প্রধান মন্ত্রী, শ্রী নরেন্দ্র মোদীনা ঙসি হান্নগী উপ্প রাস্ত্রপতি শ্রী এম ভেঙ্কৈয়া নাইদুগী পুন্সি অমসুং খোঙচৎতা য়ুম্ফম ওইবা লাইরিক অহুম মহাক্কী ৭৫শুবা মপোক কুমোনগা ইরোইননা ভিদিও কনফরেন্সিংগী খুত্থাংদা ফোংখ্রে।

প্রধান মন্ত্রীনা ফোংখিবা লাইরিকশিংগী মনুংদা (i) দি হিন্দু, হায়দেরবাদ ইদিসনগী হান্নগী রেজিদেন্ত ইদিতর ওইরম্বা শ্রী এস নাগেশ কুমারনা ইবা "ভেঙ্কৈয়া নাইদু- লাইফ ইন সর্ভিস" হায়না মিংথোনবা হান্নগী উপ্প রাস্ত্রপতিগী পুন্সি ৱারী; (ii) "সেলেব্রেতিং ভারত- দি মিসন এন্দ মেসেজ ওব শ্রী এম ভেঙ্কৈয়া নাইউ এস ১৩ ভাইস প্রেজিদেন্ত ওব ইন্দিয়া" হায়বা দা. আই.ভি. সুবা রাও, হান্নগী ভারতকী উপ্প রাস্ত্রপতিগী সেক্রেতরী ওইরম্বনা খোমজিনবা ফোতো ক্রোনিকল; অমসুং (iii) "মহানেতা- লাইফ এন্দ জর্নী ওব শ্রী এম ভেঙ্কৈয়া নাইদু" হায়না মিংথোনবা শ্রী সঞ্জয় কিশোরনা ইবা তেলুগুদা নম্বা পিক্তোরেল বাইওগ্রাফীনি।

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি শ্রী এম ভেঙ্কৈয়া নাইদুনা হয়েং জুলাইগী ১দা চহি ৭৫ মপুং ফারগনি অমসুং হায়খি "হায়রিবা চহি ৭৫ অসি য়াম্না তোপ তোপ্পা অমা ওইদুনা লাক্লি অমসুং মসিদা মীকুপ কয়া অমগী পোথাফমসু য়াওরি।" প্রধান মন্ত্রীনা শ্রী এম ভেঙ্কৈয়া নাইদুগী পুন্সি ৱারী অমসুং মহাক্কী পুন্সিদা য়ুম্ফম ওইবা অতৈ লাইরিক অনি অমগা ফোংবদা হরাওবা ফোঙদোকখি। মহাক্না থাজবা থমখি মদুদি হায়রিবা লাইরিকশিং অসিনা মীয়াম্বু ইনোত পীবগা লোইননা লৈবাক অসিবু সেবা তৌনবা হোৎনবদা অচুম্বা লম্বী অমসু তাক্লগনি।

উপ্প রাস্ত্রপতিগা মতম কুইনা পুন্দুনা লাকপগী মীকুপ কয়াবু নীংশিংলদুনা প্রধান মন্ত্রীনা হায়খি মদুদি মহাক্না শ্রী ভেঙ্কৈয়া নাইদুগা লোইননা মতম কয়া অমা শাংনা থবক পায়মিন্নবগী খুদোংচাবা ফংজখি। হায়রিবা খোঙচৎ অসি ভেঙ্কৈয়াজিনা ভারতিয়া জনাতা পার্তী (বি.জে.পি.)গী নেসনেল প্রেজিদেন্ত ওইনা থৌ পুরিঙৈ মতমদগীনি, মসিগী মতুংদা মহাক্না কেবিনেতকী সেনিয়র রোল ওইনা লৌরকপদনি, মহাক্না লৈবাক অসিগী উপ্প রাস্ত্রপতি ওইনা থৌ পুবীরকপা মতম, অদুগা অকোনবদা মহাক্না রাজ্য সভাগী স্পীকর ওইনা থৌ পুরকপা মতম ফাওবা লোইনজখি।

"কনাগুম্বা অমনা অপীকপা খুঙ্গং অমদগী হৌরক্লগা অসুক মশক থোকপা ফম অমা পায়রকপদা ফংলমগদবা লৌশিং অদু কনাগুম্বা অমনা ভাপ্না লাম্বা ফংবীরমগনি। ঐহাক্না ভেঙ্কৈয়াজিদগী কয়া অমা তমজহৌই", হায়না মহাক্না হায়খি।

শ্রী মোদীনা ফোংদোকখি মদুদি ভেঙ্কৈয়া নাইদুজিগী পুন্সি অসি ৱাখল্লোন, মঙলান অমসুং মতীক চাবা মীওই মীতৌ অমগী অপুনবা মশক্নি। প্রধান মন্ত্রীনা হৌজিক লৈরিবা বি.জে.পি. অমসুং মতীক চাবা য়ুম্ফম অমা লৈত্রিঙৈ মতমগা চাংদম্নবদা অন্ধ্র প্রদেশ অমসুং তেলঙ্গানাগী জন সঙ্ঘগী ফিভম অসিদা হরাওবা ফোঙদোকখি। মহাক্না হায়খি, "অসিগুম্বা অহোবা কয়া অসিগী মরক্তা, শ্রী নাইদুনা "লৈবাক্না হান্না" হায়বা ৱাখল্লোন অসিদা এ.বি.ভি.পি.গী কার্য়াকার্তা অমা ওইনা থৌদাং লৌবীরম্মি অমসুং লৈবাক অসিনা করিগুম্বা অমা ফংনবগীদমক খনবীখি।" প্রধান মন্ত্রীনা শ্রী নাইদুবু লৈবাক অসিদা চহি ৫০ গী মমাংদা থমখিবা এমর্জেন্সীগী মাইয়োক্তা থা ১৭ জেলদা থম্লবসু খোঙফম চেৎনা লেপ্পীখিবগীদমক শীংথাখি।

শ্রী মোদীনা শ্রী নাইদুবু এমর্জেন্সীগী মতমদা অৱাবা কয়া মাইয়োক্নবদা হনবা লৈতবা মীওই অমা ওইনা ফোংদোকখি অমসুং মসিগী মরম অসিমক্কীদমক মহাকপু অশেংবা মরুপ অমা ওইনা লৌরি হায়খি।

শক্তিনা মহাক্কী পুন্সিগী নুংঙাইবা লেপ্তে অমসুং মসিবু সেবা তৌদুনা ৱারেপ কয়া লোইশিন্নবা পাম্বৈ ওইনা শীজিন্নৈ হায়রদুনা প্রধান মন্ত্রীনা হায়খি মদুদি শ্রী নাইদুনা মহাক মশামকপু ভাজপায়ী লৈঙাক্কী শরুক অমা ওইবগী খুদোংচাবা ফংখি অমসুং মসিদা মহাক্না খুঙ্গং চাউখৎ থৌরাংগী কেন্দ্রগী মন্ত্রী অমা ওইখি। "নাইদুজিনা খুঙ্গংশিং, লাইরবা অমসুং লৌমীশিংবু সেবা তৌবা পামজখি," হায়না শ্রী মোদীনা ফোংদোকখি। মহাক্না মখা তারদুনা শ্রী নাইদুনা মোদী লৈঙাক্কী মতমদা অর্বান দিবেলপমেন্তকী কেন্দ্রগী মন্ত্রী ওইনা থৌ পুরম্মি অমসুং মহাক্কী মফমদা লৈরিবা ভারতকী অনৌবা শহরগী মঙলানবু থাগৎখি। ভেঙ্কৈয়া নাইদুনা হৌদোকপীরম্বা স্বছ ভারত মিসন, স্মার্ত সিতী মিসন অমসুং অমৃত য়োজনাসু মহাক্না পনখি।

হান্নগী উপ্প প্রধান মন্ত্রীগী ঈং তপ্পা মীওং মীতৌ, ৱা ঙাংবা হৈবা অমসুং লৌশিং লৈববু ৱাংনা থাংগৎলদুনা প্রধান মন্ত্রীনা নীংশিংখি মদুদি নাইদুজিগী লৌশিং, খুদক্কী ওইবা ৱাখল, খোঙজেল য়াঙনা পাউখুম পীবা অমসুং ফজবা ৱাহৈ পরেং অমগী পাউখুমশিং অসি কনাগুম্বা অমত্তগা চাংদম্নবা য়ারোই হায়খি। অতল বিহারী ভাজপায়ীগী চুংশিন্নবা লৈঙাক্কী মতমদা নাইদুনা শেমখিবা খোলাও, "এক হাথ মে বি.জে.পি. কা ঝন্দা ঔর দুসরে হাথ মে এন.দি.এ.কা এজেন্দাজ" হায়বদি খুৎ নাম্মদা বি.জে.পি.গী ফিরাল অমসুং অতোপ্পা খুৎ নাম্মদনা এন.দি.এ.কা এজেন্দা হায়বসিবু প্রধান মন্ত্রীনা নীংশিংখি। ২০১৪ দা, মহাক্না এম.ও.দি.আই. গী 'মেকিং ওব দিবেলপ ইন্দিয়া' হায়বা এক্রোনিম অসি পুথোকপীরম্মি। প্রধান মন্ত্রীনা হায়খি ভেঙ্কৈয়াগী ঈং তপ্পা মতৌ উবদা অঙকপা পোকখি, মসিনা রাজ্য সভাদা মহাক্কী মওং মতৌবু থাগৎতবা ঙমখিদে, অদুগা হান্নগী উপ্প রাস্ত্রপতিগী ৱারোলদা মরা তাবা, লূম্না লৌবা মঙলান, তান্থা, চোংবা অমসুং লৌশিং কয়া য়াওই হায়না মহাক্না হায়খি।

শ্রী নাইদুনা রাজ্য সভাদা স্পীকর ওইনা লৈরিঙৈ মতমদা শেম্বীরম্বা অফবা ফিভম অদুবু শীংথাখি অমসুং হাউসনা লৌখিবা মরুওইবা ৱারেপ কয়াবুসু পুখৎখি। লোক সভাদা পউখৎত্রিঙৈ মমাংদা রাজ্য সভাদা আর্তিকল ৩৭০ লৌথোক্নবা বিল পুথোক্লকপা নীংশিংলদুনা প্রধান মন্ত্রীনা শ্রী নাইদুগী অদুগুম্বা সেন্সিতিব ওইবা বিল অমা হাউসকী ফিভম কায়হন্দনা হৈ শিংনা পাস তৌহনখিববু ৱাংনা থাংগৎখি। প্রধান মন্ত্রীনা শ্রী নাইদুবু মতম কুইনা, তেক্ত কায়দনা, নাদ য়েক্তনা লৈবা পীনবীনবা নিজখি।

শ্রী মোদীনা ভেঙ্কৈয়াজিগী মতৌদা য়াওরিবা অথোৎপা পুক্নিংগী মতৌগী মতাংদসু পনখি মদুদি মহাক্না কৈদৌনুংদা অৱাবা তাংকক্না মহাক্কী ৱারেপ লৌবগী মতাংদা অকায়বা পীখিদে। মহাক্না ইচম চম্না হিংবা অমসুং মীয়ামগা মতৌ করম্না লোইনবগে হায়বগী মতাংদা পনখি। প্রধান মন্ত্রী মোদীনা কুমহৈগী মতমদা ভেঙ্কৈয়াজিগী লৈফমদা লৈখিবগী মতাংদসু নীংশিংখি। প্রধান মন্ত্রীনা শ্রী নাইদুগুম্বা অচৌবা মীওই অমনা ভারতকী রাজনিতীদা তম্লম্বা খুদোলশিংগী মতাংদা ফোংদোকখি। ঙসি ফোংখিবা লাইরিক অহুমগী মতাংদা পল্লদুনা প্রধান মন্ত্রীনা হায়খি মখোয়না নহা ওইরিবা কয়াদা ইনোৎ অমা ওইরিবা ভেঙ্কৈয়াজিগী পুন্সিগী খোংচৎ পল্লি।

প্রধান মন্ত্রীনা মহাক্কী ৱারোলবু রাজ্য সভাদা নোংমা শ্রী নাইদুদা কত্থোকখিবা শৈরেংগী পরেং খরা নীংশিংলদুনা অমসুং পাথোক্লদুনা লোইশিনখি। শ্রী মোদীনা অমুক্কা হন্না শ্রী ভেঙ্কৈয়া নাইদুবু মহাক্কী পুন্সি খোংচৎতা চহি ৭৫ মপুং ফারকপবু হরাওবা ফোংদোকপগা লোইননা য়াইফবা নিজখি। শ্রী মোদীনা থাজবা পীখি মদুদি দিবেলপ ইন্দিয়া (ভিক্সিত ভারত) অমা ২০৪৭ দা নাইদুজিনা মহাক্কী চহি চাম্মা শুবগী পালন তৌবদা ফংবা "নীংতম্বগী চহি চা" অমা পালন তৌবা ঙমনি।

Shri @MVenkaiahNaidu Garu's wisdom and passion for the country's progress is widely admired. https://t.co/MdfATwVa4f

— Narendra Modi (@narendramodi) June 30, 2024

***