প্রধান মন্ত্রী শ্রী নরেন্দ্র মোদী মার্চ ১১,২০২৪দা হরিয়ানাগী গুরুগ্রামদা চৎকনি। নুমিৎয়ুং পুং১১ রোম তাবদা, প্রধান মন্ত্রীনা লুপা করোর লাখ ১ রোমগী তোঙান-তোঙানবা রাজ্যশিংগী নেসনেল হায়ৱে প্রোজেক ১১২ শঙ্গাগনি অমসুং উরেপ-উয়ুং তমগনি।

এন.ঐচ-৪৮তা লম্বী চৎপা নুংঙাইবা হেনগৎহন্নবা অমসুং দিল্লি অমসুং গুরুগ্রামগী মরক্তা মী চিনবা হন্থহন্নবা, প্রধান মন্ত্রীনা কিমি ১৯ শাংবা দ্বারকা এক্সপ্রেসৱেগী হরিয়ানা সেক্সন শঙ্গাগনি। কিমি ১৯ শাংবা দ্বারকা এক্সপ্রেসৱেগী হরিয়ানা সেক্সন অসি লুপা করোর ৪,১০০ রোম চঙনা পায়খৎপনি অমসুং মসিদা কিমি ১০.২ শাংবা দিল্লি-হরিয়ানা বোর্দরদগী বাসাই রেল-ওভর-ব্রিজ(আর ও বি) অমসুং কিমি ৮.৭ শাংবা বাসাই আর.ও.বিদগী খেরকি দাউলা ফাওবগী পেকেজ অনি য়াওরি। মসিনা দিল্লি অমসুং গুরুগ্রাম বাইপাসতা আই.জি.আই এয়রপোর্তকা হকথেংননা শম্নগনি।

প্রধান মন্ত্রীনা শঙ্গাগদবা অতোপ্পা মরুওইবা প্রোজেকশিংগী মনুংদা  দিল্লিদা নাংলোই-নাজাফগর রোদতগী সেক্তর ২৪ দ্বারকা ফাওবগী কিমি ৯.৬ শাংবা লেন তরুক ওনখৎনবা অর্বান এক্সতেন্সন রোদ-২(য়ু ই আর-২)-পেকেজ ৩; উত্তর প্রদেসতা লুপা করোর ৪,৬০০রোম চঙনা লাখনৌ রিং রোদ শেমগৎনবা পেকেজ অহুম; অন্ধ্র প্রদেসতা লুপা করোর ২,৯৫০ রোম চঙনা এন.ঐচ-১৬গী অনন্দাপুরম-পেন্দুরতি-অনাকাপাল্লি সেক্সন শেমগৎপা; হিমাচল প্রদেসতা লুপা করোর ৩,৪০০ রোম চঙনা  এন.ঐচ-২১(পেকেজ ২)গী কিরাতপুর-নেরচোক সেক্সন শেমগৎপা; কর্নাতকাদা লুপা করোর ২৭৫০ রোম চঙনা দোবাসপেত-হেসকোত সেক্সন শেমগৎপা অমসুং লৈবাক্কী তোঙান-তোঙানবা রাজ্যশিংদা লুপা করোর ২০,৫০০ রোমগী অতোপ্পা প্রোজেক ৪২ য়াওরি।

প্রধান মন্ত্রীনা লৈবাক শীনবা থুংনা তোঙান-তোঙানবা নেসনেল হায়ৱে প্রোজেকশিংশু উরেপ-উয়ুং তমগনি। উরেপ-উয়ুং তমগদৌরিবা মরুওইবা প্রোজেকশিংগী মনুংদা অন্ধ্র প্রদেসতা লুপা করোর ১৪,০০০গী বেঙ্গালারু-কাদাপ্পা-বিজয়ৱাদা এক্সপ্রেসৱেগী পেকেজ ১৪; কর্নাতকাদা লুপা করোর ৮০০০গী এন.ঐচ-৭৪৮এগী বেলগাউন-হুনগুন্দ-রাইচুর সেক্সনগী পেকেজ তরুক; হরিয়ানাদা লুপা করোর ৪,৯০০গী সাম্লি-অম্বালা হায়ৱেগী পেকেজ অহুম; পঞ্জাবতা লুপা করোর ৩,৮০০গী অমৃতশর-বথিন্থা কোরিদোর; লোয়ননা ভারত শীনবা থুংবগী তোঙান-তোঙানবা রাজ্যশিংদা লুপা করোর ৩২,৭০০ রোমগী অতোপ্পা প্রোজেক ৩৯ য়াওরি।

প্রোজেকশিং অসিনা নেসনেল হায়ৱে নেতৱার্ক ফগৎহনবদা শিংথাবা য়ানা মতেং পাংগনি অমসুং লৈবাক শীনবা থুংবগী খুন্নাই অমসুং শেন-থুম চাউখৎহনবা, থবক ফংবগী খুদোংচাবশিং হেনগৎহনবা অমসুং ললোন-ইতিক চাউখৎহনবদা মতেং পাংগনি।

****