অরানবা ই-পাউ শন্দোকপা থিংনবা অমসুং মীখলগী থৌওংদা অয়েৎপা লৈহন্দনবগীদমক্তা ইলেক্সন কম্মিসন ওফ ইন্দিয়া (ECI)না হৌজিক পাংথোক্লিবা জেনেরেল মীখল 2024গী শরুক অমা ওইনা ঙসি “মীথ ভর্সস রিএলিতী রেজিস্তর” অমা হৌদোকখ্রে। মসিদি চীফ ইলেক্সন কম্মিস্নর শ্রী রজীব কুমারগা লোয়ননা ইলেক্সন কম্মিস্নর শ্রী গনেশ কুমার অমসুং শ্রী সুখবির সিংহ সন্ধুনা নই দিল্লীগী নির্বচন সদন্দা ঙসি হৌদোকখিবনি। “মীথ ভর্সস রিএলিতী রেজিস্তর” অসি মীয়াম্না ইলেক্সন কম্মিসনগী ওফিসিএল ওইবা ৱেবসাইত (https://mythvsreality.eci.gov.in/) অসিদগী চঙবা য়াগনি। অরানবনি তাক্লবা খ্বাইদগী নৌবা ৱারোল অমসুং FAQ কয়া য়াওহন্নবগীদমক্তা রেজিস্তর অসিগী ফেকচুএল মেত্রিক্স অসিবু চাং নাইনা অপদেত তৌগনি। “মীথ ভর্সস রিএলিতী রেজিস্তর” অমা হৌদোকপনা মীখলগী পথাপ্পু অরানবা ই-পায় কয়াদগী ঙাকথোক্নবা ECIনা হৌজিক কন্না হোৎনরিবা অসিগী মশক থোকপা মায় পাকপা অমা ওইরি।

চীফ ইলেক্সন কম্মিস্নর শ্রী রজীব কুমারনা জেনেরেল মীখল 2024গী মতম লাউথোকপগীদমক্তা পাংথোকখিবা প্রেস কনফরেন্সকী মনুংদা অরানবা ই-পাউ অসিশু মীখলগী অপুনবা কাঙলোন ঙাকপদা থেংনবা শেল, খুৎকন-পাঙ্গল অমসুং MCC ইন্দবগী থৌওংগা লোয়নবা শিংনবা কয়াগী মনুংদা অমনি হায়না শকখঙখ্রবনি। অরানবা ই-পাউ শন্দোকপা অমসুং শেমজিন শাজিনবা ৱাফম্বু খুৎলায় ওইনা শিজিন্নবগী মতৌনা মালেমগী গনতন্ত্রা কয়ানা মাইয়োক্নবা অচৌবা শিংনবা অমা ওইরক্লিবা অসিদা, ECIগী মসিগুম্বা অনৌবা অমসুং থবক ওইনা পাংথোকপদা হকথেংননা মিৎয়েং চঙবা থৌওং অসিদি মীখলগী অপুনবা পথাপকী মনুংদা ভোতরশিংদা অশেংবা অমসুং চুম্লে হায়না প্রমান তৌরবা ই-পাউ শোইদনা ফংহন্নবা খোঙথাং অমনি।

মীখল মনুংদা শন্দোকপা অরানবা অমসুং য়ুম্ফম য়াওদবা ই-পাউ কয়াবু অরানবনি তাক্নবা মরী লৈনবা অশেংবা ৱারোল কয়াগী অচৌবা রিপোজিতরী অমা ওইনা “মীথ ভর্সস রিএলিতী রেজিস্তর”না মথৌ পাংথোক্কনি, অমসুং ভোতরশিংনা ৱাফম খুদিংমক খঙলবা মতুংদা মশাগী ৱারেপ লেপ্পদা মপাঙ্গল হাপ্তুনা তেংবাংগনি। মসিদি EVM/VVPAT, ইলেক্তোরেল রোল/ভোতর সর্ভিস, মীখল পাংথোকপগী কাঙলোন অমসুং অতোপ্পা মরী লৈনবা চুম্মি হায়না অয়াম্বা মতমদা খন্নবা অমসুং অরানবা ই-পাউ কয়া মনুং চলহন্দুনা য়ুজর-ফ্রেনলী ওইবা মওংদা শেম্বনি। মীখলগা মরী লৈননা লাল্লে হায়না হান্নদগী তাকখ্রবা ৱারোল, সোসিএল মীদিয়া প্লেতফোর্মশিংদা শন্দোক্লিবা অচুম্বা মালহনবা ৱারোল, স্তেকহোলদরশিংনা মতেং লৌবা য়াবা মরু ওইবা হীরমশিংগী FAQ অমসুং মরী লৈনবা ৱারোল কয়া তোঙান-তোঙানবা সেক্সনশিংগী মখাদা রেজিস্তর অসিদা পীরি।

স্তেকহোলদরশিংনা চেনেল অমা হেক্তদগী ফংবা চমম্নবা পোকহনবা ৱারোল কয়াগী অচুম অরান কয়াবু মীথ ভর্সস রিএলিতী রেজিস্তর অসিদা পীরিবা ই-পাউশিংগা চাংদম্নদুনা তসেংবা অচুম অরান খঙদোক্নবা স্তেকহোলদরশিংবু পুক্নিং থৌগৎলি। প্লেতফোর্ম অসিবু ই-পাউ কয়াগী অচুম অরান খঙদোক্নবা, অরানবা পাউ শন্দোকপা থিংনবা, মীয়াম্না অচুম্বনি থাজনবা অরানবা ই-পাউ মশক খঙদোক্নবা অমসুং জেনেরেল মীখল 2024গী মনুংদা মরু ওইবা হীরমশিং খঙনা চৎনবা শিজিন্নবশু য়াগনি। য়ুজরশিংনা রেজিস্তর অসিগী ই-পাউশিংবু মখল কয়াগী সোসিএল মীদিয়া প্লেতফোর্মশিংদা শেয়র তৌবা য়াবগী খুদোংচাবশু লৌবা য়াগনি।

***