ಅತಿಸಣ್ಣ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳಿಗೆ (ಎಂಎಸ್ಎಂಇಗಳು), ಸಾಲದ ಅಂತರವನ್ನು ಕಡಿಮೆ ಮಾಡುವುದು ನಿರ್ಣಾಯಕ ಅಂಶವಾಗಿದ್ದರೂ, ಅನಿಯಂತ್ರಣ, ಭೌತಿಕ ಮತ್ತು ಡಿಜಿಟಲ್ ಸಂಪರ್ಕವನ್ನು ಹೆಚ್ಚಿಸುವುದು ಮತ್ತು ಎಂಎಸ್ ಎಂಇ ಗಳು ತಮ್ಮ ಮಾರುಕಟ್ಟೆಯನ್ನು ವಿಸ್ತರಿಸಲು ಅನುವು ಮಾಡಿಕೊಡುವ ರಫ್ತು ಕಾರ್ಯತಂತ್ರವನ್ನು ಜಾರಿಗೆ ತರುವುದರ ಮೇಲೆ ಗಮನ ಹರಿಸಬೇಕು. ಇಂದು ಸಂಸತ್ತಿನಲ್ಲಿ ಕೇಂದ್ರ ಹಣಕಾಸು ಮತ್ತು ಕಾರ್ಪೊರೇಟ್ ವ್ಯವಹಾರಗಳ ಸಚಿವರಾದ ಶ್ರೀಮತಿ ನಿರ್ಮಲಾ ಸೀತಾರಾಮನ್  ಮಂಡಿಸಿದ ಆರ್ಥಿಕ ಸಮೀಕ್ಷೆ 2023-24ರಲ್ಲಿ ಇದನ್ನು ಹೇಳಲಾಗಿದೆ. 

ಎಂಎಸ್ ಎಂಇ ವಲಯವು ಭಾರತದ ಆರ್ಥಿಕತೆಯಲ್ಲಿ ಪ್ರಮುಖ  ಸ್ಥಾನವನ್ನು ಹೊಂದಿದೆ  ಎಂದು ಸಮೀಕ್ಷೆಯು ತಿಳಿಸಿದೆ ಹಾಗು ವ್ಯಾಪಕವಾದ ನಿಯಂತ್ರಣ ಮತ್ತು ಅನುಸರಣೆ ಅಗತ್ಯತೆಗಳನ್ನು ಎದುರಿಸುತ್ತಿದೆ ಅನೇಕ ಅಡಚಣೆಗಳನ್ನು ಎದುರಿಸುತ್ತಿದೆ. ಕೈಗೆಟುಕುವ ಮತ್ತು ಸಕಾಲಿಕ ಹಣಕಾಸಿನ ಲಭ್ಯತೆ ಒಳಗೊಂಡಂತೆ ಹಲವಾರು ನಿರ್ಬಂಧಗಳನ್ನು ಎದುರಿಸಲಾಗುತ್ತಿದೆ, ಇದು ಪ್ರಮುಖ ಕಾಳಜಿಯಾಗಿದೆ.

ಎಂಎಸ್ಎಂಇಗಳು ವ್ಯವಹರಿಸಬೇಕಾದ ಪರವಾನಗಿ, ತಪಾಸಣೆ ಮತ್ತು ಅನುಸರಣೆ ಅಗತ್ಯತೆಗಳು, ನಿರ್ದಿಷ್ಟವಾಗಿ ಸ್ಥಳೀಯ ಇಲಾಖೆಗಳಿಂದ ಹೇರಲ್ಪಟ್ಟಿವೆ, ಇದು ಅವರ ಸಾಮರ್ಥ್ಯಕ್ಕೆ ಬೆಳೆಯಲು ಮತ್ತು ಉದ್ಯೋಗಗಳನ್ನು ಸೃಷ್ಟಿಸಲು ಅಡ್ಡಿಯಾಗುತ್ತದೆ. ಮಿತಿ-ಆಧಾರಿತ ರಿಯಾಯಿತಿಗಳು ಮತ್ತು ವಿನಾಯಿತಿಗಳು ತಮ್ಮ ಗಾತ್ರಗಳನ್ನು ಮಿತಿಗಳ ಒಳಗೆ ಸೀಮಿತಿಗೊಳಿಸಲು ಉದ್ಯಮಗಳಿಗೆ ಅನಪೇಕ್ಷಿತ ಪರಿಣಾಮವನ್ನು ಸೃಷ್ಟಿಸುತ್ತವೆ ಮತ್ತು ಆದ್ದರಿಂದ, ಮಿತಿ ಆಧಾರಿತ ಪ್ರೋತ್ಸಾಹಕಗಳು ಮುಕ್ತಾಯದ ಷರತ್ತುಗಳನ್ನು ಹೊಂದಿರಬೇಕು ಎಂದು ಸಮೀಕ್ಷೆ ಹೇಳುತ್ತದೆ.

ಪ್ರಮುಖ ನೀತಿ ಕೊಡುಗೆಯಾಗಿ ನಿಯಂತ್ರಣ ಸಡಿಲಿಕೆಗೆ ಕರೆ ನೀಡುತ್ತಾ, ಅಗತ್ಯವಿರುವ ನೀತಿ ಬದಲಾವಣೆಗಳ ಕುರಿತು ರಾಜ್ಯಗಳೊಂದಿಗೆ ಸಂವಾದಕ್ಕಾಗಿ ಸಾಂಸ್ಥಿಕ ಕಾರ್ಯವಿಧಾನಗಳನ್ನು ಪುನರುಜ್ಜೀವನಗೊಳಿಸುವುದು ಅಥವಾ ರಚಿಸುವುದು ಅತ್ಯಗತ್ಯ ಎಂದು ಸಮೀಕ್ಷೆ ಹೇಳುತ್ತದೆ. ಸ್ಥಳೀಯ (ರಾಜ್ಯ ಮತ್ತು ಸ್ಥಳೀಯ) ಆಡಳಿತದ ಮಟ್ಟದಲ್ಲಿ ಹೆಚ್ಚಿನ ಕ್ರಮಗಳು ನಡೆಯಬೇಕು ಎಂದು ಅದು  ಹೇಳಿದೆ. ಎಂಎಸ್ಎಂಇ ಉದ್ಯಮಿಗಳಿಗೆ ಮಾನವ ಸಂಪನ್ಮೂಲ ನಿರ್ವಹಣೆ, ಹಣಕಾಸು ನಿರ್ವಹಣೆ ಮತ್ತು ತಂತ್ರಜ್ಞಾನದಂತಹ ಉದ್ಯಮ ನಿರ್ವಹಣೆಯ ನಿರ್ಣಾಯಕ ಕ್ಷೇತ್ರಗಳಲ್ಲಿ ತರಬೇತಿಯ ಅಗತ್ಯವಿದೆ. ಅಂತಹ ತರಬೇತಿಯಿಂದ  ಹೊರಬಂದ ಮಾಲೀಕರು ಮತ್ತು ಉದ್ಯಮಿಗಳ ಉತ್ಪಾದಕತೆ ಅಪಾರವಾಗಿರುತ್ತದೆ ಎಂದು ಸಮೀಕ್ಷೆ ಹೇಳುತ್ತದೆ.

ಎಂಎಸ್ಎಂಇಗಳು ಭಾರತದ ಆರ್ಥಿಕತೆಯ ಬೆನ್ನೆಲುಬಾಗಿದ್ದು, ದೇಶದ ಜಿಡಿಪಿಯ ಸರಿಸುಮಾರು ಶೇಕಡಾ 30 ರಷ್ಟು, ಉತ್ಪಾದನಾ ಉತ್ಪಾದನೆಯ ಶೇಕಡಾ 45 ರಷ್ಟು ಕೊಡುಗೆ ನೀಡುತ್ತವೆ ಮತ್ತು ಭಾರತದ ಜನಸಂಖ್ಯೆಯ 11 ಕೋಟಿ ಜನರಿಗೆ ಉದ್ಯೋಗವನ್ನು ಒದಗಿಸುತ್ತವೆ ಎಂದು ಸಮೀಕ್ಷೆ ಉಲ್ಲೇಖಿಸಿದೆ. ಎಂಎಸ್ಎಂಇಗಳು ಸೇರಿದಂತೆ ವ್ಯವಹಾರಗಳಿಗೆ 5 ಲಕ್ಷ ಕೋಟಿ ತುರ್ತು ಕ್ರೆಡಿಟ್ ಲೈನ್ ಗ್ಯಾರಂಟಿ ಸ್ಕೀಮ್ನ ಹಂಚಿಕೆಯಂತಹ ಉಪಕ್ರಮಗಳ ಮೂಲಕ ಎಂಎಸ್ಎಂಇ ವಲಯದ ಬೆಳವಣಿಗೆಯನ್ನು ಉತ್ತೇಜಿಸುವಲ್ಲಿ ಭಾರತ ಸರ್ಕಾರವು ಸಕ್ರಿಯವಾಗಿದೆ ಎಂದು ಅದು ಹೇಳುತ್ತದೆ; ಎಂಎಸ್ಎಂಇ ಸ್ವಾವಲಂಬಿ ಭಾರತ ನಿಧಿಯ ಮೂಲಕ 50,000 ಕೋಟಿ ಇಕ್ವಿಟಿ ಇನ್ಫ್ಯೂಷನ್; ಎಂಎಸ್ಎಂಇ ಗಳ ವರ್ಗೀಕರಣಕ್ಕೆ ಹೊಸ ಪರಿಷ್ಕೃತ ಮಾನದಂಡಗಳು; 5 ವರ್ಷಗಳಲ್ಲಿ 6,000 ಕೋಟಿಗಳ ವೆಚ್ಚದೊಂದಿಗೆ ಎಂಎಸ್ಎಂಇ ಕಾರ್ಯಕ್ಷಮತೆಯನ್ನು ಹೆಚ್ಚಿಸುವ ಮತ್ತು ವೇಗಗೊಳಿಸುವ ಕಾರ್ಯಕ್ರಮದ ಬಿಡುಗಡೆ; ಆದ್ಯತಾ ವಲಯದ ಸಾಲದ ಅಡಿಯಲ್ಲಿ ಪ್ರಯೋಜನವನ್ನು ಪಡೆಯಲು ಅನೌಪಚಾರಿಕ ಮೈಕ್ರೋ ಎಂಟರ್ಪ್ರೈಸಸ್ ಅನ್ನು ಔಪಚಾರಿಕ ವ್ಯಾಪ್ತಿಯ ಅಡಿಯಲ್ಲಿ ತರಲು 11.01.2023 ರಂದು ಉದ್ಯಮ್ ಅಸಿಸ್ಟ್ ಪ್ಲಾಟ್ಫಾರ್ಮ್ ಅನ್ನು ಪ್ರಾರಂಭಿಸಲಾಗಿದೆ. ಪ್ರಾಥಮಿಕವಾಗಿ ಸಕಾಲಿಕ ಮತ್ತು ಕೈಗೆಟುಕುವ ಸಾಲದ ಲಭ್ಯತೆಗಾಗಿ ವಲಯವು ಎದುರಿಸುತ್ತಿರುವ ಪ್ರಮುಖ ಸವಾಲುಗಳನ್ನು ಗಮನದಲ್ಲಿಟ್ಟುಕೊಂಡು ಈ ಉಪಕ್ರಮಗಳನ್ನು ರೂಪಿಸಲಾಗಿದೆ ಎಂದು ಸಮೀಕ್ಷೆ ಹೇಳುತ್ತದೆ.

*****