عام انتخابات 2024 کے پانچویں مرحلے کی پولنگ جو آج صبح 7 بجے شروع ہوئی،اس کے دوران 49 پارلیمانی انتخابی حلقوں میں شام 7:45 بجے تک تقریباً 57.47 فیصد ووٹ ڈالے گئے۔ ریاستوں کے کئی حصوں میں جہاں آج پولنگ ہوئی وہاں گرم موسم کا مقابلہ کرتے ہوئے ووٹرس بڑی تعداد میں باہر آئے۔ پولنگ شام 6 بجے بند کر دی گئی تاہم پولنگ سٹیشنز پر ووٹرز کی بڑی تعداد تاحال قطاروں میں موجود تھی۔ جموں و کشمیر کے بارہمولہ میں شام 7.45 بجے تک 54.49 فیصد ووٹنگ کے ساتھ پولنگ مکمل طور پر پرامن رہی، اور یہ 35 برسوں میں ہونے والی سب سے زیادہ پولنگ ریکارڈ کی گئی۔ بہار، جموں و کشمیر، لداخ، جھارکھنڈ، مہاراشٹر، اڈیشہ، اتر پردیش اور مغربی بنگال، وہ ریاستیں/ مرکز کے زیر انتظام علاقے ہیں جہاں اس مرحلے میں انتخابات ہوئے۔ کل 695 امیدوار انتخابی میدان میں تھے۔

جموں اور کشمیر کے بارہمولہ میں ووٹر صبر سے قطار میں انتظار کرتے ہوئے

تمام حلقوں میں پولنگ پرامن اورخوشگوار طریقے سے ہوئی۔ سی ای سی (چیف الیکشن کمشنر) جناب راجیو کمار کی قیادت میں کمیشن نے الیکشن کمیشن جناب گیانیش کمار اور جناب سکھبیر سنگھ سندھو کے ساتھ پورے دن انتخابی عمل کے ہر ایک پہلو پر گہری نظر رکھی اور ضروری ہدایات جاری کیں۔ سخت حفاظتی انتظامات کیے گئے تھے جس سے ووٹرز کے لیے بغیر کسی خوف اور دباؤ کے اپنا ووٹ ڈالنے کے لیے سازگار ماحول بنایا گیا تھا۔ دور دراز کے علاقوں میں گرم  موسمی حالات کے علاوہ باقی تمام خطے میں موسم بڑی حد تک نارمل تھا۔

خواتین ووٹرز فیز5 میں پولنگ اسٹیشنوں پر ووٹ ڈالتے ہوئے

تازہ ترین ووٹر ٹرن آؤٹ کے اعداد و شمار جو ابھی بھی عارضی ہیں ای سی آئی کی ووٹر ٹرن آؤٹ ایپ پر دستیاب ہوں گے۔ یہ ریاست/اے سی/پی سی وار اعداد و شمار کے علاوہ مرحلہ وار اعداد و شمار فراہم کرے گا۔ کمیشن اسٹیک ہولڈرز کی سہولت کے لیے 23:45 بجے ڈالے گئے ووٹوں کے اعداد و شمار کے ساتھ ایک اور پریس نوٹ جاری کرے گا۔

فیز - 5 میں ریاست کے لحاظ سے تخمینی ووٹر ٹرن آؤٹ (7:45 شام)

طے شدہ طریقہ کار کے مطابق انتخابی کاغذات کی جانچ پڑتال پولنگ کے دن کے ایک دن بعد امیدواروں یا ان کے مجاز پولنگ ایجنٹس کی موجودگی میں ہوتی ہے۔ دوبارہ رائے شماری کرانے کا فیصلہ، اگر کوئی ہو، بھی اس کے بعد لیا جاتا ہے۔ کچھ پولنگ پارٹیاں جغرافیائی/ لاجسٹک حالات کے لحاظ سے پولنگ کے دن کے بعد واپس آجاتی ہیں۔

کمیشن، جانچ پڑتال کے بعد اور دوبارہ پول کے نمبر/شیڈول پرانحصارکرتے ہوئے ، 24.05.2024 تک صنفی لحاظ سے تقسیم کے ساتھ اپ ڈیٹ شدہ  ڈالے جانے والے ووٹوں کی تعداد بھی شائع کرے گا۔

پولنگ سٹیشنوں پر ہرعمرسے تعلق رکھنے والے رائے دہندگان اپنی سیاہی والی انگلیاں دکھاکر مسکراتے ہوئے

ممبئی، تھانے، ناسک اور لکھنؤ جیسے مختلف شہروں میں پارلیمانی انتخابی حلقوں میں شہری عدم دلچسپی کا رجحان اسی طرح جاری رہا جس طرح  کہ گزشتہ  2019  کے عام انتخابات کے دوران دیکھا گیا تھا۔ ممبئی میں، مشہور شخصیات اور عام شہری یکساں طور پر، اپنے ووٹ کاسٹ کرنے کے لیے اپنی باری کا صبر سے انتظار کرتے رہے اور ووٹ ڈالنے کے بعدفخر سے اپنی سیاہی والی انگلیاں دکھائیں۔ . زندگی کے مختلف شعبوں سے تعلق رکھنے والی مشہور شخصیات نے عام انتخابات 2024 میں ووٹرز کو اپنا حق رائے دہی استعمال کرنے کی ترغیب دینے کے لیے کمیشن کے ساتھ شراکت کی ہے۔ ان کے سوشل میڈیا پلیٹ فارمز پر اس طرح کی  تحریک دینے والی مختلف  ویڈیوز اپ لوڈ کی گئیں۔

مشہور شخصیات، بشمول سویپ نیشنل آئیکن راج کمار راؤ، اپنی سیاہی والی انگلیاں دکھا تے ہوئے

بہار اور اڈیشہ میں بزرگ ووٹرز

مرحلہ 5 کے اختتام کے ساتھ، عام انتخابات 2024 کے لیے پولنگ اب 25 ریاستوں/ مرکز کے زیر انتظام علاقوں اور 428 پارلیمانی انتخابی حلقوں میں مکمل ہو گئی ہے۔

بونگاؤں (ایس سی) پارلیمانی انتخابی حلقہ، مغربی بنگال کے ماڈل پولنگ اسٹیشن پر پہلی بار ووٹ ڈالنے والے افراد اور یورٹنگ پولنگ سٹیشن، لیہہ میں 85 سالہ سونم گونبو۔

اروناچل پردیش، سکم، آندھرا پردیش کی ریاستی قانون ساز اسمبلیوں اور اڈیشہ ریاستی اسمبلی کی 63 اسمبلی سیٹوں کے لیے بھی پولنگ مکمل ہو چکی ہے۔ انتہائی گرم جوشی والے انتخابا دن کی تصاویر تک یہاں رسائی حاصل کی جا سکتی ہے: https://www.eci.gov.in/ge-2024-photogallery

اگلے مرحلے (مرحلہ 6) کی پولنگ 25 مئی 2024 کو 8 ریاستوں/ مرکز کے زیر انتظام علاقوں میں 58 پارلیمانی انتخابی حلقوں (اننت ناگ-راجوری پی سی میں ملتوی پولنگ سمیت) میں  طے شدہ ہے۔

**********

ش ح۔ س ب۔ف ر

 (U: 6975)