ওইনা লুপা করোর লাক্ষ 1.45 ওইখিদুনা এসেত ক্বালিতী হেনগৎলখিবা অসিনা ওইরি হায়না মীফম অদুদা ফোংদোক্নখি।

দিপোজিৎ মোবিলাইজেসনগী মতাংদা খন্ন-নৈনখিবা অদুদা, কেন্দ্রগী শেল-থুম মন্ত্রীনা হায়খি মদুদি ক্রেদিৎ গ্রোথ হেনগৎলক্লবসু, দিপোজিৎ মোবিলাইজেসন অসি ক্রেদিৎ গ্রোথ অসিবু সস্তেনেবল ওইনা শেল থাদনবগীদমক্তা মখা তানা ফগৎহনবা য়াগনি। মহাক্না বেঙ্কশিংদা অখন্নবা দ্রাইবশিং পাংথোক্তুনা দিপোজিৎ থাদনবগীদমক পুন্না হোৎনমিন্ননবা হায়খি। শ্রীমতী সিতারামন্না পি.এস.বি.শিংদা মখোয়গী কস্তমরশিংগা লোয়ননা অফবা মরী লৈনবা অমসুং কস্তমর সর্ভিস ফহন্নবা খঙহনখি। কেন্দ্রগী শেল-থুম মন্ত্রীনা বেঙ্কশিংদা মরুওইনা খুঙ্গং অমসুং সেমি-অর্বান এরিয়াশিংদা লৈরিবা মখোয়গী ইমপ্লোয়িশিংনা মখোয়গী কস্তমরশিংগা শম্ননবা হোৎননবা তকশিনখি। ইমর্জিং এরিয়াশিংদা লৈরিবা খ্বাইদগী ফবা থৌওং অমগা অমগা তাক্নদুনা মরী লৈনবা খোঙলোইশিংগী পাঙ্গল শিজিন্নদুনা হেন্না ফবা থবক পায়খৎপা য়াবগী ঙ্গোইথোকপশিং পি.এস.বি.শিংনা য়েংথোক্নবা শ্রীমতি সিতারামন্না হায়খি।

বেঙ্কশিংনা এসেত ক্বালিতী ফগৎহন্নবা হোৎনরিবা অদু খঙলদুনা, শ্রীমতী সিতারামন্না মখোয়দা এন.সি.এল.তি. অমসুং এন.এ.আর.সি.এল.না পীরিবা রিজোলুসন অমসুং রিকোভরীগী স্কোপ অসি খ্বাইদগী ফবা ওইহন্নবা খঙহনখি।

মীফম অদুদা দিজিতেল পেমেন্ত অমসুং সাইবর সেক্যুরিতী ফ্রেমৱার্ককা মরী লৈনবা ৱাফমশিংসু খন্নখি। কেন্দ্রগী শেল-থুম মন্ত্রীনা সাইবর সেক্যুরিতীগী ইসুশিং অসি সিস্তেমিক পর্সপেক্তিবদগী য়েংগদবনি হায়না খঙহনখি। সাইবর রিস্কশিংগী মায়োক্তা মথৌ তাবা মিতিগেন্তশিং থম্নবা বেঙ্কশিং, সরকার, রেগুলেতরশিং অমসুং সেক্যুরিতী এজেন্সীশিংগী মরক্তা কোলাবোরেতিব এপ্রোচ অমা মথৌ তাই হায়না মহাক্না অকনবা ৱাফম থমখি। বেঙ্ককী সিস্তেমশিংগী সেক্যুরিতী লান্থোক্তবা নৎত্রগা খুদোংথীবা লৈহন্দনবা সাইবর সেক্যুরিতী এঙ্গলদগী আই.তি. সিস্তেমগী হীরম খুদিংমক চাং নাইনা অমসুং কুপ্না য়েংশিনগদবনি হায়নসু কেন্দ্রগী শেল-থুম মন্ত্রীনা তকশিনখি।

শ্রীমতী সিতারামন্না হায়খি মদুদি সরকারনা তোঙান তোঙানবা স্কিমশিংগী খুত্থাংদা, মখোয়গী পুন্সি মহিং ফগৎহন্নবা পিরামিদকী মখাদা লৈরিবা নাগরিকশিংদা ক্রেদিৎ ফংহন্নবা হোৎনরি। মহাক্না বেঙ্কশিংদা দিজিতেল ফুতপ্রিন্ত অমসুং কেস-ফ্লোদা য়ুম্ফম ওইদুনা এম.এস.এম.ই.শিংগীদমক অনৌবা ক্রেদিৎ এসেসমেন্ত মোদেল য়াওনা হন্দক্কী বজেত্তা লাউথোকখিবশিং অথুবা মতমদা ইমপ্লিমেন্ত তৌনবা হায়খি। কেন্দ্রগী শেল-থুম মন্ত্রীনা বেঙ্কশিংদা পি.এম. সুর্য় ঘর মুফ বিজলী য়োজনা অমসুং পি.এম. বিশ্বকর্মা য়োজনাগুম্বা কেন্দ্র সরকারগী তোঙান তোঙানবা খোংথাংশিংগী মখাদা কান্নবা ফংলবা বেনিফিসরীশিংদা ক্রেদিৎ ফ্লো হেনগৎহনবদা মীৎয়েং থম্নবা খঙহনখি।

কেন্দ্রগী শেল-থুম মন্ত্রীনা বেঙ্কশিংদা রিজর্ব বেঙ্ক ওফ ইন্দিয়াগী লোন লোইশিনখ্রবা মতুংদা সিক্যুরিতী দোক্যুমেন্তশিং খুৎশিন্নবগী গাইদলাইনশিং ঙাক্না চৎনবা খঙহনখি অমসুং দোক্যুমেন্তশিং অদু কস্তমরদা খুৎশিন্নবদা অথিংবা লৈহন্দনবা খঙহনখি।

****