প্রধান মন্ত্রী, শ্রী নরেন্দ্র মোদীনা নৈ দিল্লীগী নীংথিজরবা লাল কিলাদগী ওগস্ত ১৫, ২০২৪দা ৭৮শুবা নীংতম নুমিৎ পালনদা লৈবাক অসিবু লুচিংলি। পালন অসিগী মনুংদা, মহাক্না জাতিগী ফিরাল পাইহনখি অমসুং লৈবাক মীয়ামদা পুৱারী ওইরবা মোনুমেন্ত অসিদগী ৱা ঙাংখি।

লৈবাক শীনবা থুংবদা লৈরিবা ফীল্দ ফংসনরীশিংনা লাল কিলাদা পাঙথোকপা নীংতম নুমিৎ পালনবু হরাও তয়াম্না শরুক য়াখি।

প্রধান মন্ত্রীনা মহাক্কী ৱারোলদা হায়খি মদুদি নুপীশিংনা এয়র ফোর্সতগী হৌদুনা সেক্তর খুদিংমক্তা লুচিংলি, চাংদম্ননিংঙাই লৈত্রবা হৈশিংবা কয়া উৎলি। মখোয়গী মায় পাকপনা নারি শক্তিগী পাঙ্গল অমসুং থৌনানি। ঐখোয়না মাংজিল থানা চঙশিনবগা লোইননা মখোয়না লৈবাক অসিগীদমক হোৎনখিবা কয়া শৌগৎপগা লোইননা হরাও তয়াম্বা ফোংদোকমিন্নসি।

প্রধান মন্ত্রীনা হায়খি মদুদি থবক তৌবী নুপীশিংগী ওইনা, মেতর্নিতী লিব অসি চয়োল ১২ দগী ২৬ ফাওবা শাংদোকখ্রে। ঐখোয়না নুপীশিংবু ইকাইখুম্নবীবদা নত্তনা ঐখোয়না মখোয়গীদমক য়াম্না লুবা ৱারেপ কয়া লৌরি। ঐখোয়গী পান্দমদি লৈঙাক অসিনা মমা ওইবী অমগী মচা চেনবদা অৱাবা পীবীদবা অমসুং অফবা ঈরৈচা অমা শেমহনবা হায়বসিনি। মহাক্না হায়খি, হৌখিবা চহি ১০ রোম অসিদা, নুপী করোর ১০য়া সেল্ফ হেল্প গ্রুপশিং য়াওদুনা শেলথুমগী নীংতম্বা ফংজরে। নুপী অমনা শেলথুমদা নীংতম্বা ফংজবা মতমদা মখোয়না ইমুং মনুংগী ৱারেপ লৌবদা শরুক য়াবা ঙম্মি, মসিনা খুনাইদা অহোংবা পুরকই। হৌজিক ফাওবদা, করোর লাখ ৯ হেন্না লৈবাক অসিগী শেল্ফ হেল্প গ্রুপশিংদা এলোকেত তৌখ্রে।

নীংতম নুমিৎ পালনগী থৌরম অসিদা, নুপী অমসুং অঙাং চাউখৎ থৌরাং মন্ত্রী শ্রীমতি অন্নপুর্না দেবীনা হায়খি মদুদি অসিগুম্বা নীংথিরবা নীংতম নুমিৎ পালন অসিদা ঐখোয়না লৈবাক অসিগী নীংখা তমখিবা নুমিৎপু হরাওবা ফোংদোকপগা লোইননা, ঐখোয়গী চাউখৎপগী লম্বীদা লমজিংলিবা নুপীশিংগী শরুকপুসু হরাও তয়াম্বা ফোংদোক্লি। মখোয়গী হনবা লৈতবা কত্থোকপা অমসুং খাঙবা কনবনা নারি শক্তিগী মগুন অমা ওইরি। ঐখোয়না 'ভিক্সিত ভারত' অমগীদমক চঙশিনবা মতমদা, ঐখোয়না নুপীশিংবু মখোয়না ঐখোয়গী খুনাইগী তুংলমচৎ অমসুং মাংজিল থানবা হোৎনবদা লৌরিবা থৌদাংশিংবু খঙবীবগা লোইননা শক্তি পীদুনা ৱাংনা থাংগৎপীরসি।

লৈবাক অসিগী মফম কয়াদগী ফীল্দ ফংসনরীশিংনা লাল কিলাদা পাঙথোক্লিবা নীংতম নুমিৎ পালনবু হরাও তয়াম্বগা লোইননা শরুক য়াখি।

চহি অসিদা, নুপী অমসুং অঙাং চাউখৎ থৌরাং মন্ত্রালয়না বেনিফিসরী ১৬১ অমসুং মখোয়গা লোইনরকপশিংবু লাল কিলাগী নীংতম নুমিৎ পালনগী অথোইবা মীথুংলেন ওইনা ইকাইখুম্নবা উৎলি। হায়রিবা অখন্নবা মীথুংলেনশিং অসিদা দব্ল্যু.সি.দি. মন্ত্রালয়গী  তোঙান-তোঙানবা ইম্পাৱরমেন্ত অমসুং ৱেলফেয়র স্কিমশিংগী কত্থোক্লবা নুপী ৱার্করশিং য়াওরি। গ্রুপ অসিদা অঙ্গনৱাদি ৱার্কর, ৱান স্তোপ সেন্তর (ও.এস.সি.)দগী স্তাফ, নুপীগী শক্তি পীনবগী সঙ্কল্প হব, অমসুং দিস্ত্রিক্ত চাইল্দ প্রোতেক্সন য়ুনিত (দি.সি.পি.য়ু.)দগী য়াওরি।

মখোয়গী নৈ দিল্লী খোঙচৎ অসিদা পার্লিয়ামেন্ত অমসুং প্রধান মন্ত্রী সঙ্ঘ্রলয়গুম্বা মশক থোকপা মফম কয়াদা চৎখি। মীথুংলেনশিংনা মপুং ফাবা সেদ্যুল অমা নুংঙাইনা লৌমিন্নখি, মসিদা বিগ্যান ভাবনদা চা থকপা অমসুং রাজ্যগী মইন্ত্রী শ্রীমতি সাবিত্রি থাকুর অমসুং এম.দব্ল্যু.সি.দি.দগী মকোক থোংবা ওফিসরশিং ওগস্ত ১৪, ২০২৪ দা উনবা য়াওরি।

অখন্নবা মীথুংলেনশিং অমসুং মখোয়গা লোইনরকপশিংনা ওগস্ত ১৩ দগী ১৬ ২০২৪ ফাওবদা নৈ দিল্লীদা লৈখি। ৭৮শুবা নীংতম নুমিৎ পালন অসি ভারতকী নীংখা তমখিবা নুমিৎপু নীংশিংদুনা পালন তৌবদা নত্তনা লৈবাক অসিনা চাউখৎপা লৈবাক অমা ওইহন্নবা হোৎনবদা চোকথবা লৈতনা হোৎনবীখিবা মীওইশিংবুসু ইকাইখুম্নবা নুমিৎনি। মসি অপুনবা মায় পাকপা কয়াবু হরাওবা ফোংদোকমিন্নবা অমসুং আসা কয়াগা লোইননা চাউখৎপনা থল্লবা তুংলমচৎ অমা ইকাইখুম্নবা উৎনবা নুমিৎ অমনি।

***************