ভাৰতীয় চলচ্চিত্ৰ আৰু দূৰদৰ্শন প্ৰতিষ্ঠান (এফটিআইআই)ৰ শিক্ষাৰ্থী চিদানন্দ নায়কৰ চলচ্চিত্ৰ ছানফ্লাৱাৰ্ছ ওৱেৰ দ্য ফাৰ্ষ্ট ওৱানছ টু ন’, ফ্ৰান্সৰ ৭৭ সংখ্যক কাঁ চলচ্চিত্ৰ মহোৎসৱৰ 'লা চিনেফ" প্ৰতিযোগিতামূলক শাখাৰ বাবে নিৰ্বাচিত হৈছে। ২০২৪ চনৰ ১৫ৰ পৰা ২৪ মেলৈ এই চলচ্চিত্ৰ মহোৎসৱ অনুষ্ঠিত হ'ব। এই শাখাটো মহোৎসৱৰ এটা আনুষ্ঠানিক শাখা যাৰ উদ্দেশ্য হৈছে নতুন প্ৰতিভাক উৎসাহিত কৰা আৰু সমগ্ৰ বিশ্বৰ চলচ্চিত্ৰ বিদ্যালয়ৰ চলচ্চিত্ৰক স্বীকৃতি দিয়া

এই চলচ্চিত্ৰখন সমগ্ৰ বিশ্বৰ চলচ্চিত্ৰ বিদ্যালয়সমূহে দাখিল কৰা মুঠ ২,২৬৩ খন চলচ্চিত্ৰৰ পৰা নিৰ্বাচিত ১৮ খন ছুটি ছবি(১৪ খন লাইভ-একচন আৰু ৪ খন এনিমেটেড চলচ্চিত্ৰ)ৰ ভিতৰৰ এখন। কাঁ চলচ্চিত্ৰ মহোৎসৱৰ 'লা চিনেফ' শাখাত নিৰ্বাচিত হোৱা এইখনেই একমাত্ৰ ভাৰতীয় চলচ্চিত্ৰ। জুৰীয়ে ২৩ মে'ত Buñuel থিয়েটাৰত পুৰস্কৃত চলচ্চিত্ৰসমূহ প্ৰদৰ্শনৰ পূৰ্বে আয়োজিত এটা অনুষ্ঠানত লা চিনেফ পুৰস্কাৰ প্ৰদান কৰিব।

"ছানফ্লাৱাৰ্ছ ওৱেৰ দ্য ফাৰ্ষ্ট ওৱানছ টু ন’" হৈছে এগৰাকী বৃদ্ধ মহিলাৰ কাহিনী যিয়ে গাওঁখনৰ কুকুৰা চুৰি কৰে আৰু সম্প্ৰদায়টোক বিশৃংখল কৰি তোলে। কুকুৰাটো ঘূৰাই আনিবলৈ, বুঢ়ীগৰাকীৰ পৰিয়ালটোক নিৰ্বাসিত কৰা হৈছিল।

উল্লেখযোগ্য যে সন্মানীয় কাঁ চলচ্চিত্ৰ মহোৎসৱত প্ৰথমবাৰৰ বাবে এবছৰীয়া টেলিভিছন পাঠ্যক্ৰমৰ এগৰাকী শিক্ষাৰ্থীৰ দ্বাৰা নিৰ্মিত এখন চলচ্চিত্ৰ বাছনি কৰা হৈছে।

এফ.টি.আই.আই.-ৰ অনন্য শিক্ষাবিজ্ঞান আৰু চিনেমা আৰু টেলিভিছনৰ ক্ষেত্ৰত শিক্ষাৰ প্ৰতি অনুশীলন আধাৰিত সহ-শিক্ষণ পদ্ধতিৰ ওপৰত গুৰুত্ব দিয়াৰ ফলতেই প্ৰতিষ্ঠানটোৰ শিক্ষাৰ্থী আৰু ইয়াৰ প্ৰাক্তন ছাত্ৰ-ছাত্ৰীসকলে বিগত বছৰবোৰত বিভিন্ন ৰাষ্ট্ৰীয় আৰু আন্তঃৰাষ্ট্ৰীয় চলচ্চিত্ৰ মহোৎসৱত প্ৰশংসা লাভ কৰিবলৈ সক্ষম হৈছে।

এই এফটিআইআই চলচ্চিত্ৰখন টিভি শাখাৰ এবছৰীয়া কাৰ্যসূচীৰ এক প্ৰযোজনা য'ত বিভিন্ন শাখাৰ চাৰিগৰাকী শিক্ষাৰ্থী অৰ্থাৎ নিৰ্দেশনা, ইলেক্ট্ৰনিক চিনেমাটোগ্ৰাফী, সম্পাদনা, ধ্বনিয়ে বছৰৰ শেষৰ সমন্বিত অনুশীলন হিচাপে এটা প্ৰকল্পৰ বাবে একেলগে কাম কৰিছিল। চলচ্চিত্ৰখন পৰিচালনা কৰিছে চিদানন্দ এছ নায়কে আৰু দৃশ্যগ্ৰহণ  সুৰজ ঠাকুৰৰ তথা সম্পাদনা আৰু ধ্বনি ক্ৰমে মনোজ পঞ্চম আৰু অভিষেক কদমৰ।

******

Pragya Paliwal/Saurabh Singh/NB/BB