“ঐখোয়না হন্দক্কী বজেৎ অসিদা থবক পীবা, স্কিল লৈহনবা, এম.এস.এম.ই. অমসুং মিদ্দল ক্লাসশিংদা অখন্নবা মিৎয়েং থম্লি”, কেন্দ্রগী শেল থুম মন্ত্রী, শ্রীমতি নির্মলা সিতারামন্না পার্লিয়ামেন্ততা ঙসি কেন্দ্রগী বজেৎ 2024-25 পুথোকপদা হায়খ্রে।

নৌনা শক্তি পায়রিবা সরকার অসিগী চহি অমগী মপুং ওইবা অহানবা বজেৎকী থীম খুমাং চাউশিলহনবা ওইনা, শেল থুম মন্ত্রীনা প্রধান মন্ত্রীগী স্কিম অমসুং খোঙথাং মঙাগী পেকেজ লাউথোকখ্রে। পেকেজ অসিনা পুন্না লুপা করোর লাক্ষ 2 থাদদুনা মথংগী চহি মঙাদা লৈবাক্কী নহা করোর 4.1 হেনবগী মফমদা থবক, স্কিল অমসুং অতোপ্পা খুদোংচাবা পীনবা পান্দম থম্লি। “এজুকেসন, থবক পীবা অমসুং স্কিল লৈহন্নবা ঐহাক্না হন্দক্কী চহিসিদা লুপা করোর লাক্ষ 1.48 কাইথোক্লি”, মহাক্না মখা তাখি।

লাউথোকখিবা ৱাফমশিংগী মতাংদা কুপথনা পাউদম্লদুনা, শ্রীমতি সিতারামন্না সরকারনা প্রধান মন্ত্রীগী পেকেজ অসিগী শরুক অমা ওইনা ‘ইমপ্লোয়মেন্ত লিঙ্ক ইন্সেন্তিব’কী স্কিম অহুম থবক্তা ওন্থোক্কনি হায়খি। হায়রিবা অসি ই.পি.এফ.ও.দা এনরোল তৌবদা য়ুম্ফম ওইগনি অমসুং অহানবা ওইনা থবক ফংবশিংদা মিৎয়েং চঙগনি অমদি থবক তৌরিবা অমসুং থবক পীরিবশিংগা মিৎয়েং চঙগনি হায়না শেল থুম মন্ত্রীনা হায়খি।

স্কিম এ.: অহানবা ওইনা থবক তৌবশিং

চহি অনিগী মনুংদা নহা করোর 2.1দা কান্নবা পীগনি হায়বগী থাজবা থম্লিবা স্কিম অসিনা  ফোর্মেল সেক্তর খুদিংগী ৱর্কফোর্সকী নৌনা শরুক ওইরক্লিবা মীওই খুদিংদা থা অমগী খুৎশুমল পীগনি। মসিগীদমক্তা মতিক চাবগী অকক্নবা অসিদি থা অমদা লুপা লাক্ষ 1 ফংবা মীওইশিংনা ওইগনি। EPFOদা ফর্স্ত-তাইম ইমপ্লোয়ী ওইনা রেজিস্তর তৌবশিংগী থা অমগী তোলোবপু ইন্সতোলমেন্ত অহুম থোক্না দাইরেক্ত বেনেফিৎ ত্রান্সফর ওইনা পীবগী চাংনা ₹15,000 ফাওবা ওইগনি। থবক নৌনা চঙলকপা মীওইশিংনা মপুং ফানা কান্নবা পীবা ঙমদ্রিঙৈদা থবক তম্বগী থৌওংদা শৌগৎপা ওইনা, সবসিদী অসিনা মীওই অমদা অহানবা ওইনা থবক পীরিবা মীওই অমসুং থবক চঙলকপা মীওইশিংদা কান্নবা পীগনি। থবক চঙলিবশিংনা মখোয়গী অনিশুবা ইন্সতোলমেন্ত ফংদ্রিঙৈদা ওনলাইন ফাইনেন্সিএল লিতরেসী কোর্স শোইদনা লোইশিনবা তাগনি। মখা তারকপদা, অহানবা ওইনা থবক চঙলিবা মীওই অদুনা থবক চঙবগী থা 12কী মনুংদা থবক্তগী তোকখিবা মতমদা থবক পীরিবা মীওই অদুনা সবসিদী অসি হন্দোকপা তাগনি।  

স্কিম বি.- মেন্যুফেকচরিংদা থবক পীবা

মেন্যুফেকচরিংগী লমদা অহানবা ওইনা থবক তৌবা মীওইশিং মশিং য়াম্না লৌবগী পান্দম থম্লিবা স্কিম অসিনা সেক্তর অসিনা অহেনবা থবক লৌবদা ইন্সেন্তিব পীগনি, অমসুং মসিনা থবক চঙলিবা নহা লাক্ষ 30 অমসুং থবক পীরিবা মীওইশিংদা কান্নবা ফংহনগনি। থবক চঙবগী অহানবা চহি 4দা মখোয়না ই.পি.এফ.ও.দা তম্বা শরুক্তা য়ুম্ফম ওইদুনা, থবক তৌরিবা অমসুং থবক পীরিবা মীওই অনিমক্তা মখোয়গী অখন্নবা স্কেলগী মখা পোন্না ইন্সেন্তিব পীগনি। অদুবু, অহানবা ওইনা থবক চঙলিবা মীওই অদুনা থবক চঙবগী থা 12কী মনুংদা থবক্তগী তোকখিবা মতমদা থবক পীরিবা মীওই অদুনা সবসিদী অসি হন্দোকপা তাগনি।

স্কিম সি. – থবক পীরিবশিংদা তেংবাংবা

থবক পীরিবশিংনা মিৎয়েং চঙলিবা স্কিম অসিনা সেক্তর খুদিংগী ওইনা থা অমদা লুপা লাক্ষ 1গী মনুংদা লৈবা শেনফমগী তোলোব ফংবা অহেনবা মীওই লৈবশিংবু স্কিম অসিনা কোনগনি। পার্ত অসিগী মখাদা লৈবা নৌনা থবক চঙবশিংনা ই.পি.এফ.ও.দা নৌনা মিং চনবা মীওই ওইবগী মথৌ তাদে। অহেনবা থবক চঙলকপা মীওই খুদিংগী ওইনা, সরকারনা মখোয়গী ই.পি.এফ.ও.দা চহি অনিগী ওইনা থা খুদিংগী লুপা 3000 হাপকনি। স্কিম অসিনা অহেনবা মীওই লাক্ষ 50দা থবক পীবদা ইন্সেন্তিব পীবগী পান্দম থম্লি।

বজেত্তা পল্লিবা প্রধান মন্ত্রীগী পেকেজকী 4শুবা স্কিম অসিদি কেন্দ্র সরকারনা মপুং ওইনা পুথোকপা স্কিম্নি, অমসুং মসিগী হীরম্না রাজ্য সরকার অমসুং ইন্দস্ত্রীগা খুৎশম্নদুনা স্কিল্লিং তৌবা ওইগনি। পুন্না লুপা করোর 60,000 কাইথরিবা স্কিম অসিনা চহি 5কী মনুংদা নহা লাক্ষ 20দা স্কিল পীবগী পান্দম থম্লি। স্কিম অসিগী পান্দম ফংনবগীদমক্তা ইন্দস্ত্রীএল ত্রেনিং ইন্সতিত্যুত (আই.তি.আই.) 1000বু আউতকম ওরিএন্তেসনগা লোয়ননা হব অমসুং স্পোক এরেঞ্জমেন্ততা অপগ্রেদ তৌগনি। মখা তারকপদা, কোর্স কন্তেন্ত অমসুং দিজাইন অসি ইন্দস্ত্রীগী মথৌ তারিবশিংগী মখা পোন্না শেমগনি অমসুং মতুং তারকপদা লাকপা তঙাই ফদবশিংগী মতুং ইন্না অনৌবা কোর্স হৌদোক্কনি।

প্রধান মন্ত্রীগী পেকেজকী 5শুবা স্কিম অসিগী মতাংদা শেল থুম মন্ত্রীনা অসুম্না হায়খি, “মকোক থোংবা কম্পেনী 500তা নহা করোর 1বু চহি মঙাগী মনুংদা ইন্তর্ন তৌবগী খুদোংচাবা পীবা অচৌবা স্কিম অমা সরকারনা হৌদোক্কনি (নহাশিংনা মসিদা শরুক য়াবা হায়বসি মখোয়গী অপাম্বগী মখা পোনগনি)। মখোয়না তসেংবা কারবারগী ফিভম, শিনফম খেন্নবা অমসুং থবক্কী খুদোংচাবশিংগী মতাংদা থা 12কী এক্সপেরিএন্স ফংগনি”। ইন্তর্ন তৌরিবশিংগী মফমদা লুপা 6000গী অমুকখক পীবা শেনফমগা লোয়ননা থা খুদিংগী লুপা 5000গী শেল পীগনি। কম্পেনীশিংনা মখোয়গী সি.এস.আর. ফন্দদগী ত্রেনিংদা চঙবা শেনফম অমসুং ইন্তর্ন তৌবদা চঙবা শেনফমগী চাদা 10 পুথোক্কনি হায়না শ্রীমতি সিতারামন্না হায়খি। থবক তৌদবা অমসুং ফুল তাইম এজুকেসন তৌদ্রবা চহি 21 অমসুং 24গী মরক্তা লৈবা নহাশিংনা স্কিম অসিগীদমক্তা এপ্লাই তৌবা য়াগনি।

(কন্দিসনগী অকুপ্পা মরোলশিং বজেৎ ৱারোলগী ANNEXURE to Part-A দা পীরি)

***