প্রধানমন্ত্রীগী লোইশঙ
পি.এম.না মার্চ ৮দা অহানবা নেস্নেল ক্রিএতর্স এৱার্দ লান্থোক্কনি
মনা অসি ৱারী লিবা, খুন্নাইদা অহোংবা পুরক্নবা হোৎনবা, অকোয়বগী ফীভম তুং কোইনা চৎহনবা, মহৈ মশিং, গেমিং অমসুং অতৈ অতৈ য়াওনা দোমেন কয়াদা হৈথোই শিংথোইবা অমসুং পীরিবা শাফুবু মশক খঙনবা থৌরাং অমনি
মনা অসিনা পব্লিক এঙ্গেজমেন্ত চাউনা পুরকখি; নোমিনেসন লাখ ১.৫ হেন্না লাকখি অমসুং ভোত লাখ ১০ হেন্না পীনরকখি
মনা অসি মাঙলুপ কুন্দা পীগনি
Posted On:
07 MAR 2024 4:28PM by PIB Imphal
প্রধান মন্ত্রী, শ্রী নরেন্দ্র মোদীনা মার্চ ৮, ২০২৪গী অয়ুক পুং ১০:৩০ তাবা মতমদা নই দিল্লীগী ভারত মন্দপমদা অহানবা নেস্নেল ক্রিএতর্স এৱার্দ লান্থোক্কনি। প্রধান মন্ত্রীনা থৌরমদুদা তিল্লিবা মীয়ামগী মফমদসু ৱা ঙাংগনি।
নেস্নেল ক্রিএতর্স এৱার্দ অসি ৱারী লিবা, খুন্নাইদা অহোংবা পুরক্নবা হোৎনবা, অকোয়বগী ফীভম তুং কোইনা চৎহনবা, মহৈ মশিং, গেমিং অমসুং অতৈ অতৈ য়াওনা দোমেন কয়াদা হৈথোই শিংথোইবা অমসুং পীরিবা শাফুবু মশক খঙনবা থৌরাং অমনি। মনা অসি ক্রিএতিবিতীবু অফবা অহোংবা পুরকপদা শীজিন্ননবা লোঞ্চপেদ অমা ওইহন্নবা মীৎয়েঙ থম্লি।
নেস্নেল ক্রিএতর এৱার্দ অসিনা পব্লিক এঙ্গেজমেন্ত মশক থোক্না লৈবা উরি। অহানবা রাউন্দদা কাঙলুপ ২০দা নোমিনেসন লাখ ১.৫ হেন্না লাকখি। মতুং তারকপদা, ভোতিং রাউন্দদা, তোঙান তোঙানবা মনাগী কাঙলুপশিংদা দিজিতেল ক্রিএতরশিংগীদমক ভোত লাখ ১০রোম পীনরকখি। মসিগী মখা তারকপদা, মালেমগী ক্রিএতর অহুম য়াওনা অথোইবা ২৩ খনখি। য়াম্লবা পব্লিক এঙ্গেজমেন্ত অসিনা মনা অসিদা মীয়ামগী অপাম্বা তশেংনা মমি তারি হায়বগী খুদম ওইরি।
মনা অসি বেস্ত স্তোরীতেল্লর এৱার্দ; দি দিসরপ্তর ওফ দি ইয়র; সেলেব্রিতী ক্রিএতর ওফ দি ইয়র; গ্রীন চেম্পিয়ন এৱার্দ, বেস্ত ক্রিএতর ফোর সোসিএল চেঞ্জ; মোস্ত ইম্পেক্তফুল এগ্রি ক্রিএতর; কলচরেল এম্বেসেদর ওফ দি ইয়র; ইন্তরনেস্নেল ক্রিএতর এৱার্দ; বেস্ত ত্রাভেল ক্রিএতর এৱার্দ; স্বচ্ছতা এম্বেসেদর এৱার্দ; দি নিউ ইন্দিয়া চেম্পিয়ন এৱার্দ; তেক ক্রিএতর এৱার্দ; হেরিতেজ ফেসন আইকন এৱার্দ; মোস্ত ক্রিএতিব ক্রিএতর (মেল অমসুং ফিমেল); বেস্ত ক্রিএতর ইন ফুদ কেতেগরী; বেস্ত ক্রিএতর ইন এজুকেসন কেতেগরী; বেস্ত ক্রিএতর ইন গেমিং কেতেগরী; বেস্ত মাইক্রো ক্রিএতর; বেস্ত নেনো ক্রিএতর; বেসস্ত হেল্থ এন্দ ফিতনেস ক্রিএতর য়াওনা কাঙলুপ কুন্দা পীগনি।
***
(Release ID: 2014412)
Visitor Counter : 52
Read this release in:
Odia
,
Kannada
,
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Tamil
,
Telugu
,
Malayalam