ମିଥ୍ୟା ସୂଚନାର ପ୍ରସାରକୁ ରୋକିବା ଏବଂ ନିର୍ବାଚନ ପ୍ରକ୍ରିୟାର ଅଖଣ୍ଡତା ବଜାୟ ରଖିବା ପାଇଁ ଭାରତୀୟ ନିର୍ବାଚନ ଆୟୋଗ (ଇସିଆଇ) ଚଳିତ ସାଧାରଣ ନିର୍ବାଚନ ୨୦୨୪ର ଏକ ଅଂଶ ଭାବରେ ଆଜି 'ମିଥ୍ ଭର୍ସେସ୍‌ ରିଅଲିଟି ରେଜିଷ୍ଟର’ ଆରମ୍ଭ କରିଛନ୍ତି। ଆଜି ମୁଖ୍ୟ ନିର୍ବାଚନ କମିଶନର ଶ୍ରୀ ରାଜୀବ କୁମାର, ନିର୍ବାଚନ କମିଶନର ଶ୍ରୀ ଜ୍ଞାନେଶ କୁମାର ଏବଂ ଶ୍ରୀ ସୁଖବୀର ସିଂ ସାନ୍ଧୁ ନୂଆଦିଲ୍ଲୀସ୍ଥିତ ନିର୍ବାଚନ ସଦନରେ ଏହାର ଶୁଭାରମ୍ଭ କରିଛନ୍ତି । ନିର୍ବାଚନ ଆୟୋଗଙ୍କ ଅଧିକୃତ ୱେବସାଇଟ (https://mythvsreality.eci.gov.in/) ମାଧ୍ୟମରେ ‘ମିଥ୍ ବନାମ ରିଅଲିଟି ରେଜିଷ୍ଟର’ ଜନସାଧାରଣଙ୍କ ପାଇଁ ଉପଲବ୍ଧ। ରେଜିଷ୍ଟରର ବାସ୍ତବ ମେଟ୍ରିକ୍ସ ନିୟମିତ ଭାବେ ଅପଡେଟ୍ କରାଯାଇ ସଦ୍ୟତମ ନକଲି ଏବଂ ନୂତନ FAQ ଅନ୍ତର୍ଭୁକ୍ତ କରାଯିବ। ‘ମିଥ୍ ଭର୍ସେସ୍‌ ରିଅଲିଟି ରେଜିଷ୍ଟର’ର ପ୍ରଚଳନ ନିର୍ବାଚନ ପ୍ରକ୍ରିୟାକୁ ଭୁଲ ସୂଚନାରୁ ରକ୍ଷା କରିବା ପାଇଁ ନିର୍ବାଚନ କମିସନଙ୍କ ଜାରି ରହିଥିବା ପ୍ରୟାସରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ।

ମୁଖ୍ୟ ନିର୍ବାଚନ କମିଶନର ଶ୍ରୀ ରାଜୀବ କୁମାର ସାଧାରଣ ନିର୍ବାଚନ ୨୦୨୪ ପାଇଁ କାର୍ଯ୍ୟସୂଚୀ ଘୋଷଣା ଅବସରରେ ଆୟୋଜିତ ସାମ୍ବାଦିକ ସମ୍ମିଳନୀରେ ଭୁଲ ସୂଚନାକୁ ଏକ ଆହ୍ୱାନ ଭାବରେ ଚିହ୍ନଟ କରିଛନ୍ତି, ଯେଉଁଥିରେ ନିର୍ବାଚନୀ ସ୍ୱଚ୍ଛତା ପାଇଁ ଅର୍ଥ, ବାହୁବଳ ଏବଂ ଏମସିସି ଉଲ୍ଲଂଘନ ମଧ୍ୟ ରହିଛି । ବିଶ୍ୱବ୍ୟାପୀ ଅନେକ ଗଣତାନ୍ତ୍ରିକ ଦେଶରେ ଭୁଲ ସୂଚନା ଏବଂ ମିଥ୍ୟା ଖବର ପ୍ରସାର ଚିନ୍ତାର କାରଣ ପାଲଟିଥିବା ବେଳେ ନିର୍ବାଚନ ପ୍ରକ୍ରିୟାରେ ଭୋଟରମାନେ ଯେପରି ସଠିକ ଏବଂ ଯାଞ୍ଚ ସୂଚନା ପାଇପାରିବେ ତାହା ସୁନିଶ୍ଚିତ କରିବା ପାଇଁ ନିର୍ବାଚନ କମିଶନଙ୍କ ଏହି ଅଭିନବ ଏବଂ ସକ୍ରିୟ ପଦକ୍ଷେପ ଏକ ପ୍ରୟାସ ।

‘ମିଥ୍ ଭର୍ସେସ ରିଅଲିଟି ରେଜିଷ୍ଟର’ ନିର୍ବାଚନ ସମୟରେ ପ୍ରସାରିତ ମିଥ୍ୟା ଓ ଭୁଲ ସୂଚନାକୁ ଦୂର କରିବା ପାଇଁ ତଥ୍ୟଗତ ସୂଚନାର ଏକ ବ୍ୟାପକ ଭଣ୍ଡାର ଭାବରେ କାର୍ଯ୍ୟ କରେ, ଯାହା ଦ୍ୱାରା ସେମାନେ ସଚେତନ ନିଷ୍ପତ୍ତି ନେବାକୁ ସଶକ୍ତ ହେବେ । ଇଭିଏମ୍/ଭିଭିପିଏଟି, ଭୋଟର ତାଲିକା/ଭୋଟର ସେବା, ନିର୍ବାଚନ ପରିଚାଳନା ଏବଂ ଅନ୍ୟାନ୍ୟ ବିଷୟରେ ମିଥ୍ୟା ଓ ଭୁଲ ସୂଚନା କ୍ଷେତ୍ରକୁ ବ୍ୟାପକ ଭାବରେ ମୁକାବିଲା ପାଇଁ ଏହାକୁ ଉପଭୋକ୍ତା ଅନୁକୂଳ ଫର୍ମାଟରେ ଡିଜାଇନ୍ କରାଯାଇଛି। ଏହି ରେଜିଷ୍ଟରରେ ନିର୍ବାଚନ ସମ୍ବନ୍ଧୀୟ ମିଥ୍ୟା ସୂଚନା, ସୋସିଆଲ ମିଡିଆ ପ୍ଲାଟଫର୍ମରେ ପ୍ରସାରିତ ସମ୍ଭାବ୍ୟ ମିଥ୍ୟା, ଗୁରୁତ୍ୱପୂର୍ଣ୍ଣ ବିଷୟ ଉପରେ ଏଫ୍ଏକ୍ୟୁ ଏବଂ ସମସ୍ତ ଅଂଶୀଦାରଙ୍କ ପାଇଁ ବିଭିନ୍ନ ବିଭାଗ ଅଧୀନରେ ରେଫରେନ୍ସ ବିଷୟବସ୍ତୁ ପ୍ରଦାନ କରାଯାଇଛି। ରେଜିଷ୍ଟର ନିୟମିତ ଭାବେ ଅପଡେଟ୍ ହେବ।

ମିଥ୍ ଭର୍ସେସ ରିଅଲିଟି ରେଜିଷ୍ଟରରେ ପ୍ରଦାନ କରାଯାଇଥିବା ସୂଚନା ସହିତ ଯେକୌଣସି ଚ୍ୟାନେଲ ମାଧ୍ୟମରେ ସେମାନଙ୍କ ଦ୍ୱାରା ପ୍ରାପ୍ତ କୌଣସି ସନ୍ଦେହଜନକ ସୂଚନାକୁ ଯାଞ୍ଚ ଏବଂ ପ୍ରମାଣ କରିବାକୁ ସମସ୍ତ ଅଂଶୀଦାରମାନଙ୍କୁ ଉତ୍ସାହିତ କରାଯାଏ । ଏହି ପ୍ଲାଟଫର୍ମକୁ ସୂଚନା ଯାଞ୍ଚ କରିବା, ଭୁଲ ସୂଚନାର ପ୍ରସାରକୁ ରୋକିବା, ମିଥ୍ୟା ଖବରକୁ ଖଣ୍ଡନ କରିବା ଏବଂ ସାଧାରଣ ନିର୍ବାଚନ ୨୦୨୪ ସମୟରେ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ବିଷୟରେ ଅବଗତ ରହିବା ପାଇଁ ବ୍ୟବହାର କରାଯାଇପାରିବ । ବ୍ୟବହାରକାରୀ ବା ୟୁଜର୍ସ ଏହି ରେଜିଷ୍ଟରରୁ ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ମଧ୍ୟ ସୂଚନା ସେୟାର କରିପାରିବେ ।

*****

P.S/Swadhin