শেল-থুম মন্ত্রালয়
লাখপতি দিদিগী পান্দম করোর ২ দগী করোর ৩দা হেনগৎলে: ফাইনান্স মিনিস্তর
নুপী করোর ১ রোম লাখপতি দিদি ওইরক্নবা মতেং পাংলে
নুপী করোর ৯গী সেল্ফ হেল্প গ্রুপ লাখ ৮৩ না শক্তি পীদুনা অমসুং মশা মরোমদোম লেপচদুনা খুঙ্গংগী খুন্নাই অমসুং শেন-থুমগী অওনবা পুরক্লে
Posted On:
01 FEB 2024 12:45PM by PIB Imphal
ঙসি সংসদতা মরক্কী বজেত ২০২৪-২৫ পুথোক্লদুনা য়ুনিয়ন ফাইনান্স অমসুং কোওপরেত এফেয়ার্সকী য়ুনিয়ন মিনিস্তর শ্রীমতি নিরমলা সিতারমন্না হায়খি সরকারনা লাখপতি দিদিগী পান্দম করোর ২ দগী করোর ৩দা হেনগৎলে।
য়ুনিয়ন মিনিস্তরনা হায়খি নুপী করোর ৯গী সেল্ফ হেল্প গ্রুপ লাখ ৮৩ না শক্তি পীদুনা অমসুং মশা মরোমদোম লেপচদুনা খুঙ্গংগী লমদা খুন্নাই অমসুং শেন-থুমগী অওনবা পুরক্লে। মখোয়গী মাইপাকপনা নুপী করোর ১ রোম লাখপতি দিদি ওইরক্নবা মতেং পাংলে। মখোয় অমনা অমদা ইথিল পীনরে। মখোয় ইকায়খুম্নবা উৎতুনা মখোয়গী মাইপাকপশিং শকখঙগনি। মাইপাকপনা ইনোৎ পীদুনা, লাখপতি দিদিগী পান্দম হেনগৎহল্লে।
ফাইনান্স মিনিস্তরনা হায়খি ঐখোয়না মরুওইবা কাস্ত মরিদা মীৎয়েং চঙবা দরকার ওই হায়না ঐখোয়গী প্রধান মন্ত্রীনা চেৎনা থাজবা থম্লি। মখোয় অদুদি গরিব, মহিলায়েন, যুব অমসুং অন্নাদাতানি। মখোয়গী দরকার ওইবশিং, মখোয়গী অনিংবশিং অমসুং মখোয়গী য়াইফবা অসি ঐখোয়না খ্বাইদগী মরুওইনা লৌরি। মখোয় চাউখৎলকপা মতমদা লৈবাক অসি চাউখৎলি। মখোয়গী পুন্সি মহিং ফগৎনবা অমসুং মখোয়দা শক্তি পীনবা অমসুং লৈবাক চাউখৎপদা শরুক য়ানবা মখোয়দা সরকারগী মতেং পীবা অমসুং শৌগৎপা দরকার ওই।
মহাক্না মখা তানা হায়খি হিরম খুদিংমক্তা কাংলুপ খুদিংমক কোনশিনবা থৌরাং অমদা সরকারনা থবক তৌরি। চাউখৎ-থৌরাংগী থবকশিংনা কাংলুপ খুদিংমক অমসুং থাক খুদিংমক্কী মীওইশিং কোনশিল্লি। ২০৪৭ ফাওবগী মনুংদা চাউখৎলবা ভারত অমা শেমগৎনবা সরকারনা থবক তৌরি। পান্দম অসি ফংনবা, মীয়ামগী তৌবা ঙম্বা হেনগৎহনবা অমসুং মখোয়দা শক্তি পীবা ঐখোয় দরকার ওই।
****
(Release ID: 2001654)
Visitor Counter : 75
Read this release in:
Punjabi
,
English
,
Urdu
,
Hindi
,
Marathi
,
Bengali-TR
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam