প্রধানমন্ত্রীগী লোইশঙ
প্রধান মন্ত্রীগা ভুতানগী প্রধান মন্ত্রীগা উন্নখ্রে
প্রধান মন্ত্রী মোদীনা পি.এম. সেরিং তোবগেনা ফেব্রুৱারী 2024দা ওফিসকী থৌ পুরবা মতুংদা চৎপা মহাক্কী ভারতকী অহানবা মীরম লৈবাক্কী খোঙচত্তা তরাম্না ওকখ্রে
লুচিংবা অনিনা অখন্নবা অমসুং তোপ-তোপ্পা বাইলেতরেল মরীবু মপাঙ্গল হেন্না কনখৎহন্নবা অমুক্কা হন্না য়ানবা পুরকখ্রে
পি.এম. সেরিং তোবগেনা ভুতানগী মীয়ামগী চাউখৎ থৌরাংগী লমদা ভারতপু থাজবা য়াবা অমসুং ভেল্যু লৈবা খোঙলোই অমনি হায়খ্রে
মথংগী চয়োলদা ভুতান্দা লাক্নবা পীরকখিবা পাউজেলবু পি.এম. মোদীনা য়াখ্রে
Posted On:
15 MAR 2024 10:22AM by PIB Imphal
প্রধান মন্ত্রী, শ্রী নরেন্দ্র মোদীনা ঙরাং ভুতানগী প্রধান মন্ত্রী, ঐচ.ই. দাশো সেরিং তোবগেগা নই দিল্লীদা উন্নখ্রে।
প্রধান মন্ত্রী সেরিং তোবগে অসি ওফিসিএল ওইবা খোঙচত্তা ভারত্তা হৌজিক লৈরি, মসিদি মহাক্না ফেব্রুৱারী 2024দা ওফিসকী থৌ পুরবা মতুংদা চৎপা অহানবা মীরম লৈবাক্কী খোঙচৎনি।
লুচিংবা অনিনা ইনফ্রাস্ত্রকচর দিভেলপমেন্ত, কন্নেক্তিবিতী, ইনর্জী, হাইদ্রোপাৱর কোওপরেসন, পীপল তু পীপল এক্সচেঞ্জ অমসুং দিভেলপমেন্ত কোওপরেসন য়াওনা বাইলেতরেল মরীগী হীরম কয়াগী খুমাং চাউশিনবগী থাকশিং য়েংশিনমিন্নখি। মসিগুম্বা অখন্নবা অমসুং তোপ-তোপ্পা ভারত-ভুতান মরীবু মপাঙ্গল হেনগৎহন্নবা লুচিংবা অনিনা অমুক্কা হন্না য়ানবা পুরকখি।
ভুতানগী প্রধান মন্ত্রীনা ভারতনা ভুতানগী চাউখৎ থৌরাংগী হীরমশিংদা থাজবা য়াবা অমসুং ভেল্যু লৈবা খোঙলোই অমা ওইনা লৌরিবা থৌদাংবু থাগৎপা ফোংদোকখি।
ভুতানগী নিংথৌ, হিস মেজেস্তীগী মহুৎ শিন্দুনা পি.এম. সেরিং তোবগেনা প্রধান মন্ত্রীদা মথংগী চয়োলদা ভুতান্দা লাকপীনবা পাউজেল পীখি। প্রধান মন্ত্রীনা পাউজেল অদুবু য়াখ্রে।
***
(Release ID: 2014870)
Visitor Counter : 74
Read this release in:
Odia
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam