الیکشن کمیشن آف انڈیا نے جمہوریت کے سب سے بڑے تہوار یعنی انتخابات کے لیے رائے دہندگان کے استقبال کے لیے تمام تیاریاں مکمل کر لی ہیں۔ 18 ویں لوک سبھا اور چار ریاستوں میں قانون ساز اسمبلیوں کے لیے کل پہلے مرحلے کی ووٹگ شروع ہوگی۔ اس موقع پر کمیشن نے آزادانہ، منصفانہ، پرامن، قابل رسائی، شمولیت پر مبنی اور آزادانہ انتخابات کرانے کے اپنے غیر متزلزل عزم کا بھی اعادہ کیا۔ کمیشن اور ریاستوں اور مرکز کے زیر انتظام علاقوں میں اس کی ٹیموں نے گذشتہ دو سالوں میں بھارت کے رائے دہندگان کو بہترین ممکنہ تجربہ فراہم کرنے کے لیے ضروری سخت محنت اور محتاط مداخلت کی ہے۔ یہ انتخابات متعدد مشاورت، جائزے، فیلڈ وزٹ، عہدیداروں کی وسیع تر تربیت اور نئے اور وقت کے مطابق آپریٹنگ طریقہ کار کی تشکیل کے بعد ہوئے ہیں۔ اس میں ملک بھر میں ایجنسیوں ، تنظیموں کے ساتھ تعاون بھی شامل ہے۔ چیف الیکشن کمشنر جناب راجیو کمار، الیکشن کمشنر جناب گیانیش کمار اور جناب سکھبیر سنگھ سندھو پر مشتمل کمیشن نے عام انتخابات 2024 کے پہلے مرحلے کو ہموار طریقے سے چلانے کے لیے آج دوپہر 12 بجے انتخابی تیاریوں کو حتمی شکل دی۔ انتخابات کے بقیہ 6 مرحلے یکم  جون تک جاری رہیں گے۔جس میں تقریبا 97 کروڑ رائے دہندگان ووٹ ڈالیں گے۔ ووٹوں کی گنتی 4 جون کو ہوگی۔

کمیشن کا ماننا ہے کہ اب وقت آگیا ہے کہ رائے دہندگان عمل کریں۔ اس نے پورے خلوص کے ساتھ رائے دہندگان سے اپیل کی ہے کہ وہ اپنے گھروں سے باہر نکلیں، پولنگ اسٹیشن جائیں اور ذمہ داری اور فخر کے ساتھ ووٹ دیں۔ قومی سطح پر ٹیلی وژن پر نشر ہونے والے ایک پیغام میں چیف الیکشن کمشنر جناب راجیو کمار نے تمام رائے دہندگان سے اپیل کی کہ وہ ضرور ووٹ ڈالیں۔ چیف الیکشن کمشنر جناب راجیو کمار کا پیغام یہاں سنیں -

ہندی میں: https://www.youtube.com/watch?v=DDdiNLMWnVk

انگریزی میں: https://www.youtube.com/watch?v=CIuuKOPPcHU

مرحلہ 1  کے حقائق

1. عام انتخابات 2024  کے پہلے مرحلے کے لیے ووٹنگ 19 اپریل 2024 کو 102 پارلیمانی حلقوں ،  21 ریاستوں / مرکز کے زیر انتظام علاقوں (جنرل 73؛ ایس ٹی - 11 ؛ ایس سی 18)  نیز 92 اسمبلی حلقوں میں جن میں اروناچل پردیش اور سکم شامل ہیں منعقد ہوں گے۔  تمام مراحل میں اس میں پارلیمانی حلقوں کی تعداد سب سے زیادہ ہے۔ ووٹنگ صبح 7 بجے شروع ہوگی اور شام 6 بجے ختم ہوگی (پولنگ کے اوقات کی بندش پی سی کے لحاظ سے مختلف ہوسکتی ہے)
2. 18 لاکھ سے زیادہ پولنگ افسر 1.87 لاکھ پولنگ اسٹیشنوں پر 16.63 کروڑ سے زیادہ رائے دہندگان کا خیرمقدم کریں گے۔
3. رائے دہندگان میں 8.4 کروڑ مرد، 8.23 کروڑ خواتین اور 11,371 تیسری جنس کے رائے دہندگان شامل ہیں۔
4. پہلی بار ووٹ ڈالنے کے لیے 35.67 لاکھ رائے دہندگان کا اندراج کیا گیا ہے۔ اس کے علاوہ 20-29 سال کی عمر کے 3.51 کروڑ نوجوان رائے دہندگان ہیں۔
5. 1625 امیدوار (مرد - 1491; خواتین (134) مقابلے میں ہیں۔
6. 41 ہیلی کاپٹر، 84 اسپیشل ٹرینیں اور تقریبا ایک لاکھ گاڑیاں پولنگ اور سیکورٹی اہلکاروں کو لے جانے کے لیے تعینات کی گئی ہیں۔

امن اور سلامتی کو یقینی بنانا

7. الیکشن کمیشن نے انتخابات کے پرامن اور ہموار انعقاد کے لیے کئی فیصلہ کن اقدامات کیے ہیں۔ پولنگ کے عمل کو محفوظ بنانے کے لیے پولنگ اسٹیشنوں پر مرکزی فورسز کو مناسب طور پر تعینات کیا گیا ہے۔
8. 50 فیصد سے زائد پولنگ اسٹیشنز پر ویب کاسٹنگ کی جائے گی جبکہ تمام پولنگ اسٹیشنز پر مائیکرو آبزرور تعینات کیے جائیں گے۔
9. 361 آبزرور (127 جنرل آبزرور، 67 پولیس آبزرور، 167 اخراجات کے آبزرور) انتخابات سے چند دن پہلے ہی اپنے حلقوں میں پہنچ چکے ہیں۔ وہ انتہائی محتاط رہنے کے لیے کمیشن کی آنکھ اور کان بنے ہوئے ہیں۔ اس کے علاوہ بعض ریاستوں میں خصوصی آبزرور بھی تعینات کیے گئے ہیں۔
10. مجموعی طور پر 4627 فلائنگ اسکواڈز، 5208 شماریاتی نگرانی ٹیمیں، 2028 ویڈیو سرویلنس ٹیمیں اور 1255 ویڈیو دیکھنے والی ٹیمیں چوبیس گھنٹے نگرانی کر رہی ہیں تاکہ رائے دہندگان کو کسی بھی قسم کے لالچ سے سختی اور فوری طور پر نمٹا جا سکے۔
11. مجموعی طور پر 1374 بین ریاستی اور 162 بین الاقوامی سرحدی چیک پوسٹس شراب، منشیات، نقدی اور مفت اشیاء کے غیر قانونی بہاؤ پر کڑی نظر رکھے ہوئے ہیں۔ سمندری اور فضائی راستوں پر کڑی نگرانی رکھی گئی ہے۔

رائے دہندگان کی سہولت اور مدد

12. 102 حلقوں میں 14.14 لاکھ رجسٹرڈ 85 سال سے زیادہ عمر کے اور 13.89 لاکھ پی ڈبلیو ڈی ووٹر ہیں جنہیں اپنے گھروں میں سہولت سے ووٹ ڈالنے کا اختیار فراہم کیا گیا ہے۔ اختیاری ہوم ووٹنگ کی سہولت کو پہلے ہی زبردست پذیرائی اور ردعمل مل رہا ہے۔
13. 85+ اور پی ڈبلیو ڈی ووٹروں میں سے جو پولنگ اسٹیشنوں پر آنے کا فیصلہ کرتے ہیں، انھیں تمام سہولیات فراہم کی جائیں گی جیسے پک اینڈ ڈراپ کی سہولت، سائن بورڈ، ای وی ایم پر بریل کے سائن بورڈ، رضاکار وغیرہ۔ پی ڈبلیو ڈی ووٹر ای سی آئی سکشم ایپ کے ذریعہ وہیل چیئر کی سہولیات بھی بک کرسکتے ہیں۔
14. پانی، شیڈ، بیت الخلا، ریمپ، رضاکار، وہیل چیئر اور بجلی جیسی کم از کم سہولیات موجود ہیں تاکہ اس بات کو یقینی بنایا جا سکے کہ عمر رسیدہ اور معذور افراد سمیت ہر ووٹر آسانی سے اپنا ووٹ ڈال سکے۔
15. مقامی موضوعات پر مشتمل 102 پولنگ اسٹیشنز میں ماڈل پولنگ اسٹیشن ز قائم کیے جا رہے ہیں۔ پانچ ہزار سے زائد پولنگ اسٹیشنز کا انتظام مکمل طور پر خواتین کریں گی جن میں سیکیورٹی عملہ بھی شامل ہے جبکہ ایک ہزار سے زائد پولنگ اسٹیشنز پر معذور افراد کے ذریعے انتظام کیا جائے گا۔
16. تمام رجسٹرڈ رائے دہندگان میں ووٹر انفارمیشن سلپس تقسیم کی گئی ہیں۔ یہ پرچیاں سہولت فراہم کریں گی اور کمیشن کی طرف سے آنے اور ووٹ ڈالنے کی دعوت کے طور پر بھی کام کریں گی۔
17. رائے دہندگان اس لنک کے ذریعے اپنے پولنگ اسٹیشن کی تفصیلات اور پولنگ کی تاریخ چیک کرسکتے https://electoralsearch.eci.gov.in
18. الیکشن کمیشن نے پولنگ اسٹیشنوں پر شناختی تصدیق کے لیے ووٹر شناختی کارڈ (ای پی آئی سی) کے علاوہ 12 متبادل دستاویزات بھی فراہم کی ہیں۔ اگر ووٹر ووٹر لسٹ میں رجسٹرڈ ہے تو ان میں سے کوئی بھی دستاویز دکھا کر ووٹنگ کی جا سکتی ہے۔

رائے دہندگان کے لیے معلومات

19. رائے دہندگان کو غلط معلومات اور جعلی خبروں کو ان پر اثر انداز ہونے یا انھیں ان انتخابات میں حصہ لینے سے روکنے والے اقدامات سے اجتناب کرنا چاہیے، خاص طور پر سوشل میڈیا پر پھیلائے جانے والے جھوٹے بیانیے کے خلاف۔ https://mythvsreality.eci.gov.in پر دستیاب کمیشن کے افسانہ بنام حقیقت رجسٹر میں تمام سوالات، وضاحتوں اور غلط فہمیوں کی وضاحت اور ان کا ازالہ کیا گیا ہے اور رائے دہندگان سے درخواست کی جاتی ہے کہ وہ ان مصدقہ اور قابل اعتماد وسائل کو بڑھانے سے پہلے ان کی تصدیق کریں۔
20. ای سی آئی کے وائی سی ایپ اور امیدوار حلف نامہ پورٹل (https://affidavit.eci.gov.in) انتخاب لڑنے والے امیدواروں کی تمام تفصیلات بشمول ان کے اثاثے، ذمہ داریاں، تعلیمی پس منظر اور مجرمانہ پس منظر فراہم کرتا ہے۔

میڈیا کی سہولت

21. کمیشن نے ان 21 ریاستوں / مرکز کے زیر انتظام علاقوں میں تقریبا 47،000 اتھارٹی لیٹرجاری کرکے میڈیا کے افراد کو پولنگ اسٹیشنوں پر پولنگ کی کوریج کی سہولت فراہم کی ہے۔ بین الاقوامی میڈیا کو خصوصی طور پر سہولت فراہم کی گئی ہے۔
22. میڈیا اور تمام اسٹیک ہولڈروں پولنگ کے دن ای سی آئی ووٹر ٹرن آؤٹ ایپ کے ذریعے ووٹر ٹرن آؤٹ چیک کرسکتے ہیں جسے باقاعدگی سے اپ ڈیٹ کیا جائے گا۔
23. الیکشن کمیشن نے عام انتخابات 2024 سے متعلق تمام متعلقہ معلومات ایک ہی مقام پر فراہم کرنے کے لیے الیکشن 2024 کے لیے ایک مخصوص ویب سائٹ بھی لانچ https://elections24.eci.gov.in

پس منظر

24. پچھلے دو سالوں میں کمیشن نے انتخابی تیاریوں کا جائزہ لینے کے لیے کئی ریاستوں / مرکز کے زیر انتظام علاقوں کا دورہ کیا ہے۔ کمیشن نے سیاسی جماعتوں ، نافذ کرنے والی ایجنسیوں ، تمام ضلع افسران ، ایس ایس پی / ایس پی ، ڈویژنل کمشنروں ، رینج آئی جیز ، سی ایس / ڈی جی پیز اور ریاستوں / مرکز کے زیر انتظام علاقوں کے دیگر سینئر افسران کے ساتھ بات چیت کی ہے۔
25. چیف الیکٹورل افسران اور ان کی ٹیموں کے ساتھ متعدد کانفرنسیں اور جائزہ اجلاس منعقد ہوئے تاکہ کسی بھی خلا کو جاننے اور انھیں پر کرنے کے طریقوں کا پتہ لگایا جاسکے۔ سینئر افسروں کی ایک ٹیم نے انتخابی مشینری کی مجموعی تیاریوں کا جائزہ لینے کے لیے مختلف ریاستوں کا دورہ کیا جس میں امن و امان کی صورت حال ، تشویش کے مخصوص علاقوں اور سینٹرل آرمڈ پولیس فورسز کی حسب ضرورت تعداد شامل ہے۔
26. اس جائزے کے ایک حصے کے طور پر الیکشن کمیشن آف انڈیا نے تمام ریاستوں/ مرکز کے زیر انتظام علاقوں کے ساتھ ایک اہم اجلاس بھی طلب کیا ہے جس میں آزادانہ، منصفانہ، پرامن اور آزادانہ انتخابات کے لیے لوک سبھا اور ریاستی قانون ساز اسمبلیوں کے جاری عام انتخابات 2024 میں امن و امان کی صورت حال، غیر قانونی سرگرمیوں کی روک تھام، ضبطی اور بین ریاستی اور بین الاقوامی سرحدوں پر سخت نگرانی کا جائزہ لیا جائے گا۔ مشترکہ جائزے کا مقصد تمام متعلقہ اسٹیک ہولڈروں کو ایک ہی پلیٹ فارم پر اکٹھا کرنا تھا تاکہ سرحدوں کی حفاظت کرنے والی مرکزی ایجنسیوں کے ساتھ پڑوسی ریاستوں / مرکز کے زیر انتظام علاقوں کے عہدیداروں کے مابین ہموار ہم آہنگی اور تعاون کیا جاسکے۔ کمیشن نے ہر ریاست / مرکز کے زیر انتظام علاقوں سے متعلق اہم امور کا تفصیلی جائزہ لیا۔
27. عام انتخابات کے اعلان سے قبل کمیشن نے عام انتخابات کے لیے 2100 سے زائد جنرل، پولیس اور اخراجات کے آبزرور وں کو بھی بریفنگ دی۔
28. عام انتخابات 2024 میں رائے دہندگان کی تعداد میں اضافہ کرنے کے مقصد سے الیکشن کمیشن آف انڈیا (ای سی آئی) نے کم رائے دہندگان کے ٹرن آؤٹ پر ایک کانفرنس کا بھی انعقاد کیا جس میں ان پارلیمانی حلقوں (پی سی) پر توجہ مرکوز کی گئی، جن کی پچھلے عام انتخابات میں کم انتخابی شرکت کی تاریخ رہی ہے۔
29. پوری انتخابی مشینری کو انتخابی انتظام کے تمام پہلوؤں پر تربیت دی گئی ہے۔ تمام ہدایات / مینوئل / ہینڈ بک کو جامع طور پر اپ ڈیٹ کیا گیا ہے اور ای سی آئی کی ویب سائٹ پر دستیاب  کرایا گیاہے۔

***

(ش ح – ع ا – ع ر)

U. No. 6590