Ka Ophis jong u Myntri Rangbah duh ka ri
azadi ka amrit mahotsav

Kitbok kitrwiang ka President jong ka European Commission, Ursula von der Leyen ia u Myntri Rangbah Duh Narendra Modi halor ka jingshah jied biang kum u nongialam

Pynskhem biang u Myntri Rangbah Duh Modi ia ka jingkut jingmut ban pynkhlain shuh shuh ia ka jingiatrei lang hapdeng ka EU bad ka India na ka bynta ka bha ka miat jong ka pyrthei

Kitbok kitrwiang u Myntri Rangbah Duh na ka bynta ka elekshon European Parliament

Posted On: 06 JUN 2024 2:16PM by PIB Shillong

U Myntri Rangbah Duh Narendra Modi u la ioh pdiang ia ka phone mynta ka sngi na ka Ursula von der Leven, President jong ka European Commission.

Ka President Von der Leyen ka la kitbok kitrwiang ia u Myntri Rangbah Duh halor ka jingjop ha ka elekshon bad ka la kitbok kitrwiang ruh na ka bynta ka samoi kaba lai ka ban wan. Ka la iaroh ia ka synshar paidbah jong ka India bad ka rukom pynlong ia ka elekshon kaba heh tam ha ka pyrthei.

U Myntri Rangbah Duh u la ai jingsngewnguh ia ka President von der Leyen na ka bynta ki jingkitbok kitrwiang jong ka bad u la kren shaphang ka jingiadei kaba khlain hapdeng ka EU bad ka India namar ki jingngeit tynrai kiba iasyriem hapdeng jong ki

U Myntri Rangbah Duh u la ong ba une u snem u long ka lyngkhuh dap 20 snem jong ka jingiatreilang hapdeng ka India bad ka EU bad u la pynskhem biang sa shisien ia ka jingkut jingmut jong u ban iatrei ban pynkhlain shuh shuh ia kane ka jingiatreilang na ka bynta ka bha ka miat jong ka pyrthei.

U Myntri Rangbah Duh u la kitbok kitrwiang na ka bynta ka elekshon European Parliament kaba la sdang mynta ka sngi.

 

***


(Release ID: 2023321) Visitor Counter : 41


Read this release in: English , Urdu , Hindi , Hindi_MP , Marathi , Bengali , Assamese , Manipuri , Punjabi , Gujarati , Odia , Tamil , Telugu , Kannada , Malayalam