2024ലെ ലോക്‌സഭാ തെരഞ്ഞെടുപ്പിന്റെ രണ്ടാംഘട്ടത്തിൽ 12 സംസ്ഥാനങ്ങളിൽ/കേന്ദ്രഭരണപ്രദേശങ്ങളിൽ 1206 സ്ഥാനാർഥികളും ഔട്ടർ മണിപ്പുർ പാർലമെന്റ് മണ്ഡലത്തിൽ 4 സ്ഥാനാർഥികളും മത്സരിക്കും. 2024ലെ ലോക്‌സഭാ തെരഞ്ഞെടുപ്പിന്റെ രണ്ടാംഘട്ടത്തിൽ വോട്ടെടുപ്പു നടക്കുന്ന 12 സംസ്ഥാനങ്ങളിലും കേന്ദ്രഭരണപ്രദേശങ്ങളിലുമായുള്ള 88 പാർലമെന്റ് മണ്ഡലങ്ങളിലേക്ക് 2633 നാമനിർദേശപ്പത്രികകളാണു സമർപ്പിച്ചിരുന്നത്. 12 സംസ്ഥാനങ്ങളിലും കേന്ദ്രഭരണപ്രദേശങ്ങളിലും രണ്ടാംഘട്ടത്തി‌ൽ നാമനിർദേശപ്പത്രിക സമർപ്പിക്കാനുള്ള അവസാന തീയതി 2024 ഏപ്രിൽ 4 ആയിരുന്നു. സമർപ്പിച്ച 2633 നാമനിർദേശപ്പത്രികകളുടെ സൂക്ഷ്മപരിശോധനയ്ക്കുശേഷം, 1428 നാമനിർദേശപ്പത്രികകൾ സാധുവാണെന്നു കണ്ടെത്തി. 12 സംസ്ഥാനങ്ങളിലെയും കേന്ദ്രഭരണപ്രദേശങ്ങളിലെയും സ്ഥാനാർഥിത്വം പിൻവലിക്കാനുള്ള അവസാന തീയതി 2024 ഏപ്രിൽ 8 ആയിരുന്നു.

രണ്ടാംഘട്ടത്തിൽ, കേരളത്തിലെ 20 പാർലമെന്റ് മണ്ഡലങ്ങളിൽ 500 നാമനിർദേശപ്പത്രികകളും കർണാടകത്തിലെ 14 മണ്ഡലങ്ങളിൽ 491 നാമനിർദേശപ്പത്രികകളുമാണുള്ളത്. ത്രിപുരയിലെ ഒരു പാർലമെന്റ് മണ്ഡലത്തിൽ 14 നാമനിർദേശപ്പത്രികകൾ ലഭിച്ചു. മഹാരാഷ്ട്രയിലെ 16-നാന്ദേഡ് പാർലമെന്റ് മണ്ഡലത്തിൽ ലഭിച്ചത് 92 നാമനിർദേശപ്പത്രികകളാണ്.

2024ലെ ലോക്‌സഭാ തെരഞ്ഞെടുപ്പിന്റെ രണ്ടാംഘട്ടത്തിന്റെ സംസ്ഥാനം/കേന്ദ്രഭരണപ്രദേശം തിരിച്ചുള്ള വിശദാംശങ്ങൾ:

ഔട്ടർ മണിപ്പൂർ പാർലമെന്റ് മണ്ഡലത്തിലെ 15 നിയമസഭാമണ്ഡലപരിധിയിൽ 19.04.2024നും (ആദ്യഘട്ടത്തിൽ) 13 നിയമസഭാമണ്ഡലപരിധിയിൽ 26.04.2024നും (രണ്ടാംഘട്ടത്തിൽ) വോട്ടെടുപ്പു നടക്കും എന്നതു ശ്രദ്ധിക്കേണ്ടതാണ്. 2024 ഏപ്രിൽ 5നു പുറപ്പെടുവിച്ച ഗസറ്റ് വിജ്ഞാപനപ്രകാരം ഔട്ടർ മണിപ്പുർ പാർലമെന്റ് മണ്ഡലത്തിൽ 4 സ്ഥാനാർഥികളാണു മത്സരിക്കുന്നത്. മൊത്തത്തിൽ, ആദ്യഘട്ടത്തിൽ, 21 സംസ്ഥാനങ്ങളിലും കേന്ദ്രഭരണപ്രദേശങ്ങളിലുമായി 1491 പുരുഷന്മാരും 134 സ്ത്രീകളും ഉൾപ്പെടെ 1625 സ്ഥാനാർഥികൾ മത്സരിക്കുന്നു..

--SK--