2022-23দা থবক ফংদবগী চাং চাদা 3.2 হন্থরকপগা লোয়ননা পেরিওদিক লেবর ফোর্স সর্ভে (PLFS)কী মতুং ইন্না ভারতনা হৌখিবা চহি তরুক্তা লেবর মার্কেৎ ইন্দিকেতরশিংদা ফগৎলকপা উবা ফংখি। কেন্দ্রগী শেল-থুম অমসুং কোর্পোরেৎ এফিয়র্স মন্ত্রী, শ্রীমতি নির্মালা সিতারামন্না ঙসি পার্লিয়ামেন্তদা পুথোকখিবা ইকনোমনিক সর্ভে 2023-24না লৈবাক্কী পুন্সিদা অমুক্তং ফংবা দেমোগ্রাফিক দিভিদেন্দগী মহৈ লৌহৌবা মথৌ তারিবা ভারতকী নহারোলগী লেজিতিমেৎ এস্পিরেসনশিং থুংহন্নবা চুনবা থবক্কী খুদোংচাবশিং ফংহন্নবা ভারত সরকারগী এপ্রোচতা মীৎয়েং থমখি।

হৌজিক ওইরিবা এমপ্লোইমেন্তগী ফীভম

ইকনোমিক সর্ভেনা হায়রি মদুদি ভারতনা শেন্মিৎলোনগী চাউখৎপা অমসুং খুন্নাইগী চাউখৎপদা মতেং পাংলিবা পোজিতিব ত্রেন্দ কয়া অমনা মশক তাক্লিবা, থবক পীবগী লমদা মশক থোকপা অহোংবা অমা উবা ফংলে। মসিনা শেন্মিৎলোনগী রিফোর্মশিং, তেক্নোলোজীগী খুমাং চাউশিনবা অমসুং স্কিল দিবেলপমেন্তদা মরুওইবা পীরকপা অসিগুম্বা মখল কয়ানা শরুক তম্মি।

PLFSকী মতুং ইন্না, ওল-ইন্দিয়া এনএমপ্লোইমেন্ত রেৎ (UR) (য়ুজুএল স্তেতসকী মতুং ইন্না চহি 15 অমসুং মসিগী মথক্তা লৈবা মীওইশিং) অসি কোবিদ-19গী লাইচৎ অসিদগী লেবর ফোর্স পার্তিসিপেসন রেৎ (LFPR) অমসুং ৱার্কর-তু-পোপুলেসন রেসিও (WPR)দা হেনগৎলকপগা লোয়ননা হন্থরকপগী ত্রেন্দ অমা উবা ফংলি।

শিন্মীশিংগী এমপ্লোইমেন্ত স্তেতসতা মীৎয়েং থমদুনা, সর্ভে অসিনা হায়রি মদুদি নুপী শিন্মীশিংনা সেল্ফ-এমপ্লোইমেন্তকী মায়কৈদা চংশিল্লি, অদুগা নুপা শিন্মীশিংগী শরুক অসি লেপ্পা লেংদনা লৈরি, মসিনা হৌখিবা চহি তরুক অসিদা লৌউ-শিংউ অমসুং মসিগা মরী লৈনবা থবকশিংদা খুঙ্গংগী নুপীশিংনা য়াওরকপদগী নুপী LFPRগী শরুক য়াম্না হেনগৎলকপা উবা ফংলে।

নহারোল অমসুং নুপীশিংগী এমপ্লোইমেন্ত

নহারোলগী এমপ্লোইমেন্তকী মশিং হেনগৎলকপা অসি নহারোলগী মীশিং হেনগৎলকপগা লোয়ননা হেনগৎলক্লি। ইকনোমিক সর্ভে অসিনা PLFSকী দেতাদা নহারোল (চহি 15-29) গী থবক ফংদবগী চাং অসি 2017-18দা চাদা 17.8 ওইরম্বদগী 2022-23দা চাদা 10দা হন্থরে হায়রি। EPFO গী অনৌবা সবস্ক্রাইবরশিংগী শরুক অহুম থোকপগী অনিনা চহি 18-28গী মরক্তা লৈবা মীওইশিংনি।

চহি তরুক অসিদা ফিমেল লেবর ফোর্স পার্তিসিপেসন রেত (FLFPR) হেনগৎলকপা অদুসু সর্ভে অসিনা পনখি অমসুং মসি লৌউ-শিংউগী পোত্থোক্তা লেপ্পা লৈতনা চাউখৎলকপা অমসুং তোতিগী থক্নবা ঈশিং, চাকথোং গ্যাস, সেনিতেসন অসিনচিংবা মরুওইবা খুদোংচাবশিং ফংহনবনা নুপীশিংগী মতম কনবা অসিনচিংবা মখল কয়াগী মরমশিংনা মতেং পাংলি।

ফেক্তরী এমপ্লোইমেন্তদা লাকপা তর্নঅরাউন্দ

ইকনোমিক সর্ভে অসিনা হায়রি মদুদি ওর্গানাইজ তৌরবা মেন্যুফেকচরিং সেক্তর অসি হৌখিবা চহি মঙা অসিদা খুঙ্গংগী লমশিংদা খুৎশুমল হেনগৎলকপগা লোয়ননা লাইচৎকী মমাংগী থাক্কী মথক্তা অমুক হন্না ফগৎলকপা উবা ফংখি, মসিনা খুঙ্গংদা দিমান্দ লৈহনবদা অফবা ওইগনি। FY 15-FY 22গী মনুংদা, খুঙ্গংগী লমশিংদা শিন্মী অমগী খুৎশুমল অসি সহরগী মফমশিংদা চাদা 6.1গী CAGR (কম্পাউন্দ এনুএল গ্রোথ রেৎ) ওইবগা চাংদম্নবদা CAGR চাদা 6.9দা হেনগৎখি।

রাজ্য অমমমগী ওইনা, ফেক্তরী মশীংগী মতুং ইন্না খ্বাইদগী মকোক থোংবা রাজ্য তরুক অসি ফেক্তরীগী থবক ফংহনবদা খ্বাইদগী মপাঙ্গল লৈবা রাজ্যশিংসু ওইরি। ফেক্তরীদা থবক শুবগী চাদা 40 হেনবনা তামিল নাদু, গুজরাত অমসুং মহারাস্ত্রদা লৈ। মসিগী ওন্ন-তৈনবদা, FY 18 অমসুং FY 22গী মরক্তা খ্বাইদগী ৱাংবা এমপ্লোইমেন্ত গ্রোথ অসি ছত্তিসগর, হরিয়ানা অমসুং উত্তর প্রদেশ য়াওনা নহা ওইরিবা মীশিং য়াম্না লৈবা রাজ্যশিংদা উবা ফংখি।

সর্ভে অদুদা কম্প্যুতর অমসুং ইলেক্ত্রোনিক্স, রবার অমসুং প্লাস্তিক্কী পোত্থোকশিং অমসুং কেমিকেলশিংগী হেনগৎলক্লিবা চাং অদুসু পনখি। মসিনা তাক্লি মদুদি ভারতকী মেন্যুফেকচরিং অসি ভেল্যু চেন হেনগৎহল্লি অমসুং মেন্যুফেকচরিংগী থবক ফংহন্নবগীদমক সনরাইজ সেক্তরশিং ওইনা থোরক্লি।

EPFOগী এনরোলমেন্ত হেনগৎলক্লি

EPFOগীদমক পেরোল দেতানা ওনবা ওর্গানাইজ সেক্তরগী থবক্কী মার্কেৎকী ফীভমশিং অসিনা FY19 ( দেতা ফংলবা মতুংদগী খ্বাইদগী ঙল্লিঙৈ মতম) দগী পেরোল এদিসন অসি লেপ্পা লৈতনা ইয়র-ওন-ইয়রদা হেনগৎলকখি। EPFO দা চহিগী ওইবা নেৎ পেরোল এদিসন অসি FY19দা লাখ 61.1দগী FY24দা লাখ 131.5দা শরুক অনি হেনগৎলে। আত্মনির্ভর ভারত রোজগার য়োজনা (ABRY) গী মতেংদগী লাইচৎ অসিদগী খোঙজেল য়াংনা ফগৎলক্লি। EPFOগী মেম্বরশিপ মশিং (অরিবা দেতা ফংলিবা) অসিসু FY15 অমসুং FY24গী মরক্তা CAGRগী চাদা 8.4 হেনগৎলকখি।

থবক পীবদা শাহৌ পীবা

ভারতকী মেনুফেকচরিং কেপাসিতি হেনগৎহন্নবা, কেপিতেল এক্সপেন্দিচর হেনগৎহন্নবা অমসুং ৱার্করশিংগী য়াইফ-থৌরাং প্রমোৎ তৌনবা প্রোদক্সন লিঙ্ক ইন্সেন্তিব (PLI) স্কিম হৌদোকপা অসিনচিংবা থবক কয়া সরকারনা পায়খৎলে। মসিগা লোয়ননা ক্রেদিৎকী খুদোংচাবশিং ফংহনবা অমসুং মখল কয়াগী থৌওংশিংদা শেমদোক-শাদোকপশিংগা লোয়ননা মশানা থবক পীজরিবা মীওইশিংবু পুক্নিং থৌগৎলি। সর্ভে অসিনা থবক ফংহন্নবা অমসুং শিন্মীশিংগী য়াইফনবা নেস্নেল কেরিয়র সর্ভিস (NCS) পোর্তেল, ই-শ্রম পোর্তেল হৌদোকপা, কোবিদ-19গী মতুংগী থবক মাংখিবশিংগীদমক্তা সোসিএল সেক্যুরিতী বেনিফিৎশিংগা লোয়ননা থবক ফংহন্নবা আত্মনির্ভর ভারত রোজগার য়োজনা (ABRY) হৌদোকপা, ৱান নেসন ৱান রেসন কার্দগুম্বা প্রোগ্রামশিং অমসুং 2019 অমসুং 2020দা সেন্ত্রেল লো 29বু লেবর কোদ মরিদা পুনশিনবা অসিনচিংবা খোঙথাংশিং অদু পনখি।

খুঙ্গংগী খুৎশুমলদা লৈরিবা ত্রেন্দ

ইকোনোমিক সর্ভে 2023-24দা FY24দা, খুৎশুমল খুদিংগী চাদা 5গী মথক্তা হেনগৎলক্লি হায়না পনখি। চহি খুদিংগী চাদা 5গী মথক্তা হেনগৎলক্লি অমসুং এগ্রিকলচরদা নুপাগী ওইনা চাদা 7.4 অমসুং নুপীগী ওইনা চাদা 7.7 হেনগৎলক্লি। চপ মান্নবা মতমগী মনুংদা নন-এগ্রিকলচরেল এক্তিবিতীশিংদা নুপাশিংগী ওইনা চাদা 6.0 অমসুং নুপীশিংগী ওইনা চাদা 7.4গী মশিং হেনগৎলকখি। তুংলমচৎতা, ইন্তর্নেস্নেল কম্মোদিতিগী মমলশিং অমসুং দোমেস্তিক ফুদ প্রাইসশিং হন্থরকপগা লোয়ননা ইনফ্লেসন হন্থরক্কনি হায়না পানবনা, ইকনোমিক সর্ভে অসিনা মসিনা তশেংবা খুৎশুমল হেনগৎলকপা ওইনা লৌগনি হায়না পানরি।

*****