U Myntri Kam pohiing bad Cooperation jong ka Sorkar Pdeng, Amit Shah u la pyniaid ia ka jingialang ban peit bniah ia ka jingpynkhreh ban ialeh pyrshah ia ka jingshlei um ha New Delhi mynta ka sngi. U Myntri Kam Pohiing u la peit bniah ruh ia ki sienjam ba jrong samoi ban wanrah ia ka polisi kaba iahap ban pynduna ka jingeh jong ki jingshlei um ha ka ri.

Ha ka jingialang, u Myntri Kam Pohiing jong ka Sorkar Pdeng u la peit bniah ruh ia ka sienjam ba la shim ha kaba iadei bad ki rai ba la shim ha ka jingialang ba la long ha u snem ba ladep.  Nalor kane, la iakren ruh ia ka jingpdiang ia ki teknoloji ba thymmai da baroh ki agency bad ka jingpyniar ia ka rukom treikam jong ki ban iada ia ka jingshlei um, ha kane ka jingialang. U Amit Shah u la peit bniah ruh ia ki jingpynkhreh ban ialeh pyrshah ia ka Glacial Lake Outburst Flood (GLOF). U la ban jur ia ka jingpyndonkam pura ia ka satellite imagery ba la pynbit pynbiang da ka  Indian Space Research Organization (ISRO) da ki agency bapher bapher ban iada ia ka jingshlei um bad ka jingiada ia ka um.

U Myntri Kam Pohiing bad Cooperation jong ka Sorkar Pdeng u la ong ba hapoh ka jingialam jong u Myntri Rangbah duh, Narendra Modi, ka jingiada na ki jingjia lynshop ki bor ka maring jong ka India ki iaid shaphrang da ka rukom treikam ‘Bym don ka jingduh ki mynsiem briew’. U Myntri Kam Pohiing u la kyrpad ia baroh ki Jylla bad ki Union Territory ban pyntreikam ha ka por ia ki jingai jingmut jong ka NDMA ban iada na ka jingshlei um. U la bthah ia ka India Meteorological Department (IMD) bad ka Central Water Commission (CWC) ban pyndep kloi ia ka kam ban pynthymmai ia ka rukom pyndonkam ia ki atiar ba pyndonkam ha ka jingbatai lypa ia ki jingshlei um. U Shah u la bthah ia ki tnat ba dei khmih ban pynlong ka jingwad bniah ha kaba iadei bad ki jingshlei um ba dang shen ha Sikkim bad Manipur bad ban phah ia ka kaiphod sha ka Tnat Kam Pohiing. U la bthah ruh ban pynthikna ba ki floodgate jong baroh ki dam kiba heh kilong kiba bit ba biang. U Shah u la ong ba ki centre kiba peitngor ia ka jingshlei jong ka CWC kidei ban long katkum ki jingdonkam jong ngi bad katkum ki jinglong jingman ha kiwei kiwei ki ri.

U Myntri Kam Pohiing u la ong ba ki don ki wah kiba kham khlain ka jingtwa khyndew bad ka jinglang ka ktieh hapoh kaba wanrah ia ki jingshlei um. U la bthah ba dei ban shim ia ki sienjam ban kyntiew ia ka rukom ai jingtip lypa ha kaba iadei bad ka jingkiew ka um ha ki wah na ka bynta ban iada ia ka jingshlei um. U Shah u la ong ba ka rukom pyniaid ia ka nala kadei ban long ka bynta ba kongsan jong ki jingsaindur ia ka jingshna ia ka surok ban lait na ka jingshah tap um ki surok, lada don ka jingshlei um. U Shah u la ong dei ban shna kumba 50 tylli ki pung kiba heh ha ka thain shatei lammihngi khnang ba yn lah ban pyniaid ia ka um jong ka Wah Brahmaputra sha kine ki pung. U la ong kane kan iarap ban kyntiew ia ki kam rep, kam pynpoi sha ki jaka rep bad kam jngohkai ha kito ki jaka ha ka jinglut kaba duna bad ka iarap ruh ban tehlakam ia ki jingshlei um, bad kan long ka jingmyntoi ia ka ioh ka kot ha ka thain.

U Amit Shah u la bthah ia ka National Disaster Management Authority (NDMA) bad ka Ministry of Environment, Forest and Climate Change (MoEFCC) ban shim ia ki lad jingiada ban iada na ka jingpluh ki khlaw ki btap. Ha kaba iadei bad kane, u Myntri u la ban jur ia ka jingdonkam ban pynbiang ki jingiada na ki jingpluh, ban pynkhuid ia ki sla kiba la tyrkhong bad pynlong ia ki mock drill na ka por sha ka por bad ki nongshong shnong ka thain bad ki briew jong ka tnat Forest. Nalor kane, u la bthah ruh ban peit bniah ia ka jingbteng ban pluh ki khlaw ha kajuh ka jaka. U Myntri Kam Pohiing u la bthah ruh ia ka NDMA ban pynkhreh ia ka rukom treikam ban ialeh pyrshah ki jingpluh khlaw.

U Myntri Kam Pohiing u la bthah ba ia ki jingmaham jong ka IMD ha kaba iadei bad ki jingpom pyrthaht dei ban pynsaphriang sha ki paidbah ha ka por lyngba ka SMS, TV, FM radio bad kiwei kiwei ki rynsan. U la ban jur halor ka jingdonkam ban pyniasoh ki app ba iadei bad ka jingmaham halor ka jinglong ka suinbneng, u slap bad  jingshlei um ba la shna da ki tnat bapher bapher khnang ba ki jingmyntoi ki poi sha ki paidbah. U Shah u la bthah ba namar ka imlang sahlang ka dei kaba nyngkong ban ialeh pyrshah haba don kano kano ka jinglynshop ka mariang ba kynthup ruh ia ki jingshlei um, ka dei ban don ka jingiatreilang ha ki jingai jingtip ha ka imlang shlang ba pyniaid da ki kynhun bapher bapher khnang ban seisoh ki kam.

Ha ka jingialang, ka IMD, CWC, NDRF bad ka NDMA ki la ai ki jingpynshai. Ki tnat ba dei khmihruh ki la ai jingtip shaphang ki sienjam ba la shim ha kaba iadei bad ki jingbthah jong u Myntri Kam Pohiing ha ka jingialang peit bniah ia ki jingshlei um ha u snem ba ladep. Ki la ai jingtip ruh shaphang ka jingpynkhreh jong ki na ka bynta ka aiom slap ba mynta bad ki jingpynkhreh kam ha ki por ban wan.

U Myntri Sorkar Pdeng ba dei khmih ia ka Jal Shakti, CR Paatil, MyntriKhynnah ka Tnat Kam Pohiing, NityanandRai, Union Home Secretary, ki Secretary jong ki TnatRiver Development and Ganga Rejuvenation, Earth Sciences, Environment, Forest and Climate Change, Road Transport and Highways, Chairperson Railway Board, ki dkhot bad ki khlieh jong ki Tnat jong ka NDMA, ki Director General jong ka NDRF bad IMD, Chairman NHAI bad ki ophisar na ki tnat ba dei khmihkynthup ka CWC ki la iadonlang ha ka jingialang.

*****