ابھرتے ہوئے بے مثال عالمی چیلنجوں کے درمیان ہندوستان کو ایک ترقی یافتہ ملک بننے کے لیے جس سہ فریقی عہد و پیمان کی ضرورت ہے وہ ہے مرکز اور ریاستی حکومتوں کے لیے اعتماد اور درگزر ، نجی شعبے کے لیے طویل مدتی سوچ اور منصفانہ طرز عمل کے ساتھ اعتماد کو دوہرانا اور عوام کے لیےاپنی مالیات اور اپنی جسمانی اور ذہنی صحت کی ذمہ داری  لینا،یہ  بات اقتصادی  جائزہ  2023-24 کے ذریعہ کہی گئی، جسے خزانہ اور کارپوریٹ امور کی  مرکزی وزیر محترمہ نرملا سیتا رمن نے  آج پارلیمنٹ میں پیش کیا۔

اقتصادی جائزے میں کہا گیا ہے کہ وزیر اعظم جناب نریندر مودی کی قیادت میں قومی جمہوری اتحاد کی حکومت کی تیسری مدت کے لیے تاریخی مینڈیٹ کے ساتھ واپسی سیاسی اور پالیسی کے تسلسل کا اشارہ دیتی ہے۔

جائزے میں بتایا گیا ہے کہ کووڈ- 19  کی وبا سے نکلنے کے بعد، ہندوستانی معیشت ایک مضبوط وکٹ اور مستحکم قدموں پر ہے، جو جغرافیائی سیاسی چیلنجوں کے مقابلہ میں لچک کا مظاہرہ کر رہی ہے۔ تاہم، بازیابی کو برقرار رکھنے کے لیے، گھریلو محاذ پر بھاری لفٹنگ کرنا پڑتی ہے کیونکہ اہم عالمی مسائل جیسے تجارت، سرمایہ کاری اور آب و ہوا پر سمجھوتوں تک پہنچنے کے لیے ماحول غیر معمولی طور پر مشکل ہو گیا ہے۔

مضبوط ہندوستانی معیشت

جائزہ  دوسری باتوں کے ساتھ ساتھ یہ نوٹ کرتا ہے کہ  ہندوستانی معیشت کے لیے بہت سے حوصلہ افزا علامات ہیں:

• اعلیٰ اقتصادی ترقی مالی سال 24 میں گزشتہ دو سالوں میں 9.7 فیصد اور 7 فیصد کی شرح نمو کے بعد آئی ہے
• بنیادی افراط زر کی شرح بڑی حد تک قابو میں ہے۔ اگرچہ بعض مخصوص اشیائے خوردونوش کی مہنگائی کی شرح میں اضافہ ہوا ہے۔
• مالی سال 2024 میں تجارتی خسارہ مالی سال 2023 کے مقابلے میں کم تھا۔

• کرنٹ اکاؤنٹ خسارہ مالی سال 2024 میں جی ڈی پی کا تقریباً 0.7 فیصد ہے، مالی سال کی آخری سہ ماہی میں کرنٹ اکاؤنٹ سرپلس ریکارڈ کیا گیا۔

• زرمبادلہ کے ذخائر کافی ہیں۔
• عوامی سرمایہ کاری نے گزشتہ کئی سالوں میں سرمایہ کی تشکیل کو برقرار رکھا ہے، جبکہ سرمائے کے شعبے نے اپنی بیلنس شیٹ کی خرابی پر قابو پا لیا ہے اور مالی سال 22 میں سرمایہ کاری کرنا شروع کر دیا ہے۔
• قومی آمدنی کے اعداد و شمار سے پتہ چلتا ہے کہ غیر مالیاتی نجی شعبے کے سرمائے کی تشکیل، جسے موجودہ قیمتوں میں ناپا جاتا ہے، میں مالی سال 2021 میں کمی کے بعد مالی سال 2022 اور مالی سال 2023 میں مضبوط اضافہ ہوا۔
• مشینری اور آلات میں سرمایہ کاری میں مسلسل دو سال، مالی سال 2020 اور مالی سال  2021  میں گراوٹ آئی  اور اس کے بعد اس میں زور دار اچھال آیا۔
• مالی سال 24 کے لیے کارپوریٹ سیکٹر کے ابتدائی اعداد و شمار سے پتہ چلتا ہے کہ نجی شعبے میں سرمائے کی تشکیل میں توسیع ہوتی رہی، لیکن سست رفتار سے۔

غیر ملکی سرمایہ کاروں کی سرمایہ کاری میں دلچسپی

آر بی آئی کے اعداد و شمار کا حوالہ دیتے ہوئے، جائزے میں کہا گیا ہے کہ اگرچہ ہندوستان کئے پیمنٹس کے بیلنس سے پتہ چلتا ہے کہ غیر ملکی سرمایہ کاروں کی سرمایہ کاری میں دلچسپی، جو کہ نئے سرمایہ کی شکل میں ڈالر کی آمد کے لحاظ سے ناپی جاتی ہے، مالی سال 24 میں 45.8 بلین امریکی ڈالر رہا، جب کہ 2023 میں یہ 47.6 بلین امریکی ڈالر تھا۔ جب کہ براہ راست غیر ملکی سرمایہ کاری رکی ہوئ تھی۔یہ معمولی کمی عالمی رجحان کے مطابق ہے۔ سرمایہ کاری کی واپسی مالی سال 2023 میں 29.3 بلین امریکی ڈالر اور مالی سال 2024 میں 44.5 بلین امریکی ڈالر تھی۔

جائزے میں کہا گیا ہے کہ بہت سے پرائیویٹ ایکویٹی سرمایہ کاروں نے ہندوستان میں بڑھتے ہوئے ایکویٹی بازاروں کا فائدہ اٹھایا اور منافع کے ساتھ باہر نکل گئے۔ یہ ایک صحت مند مارکیٹ ماحول کی علامت ہے جو سرمایہ کاروں کو منافع بخش اخراج کی سہولت فراہم کرتا ہے، جو آنے والے سالوں میں نئی ​​سرمایہ کاری لائے گا۔

جائزے میں کہا گیا ہے کہ آنے والے سالوں میں براہ راست غیر ملکی سرمایہ کاری کے لیے ماحول کئی وجوہات کی بنا پر بہت سازگار نہیں ہے،جس کے اسباب درج ذیل ہیں:

• ترقی یافتہ ممالک میں شرح سود کووڈ کے سالوں کے دوران اور اس سے پہلے کی نسبت بہت زیادہ ہے۔

• ابھرتی ہوئی معیشتوں کو ترقی یافتہ معیشتوں کی فعال صنعتی پالیسیوں کا مقابلہ کرنا ہوگاجس میں  گھریلو سرمایہ کاری کی حوصلہ افزائی  کرنے والی خاطر خواہ سبسڈی شامل ہوگی۔
• ٹرانسفر پرائزنگ، ٹیکسوں، درآمدی ڈیوٹیوں اور غیر ٹیکس پالیسیوں سے متعلق غیر یقینی صورتحال اور تشریحات ابھی بھی حل ہونا باقی ہیں۔
• جغرافیائی سیاسی غیر یقینی صورتحال، جو بڑھ رہی ہے، سرمائے کی آمد پر زیادہ اثر ڈالے گی۔

روزگار پر جھٹکوں کا اثر

روزگار پیدا کرنے کے سلسلے میں، جائزے نے متواتر لیبر فورس سروے کا حوالہ دیتے ہوئے کہا کہ زرعی روزگار میں اضافہ دیہی ہندوستان میں ریورس مائیگریشن اور لیبر فورس میں خواتین کے داخلے کی وجہ سے ہوا ہے۔

سالانہ صنعتی جائزے کا حوالہ دیتے ہوئے، جائزے میں کہا گیا ہے کہ فیکٹریوں کی ملازمتوں کی کل تعداد میں 2013-14 اور 2021-22 کے درمیان سالانہ 3.6 فیصد اضافہ ہوا اور چھوٹے کارخانوں(سو سے کم کارکنوں کو ملازمت دینے والی فیکٹریاں) کے مقابلے میں  بڑی فیکٹریوں (سو سے زیادہ کارکنوں کو ملازمت دینے والی فیکٹریاں)  میں ملازمتوں میں 4.0 فیصد تیز اضافہ ہوا۔ جائزے میں کہا گیا ہے کہ اس عرصے کے دوران ہندوستانی کارخانوں میں روزگار کی کل تعداد 10.4 کروڑ سے بڑھ کر 13.6 کروڑ ہو گئی۔

سال23-2022 کے غیر کارپوریٹڈ انٹرپرائزز کے سالانہ جائزے کا حوالہ دیتے ہوئےاین ایس ایس  73 ویں دور کے نتائج کے مقابلے میں 'ہندوستان میں غیر کارپوریٹڈ غیر زرعی کاروباری اداروں کے کلیدی اشارے (تعمیرات کو چھوڑ کر)'، جائزے نے مشاہدہ کیا کہ یہ ظاہر کرتا ہے کہ  انٹرپرائزز میں مجموعی روزگار 16 - 2015 میں 11.1 کروڑ سے  کم ہوکر 10.96 کروڑ  ہو گیا  ۔ مینوفیکچرنگ میں 54 لاکھ کارکنوں کی کمی تھی لیکن ملازمتوں میں حاصل ہونے والی تجارت اور خدمات میں افرادی قوت کی توسیع نے ان دو ادوار کے درمیان غیر مربوط اداروں میں کارکنوں کی مجموعی تعداد کو تقریباً 16.45 لاکھ تک محدود کردیا۔ یہ موازنہ مینوفیکچرنگ ملازمتوں میں ایک بڑی جست کو ظاہر کرتا ہے جو لگتا ہے کہ22 - 2021 (اپریل 2021 سے مارچ 2022) اور 23 - 2022 (اکتوبر 2022 سے ستمبر 2023) کے درمیان ہوا ہے۔

یکے بعد دیگرے دو بڑے اقتصادی جھٹکوں کا جائزہ لیتے ہوئے - بینکنگ میں غیر  مفاد بخش اثاثے (این پی اے) جس کے ساتھ کارپوریٹ قرضہ جات زیادہ ہے، اور کووڈ – 19  وبائی بیماری، جائزہ کہتا ہے کہ 2047 میں ہندوستان کی وکست بھارت کی طرف مارچ کا عالمی پس منظر 1980 اور 2015 کے درمیان چین کے عروج کے وقت سے زیادہ مختلف نہیں ہے۔

جائزہ نوٹ کرتا ہے کہ جدید دنیا میں، ڈی-گلوبلائزیشن، جیو پولیٹکس، موسمیاتی تبدیلی اور گلوبل وارمنگ، اور مصنوعی ذہانت (اےا ٓئی) کی آمد نے ہندوستان کے لیے بے یقینی کا ایک بہت بڑا پردہ  ڈالا ہے کہ اس کے تمام مہارتوں کی سطحوں  -  کم ،  نیم اور اعلی اثرات مرتب ہوں گے۔ یہ آنے والے برسوں اور دہائیوں میں ہندوستان کے لیے مسلسل بلند شرح نمو کی راہ میں رکاوٹیں پیدا کریں گے۔ جائزے میں کہا گیا ہے کہ ان چیلنجوں پر قابو پانے کے لیے مرکزی  اور ریاستی حکومتوں اور نجی شعبے کے عظیم اتحاد کی ضرورت ہے۔

روزگار کی تخلیق: پرائیویٹ سیکٹر کے لیے اصل نیچے کی لکیر

جائزے نے پرائیویٹ سیکٹر، مرکز اور ریاستی حکومتوں کے درمیان ایک سہ فریقی معاہدے کی حمایت کی تاکہ ہندوستانیوں کی اعلیٰ اور بڑھتی ہوئی امنگوں کو پورا کیا جا سکے اور 2047 تک وکست بھارت کا سفر مکمل کیا جا سکے کیونکہ ملازمتوں کی تخلیق بنیادی طور پر نجی شعبے میں ہوتی ہے، اور بہت سے (سبھی نہیں) وہ مسائل جو معاشی ترقی، روزگار کی تخلیق اور پیداواری صلاحیت کو متاثر کرتے ہیں اور اس میں اٹھائے جانے والے اقدامات ریاستی حکومتوں کے دائرہ کار میں آتے ہیں۔

33,000 سے زائد کمپنیوں کے نمونے کے نتائج کا حوالہ دیتے ہوئے، جائزے میں کہا گیا ہے کہ مالی سال  20  اور مالی سال 23 کے درمیان تین برسوں میں، ہندوستانی کارپوریٹ سیکٹر کا ٹیکس سے پہلے کا منافع تقریباً چار گنا بڑھ گیا اور اس وجہ سے، مالیاتی کارکردگی کے لحاظ سے، کارروائی پرائیویٹ  شعبہ کے ساتھ ہے۔

جائزے کا استدلال ہے کہ یہ ہندوستانی کارپوریٹ سیکٹر کے روشن خیال مفاد میں ہے کہ  زیادہ منافع میں تیرتے ہوئے، ملازمتوں کے مواقع پیدا کرنے کی اپنی ذمہ داری کو سنجیدگی سے لیا جائے اور صحیح رویہ اور مہارت والے لوگوں کو تلاش کیا جائے ۔

پرائیویٹ سیکٹر، گورنمنٹ اور اکیڈمی کے درمیان کمپیکٹ

جائزے میں حکومت، نجی شعبے اور تعلیمی اداروں کے درمیان ایک اور سہ فریقی معاہدے کے خیال کی بھی کھوج کی گئی ہے۔ یہ کمپیکٹ ہنر مندی کے مشن کو دوبارہ شروع کرنے اور ہندوستانیوں کو تکنیکی ارتقاء سے آگے بڑھنے کے لیے تیار کرنا ہے۔ مشن میں کامیابی کے لیے، حکومتوں کو چاہیے کہ وہ صنعت اور تعلیمی اداروں کو اس بڑے کام میں اپنا اپنا کردار ادا کرنے کے لیے آزادی دیں ۔

حقیقی کارپوریٹ سماجی ذمہ داری

جائزے نے کارپوریٹ سیکٹر کے لیے طویل مدت کے لیے سرمایہ کاری کے کلچر کو پروان چڑھانے اور اسے برقرار رکھنے کے لیے ایک بڑے کردار کی بھی حمایت کی۔ دوسرا، جس طرح کارپوریٹ منافع بڑھ رہا ہے، اسی طرح ہندوستانی بینکوں کا خالص سود کا مارجن کئی سالوں کی بلند ترین سطح پر پہنچ گیا ہے۔ یہ ایک اچھی بات ہے۔ منافع بخش بینک زیادہ قرض دیتے ہیں۔

اچھے وقتوں کو برقرار رکھنے کے لیے، جائزے نے نوٹ کیا کہ آخری مالیاتی سائیکل کی مندی کے سبق کو نہ بھولنا ضروری ہے۔ بینکنگ انڈسٹری کو دو  این پی اے سائیکلوں کے درمیان فرق کو لمبا کرنے کا مقصد ہونا چاہیے۔ جائزہ مزید نوٹ کرتا ہے کہ کارپوریٹس کو روزگار اور آمدنی میں اضافے سے پیدا ہونے والی زیادہ مانگ سے فائدہ ہوتا ہے۔ سرمایہ کاری کے مقاصد کے لیے گھریلو بچتوں کو منتقل کرنے سے مالیاتی شعبے کو فائدہ ہوتا ہے۔ جائزے میں کہا گیا ہے کہ آنے والی دہائیوں میں بنیادی ڈھانچہ اور توانائی کی منتقلی کی سرمایہ کاری کو پورا کرنے کے لیے ان رابطوں کو مضبوط ہونا چاہیے اور زیادہ دیر تک چلنا چاہیے۔

جائزے میں ہندوستان کی کام کرنے کی عمر کی آبادی کو فائدہ مند طریقے سے ملازمت دینے کے بارے میں بھی بات کی گئی ہے، جس کے لیے انہیں مہارت اور اچھی صحت کی ضرورت ہے۔ جائزے میں کہا گیا ہے کہ سوشل میڈیا، اسکرین کا وقت، بیٹھے رہنے کی عادات، اور غیر صحت بخش خوراک ایک مہلک مرکب ہیں جو صحت عامہ اور پیداواری صلاحیت کو نقصان پہنچا سکتے ہیں اور ہندوستان کی اقتصادی صلاحیت کو کم کر سکتے ہیں۔

جائزہ ہندوستان کے روایتی طرز زندگی، خوراک اور ترکیبوں کی دلیل دیتا ہے جو صدیوں سے فطرت اور ماحول کے ساتھ صحت مند اور ہم آہنگی کے ساتھ زندگی گزارنے کا طریقہ بتاتے ہیں۔ ہندوستانی کاروباروں کے لیے ان کے بارے میں جاننا اور ان کو قبول کرنا تجارتی معنی رکھتا ہے، کیونکہ ان کے پاس عالمی مارکیٹ ہے جو ٹیپ کرنے کے بجائے رہنمائی کے منتظر ہے۔

جائزہ یہ بھی دلیل دیتا ہے کہ پالیسی سازوں کو – منتخب یا  نامزد – کو بھی چیلنج کا سامنا کرنا پڑتا ہے۔ وزارتوں، ریاستوں اور مرکز اور ریاستوں کے درمیان بات چیت، تعاون اور ہم آہنگی ہونی چاہیے۔ یہ نوٹ کرتے ہوئے کہ یہ چیلنج  کہنے سے کرنا کہیں زیادہ آسان ہے اور یہ کہ اس پیمانے پر اس سے پہلے نہیں کیا گیا تھا، نہ وقت کے اندر اور نہ ہی ہنگامہ خیز عالمی ماحول کے درمیان، جائزے نے حکومتوں، کاروباروں اور سماجی شعبوں کے درمیان اتفاق رائے قائم کرنے اور اسے برقرار رکھنے پر زور دیا۔ اس کوشش میں کامیاب ہونے کے لیے ضروری ہے۔

زراعت ترقی کا انجن بن سکتی ہے اگر…

یہ جائزہ موجودہ اور نئی پالیسیوں کے کچھ از سر نو رخ کے ساتھ زرعی شعبے کی بہتر خدمت کرنے کا معاملہ بناتا ہے اور بتاتا ہے کہ یہ ایک ایسا علاقہ ہے جو اس طرح کے کل ہند مکالمے کے لیے تیار ہے اور اس کی ضرورت ہے۔ جائزے میں کہا گیا ہے کہ اگر ہندوستان فارم سیکٹر کی پالیسیوں کو خراب کرنے والی گرہوں کو کھولتا ہے تو اس کی ادائیگی بہت زیادہ ہوگی۔ جائزے میں کہا گیا ہے کہ کسی بھی چیز سے بڑھ کر، یہ سماجی و اقتصادی فوائد کی فراہمی کے علاوہ، قوم کو بہتر مستقبل کی طرف لے جانے کے لیے ریاست کے خود اعتمادی اور صلاحیت پر اعتماد بحال کرے گا۔

تکنیکی ترقی اور جغرافیائی سیاست روایتی حکمت کو چیلنج کر رہی ہے۔ تجارتی تحفظ پسندی، وسائل کی ذخیرہ اندوزی، اضافی صلاحیت اور ڈمپنگ، ساحلی پیداوار اور  اے آئی کی آمد، ممالک کے لیے مینوفیکچرنگ اور خدمات سے ترقی کو نچوڑنے کی گنجائش کو کم کر رہی ہے۔

جائزے میں اصل کی طرف واپسی پر زور دیا گیا، جیسا کہ کاشتکاری کے طریقوں اور پالیسی سازی کے لحاظ سے، زراعت سے زیادہ قیمت میں اضافہ پیدا کر سکتا ہے، کسانوں کی آمدنی کو بڑھا سکتا ہے، فوڈ پروسیسنگ اور برآمدات کے مواقع پیدا کر سکتا ہے اور ہندوستان کے شہری نوجوانوں کے لیے زرعی سیکٹر کو فیشنیبل اور پیداواری دونوں بنا سکتا ہے۔ یہ حل ہندوستان کی طاقت کا ذریعہ اور باقی دنیا - ترقی پذیر اور ترقی یافتہ کے لیے ایک ماڈل بن سکتا ہے ۔

کامیاب توانائی کی منتقلی ایک آرکسٹرا ہے

دیگر ترجیحات، جیسے توانائی کی منتقلی اور نقل و حرکت، زرعی شعبے کی پالیسیوں کو درست کرنے کی پیچیدگی کے مقابلے میں ہلکی پڑ سکتی ہے۔ پھر بھی، ان میں ایک چیز مشترک ہے۔

توانائی کی منتقلی اور نقل و حرکت کے شعبے  کے بارے میں، جائزے میں کہا گیا ہے کہ انہیں کئی وزارتوں اور ریاستوں میں بہت سی چیزوں کو یکجا کرنے کی ضرورت ہے اور اس شعبے کو درج ذیل شعبوں میں توجہ دینے کی ضرورت ہے:

اے۔ دشمن ممالک پر وسائل کا انحصار؛

بی۔ ٹیکنالوجیکل چیلنجز جیسے بجلی کی پیداوار میں وقفے وقفے سے  قابل تجدید توانائی کے ذرائع اور بیٹری اسٹوریج سے پیداوار میں اضافے اور کمی کے دوران گرڈ کے استحکام کو یقینی بنانا

سی۔ زمین کی کمی والے ملک میں زمین کو باندھنے کے موقع کی قیمت کی شناخت؛

ڈی۔ مالیاتی مضمرات جن میں قابل تجدید توانائی کی پیداوار میں اور ای-موبلٹی سلوشنز  میں سبسڈی دینے، ٹیکس کا نقصان اور مال برداری کی آمدنی جو فی الحال فوسل فیول  کی فروخت اور نقل و حمل سے حاصل ہوتی ہے،کے لیے اضافی اخراجات شامل ہیں۔

ای۔ نام نہاد ‘پھنسے ہوئے اثاثوں’ سے بینک بیلنس شیٹ میں خرابی اور

ایف۔ نقل و حرکت کے متبادل حل جیسے عوامی نقل و حمل کے ماڈل وغیرہ  کی خوبیوں کی جانچ۔

جائزے میں دوسرے ملکوں  کی تقلید  جو کہ قابل عمل اور ضروری نہیں ہے،کے بجائے اصل پالیسی اور طرز عمل وضع کرنے کی دلیل دی گئی ہے۔

چھوٹے کاروباری اداروں کوفروغ

جائزے میں چھوٹے پیمانے کے کاروباری اداروں کو تعمیل کے بوجھ سے زیادہ سے زیادہ راحت  دینے کی بات کہی گئی ہے۔ قوانین، قواعد و ضوابط ان کے مالیات، صلاحیتوں اور بینڈوِڈتھ میں وسعت  کے متقاضی ہوتے ہیں اور  شاید وہ  ان سے  آگےبڑھنے کی خواہش  چھین لیتے ہیں۔

رعایت دینا گڈ گورننس کا حصہ ہے

سامنے آنے والے چیلنجوں پر غور کرتے ہوئے، جائزے  میں کہا گیا ہے کہ کسی پر اس وجہ سے دباؤ نہیں ڈالا جانا چاہیے کہ جمہوری ہندوستان کی سماجی اور اقتصادی تبدیلی ایک شاندار کامیابی کی کہانی ہے۔ بھارت بہت آگے نکل چکا ہے۔ معیشت مالی سال 1993 میں تقریباً 288 بلین ڈالر سے بڑھ کر مالی سال 2023  میں 3.6 ٹریلین ڈالر تک پہنچ گئی ہے اور ہندوستان نے دیگر مساوی  ممالک کے مقابلے میں فی ڈالر قرض میں زیادہ اضافہ کیا ہے۔

جائزے میں  ہندوستانی ریاست کے لئے اپنی صلاحیت کو آزاد کرنے اور ان شعبوں    پر توجہ مرکوز کرنے کی اپنی صلاحیت کو بڑھانے کی دلیل دی جہاں اسے ان شعبوں میں اپنی گرفت  ڈھیلی کرنے کی ضرورت ہے، جہاں پہلے ایسا  تھا۔ لائسنسنگ، معائنہ اور تعمیل کی وہ شرائط جو حکومت کی تمام سطحوں پر کاروباروں پر عائد ہوتی رہتی ہیں ایک بہت بڑا بوجھ ہے۔ جائزےمیں کہا گیا ہے کہ ماضی کے مقابلے میں اس بوجھ کو کم کیا گیا ہے۔  لیکن جہاں اسے ہونا چاہیے وہاں  یہ اب بھی  بہت زیادہ ہے۔ اس بوجھ کو وہ لوگ- چھوٹے اور درمیانے درجے کے کاروباری ادارے -زیادہ شدت سے محسوس کرتے ہیں جو اسے برداشت کرنے کے لیے کم سے کم صلاحیت سے آراستہ  ہیں ۔ جائزے میں  ایشوپنیشد کا حوالہ دیا گیا ہے جو ہم سب کو حکم دیتا ہے کہ ہم اپنے مال کو چھوڑ دیں، آزاد رہیں اور اس آزادی سے لطف اندوز ہوں:

ईशा वास्यमिदं सर्वं यत्किञ्च जगत्यां जगत्।

तेन त्यक्तेन भुञ्जीथा मा गृधः कस्यस्विद्धनम्॥

اقتدار حکومتوں کی ایک قیمتی ملکیت ہے۔ وہ کم از کم اس میں سے کچھ کو چھوڑ سکتے ہیں اور اس ہلکے پن سے لطف اندوز ہوسکتے ہیں جو اس سے  زیر حکمرانی اور حکمراں  دونوں میں پیدا ہوتا ہے۔

۔۔۔۔۔۔۔۔۔۔۔

ش ح۔م م۔  ا ک۔ ا  گ۔ج۔ ت ح۔ ن ا۔