মমাঙদা লুপা করোর 7522.48 গী ফন্দ অমা অয়াবা পীখ্রবা অমসুং লুপা করোর 939.48 গী বজেতকী শেনফম অমা কাইথোকখ্রবা ফিসরিজ এন্দ এক্বাকলচর ইনফ্রাস্ত্রকচর দিবলপমেন্ত ফন্দ(এফ আই দি এফ) অতোপ্পা চহি অহুম হায়বদি 2025-26 ফাওবা শাংদোকপদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

ফিসরিজ সেক্তরগী দরকার ওইবা ইনফ্রাস্ত্রকচর শেমগৎনবা লুপা করোর 7522.48 গী অপুনবা শেনফম অমগা লোয়ননা কেন্দ্র সরকারনা 2018-19 মনুংদা ফিসরিজ এন্দ এক্বাকলচর ইনফ্রাস্ত্রকচর দিবলপমেন্ত ফন্দ(এফ আই দি এফ) শেমখি। ফিসরিজ এন্দ এক্বাকলচর ইনফ্রাস্ত্রকচর দিবলপমেন্ত ফন্দ(এফ আই দি এফ) অসি অহানবা তাঙ্কক্কী থবক হৌরকপা মতমদা 2018-19 দগী 2022-23 ফাওবগী মনুংদা, লুপা করোর 5588.63 থাদদুনা অপুনবা ফিসরিজ ইনফ্রাস্ত্রকচর প্রোজেক 121 পায়খৎনবা য়াবা পীখ্রে। ফিসরিজ এন্দ এক্বাকলচর ইনফ্রাস্ত্রকচর দিবলপমেন্ত ফন্দ পাকথোক-চাউথোকহনবা অসিনা ঙা ফানবা হিথাংফমশিং, ঙা থমফমশিং, আইস প্লান্তশিং, কোল্দ স্তোরেজ, ঙা পুথোক-পুশিন তৌবগী খুদোংচাবশিং, ইন্তেগ্রেতেদ কোল্দ চেন, অনৌবা ঙাগী কৈথেলশিং, ব্রুদ বেঙ্কশিং, হেতচরিশিং, এক্বাকলচর চাউখৎহনবা, ফিস সিদ ফার্মশিং, অনৌবা ঙা য়োকপগী ত্রেনিং সেন্তরশিং, ঙা শেম-শানবা য়ুনিতশিং, ফিস ফিদ মিলশিং, কেজদা ঙা য়োকপা, সমুদ্রগী অরুবা শরুক্তা ঙা ফানবা ভেসেলশিং, লায়নাশিং খঙদোক্নবা লেবশিং, মেরিকলচর অমসুং এক্বাতিক ক্বারেন্তাইনগী খুদোংচাবশিং য়াওনা তোঙান-তোঙানবা ফিসরিজগী ইনফ্রাস্ত্রকচরশিং শেমগৎপা ঙমগনি।

ফিসরিজ এন্দ এক্বাকলচর ইনফ্রাস্ত্রকচর দিবলপমেন্ত ফন্দনা মখা তানা রাজ্য সরকারশিং, য়ু.তিশিংদা নাবার্দ, এন.সি.দি.সি অমসুং সেদুল বেঙ্কশিংগী খুৎথাংদা মশক খঙদোক্লবা ফিসরিজ ইনফ্রাস্ত্রকচরশিং শেমগৎনবা শেন্থং পীরি। চহি অনিগী মোরাতোরিয়ম য়াওনা চহি 12 গী মনুংদা চহিদা শেন্দোয় 3% দা শেন শিংনবগী খুদোংচাবশিং ভারত সরকারনা পীরি লোয়ননা এন.এল.ইশিংগী শেনফমশিং চহিদা শন্দোয়গী চাং 5% দগী তারোইদবনি।

এনিমেল হসবেন্দরি অমসুং দাইরিয়িং দিপার্তমেন্তগী হৌজিক লৈরিবা ক্রেদিদ গরেন্তি ফন্দ ফোর ইনফ্রাস্ত্রকচর দিবলপমেন্ত ফন্দদগী ওন্ত্রেপ্রেনিউয়রশিং, লনাই লৌমীশিং অমসুং কোওপরেতিপশিংদা মখোয়গী প্রোজেকশিংদা ভারত সরকারনা ক্রেদিদ গরেন্তি পীরি।

ফিসরিজ এন্দ এক্বাকলচর ইনফ্রাস্ত্রকচর দিবলপমেন্ত ফন্দগী মখাদা শেন্থং ফংবা য়ারবশিংদি রাজ্য সরকারশিং, য়ু.তিশিং, রাজ্য সরকারগী কোওপরেসনশিং, রাজ্য সরকারগী অন্দরতেক্কিংশিং, সরকারনা শৌগৎপা লুপশিং, ফিসরিজ কোওপরেতিপ ফেদেরেসনশিং, কোওপরেতিপশিং, অপুনবা ঙামী লুপশিং, পি.আর.আইশিং, সেল্ফ হেল্প গ্রুপশিং, এন.জি.ওশিং, নুপীশিং অমসুং মখোয়গী ওন্ত্রেপ্রেনিউয়রশিং, লনাই কম্পেনিশিং অমসুং ওন্ত্রেপ্রেনিউয়রশিংনি।

ফিসরিজ এন্দ এক্বাকলচর ইনফ্রাস্ত্রকচর দিবলপমেন্ত ফন্দগী অহানবা তাঙ্কক্তা প্রোজেক 27 লোইশিনখ্রে, ঙা ফানবা ভেসেল 8100 হেনবা মফম চানা থম্নবা থবক পায়খৎখ্রে, ঙা তন লাখ 1.09 হেনগৎহল্লে, ঙামী লাখ 3.3 কান্নবা ফংহনখ্রে অমসুং হকথেংননা অমসুং নাকোইননা থবক লাখ 2.5 ফংহনখ্রে।

মখা তানা, ফিসরিজ এন্দ এক্বাকলচর ইনফ্রাস্ত্রকচর দিবলপমেন্ত ফন্দ পাকথোক-চাউথোকহনবা অসিনা সরকার অমসুং লনাই সেক্তর অনিমক্তা ফিসরিজ অমসুং এক্বাকলচরগী ইনফ্রাস্ত্রকচর চাউখৎহন্নবা শেন থাদবা হেনগৎহনগনি। ফিসরিজ এন্দ এক্বাকলচর ইনফ্রাস্ত্রকচর দিবলপমেন্ত ফন্দনা ফিসরিজ অমসুং এক্বাকলচরগী ইনফ্রাস্ত্রকচর চাউখৎহনবা খক নত্তনা, প্রধান মন্ত্রী মাতস্যা সম্পদা য়োজনা অমসুং কিষান ক্রেদিদ কার্দ মাইপাক্না পায়খৎপদা মতেং পাংগনি অমসুং মরী লৈনবশিং হেন্না শরুক য়াহনবা, শেন থাদবা, থবক ফংবগী খুদোংচাবশিং পীবা, ঙাগী পোৎথোক হেনগৎহনবা অমসুং ফিসরিজ অমসুং এক্বাকলচরগী লমদা অওনবা পুরকপদা মরুওইবা স্কিম অমা ওইহনগনি।

*****