U Secretary, ka tnat Information and Broadcasting, Sanjay Jaju u la pynbna mynta ka sngi ba ia ka bynta kaba 18 jong ka Mumbai International Film Festival yn pynlong naduh ka 15 haduh 21 tarik u Jylliew 2024 ha Mumbai. U la ong ba yn pynlong ia kane ka festival ha ka FD-NFDC Complex, Mumbai, yn don ruh ki screening MIFF ha Delhi (Sirifort Auditorium), Chennai (Tagore Film Centre), Pune (NFAI auditorium) bad Kolkata (SRFTI Auditorium).

Ha kane ka sngi la iadon lang ruh ka Additional Secretary, Neerja Sekhar, PDG, PIB, Sheyphali B. Sharan bad MD, NFDC, Prithul Kumar.

MIFF Film Programming

1. Ka rekod ha ka jingioh pdiang ki phlim mynta u snem kiba la kot haduh 1018 tylli na ka bynta ki jingiakhun na 38 tylli ki ri bad ha 65 jait ki ktien
2. 118 tylli ki phlim ba la shah jied da ki lai tylli ki Selection Komiti kiba long dkhot da ki riewshemphang ha ki kam shna phlim ha ki bynta jingiakhun International (25) bad National (77). Ka Selection Komiti ka la kdew ruh ba la ioh pdiang ia ki phlim ba bha shisha mynta u snem kaba la pynlong ia ka jingied kaba jynjar bha
3. Don haduh 314 tylli ki phlim ha ka MIFF Programming mynta u snem
4. Yn don 8 tylli ki world premiere, 6 tylli ki international premiere, 17 tylli ki Asia premiere bad 15 tylli ki India Premiere.
5. La pynbiang ia ki thup ba kyrpang ha kane ka bynta jong ka festival ba kynthup
   1. Ka thup ki phlim ba la jop khusnam Oscars bad Berlinale (mar 12 tylli ki phlim lyngkot)
   2. ‘Ka thup ki ri ba la peit kyrpang’ na ka jingiatreilang bad 7 tylli ki ri - Russia, Japan, Belarus, Italy, Iran, Vietnam bad Mali
   3. Ka thup ki phkim Animation ba la pynbiang na 4 tylli ki ri - France, Slovenia, Argentina & Greece
   4. Ki phlim jong ki khynnah pule ha ki jaka ai jinghikai na kylleng ka ri (45 tylli ki phlim)
   5. Ki phlim hyndai ba la pynthymmai biang na ka tyllong NFDC-National Film Archives of India
   6. Ki phlim iakhun ha ka thup kyrpang India at Amrit kaal kaba pyni ia ka jingkiew ka ri, ka roi ka par bad ka jingriewspah
   7. Ki phlim na ka bynta ka thup Divyangjan na ka bynta kito kiba duna ka bor iohi ha kaba la don ki jingpynsawa bad ka sign language bad ruh ia kiba duna ka bor iohsngew ha kaba la pynbiang ia ki caption.
   8. Ki thup ba la jied na ka bynta ki phlim shaphang -
      1. Ki mrad khlaw
      2. Mission Life
      3. Ki phlim da ki longkmie na Asia kiba shna phlim

Ka phlim plie bad ka phlim pynkut jong ka MIFF

6. Ka phlim plié ia ka 18^th MIFF kan long ka “Billy & Molly, an Otter Love Story”, ka ban long ka dak jong ka jingsdang jong kane ka festival ha kaba yn don ki screening ha Mumbai, Delhi, Kolkata, Pune bad Chennai ha ka 15 tarik u Jylliew, 2024.
7. Ka phlim pynkut ia ka festival ka dei ka phlim ka ba jop ia ka khusnam Golden Conch bad yn pyni ia ka ha ka 21 tarik u Jylliew, 2024.

Ki nongbishar & ki khusnam

8. Ki nongbishar ba na kylleng ka pyrthei ki kynthup ia ki khlur kum - Keiko Bang, Barthélemy Fougea, Audrius Stonys, Bharat Bala, bad Manas Choudhary, ki ban ai ka khusnam Golden Conch na ka bynta ka phlim documentary ba jop, Silver Conch na ka bynta ka phlim lyngkot bad phlim animation ba jop bad ka khusnam Pramod Pati Award na ka bynta ka phlim ba biang tam ha ka jingsaindur thymmai / pyrshang thymmai.
9. Ki nongbishar na ka ri na ka bynta ka 18^th MIFF ki kynthup ia ki khlur kum Adele Seelmann-Eggebert, Dr Bobby Sarma Baruah, Apoorva Bakshi, Munjal Shroff bad Anna Henckel-Don nersmarck ki ban ai ka khusnam Best Indian Documentary, Short Film, Animation, Best Debut Film Award (ba la noh synniang da ka Sorkar Maharashtra) bad Best Student Film Award (ba la noh synniang da ka IDPA), ha ryngkat kiwei kiwei ki khusnam kiba iadei bad ki kam teknikal bad ka khusnam kyrpang na ka bynta ka phlim lyngkot kaba biang tam ha ka thup "India in Amrit Kaal”.
10. Shuh shuh, yn ai lai tylli khusnam teknikal na ka bynta ka 1) Cinematography, 2) Editing bad 3) Sound Design.
11. Ka kynhun nongbishar FIPRESCI kan ai khusnam na ka bynta ka jingiakhuin shna documentary
12. Baroh ki buskit ki poi sha ka T 42 lak.

Ka festival kaba plié lad ia baroh

13. Ki phlim na ka bynta kito kiba duna ka bor iohi ha kaba la pynbiang ia ki jingpynsawa bad na ka bynta kiba duna ka bor iohsngew ha kaba la pynbiang ia ki caption.
14. Ha ryngkat ki phlim ba kyrpang na ka bynta kito kiba don jingduna ha ki dkhot met, ka NFDC ka la iatrei lang bad ka Svayam, ka kynhun trei mon sngewbha khnang ba ka jaka ba pynlong ia ka festival ka la biang lut haba iadei bad ki jingdonkam jong kito kiba don jingduna ha ki dkhot met bad kito kiba don ki jingdonkam ba kyrpang. Kane ka jingiatreilang kan pynthikna ruh ba ki volunteer ha kane ka prokram ki sngewthuh kumno ban iarap ia kito kiba don ki jingdonkam ba kyrpang khnang ban iaid beit iaid ryntih ki kam.

Ka jingplie bad jingpynkut ia ka festival ha ka rukom kaba iphuh iphieng bad ki Red Carpet

15. Yn plié bad pynkut ia kane ka festival ha NCPA, Nariman Point, Mumbai. Ha kaba iadei bad kane, yn don ki prokram bapher bapher bad ruh ki jingpyni ia ka deiriti ban kynthup ia ka jingpyni ia ka jingiaid lynti ki phlim animation ha India, ka jingpyni deiriti na Sri Lanka ha ka prokram pynsdang ia ka Festival bad ka jingpyni ia ka deiriti na Australia ha ka prokram pynkut bad ruh ka jingpyni ia ka phlim longkot jong u samla pule FTII ka “Sunflowers were the first ones to know”, kaba la jop ia ka khusnam La Cinef Award ha ka 77th Cannes Film Festival mynta u snem.
16. Yn pynlong ia ka Red carpet screening ha ka NFDC-FD complex ha Mumbai man ka sngi da kaba sdang da ka phlim pynsdang ha ka 15 tarik u Jylliew. Kiwei kiwei ki red carpet ba dang pynkhreh bad ki khlur ha ki kam phlim ki kynthup Poacher, Inside Out-2, The Commandments Shadow, My Mercury, Srikant, Brand Bollywood, bad kiwei kiwei.
17. Yn don ruh ki Red carpet ha Delhi (17 tarik u Jylliew), Chennai (18 tarik u Jylliew), Kolkata (19 tarik u Jylliew) & Pune (20 tarik u Jylliew) ha kaba yn don ka jingiashim bynta da ki khlur na ki kam shna phlim.

Masterclass & ki Panel Discussion:

18. Ka 18th MIFF kan don 20 tylli ki masterclass, ki in-conversation bad ki panel discussion ha kaba yn iashim bynta ki riewshemphang bad ki khlur ha ki kam shna phlim kum u Santosh Sivan, Audrius Stonys, Ketan Mehta, Richie Mehta, T.S Nagabharana, Georges Schwizgebel bad kiwei kiwei.
19. Yn pynlong ia ki Open Forum discussion man ka sngi ha ka jingiatreilang bad ka Indian Documentary Producers Association (IDPA) ha ka Amphitheatre ha kaba yn iashim bynta ki khlur na ki kam shna phlim.
20. Yn pynlong ka jinghikai ha ki kam phlim Animation bad VFX pipeline na ka bynta kito kiba la pynrung kyrteng.

Doc Film Bazaar:

21. Yn pynlong ia ka DOC Film Bazaar ha ka sien ba nyngkong ban iarap kyntiew ia ka jingpynmih phlim da kaba ai rynsan ia ki nongshna phlim ba kin lap ia ki nongthied, nongai jingiarap bad ki nongiatreilang na ka bynta ki projek jong ki.
22. La ioh pdiang jan 200 tylli ki projek na 10 tylli ki ri ha 27 jait ki ktien.
23. Yn don 3 tylli ki curated vertical ha ka Doc Film Bazaar – ‘Co-production Market’ (16 tylli ki projek), ‘Work-in-progress (WIP) Lab’ (6 tylli ki projek) bad ‘Viewing Room’ (106 tylli ki projek).
24. Ha ryngkat kine ki lad na ka bynta ki projek ba shah jied, yn don ruh ka ‘Open Buyer-Seller Meet’ ka ban iarap ia ki nongshna phlim ba kin iatrei lang bad ki nongthied bad ki nongiatreilang ha ka jingpynmih phlim, syndication, jingthied, jingsam bad ki jingdie.
25. Ka bynta ba kyrpang ban peit ia ka jingiadei hapdeng ka jingshna phlim documentary bad ka corporate branding. Ha ryngkat ki nongialam ha ki kam shna phlim kum ka FICCI, yn peit ia ka jingbei tyngka CSR ia ki documentary kum ka atiar kaba khlain ban kyntiew ia ki brand bad kum ka lad ban wanrah ia ka jingbha ha ka imlang sahlang.

Ka Rynsan & Mobile App ba kyrpang na ka bynta ka MIFF

26. La pynkhreh ia ka website jong ka MIFF ha kaba lah ban ioh jingtip shaphang ki phlim, ki prokram ba la pynkhreh ha kane ka festival www.miff.in
27. La saindur ia ka mobile app ba kyrpang ban pynsuk ia jingiashim bynta ki delegate ha ki kam bapher bapher kum ka booking na ka bynta ki jingpyni ia ki phlim, ka jingleit iashim bynta ha ki masterclass, open forum bad kiwei kiwei. Kan iarap ruh ban ioh twad jingmut na ki delegate.

Jingkyntiew kyrteng ki delegate

28. Ka jingkyntiew kyrteng ki delegate ka long kaba suk hynrei kaba hap ban pyndep ban iashim bynta ha kane ka festival lyngba ka website lane ka QR code ba la ai ha ki jingpynbna shaphang ka MIFF.
29. La pynbiang ruh ia ka lad kyntiew kyrteng ki delegate lyngba ka Book My Show.
30. Yn ym hap ban ai jingsiew shuh shuh ban iashim bynta ha kano kano ka jingpyni ia ki phlim ne ki masterclass ne ka Doc film Bazaar.
31. Ki jingsiew ban kyntiew kyrteng ia ki delegate -
    1. Mumbai - T 500 ban iashim bynta ha baroh kawei ka festival
    2. Delhi, Chennai, Kolkata & Pune – Ym don jingsiew
    3. Samla pule & Lad pathai khubor – Ym don jingsiew
    4. Yn ym don jingsiew ia baroh ki jingkyntiew kyrteng jong ki delegate ha kine ki 3 sngi ban wan.

Ki jingiatreilang

32. Ha ka sien kaba nyngkong, mynta u snem ka MIFF ka la ioh ka jingiatreilang na bad palat 20 tylli ki kompani ha kane ka festival. Kine ki kompani ki la iatrei lang bad ka festival ha ki rukom bapher bapher – naduh ka jingkyrshan pisa ia ki bynta bapher bapher jong ka festival haduh ki jingiarap lyngba ki jingnang jingstad ban pynkhlain shuh shuh ia ka festival.

Ka nongrim

Ka MIFF ka dei ka film festival kaba heh bad kaba rim tam na ka bynta ki phlim non-feature (Documentary, Phlim Lyngkot & Animation) ha South Asia bad ka tamasa kaba paw bha ha ki kam shna phlim documentary ha kylleng ka pyrthei naduh ba la sdang ia ka ha u snem 1990. Ka dei ka festival ba pynlong man ka ar snem.

Ka MIFF ka ai rynsan ia ki nongshna phlim documentary na kylleng ka pyrthei ba kin iakynduh, iamir jingmut, bad peit ia ki lad iatrei lang ha ka jingpynmih bad jingpyniaid ia ki phlim documentary, ki phlim lyngkot bad ki phlim animation bad ka pyniar ruh ia ki jingmut jingpyrkhat jong ki nongshna phlim. Kane ka festival ka ai rynsan na ka bynta ki jingiakren bad ki jingiamir jingmut shaphang ki phlim documentary, phlim longkot bad phlim animation da kaba thmu ban kyntiew ia ka jingsaindur bad da kaba long ka jingplie lad ia ki nongshna phlim bad kti kiba iawan iashim bynta.

*****