ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ୟୁରୋପୀୟ କମିଶନର ଅଧ୍ୟକ୍ଷ ଉର୍ସୁଲା ଭନ୍ ଡେର୍ ଲିୟେନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସାଧାରଣ ନିର୍ବାଚନରେ ପୁନଃନିର୍ବାଚିତ ହେବା ପରେ ଜଣାଇଲେ ଅଭିନନ୍ଦନ
ଭାରତ- ୟୁରୋପୀୟ ସଂଘ ବୈଶ୍ୱିକ ହିତ ସାଧନ ନିମନ୍ତେ ସହଭାଗୀ ଭାବେ ଅଧିକ ସୁଦୃଢ଼ତାର ସହିତ କାର୍ଯ୍ୟ କରିବା ନିମନ୍ତେ ପ୍ରଧାନମନ୍ତ୍ରୀ ଜଣାଇଲେ ପ୍ରତିବଦ୍ଧତା
ୟୁରୋପୀୟ ସଂସଦର ନିର୍ବାଚନ ନିମନ୍ତେ ପ୍ରଧାନମନ୍ତ୍ରୀ ଜଣାଇଲେ ଶୁଭକାମନା
Posted On:
06 JUN 2024 2:16PM by PIB Bhubaneshwar
ନିକଟରେ ଦେଶରେ ଅନୁଷ୍ଠିତ ସାଧାରଣ ନିର୍ବାଚନରେ ପୁନଃ ନିର୍ବାଚିତ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ୟୁରୋପୀୟ କମିଶନର ଅଧ୍ୟକ୍ଷ ଉର୍ସୁଲା ଭନ୍ ଡେର୍ ଲିୟେନ୍ ଟେଲିଫୋନ୍ ଯୋଗେ ଅଭିନନ୍ଦନ ଜ୍ଞାପନ କରିଛନ୍ତି ।
ଅଧ୍ୟକ୍ଷ ସୁଶ୍ରୀ ଭନ୍ ଡେର ଲିୟେନ୍ ପ୍ରଧାନମନ୍ତ୍ରୀ ଶ୍ରୀ ମୋଦୀଙ୍କୁ ସାଧାରଣ ନିର୍ବାଚନରେ ତାଙ୍କର ସଫଳତା ସକାଶେ ବଧେଇ ଜଣାଇଛନ୍ତି ଏବଂ ଲଗାତାର ଭାବରେ ତୃତୀୟ ଥର ପାଇଁ ସରକାର ଗଢ଼ିବାକୁ ଯାଉଥିବାରୁ ତାଙ୍କର ଅଭିନନ୍ଦନ ଜଣାଇଛନ୍ତି । ଭାରତୀୟ ଗଣତନ୍ତ୍ରକୁ ସୁଶ୍ରୀ ଭନ୍ ଡେର୍ ଲିୟେନ୍ ଭୂୟସୀ ପ୍ରଶଂସା କରିଛନ୍ତି ଏବଂ ଏହା ବିଶ୍ୱର ସର୍ବବୃହତ୍ ନିର୍ବାଚନ ପ୍ରକ୍ରିୟା ବୋଲି ଅଭିହିତ କରିଛନ୍ତି ।
ପ୍ରଧାନମନ୍ତ୍ରୀ ଶ୍ରୀ ମୋଦୀ ରାଷ୍ଟ୍ରପତି ଭନ୍ ଡେର୍ ଲିୟେନ୍ଙ୍କ ଉଷ୍ମ ଅଭିନନ୍ଦନ ପ୍ରତି କୃତଜ୍ଞତା ଜ୍ଞାପନ କରି କହିଛନ୍ତି ଯେ ଭାରତ- ୟୁରେପୀୟ କମିଶନ ମଧ୍ୟରେ ଅନେକ କ୍ଷେତ୍ରରେ ସମ୍ପର୍କ ସୁଦୃଢ଼ ରହିଛି ଏବଂ ଉଭୟ ପକ୍ଷ ଏହି ମୂଲ୍ୟବୋଧକୁ ସମ୍ମାନ ପ୍ରଦର୍ଶନ କରନ୍ତି ।
ପ୍ରଧାନମନ୍ତ୍ରୀ ଉଲ୍ଲେଖ କହିଛନ୍ତି ଯେ ଚଳିତ ବର୍ଷ ଭାରତ- ୟୁରୋପୀୟ କମିଶନ ମଧ୍ୟରେ ସହଭାଗୀତା ଗଠିିତ ହେବାର ୨୦ତମ ବର୍ଷ ପୂର୍ତ୍ତି ଏବଂ ବିଶ୍ୱର ମଙ୍ଗଳ ନିମନ୍ତେ ଏହି ସହଭାଗିତାକୁ ଉଭୟ ପକ୍ଷ ଅଧିକ ସୁଦୃଢ଼ର ସହିତ କାର୍ଯ୍ୟ କରିବାକୁ ପ୍ରତିବଦ୍ଧତା ପ୍ରକଟ କରିଛନ୍ତି ।
ପ୍ରଧାନମନ୍ତ୍ରୀ ଏହି ଅବସରରେ ୟୁରୋପୀୟ ପାର୍ଲାମେଣ୍ଟ ପାଇଁ ଆଜି ଅନୁଷ୍ଠିତ ହେଉଥିବା ନିର୍ବାଚନ ନିମନ୍ତେ ତାଙ୍କର ଶୁଭ କାମନା ଜଣାଇଛନ୍ତି ।
SS
(Release ID: 2023182)
Visitor Counter : 35
Read this release in:
Khasi
,
English
,
Urdu
,
Hindi
,
Hindi_MP
,
Marathi
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam