ভারতকী লৌউশিংউগী সেক্তর অসি মায় পাকপগী ৱারী অমা ওইরে। লৈবাক অসিনা চীঞ্জাক্কী অৱাৎপা লৈরম্বা অমসুং ১৯৬০গী মতমদা মপান্দগী পুশিল্লকপা লৈবাক অমা ওইরম্বদগী হৌজিক্তি লৌউশিংউ পোত্থোকশিং মপান্দা থাদোকপা লৈবাক অমা ওইরে হায়না কেন্দ্রগী শেলথুম অমসুং কোর্পোরেত মন্ত্রী শ্রীমতি নির্মলা সিতারমন্না ঙসি পার্লিয়ামেন্ততা পুখৎখিবা দি একনোমিক সর্ভে ২০২৩-২৪না হায়রি।

হৌজিক তঙাইফদ্রিবা অসি তঙাইফদবা ফুদ সেক্যুরিতীদগী ন্যুত্রিসনেল সেক্যুরিতীদা হোংবনি হায়না সর্ভে অদুনা পুখৎলকখি। সর্ভে অদুনা মখা তারদুনা হায়খি মদুদি ঐখোয়না পল্স, মিলেত, উহৈ অমসুং মনা মশীং, শঙ্গোম, শা হেন্না পুথোকপা তঙাইফদে, মরমদি মখোয়গী দিমান্দ অসি হৌজিক তঙাইফদবা চেঙ চাক্তগী হেন্না ৱাংখৎলক্লি। মরম অসিনা ফার্ম সেক্তর পোলিসীশিংনা ন্যুরিসন পীবা অমসুং মহৌশাগী রিসোর্সতা লৈবা 'দিমান্দ হেনবা চীঞ্জাক্কী সিস্তেম' লোমদা চঙশিনগদবনি হায়না সর্ভে অসিনা পাউতাক পীরি।

একনোমিক সর্ভে অসিনা মখা তারদুনা লৌমীশিংগী অপাম্বগী মতুং ইন্না কৈথেলদা ফংহন্নবা লৈঙাক্কী থৌশিল মঙা পীরি। অহানবা খোঙথাং অসি মমল ৱাংখৎলকপগী অহানবা খুদমদা ফ্যুচর নৎত্রগা ওপসন থিংজিনবীদবা, অসিগুম্বা মার্কেতকী ইন্তেলিজেন্ত ওইবা রিগুলেতরী দিজাইন অসিনা লৌউশিংউগী পোৎলমশিংদা ফ্যুচর মার্কেত্তা ব্যুরোক্রেতিক ইন্তর্ফরেন্স পীবা থিংবা ঙমগনি হায়না সর্ভে অসিনা হায়রি।

সর্ভে অসিনা পীইবা অনিশুবা রিকমেন্দেসন্না অখন্নবা মতাং খক্তদা এক্সপোর্ত থিংবা অমসুং দোমেস্তিক কঞ্জুমরশিংদা চেঙ হৱাই নত্তবা অতৈ লৌউশিংউগী পোৎলমশিংদা মহুৎ শিলহনবগী মতাংদা ফোংদোক্লি। "লৌমীশিংদা অৱাংবা অন্তর্জাতিগী মমলদগী কান্নবা ফংহনগদবনি" হায়না সর্ভে অসিনা হায়রি।

অহুমশুবা খোঙথাং ওইনা, সর্ভে অসিনা ইনফ্লেসন তার্গেতিং ফ্রেমৱার্ক নৌনা য়েংশিন্নবা হায়রি। মসিনা হায়রি মদুদি ভারতকী ইনফ্লেসন তার্গেতিং ফ্রেমৱার্ক অসি চীঞ্জাক য়াওদনা ইনফ্লেসন তার্গেত তৌগদবনি। "চীঞ্জাক্কী মমলশিং হেনগৎলকপসি অয়াম্বা মতমদা দিমান্দনা ওইহন্দে, মসি সপ্লাইনা ওইহল্লি। ভারতকী ইনফ্লেসন তার্গেতিং ফ্রেমৱার্কনা চীঞ্জাক য়াওদনা ইনফ্লেসন রেত তার্গেত তৌবা য়াব্রা হায়বসি য়েংগদবনি" হায়না সর্ভে অসিনা হায়রি। সর্ভে অসিনা মখা তারদুনা হায়খি মদুদি লাইরবশিগদা অমসুং চগা নেম্বা কঞ্জুমরশিংদা চীঞ্জাক্কী মমল ৱাংখৎপনা পীরিবা চৈথেং অসি দাইরেক্ত বেনিফিত ত্রান্সফর নৎত্রগা চুন্নবা মতমগী অখন্নবা ওইনা লৈবা মতমদা কুপন ওইনা শীজিন্নদুনা লাকশিনবা ঙম্বা য়াই।

মরিশুবা রিকমেন্দেসন অসিনা তোতেল নেত ইরিগেতেদ এরিয়া হেনগৎপগী মতাংদা হায়রি। রাজ্য কয়াদা জাতিগী চাংচৎতগী নেম্না লৈরি অমসুং ভারতকী ঈথৈ লৌখোঙগী কান্নবগী চাং অসি লৈমাইগী ঈশিংগী ওইনা চাদা ৩০-৪০ ফাওবদা ওইরি অমসুং লৈনুংগী ঈশিংগী ওইনা চাদা ৫০-৬০ ফাওবা ওইরি হায়না সর্ভে অসিনা পুখৎখি। সর্ভে অসিনা লৌউশিংউগী থবকশিংদা ঈশিং নীংথিনা শীজিন্নবা অমসুং দ্রিপ অমসুং ফর্তিগেসনগুম্বা তেক্নোলোজীশিং শীজিন্নবগী তঙাইফদবা থমখি।

মঙাশুবা অমসুং অরোইবা পাউতাক ওইনা সর্ভে অসিনা লৌউশিংউদা অকোইবগী ফিভম য়েংদুনা খল কাইহন্দবগী মতাংদা হায়রি। চেঙ অমসুং চু পাম্বীগুম্বা পোৎলমশিং অসি ঈশিং চুপ্পা পাম্বীশিংনি অমসুং ফৌ লোকপা মতমদা মিথেন থাদোকপগী চাং হেনগৎলে। ক্রোপ-ন্যুত্রেল ইন্সেন্তিব স্ত্রকচর য়োখৎপগী মতম অদু লাক্লে হায়না সর্ভে অসিনা হায়রি।

লৌউশিংউ হায়বসিনা ২১শুবা চহিচা অসিদা অচৌবা শীংনবা ৩গী মরক্তা চপলি- ফুদ অমসুং ন্যুত্রিসনেল সেক্যুরিতী, ক্লাইমেত চেঞ্জ অমসুং ঈশিং, এনর্জী, অমসুং লমগুম্বা  ক্রিতিকেল রিসোর্সশিং তুং কোইনা চৎপা য়াবা মওংদা শীজিন্নবনি হায়না সর্ভে অসিনা প্ললি। লৌউশিংউ অমসুং এলাইদ সেক্তর অসিনা কান্নবা ফংবা য়াবা থবকশিং পীরসু ভারতনা লৌউশিংউগী শক্তি অসি শেন্মিৎলোন হেনগৎনবা অমসুং থবক পীনবা মপুং ফানা শীজিন্নদ্রি হায়না সর্ভে অসিনা হায়খি।

লৌউশিংউ সেক্তর অসিদা ঈশিং ফংদবগী অমসুং অইং অশা হোংলকপনা মরম ওইদুনা অহোংবা পুরকপগী তঙাইফদবা লৈ হায়না সর্ভে অসিনা হায়রি। কোবিদকী চহিশিংদা রিভর্স মাইগ্রেসন্না মরম ওইদুনা লৌউশিংউগী থবক্তা কাইরকপা, শেনবা চহি ২৪দা লৌউশিংউগী থবক্তা ভেল্যু এদিসন হন্থরকপা, অমসুং ২০২৪গী কালেন্থাদা ঈশিংগী স্ত্রেস লৈবা অমসুং এনর্জী কঞ্জুম্পসন্না লৈবাক অসিগী অৱাং নোঙ্গুপ অমসুং সেন্ত্রেল রিজন্দা কা হেন্না শাবা হেনগৎলকপনা ভারতকী ফার্ম সেক্তর পোলিসীশিংদা শাথিবা মওংদা নীংহন্নহল্লি হায়না সর্ভে অসিনা মখা তাখি।

*****