হয়েং সাধারন মীখলগী মরিশুবা তাঙ্কক্কীদমক ইলেক্সন কম্মিসন ওফ ইন্দিয়ানা থৌরাং তৌবা লোইরে। মরিশুবা তাঙ্কক অসিদা রাজ্য/য়ু.তি ১০ দা পর্লিয়ামেন্তরি কেন্দ্র ৯৬ দা ভোৎ থাদগনি, মসিগা লোয়ননা মতম অমতদা তাঙ্কক অসিদা অন্ধ্র প্রদেসকী লেজিসলেতিপ এশেমব্লি সিত ১৭৫ অমসুং ওরিসাগী লেজিসলেতিপ এশেমব্লি সিত ২৮ ভোৎ থাদগনি। ভোত্তরশিং শরুক য়াবা হেনগৎহন্নবা কম্মিসন্না তেলঙ্গানাগী পার্লিয়ামেন্তরি কেন্দ্র ১৭ গী অখন্নবা এশেমব্লি সেগমেন্ত খরদা ভোৎ থাদবগী মতম (অয়ুক পুং ৭ দগী নুংথিল পুং ৬ ফাওবা) শাংদোকহল্লে।

আই.এম.দিনা মাঙজৌননা লাউথোকপগী মতুংইন্না, মরিশুবা তাঙ্কক অসিদা অকনবা নুংশাগী মৈ লৈগনি হায়বগী ৱাফম লৈতে। নোং-চিংগী পাউগী মতুংইন্না মীখল পাংথোক্কদৌরিবা পার্লিয়ামেন্তরি কেন্দ্রশিংদা মহৌশাগী শাবগী চাংদগী হেন্দোক-হেঞ্জিন (±২ দিগ্রি) লৈরবা য়াই। অদুবু, ভোত্তরশিংগী খুদোংচানবা, থক্নবা ঈশিং সামিয়ানা অমসুং ফেনশিং য়াওনা খুদোংচাবা কয়া পোল্লিং স্তেসনশিংদা ফংহন্নবা থৌরাং তৌরে।

হৌজিক ফাওবদা, সাধারন মীখল ২০২৪ গী অহুমশুবা তাঙ্কক ফাওবদা পি.সি ২৮৩ অমসুং রাজ্য/য়ু.তি ২০দা শান্তি ওইনা মীখলশিং পাংথোকখ্রে। লাক্লিবা জুন ৪দা ভোৎ মশিং থিগনি।

মরিশুবা তাঙ্কক, মচং ওইবা ৱাফমশিং :

1. রাজ্য/য়ু.তি ১০ দা পার্লিয়ামেন্তরি কেন্দ্র ৯৬ (জেনেরেল-৬৪; এস.তি-১২; এস.সি-২০) দা মে ১৩,২০২৪ দা সাধারন মীখল ২০২৪গী মরিশুবা তাঙ্কক্কী মীখল পাংথোক্কনি। ভোৎ থাদবগী মতম অয়ুক পুং ৭তগী হৌরগা নুংথিল পুং ৬ তা লোইশিনগনি ( তোঙান-তোঙানবা পি.সিশিংগী থাদবা লোইবগী মতম মান্নরোই)।
2. মে ১৩ দা মরিশুবা তাঙ্কক অসিদা অন্ধ্র প্রদেস লেজিসলেতিপ এশেমব্লিগী সিতি ১৭৫(জেনেরেল-১৩৯; এস.তি-৭; এস.সি-২৯) অমসুং ওরিসা লেজিসলেতিপ এশেমব্লিগী সিতি ২৮(জেনেরেল-১১; এস.তি-১৪; এস.সি-৩) গী মীখলশু পাংথোক্কনি।
3. লোক সভা মীখল ২০২৪গী মরিশুবা তাঙ্কক অসিদা রাজ্য/য়ু.তি ১০ দা মীরেপ ১৭১৭ না মীখলগী লাম্বা তৌনরি। মরিশুবা তাঙ্কক অসিদা পি.সি অমদা মীখল থেংনরিবা মীরেপশিংগী চাংচৎ অসি মীরেপ ১৮ নি।
4. মীখল অমসুং সেকুরিতিগী ওফিসিএলশিং পুথোক-পুশিন তৌনবা মরিশুবা তাঙ্কক অসিদা রাজ্য অহুম(অন্ধ্র প্রদেস-২; ঝারখন্দ-১০৮; ওরিসা-১২) দা এরোপ্লেন ১২২ রক পাইখি।
5. পোল্লিং স্তেসন লাখ ১.৯২ হেনবদা পোল্লিং ওফিসিএল লাখ ১৯ হেনবনা ভোত্তর করোর ১৭.৭ হেন্না তরাম্না ওক্কনি।
6. ভোত্তর করোর ১৭.৭০ হেনবগী মনুংদা নুপা ভোত্তর করোর ৮.৯৭ অমসুং নুপী ভোত্তর করোর ৮.৭৩ য়াওরি।
7. মরিশুবা তাঙ্কক অসিদা চহি ৮৫ হেল্লবা ভোত্তর লাখ ১২.৪৯ অমসুং হকচাংগী ফিবমদা খুদোংচাদ্রবা ভোত্তর লাখ ১৯.৯৯ মখোয়গী য়ুমশিংদা ভোৎ থাদনবা খুদোংচাবা পীখ্রে। য়ুমদা ভোৎ থাদবগী খুদোংচাবা অসি তরাম্না ওকখি অমসুং শরুক য়াখি।
8. সাধারন মীখল ২০২৪গী মরিশুবা তাঙ্কক্কী মীখল মমাঙদা ওবজার্বর ৩৬৪ ( জেনেরেল ওবজার্বর ১২৬, পুলিস ওবজার্বর ৭০, এক্সপেন্দিচর ওবজার্বর ১৬৮) মাঙজৌননা মখোয় মখোয়গী কেন্দ্রশিংদা থুংখ্রে।  পুক্নিং চঙনা মথৌ পাংথোক্তুনা মখোয়না কম্মিসনগী মীৎ-নাকোং ওইনা থবক তৌগনি। অকক্নবা রাজ্য খরদা অখন্নবা ওবজার্বরশিং থাখ্রে।
9. ফ্লাইং স্কাদ ৪৬৬১, স্তেতিক সর্ভেলিয়েন্স তিম ৪৪৩৮, ভিদিও সর্ভিলিয়েন্স তিম ১৭১০ অমসুং ভিদিও ভিয়ুইং তিম ৯৩৪ থমদুনা ভোত্তরশিংদা মখল অমতগী অরানবা থবক পাংথোকপশিং য়েংশিনবা থমখ্রে।
10. আইন্না য়াদবা মওংদা য়ু, দ্রগশিং, শেন অমসুং য়েন্থোক্নবা পোৎ-চৈশিং য়েংশিন্নবা ইন্তর-স্তেৎ ১০১৬ অমসুং ইন্তরনেসনেল বোর্দর চেক পোস্ত ১২১ থমখ্রে। সমুদ্র অমসুং নোংথক্কী লম্বীশিং মীকুপ-নাহুম শিংনা লৈখ্রে।
11. অহলশিং অমসুং হকচাংগী ফিবমদা মীমান্নদ্রবশিং য়াওনা ভোত্তর খুদিংমক নুংঙাইনা ভোৎ থাদবা য়ানবা ঈশিং, পোথাফম, তোইলেতশিং, রাম্পশিং, ভোলুন্তিয়ারশিং, হুইলচিয়ারশিং অমসুং মৈগী খুদোংচাবশিং ফংহল্লে।
12. রেজিস্তার ভোত্তরশিংদা ভোত্তর ইনফোর্মেসন স্লিপশিং য়েন্থোক্লে। হায়রিবা স্লিপশিং অসি ভোৎ থাদনবা লাক্নবা কম্মিসন্না পীবা চেবাউ অমশু ওইরি।
13. ভোত্তরশিংনা মখোয়গী পোল্লিং স্তেসনশিংগী অকুপ্পা মরোলশিং অমসুং মীখলগী নুমিৎকী মতাংদা লিঙ্ক https://electoralsearch.eci.gov.in/ দগী খঙবা য়াগনি।
14. পোল্লিং স্তেসনশিংদা মশক তাক্নবা ভোত্তর আই.দি কার্দ(ইপিক কার্দ)কী মথক্তা অতোপ্পা চে-চাং ১২শু কম্মিসন্না পীরি। করিগুম্বা ভোত্তর অমা ইলেক্তোরেল রোলদা য়াওরবদি, হায়রিবা চে-চাংশিং অসি উৎলগা ভোৎ থাদবা য়াগনি। অতোপ্পা শক্তাক-চেশিংগী মতাংদা ই.সি.আইনা পীবা ওর্দর লিঙ্ক অসিদা ফংগনি:

https://www.eci.gov.in/eci-backend/public/api/download?url=LMAhAK6sOPBp%2FNFF0iRfXbEB1EVSLT41NNLRjYNJJP1KivrUxbfqkDatmHy12e%2FzBiU51zPFZI5qMtjV1qgjFsi8N4zYcCRaQ2199MM81QYarA39BJWGAJqpL2w0Jta9CSv%2B1yJkuMeCkTzY9fhBvw%3D%3D

15. লোক সভা ২০১৯গী ভোৎ থাদবা থোক্লখিবা ভোত্তরশিংগী দেতা মখাগী লিঙ্ক অসিদা ফংগনি: https://old.eci.gov.in/files/file/13579-13-pc-wise-voters-turn-out/
16. অহুমশুবা তাঙ্কক্তগী, তাঙ্কক খুদিংমক্কী ভোৎ থাদবা থোক্লকপশিং উৎনবা অনৌবা খুদোংচাবা অমা ভোত্তর তর্নআউত্তা য়াওরে। মীখল নুমিত্তা নুমিদাংগী পুং ৭ ফাওবা পুং অনি খুদিংগী ভোত্তর তর্নআউত এপ্পতা তাঙ্কক তাঙ্কক্কী/রাজ্য-রাজ্যগী/এ.সি-এ.সিগী/পি.সি-পি.সিগী ওইনা চাউরাকপা ভোৎ থাদবা থোক্লকপশিংগী মশিং উৎলে অমসুং মসি মীখলগী ওফিসিএলশিং থুংলবা মতমদা মখা তানা অমুক পীগনি।

***************