కేంద్ర ఆర్ధిక, కార్పొరేట్ వ్యవహారాల శాఖ మంత్రి శ్రీమతి నిర్మలా సీతారామన్  2024–25 ఆర్ధిక సంవత్సరానికి  పార్లమెంటులో ప్రవేశపెట్టిన బడ్జెట్లో ప్రముఖంగా కనిపిస్తున్న వాటిలో రైతు సంక్షేమం, గ్రామీణ ప్రాంత డిమాండ్ను పెంచడం ఒకటి. రైతులను మన అన్నదాతలుగా పేర్కొంటూ  శ్రీమతి సీతారామన్, రైతులకు కనీసమద్దతు ధరను ఎప్పటికప్పుడు తగిన విధంగా పెంచడం జరుగుతుందన్నారు.

ప్రతి సంవత్సరం ప్రధానమంత్రి –కిసాన్ సమ్మాన్ యోజన కింద,  చిన్న, సన్నకారు రైతులతో సహా మొత్తం 11.08 కోట్ల మంది రైతులకు ప్రత్యక్ష నగదు సహాయం అందిస్తున్నట్టు చెప్పారు. పి.ఎం.ఫసల్ బీమా యోజన కింద నాలుగు కోట్ల మంది రైతులకు పంట బీమా కల్పిస్తున్నట్టు చెప్పారు.

ఈ పథకాలతో పాటు, పలు ఇతర పథకాలు, దేశానికి , ప్రపంచానికి ఆహారం పండిస్తున్న అన్నదాతకు సహాయ పడుతున్నాయని, 80 కోట్ల మంది ప్రజలకు ఉచిత రేషన్ ఇవ్వడం ద్వారా ఆహారానికి సంబంధించిన ఆందోళనను తొలగించినట్టు తెలిపారు.

2024–25 మధ్యంతర బడ్జెట్, వ్యవసాయ రంగంలో విలువజోడింపును మరింత పెంచేందుకు హామీ ఇచ్చిందని ఇది, రైతుల రాబడిని మరింత పెంచుతుందని శ్రీమతి నిర్మలా సీతారామన్ పేర్కొన్నారు. పంట నూర్పిడి అనంతర కార్యకలాపాలైన అగ్రిగేషన్, ఆధునిక నిల్వ సదుపాయాలు, సమర్ధవంతమైన సరఫరా , ప్రైమరీ, సెకండరీ ప్రాసెసింగ్ విధానాలు, మార్కెటింగ్,బ్రాండింగ్ వంటివి వ్యవసాయ, ఆహార ప్రాసెసింగ్ రంగం వృద్ధికి దోహదపడేలా ప్రభుత్వ , ప్రైవేటు పెట్టుబడులను మరింత పెంచనున్నట్టు మంత్రి తెలిపారు.  ‘“ ఈ రంగం సమ్మిళిత, సమతూకంతో కూడిన ఉన్నతస్థాయి ప్రగతి, ఉత్పాదకత సాధించేదిశగా ముందుకు పోతున్నది. రైతు కేంద్రిత విధానాలు, ఆదాయ మద్దతు, రిస్క్ కవరేజజజ్, మద్దతు ధరలు, బీమా సదుపాయం , స్టార్టప్ ల ద్వారా సాంకేతికతకు , ఆవిష్కరణలకు ప్రోత్సాహం, “ వంటి వాటిని ఆర్ధిక మంత్రి తమ ప్రసంగంలో ప్రస్తావించారు.

ప్రధానమంత్రి ఫార్మలైజేషన్ ఆఫ్ మైక్రో ఫుడ్ ప్రాసెసింగ్ ఎంటర్ ప్రైజెస్ యోజన 2.4 లక్షల మంది స్వయం సహాయక బృందాల వారికి, 60 వేల మంది వ్యక్తులకు క్రెడిట్ లింకేజ్ కల్పించి సాయపడిందన్నారు. పంట నూర్పిడి అనంతర నష్టాల తగ్గింపు, ఉత్పాదకత , ఆదాయాల పెంపు వంటి వాటి విషయంలో ఇతర పథకాలు ఒకదానికి మరొకటి అండగా ఉన్నాయన్నారు. ప్రధానమంత్రి కిసాన్ సంపద యోజన 38 లక్షల మంది రైతులకు ప్రయోజనం కలిగించిందని, ఇది 10 లక్షల మందికి ఉపాధి కల్పించిందన్నారు.ఎలక్ట్రానిక్ నేషనల్ అగ్రికల్చర్ మార్కెట్ 1361 మండీలను అనుసంధానం చచేసిందని, ఇది 1.8 కోట్లమంది రైతులకు సేవలు అందిస్తున్నదని దీని ట్రేడింగ్ పరిమాణం 3 లక్షల కోట్లకు చేరిందని తెలిపారు.

“  ఈ చర్యలు, ఇతర మౌలిక అవసరాలకు సంబంధించి తీసుకున్న చర్యలు గ్రామీణ ప్రాంత ప్రజల ఆదాయాన్ని పెంచాయి. వారి ఆర్ధిక అవసరాలను ఇవి తీరుస్తున్నాయి. దీనితో వృద్ధితోపాటు ఉపాధి కల్పన జరుగుతోంది   ”  అని ఆర్ధికమంత్రి తెలిపారు.

నూనె గింజల ఆత్మనిర్భర అభియాన్ :

కేంద్ర ఆర్ధిక, కార్పొరేట్ వ్వవహారాల శాఖ మంత్రి శ్రీమతి నిర్మలా సీతారామన్ 2024–25 ఆర్దిక సంవత్సరానికి ప్రవేశపెట్టిన మధ్యంతర బడ్జెట్లోనూనె గింజల ఉత్పత్తిలో ఆత్మనిర్భరత సాధించేందుకు అంటే ఆవాలు, పల్లీలు, సోయాబీన్ , పొద్దుతిరుగుడు వంటి నూనెగింజల ఉత్పత్తిలో ఆత్మనిర్భరత సాధించేందుకు ఒక వ్యూహాన్ని రూపొందించడం జరుగుతుందన్నారు. ఇందులో ఎక్కువ దిగుబడిని ఇచ్చే రకాలపై పరిశోధన, ఆధునిక వ్యవసాయ టెక్నిక్ల వినియోగం, మార్కెట్ లింకేజ్ లు, ప్రొక్యూర్మెంట్ విలువ జోడింపు, పంట బీమావంటివి ఉన్నాయన్నారు.

నానో డిఎపి:

నానో యూరియాను విజయవంతంగా చేపట్టిన తర్వాత, నానో డిఎపిని వివిధ ఇతర పంటలకు వినియోగించడాన్ని అన్ని వాతావరణ జోన్లకు విస్తరింప చేసేందుకు  చర్యలు తీసుకోవడం జరుగుతుందని కేంద్ర ఆర్ధికమంత్రి తమ బడ్జెట్ ప్రసంగంలో పేర్కొన్నారు.

***