نیشنل ڈیزاسٹر ریسپانس فورس ( این ڈی آر ایف) نے 12 ٹیمیں تعینات کی ہیں اور 5 اضافی ٹیمیں اسٹینڈ بائی پر رکھی گئی ہیں۔ فوج، بحریہ اور کوسٹ گارڈ کی بچاؤ اور راحت (ریسکیو اور ریلیف) ٹیموں کے ساتھ جہازوں اور ہوائی جہازوں کو بھی تیار رکھا گیا ہے۔ ڈی جی، شپنگ کی طرف سے کولکتہ اور پارا دیپ کی بندرگاہوں پر باقاعدہ الرٹ اور مشورے بھیجے جا رہے ہیں۔ بجلی کی فوری بحالی کے لیے پاور کی طرف سے ایمرجنسی ٹیمیں تعینات کر دی گئی ہیں۔

مرکزی ایجنسیوں اور مغربی بنگال کی حکومت کے تیاری کے اقدامات کا جائزہ لیتے ہوئے، کابینہ سکریٹری نے اس بات پر زور دیا کہ ریاستی حکومت اور مرکزی ایجنسیاں تمام ضروری احتیاطی اور حفاظتی اقدامات اٹھا سکتی ہیں۔ اس کا مقصد جانی نقصان کو صفر کرنا  اور املاک اور انفراسٹرکچر جیسے پاور اور ٹیلی کام کو ہونے والے نقصان کو کم سے کم کرنا ہے اور نقصان کی صورت میں ضروری خدمات کو کم سے کم وقت میں بحال کیا جانا ہے۔

کابینی سکریٹری نے کہا کہ اس بات کو یقینی بنانا ہوگا کہ سمندر میں موجود ماہی گیروں کو واپس بلایا جائے اور کمزور علاقوں سے لوگوں کو بروقت نکالا جائے۔ انہوں نے حکومت مغربی بنگال سے کہا کہ وہ گردابی طوفان سے متاثر ہونے والے علاقوں میں بڑے ہورڈنگز لگانے کا جائزہ لے۔ کابینہ سکریٹری نے مغربی بنگال حکومت کو یقین دلایا کہ تمام مرکزی ایجنسیاں پوری طرح چوکس ہیں اور مدد کے لیے دستیاب ہوں گی۔

میٹنگ میں مغربی بنگال کے چیف سکریٹری، مرکزی داخلہ سکریٹری، بجلی، ٹیلی کام، بندرگاہوں، جہاز رانی اور آبی گزرگاہوں، پٹرولیم اور قدرتی گیس اور ماہی پروری کی وزارتوں کے سیکریٹریوں کے علاوہ ممبر سکریٹری نیشنل ڈیزاسٹر مینجمنٹ اتھارٹی، چیف آف انٹیگریٹڈ ڈیفنس اسٹاف نے شرکت کی۔ چیئرمین چیفس آف اسٹاف کمیٹی(سی آئی ایس سی) ، ڈائریکٹر جنرل انڈیا میٹرولوجیکل ڈیپارٹمنٹ، ڈائریکٹر جنرل نیشنل ڈیزاسٹر ریسپانس فورس، ڈائریکٹر جنرل کوسٹ گارڈ اور وزارت داخلہ کے سینئر افسران بھی اس میٹنگ میں موجود تھے۔