কেন্দ্রগী রেলৱে, ইনফোর্মেসন অমসুং ব্রোদকাস্তিং, ইলেক্ত্রোনিক্স অমসুং ইনফোর্মেসন তেক্নোলোজী মন্ত্রী শ্রী অশ্বিনি বৈস্নবনা ঙসি রেল ভবনদা ওফিস পায়খ্রে। রেলৱে বোর্দকী চিয়ারমেন অমসুং সি.ই.ও. শ্রীমতী জয়া বর্ম সিনহানা মকোকথোংবা রেলৱে ওফিসিয়েলশিংগা লোয়ননা রেল ভবনদা মহাকপু তরাম্না ওকখি। রেলৱেগী হাউসকীপিং স্তাফ অমসুং অতোপ্পা ওফিসিয়েলশিংনসু মন্ত্রীবু ওফিসকী থবক পুখিবদা নুংঙাইবা অমসুং থাগৎপা ফোংদোকখি।

মেদীয়াদা ৱা ঙাংলদুনা শ্রী বৈস্নবনা প্রধান মন্ত্রী শ্রী নরেন্দ্র মোদীনা থম্লিবা লোং-তর্ম ভিজন অদু পাংথোক্নবা লেংদ্রবা ৱাফম থমখি। মহাক্না হায়খি, “রেলৱেগা লোয়ননা প্রধান মন্ত্রী মোদীগী অখন্নবা ইমোস্নেল কনেক্সন অমা লৈরি, অমসুং মহাক্না ঐহাকপু মহাক্কী ত্রান্সফোর্মেতিব ভিজনবু মখা চত্থনবা থৌদাং শিন্নবিরি মদুদি ভারতকী রেলৱে অসি মীচম প্রজাগীদমক এফোর্দেবল অমসুং ত্রান্সপোর্তকী খুদোংচাবা মোদ অমা ওইহনবনি”।

২০২১গী জুলাই ৮দা অহানবা ওইনা রেল মন্ত্রী ওইখিবা শ্রী বৈস্নবনা মহাক্কী অনিশুবা তর্ম আশা অমসুং থাজবগা লোয়ননা হৌরে। মহাক্কী মমাংগী ওফিস পায়রিঙৈ মতম মনুংদা মহাক্না প্রধান মন্ত্রী শ্রী নরেন্দ্র মোদীনা মাংওইননা সেত তৌখিবা ভিজনরী এজেন্দাগা লোয়ননা ত্রান্সফোর্মেতিব প্রোজেক্ত কয়া অমা হৌদোকখি অমসুং থবক ওইনা ওন্থোকখি। ইনিসিয়েতিবশিং অসিদা স্তেসন ত্রান্সফোর্মেসন, অনৌবা ত্রেনশিং হৌদোকপা, কমপ্রেহেন্সিব স্তেসন রিদেবলপমেন্ত প্রোগ্রামশিং, অনৌবা রেল লাইনশিং কমিসন তৌবা অমসুং ইলেক্ত্রিফিকেসন হেনগৎহনবা য়াওনা রেলৱে ইনফ্রাস্ত্রকচরগী মোর্দনাইজেসন অমসুং রিভাইতেলাইজেসন য়াওরি।

শ্রী অশ্বিনি বৈস্নব (১৯৭০দা পোকপা) ওরিশাদগী রাজ্য সভাগী মেম্বর অমনি। মহাক হান্নগী আই.এ.এস. ওফিসর অমনি অমদি দিস্ত্রিক্ত কলেক্তর ওইনা সুন্দরগর, বালাসোর অমসুং কতক মীয়ামগী সেবা তৌবীরম্মি। মহাক আই.আই.তি. কানপুরদগী মাস্তর ইন তেক্নোলোজী অমসুং হ্বার্তনদগী এম.বি.এ. ফংখি।

ত্বিতর: https://twitter.com/AshwiniVaishnaw?s=08

ইন্সতাগ্রাম: https://www.instagram.com/ashwini.vaishnaw/

******