ঙসি সংসদতা ফাইনান্স অমসুং কোওপরেত এফেয়ার্সকী য়ুনিয়ন মিনিস্তর শ্রীমতি নিরমলা সিতারমন্না পুথোকখিবা মরক্কী বজেত ২০২৪-২৫দা লৌমীশিংগী য়াইফনবা অমসুং খুঙ্গংদা পোৎ-চৈ শীজিন্নবা হেনগৎহন্নবা মরুওইবা ৱাফমশিং পুথোকখ্রে। ঐখোয়গী লৌমীশিং অসি অন্নাদাতানি হায়রদুনা, ফাইনান্স মিনিস্তরনা হায়খি লৌমীশিংনা পুথোক্লিবা পোৎথোকশিংগী মিনিমম সপোর্ত প্রাইজশিং চুনবা মওংদা চাংনাইনা হেনগৎলে।

ফাইনান্স মিনিস্তরনা হায়খি চহি খুদিংগী লায়রবা অমসুং অপীকপা লৌমীশিং য়াওনা, পি.এম কিষান সম্মান য়োজনাগী মখাদা লৌমীশিংদা হকথেংননা লুপা করোর ১১.৮ গী মতেং পীখ্রে অমসুং পি.এম ফাসাল বিমা য়োজনাগী মখাদা লৌমী করোর ৪ হেনবদা ক্রোপ ইন্সুরেন্স পীখ্রে। খুদোংচাবশিং অসিগী মথক্তা, লৈবাক অসিগী অমসুং মালেমগী চীঞ্জাক পুথোক্লিবা লৌমীশি মতেং পাংনবা অতোপ্পা থৌরম কয়া পায়খৎলি অমসুং মীওই করোর ৮০ দা লেম্না চেঙ পীদুনা চীঞ্জাকশিং অরেম্বদা মাঙহনগনি হায়বগী অকিবা লৈত্রে।

লৌউ-শিংউগী থবক্তা মগুন হেনগৎহন্নবা অমসুং লৌমীশিংগী শেন্থোক হেনগৎহন্নবা মরক্কী বজেত ২০২৪-২৫ না ৱাশক্লি। লৌউ-শিংউ অমসুং ফুদ প্রোসেসিংগী হিরম য়াংনা চাউখৎনবা খোমজিনবা, লীদুনা থম্বা, সপ্লাই চেনশিং, প্রাইমারি অমসুং সেকেন্দরি প্রোসেসিং অমসুং য়োনফম অমসুং ব্রান্দিং য়াওনা লোকপা লোইরবা মতুংগী থবকশিংদা লনাই অমসুং সরকার শেন থাদবা হেনগৎহন্নবা সরকারনা থাজবা পীরে হায়না ফাইনান্স মিনিস্তরনা ফোঙদোকখি।

ফাইনান্স মিনিস্তরনা হায়খি অপুনবা ওইনা, থোং মান্ননা অমসুং ৱাংনা অমসুং পোৎথোক লৈনা চাউখৎনবা হিরম অসিনা থৌরা তৌরি। হায়রিবা থবকশিং অসি লৌমীশিংগী য়াইফনবা থৌশিলশিং পায়খৎলবা, ইনকমদা মতেং পাংলবা, মমল অমসুং ইন্সুরেন্সকী মতেং পাংলবা, তেক্নোলোজি অমসুং ইন্নোবেসনগী মতেং পাংলবা মতমদা ওইথোক্কনি।

মহাক্না হায়খি পি.এম ফোর্মেলাইজেসন ওফ মাইক্রো ফুদ প্রোসেসিং ইন্তরপ্রাইজেস য়োজননা সেল্ফ হেল্প গ্রুপ লাখ ২.৪ অমসুং লনাই মীওই লিশিং ৬০ মতেং পাংখ্রে। লোকপা লোইরবা মতুংগী মাঙবা হন্থহন্নবা, পোৎথোক হেনগৎহন্নবা অমসুং ইনকম হেনগৎহন্নবা অতোপ্পা স্কিমশিংনা থবকশিং পায়খৎলি। পি.এম কিষান সম্পদা য়োজননা লৌমী লাখ ৩৮ কান্নবা ফংহল্লে অমসুং থবক লাখ ১০ ফংহল্লে। ই-নামনা মন্দি ১৩৬১ পুনশিনহল্লে অমসুং লৌমী করোর ১.৮ তা লুপা করোর লাখ ৩ গী ললোন-ইতিক্কী থবক পাংথোকহনখ্রে।

ফাইনান্স মিনিস্তরনা মখা তাখি হায়রিবা খুদোংচাবশিং আসিনা খুঙ্গংদা লৌমীশিংগী অশেংবা শেন্থোক হেনগৎহল্লে। মখোয়গী শেন-থুমগী দরকার ওইবশিং ফংহনবা অসিনা চাউখৎলক্কনি অমসুং থবক ফংহনগনি।

অত্মনির্ভর ওইল সিদস অভিয়ান

ফাইনান্স মিনিস্তরনা হায়খি থাউ থোকপা মরুশিং হায়বদি হঙ্গাম মরু, লৈবাক হৱায় মরু, সিসাম, নুংহৱায় মরু অমসুং নুমিৎলৈ মরুগী অত্মনির্ভর ফংনবা লাল্লোং অমা য়াৎলগনি। মসিদা চাথোক লৈবা মখলশং থিজিনবা, অনৌবা লৌউ মখলশিং পাক-শান্না শীজিন্নবা, কৈথেলগী খুদোংচাবা পীবা, পোৎথোক লৈশিনবা, ভেলু এদিসন অমসুং ক্রোপ ইন্সুরেন্স য়াওরি।

নেনো দি.এ.পি

মাইপাক্না নেনো য়ুরিয়া শীজিন্নরবা মতুংদা, মফম খুদিংমক্তা তোঙান-তোঙানবা মহৈ-মরোংশিংদা নেনো দি.এ.পি শীজিন্নবগী থবক পাকথোক-চাউথোক্লগনি হায়না য়ুনিয়ন ফাইনান্স মিনিস্তরনা ফোঙদোকখি।

*****