২০২০ দা হৌদোকখিবা নেসনেল এজুকেসন পোলিসী (এন.ই.পি.) অসি এজুকেসন্দা থম্লিবা এস.দি.জি.গী পান্দমশিং অসিবু কোনশিনবদা নত্তনা ভারতকী নহাশিংবু ২১শুবা চহিচাগী নোলেজনা পুরিবা শেন্মিৎলোন অসিদগী লাক্লিবা শীংনবশিং মাইয়োক্নদুনা খূদোংচাবশিং লৌহন্নবা শেম শাহল্লিবা পোলিসী দোক্যুমেন্ত অমনি হায়না ঙসি পার্লিয়ামেন্ততা কেন্দ্রগী শেলথুম অমসুং কোর্পোরেত এফিয়র্স মন্ত্রী শ্রীমতি নির্মলা সিতারমন্না থমখিবা একনোমিক সর্ভে ২০২৩-২৪ না হায়রি।

সর্ভে অসিনা হায়রি মদুদি ভারতকী স্কুল এজুকেসন সিস্তেম্না পব্লিক অমসুং প্রাইবেত স্কুলশিংগা লোইননা তোঙান-তোঙানবা সোসিও একনোমিক বেকগ্রাউন্দগী মহৈরোই করোর ২৬ লোমদা কান্নবা পীরি অমসুং এন.ই.পি. ২০২০ না চহি কাংলুপ ৩-১৮ ফাওবদা লৈবা মহৈরোইশিংবু ভারতকী নাৎকা তুননা চৎপা অমসুং মালেমদা শক্তি লৈবা গ্লোবেল নোলেজ অমা ওইহন্নবগী মায়কৈদা পুবা এজুকেসন সিস্তেম অমা শেম্নবা মগুন লৈবা এজুকেসন পীনবা হোৎনরি।

'পোশন ভি পরাই ভি'

সর্ভে অসিনা হায়রি মদুদি নেসনেল এজুকেসন পোলিসী ২০২০গী চৎন পথাপশিংগা চুশিন্নহনলদুনা 'পোশন ভি পরাই ভি' (পি.বি.পি.বি.) অসি মে ২০২৩দা হৌদোকখি। মসি ভারতপু মালেমদা খ্বাইদগী চাউবা, য়ুনিভর্সেল ওইবা, মগুন ৱাংবা প্রি স্কুল নেৎৱার্ক অঙ্গনৱাদি সেন্তরশিংদা শেমগৎনবা অর্লী চাইল্দহুদ কেয়র অমসুং এজুকেসন (ই.সি.সি.ই.) প্রোগ্রাম অমনি।

সর্ভে অসিনা ইহান হানবা ওইনা, লৈঙাক্কী প্রোগ্রাম অমদা চহি ০-৩ ফাওববু ঙন্না কোনশিনবীরে। প্রোগ্রাম অসিগী মখাদা, অঙাং খুদিংমক্তা নুমিত খুদিংগী মগুন লৈবা প্রিস্কুল ইন্সত্রক্সনশিং য়ামদ্রবদা পুং অনি পীগনি। রাজ্য খুদিংমক্না শান্নখোৎনবদা য়ুম্ফম ওইবা, থবক্তা য়ুম্ফম ওইবা তাকপী তম্বীবগী কাংলোন অসি চহি ০-৩ অমসুং চহি ৩-৬ শুরবা অমসুং নাম্ম শোইরবা অঙাংশিংদা অখন্ননা শৌগৎপীবগা লোইননা ই.সি.সি.ই.গী তাস্ক ফোর্স রিকমেন্দেসন অসি ঙাক্না চৎকদবনি হায়না সর্ভে অসিনা হায়রি।

অঙ্গনৱাদীগী কন্ত্রী-ৱাইদ-ৱেব মপাঙ্গল কনখৎহনবা

সর্ভে অসিনা হায়রি মদুদি মালেমগী ওইনা ব্রেন শেমগৎলকপগী চাং অসি চহি ৬ ফাওবদা চাদা ৮৫ ফংবা ঙম্মি হায়রিবসি য়েংলগা, অঙ্গনৱাদী ইকোসিস্তেম অসি ঐখোয়গী অঙাংশিং অসিনা মখোয়গী তুংগী পুন্সি হেন্না শোইদ ঙামদনবগীদমক য়াম্না মরুওইবা এক্সেস পোইন্ত অমা ওইরে। পি.বি.পি.বি.বু অঙ্গনৱাদীশিংগী খুত্থাংদা মঙফাওনহন্নবগীদমক, অকোনবগী অসিবু অৱাংবা থাক্কী ইনফ্রাস্ত্রকচর, শান্নখোৎনবগী খুৎলাইশিং, অমসুং ত্রেন তৌরবা অঙ্গনৱাদী ৱার্করশিং/তিচরশিংগী মপাঙ্গল লৈহনবা তাই। হীরম অসিগী মতাংদা, অঙ্গনৱাদী ৱার্কর খুদিংমকপু, থবক থৌরম, শান্নবা, লমদম অসিগী ওইবা অমসুং দি.আই.ৱাই শান্নপোৎশিং, মাস্তর ত্রেনর ৪০,০০০গী খুত্থাংদা ই.সি.সি.ই.গী নিয়মদা ত্রেন তৌবা তাই। মসিনা অমুকসু হায়রি মদুদি জনুৱারী ২০২৪ ফাওবদা, রাজ্যগী থাক্তা লৈবা মাস্তর ত্রেনর ৩৭৩৫ পু ত্রেনিং প্রোগ্রাম ৯৫কী খুত্থাংদা রাজ্য ২৫ অমসুং জিল্লা ১২ কোনশিন্দুনা ত্রেন তৌখ্রে।

এন.ই.পি. ২০২০গী পান্দম অমসুং থৌশিলবু থক্তা ওন্থোক্নবা অমসুং চাউখৎনবগীদমক লৈঙাক্না স্কুল এজুকেসন্দা পায়খৎপা মরুওইবা থৌশিল/থৌরাংশিং মকাহদা পীরিঃ

1. সমগ্রা শিক্সা অভিয়ান

• ইন্তিগ্রেতেদ তিচর ত্রেনিং প্রোগ্রাম নিস্থা অসি থাক খুদিংদা লৈবা ওজাশিংবু কোনশিন্নবা চাউথোকহনখ্রে। নিস্থা ই.সি.সি.ই.গী মখাদা মাস্তর ত্রেনর ১,২৬,২০৮ সর্তিফাই তৌখ্রে।
• ফংসনেল দিস্ত্রিক্ত ইন্সতিত্যুত ওব এজুকেসন অমসুং ত্রেনিং (দাইত), দিস্ত্রিক্ত লেভেল ইন্সতিত্যুসন গাইদিং স্কুল এজুকেওন অমসুং তিচর এজুকেসন ৬১৩ মক মথংগী চহি মঙাদা দাইত ওব এক্সিলেন্সতা পুনশিল্লগনি। অহানবা অপগ্রেদ তৌবগী সাইকল (শেনবা চহি ২৪)দা, লৈবাক অসিগী দাইত ১২৫গা মরী লৈননা লুপা লাখ ৯২,৩২০.৮ অয়াবা পীখ্রে।
• গ্রেদ-১ মহৈরোইশিং অমসুং প্রিস্কুল য়াওবা য়াদবা থিদনা থা অহুমগী প্লে বেজ স্কুল প্রিপরেসন মোদ্যুল ওইরিবা বিদ্যা প্রভেশ রাজ্য/য়ু.তি. ৩৬তা চলাইখ্রে। ২০২৩-২৪দা স্কুল লাখ ৮.৪৬ তগী মহৈরোই করোর ১.১৩ কোনশিনখ্রে।
• মহৈরোই নুপীমচা লাখ ৭.০৭ না হৌজিক হৌজিক লৈবাক শীনবা থুংবদা লৈরিবা কস্তুর্বা গান্ধী বালিকা বিদ্যালয় (কে.জি.বি.ভি.) ৫১১৬তা মিং চনখ্রে।
• ইনক্লুসিব এজুকেসন ফোর চিলদ্রেন ৱিদ স্পেসল নীদ (সি.দব্ল্যু.এস.এন.)গী মখাদা অখন্নবা মীৎয়েং চঙবা অঙাং ১৮.৫০বু প্রি প্রাইমরীদগীনা ক্লাস XII ফাওবা কোনশিনখ্রে।

2. নেসনেল এসেস্মেন্ত সেন্তর – পরখকী মখাদা, স্তেকহোল্দরশিংগা খন্নরবা মতুংদা স্কুল বোর্দশিংদা ইক্বিভেলেন্স লৈনবা পোলিসি রিকমেন্দেসন দ্রাফ তৌখ্রে।
3. দিক্সা থৌরাংগী মখাদা, তম্লিবশিং, ওজাশিং অমসুং মপা-মমাশিংগী ওইবা ফ্রী মোবাইল এপ্লিকেসন অমসুং ৱেব পোর্তেল অমা ভারতকী অমসুং ফোরেনগী লো ৩৬তা হাংদোকখ্রে। ই-কন্তেন্ত লাখ ৩.৩ বু দিক্সাগী মখাদা রেজিস্তর তৌরবা য়ুজর করোর ১.৭১দা ফংহনখ্রে।
4. পি.এম.শ্রীগী মখাদা স্কুল সেলেক্সনগী তাংকক ৩ গী থবক লোইশিনখ্রে, মসিদা রাজ্য/য়ু.তি./কে.ভি.এস./এন.ভি.এস. ৩২দগী স্কুল ১০,৮৫৮ খনখি। শেনবা চহি ২৫ তা পি.এম.শ্রী স্কুল ১০,০৮০ গীদমক লুপা করোর ৫৯৪২.২১ অয়াবা পীখি।
5. পি.এম. পোশন স্কিম্না লৈঙাক্কী অমসুং লৈঙ্গাক্কী এদেদ স্কুলশিংদা ক্লাস ১দগীনা ৮ ফাওবদা লৈবা মহোইরোইশিংদা অশাবা চাক ইনশাং পীরি। পি.এম. পোশন স্কিম্না শেনবা চহি ২৪ (দিসেম্বর ২০২৩ ফাওবদা) মহৈলোইশঙ লাখ ১০.৬৭ দা লৈবা অঙাং করোর ১১.৬৩দা কান্নবা পীখি।
6. নেসনেল মিন্স কম মেরিত স্কোলারশিপ স্কিমনা শেন্মিৎলোন শোনবা কাংলুপকী মহৈরোইশিংদা দ্রোপ-আউত তৌদনবা স্কোলারশিপ পীরি। চহি ২০২৩-২৪দা, অপুনবা ওইনা মহোইরোই ২,৫০,০৮৯দা লুপা করোর ৩০০.১০ কাইথোকখি।

বিদ্যাঞ্জলিঃ স্কুল ভোলুন্তীয়র প্রোগ্রাম অমা

বিদ্যাঞ্জলি থৌরাংনা মহৈরোই করোর ১.৪৪দা মপুং ওইবা কম্ম্যুনিতী এঙ্গেজমেন্ত অমসুং তোঙান-তোঙানবা দোমেনশিংদা সবজেক্ত এসিস্তেন্স অমসুং মোনিতরিং অমসুং মোদর্ন ইলেক্ত্রোনিক অমসুং দিজিতেল দিভাইসশিং পীদুনা এজুকেসনেল এক্সপরিএন্স হেনগৎনবা হোৎনবদা মরুওইবা থৌদাং লৌরি।

স্কুলগী ইনফ্রাস্ত্রকচরদা লৈবা খুমাং চাউশিনবশিং

স্কুলশিংগী তঙাইফদবা ফেসিলিতীশিংগী মতাংদা পাউদম্লদুনা সর্ভে অসিনা পুখৎখি মদুদি ২০১২-১৩দা লৈরম্বা ৮৮.১% গা চাংদম্নবদা ২০২২-২৩দা নুপীগী তোইলেত ৯৭% লৈরে। নুপাগী তোইলেতনা ২০১২-১৩দা ৬৭.২% লৈরম্বদগী ২০২২-২৩দা ৯৫.৬%দা হেনগৎলে। খুৎশা হামদোক্নবগী খুদোংচাবনা ২০১২-১৩দা ৩৬.৩% লৈরম্বদগী ২০২২-২৩দা ৯৪.১%দা হেনগৎখ্রে। স্কুলশিংদা মৈ পুশিনবগী চাংসু ২০১২-১৩দা ৫৪.৬% লৈরম্বদগী ২০২২-২৩দা ৯১.৭%দা হেনগৎখ্রে। স্কুলশিংদা ইন্তর্নেত পুশিনবগী চাংসু ২০১২-১৩দা ৬.২% লৈরম্বদগী ২০২২-২৩দা ৪৯.৭%দা হেনগৎখ্রে অমসুং কম্প্যুতর লৈবগী চাংনা ২০১২-১৩দা ২২.২% লৈরম্বদগী ২০২২-২৩দা ৪৭.৭%দা হেনগৎখ্রে।

ভোকেসনেল এজুকেসন

খুমাং চাউশিনবগী চাং য়েংলগদি, শেনবা চহি ১৯ দগীনা শেনবা চহি ২৪ (মার্চ ২০২৪ ফাওবা) ফাওবদা স্কিল এজুকেসনগী মখাদা স্কুল ২৯,৩৪২ কোনশিনখি অমসুং শেনবা চহি ২৪ ফাওবদা স্কিল এজুকেসনগী মখাদা থবক ৮৮ গী থৌদাং লৈবগা লোইননা সেক্তর ২২ কোনশিনখি।

***