নমস্তে!

হৌজিক্কী মতমসিদা ঐখোয়গী মহৈরোই মরুপশিংনা ইন্নোভেসন অমা নত্ত্রগা অমা পাংথোক্তুনা লাক্লি। মখল কয়াগী পথাপ শেমখ্রে। নেস্নেল এজুকেসন পোলিসী অসিবুসু পথাপশিং অসিদা হাপচিন্নবা হোৎনরি। লৈবাক্কী হৌরক্লিবা চারোন শুরোনশিংনা ঈশিং, কংফাল, স্পেস অমদি AIগুম্বা সেক্তরগী মতাংদা করি খনবগে হায়বা ঐহাক্না উরে। মখোয়গী মনাক্তা মসিগী করম্বা ৱারোইশিন লৈবগে হায়বসু ঐহাক্না উরে। মীপুম খুদিংনা নীংথিবা প্রজেন্তেসন পীনখ্রে, পুং 5 নত্ত্রগা 6 হেন্না ফংলবসু, মতম অসি কোন্নরোই হায়না ঐনা খল্লি। মরম অদুনা ঐহাক্না মহৈরোই, মখোয়গী ওজা অমসুং মমা মপাশিংবু থাগৎলি। অদোম্না মফমসিদগী হন্দ্রিঙৈদা একজিবিসন অসি শোইদনা য়েংবীয়ু, মসিদা উৎলিবশিংদু মুন্না খঙহন্নীংই হায়জনীংই। অদোম্না হনখ্রবা মতুংদা, লৌশিং অদু মরুপশিংদা অমুক তম্বীয়ু, তমগনিকো? হোই হায়বা খোঞ্জেল অসি অসোমদগীদি লাকই, অদোমদগীদি লাক্তে। ঐহাক্কী খোঞ্জেল তাবা ফংলিকো?

অদোম্না কদাইদা লাক্লিবনো হায়বা খঙইকো। অদোম্না লাক্লিবসি ভারত মন্দপমদনি। মসিদা মালেমগী লুচিংবশিংনা নুমিৎ নিনি ফম্মিন্নদুনা মালেমগী তুংগী মতমগী মতাংদা খন্ন-নৈনখিবনি। ঙসিনা, অদোম অমসুং ঐহাক্না ভারতকী তুংগী মতমগা লোয়ননা পরিক্ষাগী পোৎলুম কোকহনবগী মতাংদা ৱারী শাগনি। পরিক্ষাগী মতাংদা খন্ন-নৈনবা হায়বসি ঐহাক্কীসু চাংয়েং অমনি। অদোমগী মরক্তগী মহৈরোই কয়া অমসু ঐহাকপু চাংয়েং তৌবা পাম্লমগনি হায়বা ঐ খঙই। মশাগীদা নত্তনা অতোপ্পা কয়াদসু ৱারোইশিন পীগদবা ৱাহংশিং অদোমগী মরক্তগী হংনীংবা কয়াসু য়াওই হায়বা ঐ খঙই। অদুনা হৌরসি।

থৌরম লান্থোক্লিবাঃ প্রধান মন্ত্রীজী, অদোমগী ইথিল পীনিংঙাই ওইবা ৱাহৈশিংগীদমক্তা থাগৎচরি।

অপাম্বা অসি অদুমক লৈরবদি, শিংনবা খুদিংগী ৱারোইশিন পুরক্কনি।

লৈহাও অসি কয়া য়াম্না ফত্ত্রবসু, ঈশিংদি অদুমক থোক্লক্কনি।

করিগুম্বা অমা ফংনবা হোৎনবা লেপকনু।

অহিংশিং অসিদগী সনাগী অয়ুক অমসু শোইদনা লাকখিগনি।

সনাগী হয়েংগী মতম অমা লাক্কদৌরিবসি, মসিগী মম্লবা অহিং অসিদগীনি।

প্রধান মন্ত্রীজী, দিফেন্স অমসুং তুরিজম সেক্তর অসিদা ভারতজী খোঙলোই ওইরিবা অরব লৈবাক্কী ওমান্দা লৈবা ইন্দিয়ন স্কুল, দর্সাইতকী মহৈরোই, দানিয়া শাবুসু ঐখোয়গা লোয়ননা ওনলাইন্দা লৈবীরি, মহাক্না ৱাহং খরা হংবা পাম্লি।

দানিয়াঃ ইকায়খুম্ননীংঙাই ওইরবা প্রধান মন্ত্রীজী, ঐহাক ওমানগী দার্সাইত্তা লৈবা ইন্দিয়ন স্কুলদা ক্লাস 10 তম্লিবা দানিয়া সাবু ভার্কীনি। ঐহাক্না হংনীংবদি, কলচর অমসুং খুন্নাইনা থাজবা থম্বা অসিনা মহৈরোইশিংনা পরিক্ষা ময়াদা ৱারিবা অসিদা শরুক কয়া য়াম্না তম্বগে, অদুগা মসিগুম্বা মপানগী ইথিল অসি করম্বা মাইয়োক্নগদগে? থাগৎচরি।

থৌরম লান্থোক্লিবাঃ দানিয়াবু থাগৎচরি। মালেমগী খ্বাইদগী চাউবা গনতন্ত্রা ভারতকী কোনুং দিল্লীদা লৈবা গবর্মেন্ত সর্বোদয়া বাল বিদ্যালয় বুরারীদগী মোহম্মদ অর্শনা ঐখোয়গা ওনলাইনগী খুত্থাংদা পুল্লিবনি। অদোমগী ৱাহং হংবীরো।

মোহম্মদ অর্শঃ ইকায়খুম্ননীংঙাই ওইরবা প্রধান মন্ত্রীজী, ঐহাক্কী মিং অর্শ কৌই, GSSSB বুরারীদা ক্লাস 12 তমজরি। ঐখোয়না থেনরিবা পরিক্ষাগী মরী লৈনবা নেগেতিব ওইবা ৱাফমশিংগা করম্না মাইয়োক্নগনি, মসিনা লাইরিক পাবদা অয়েৎপা য়াম্না পী। করি তৌদুনা মহৈরোইগী লাইরক পাবগী ইনভাইরনমেন্ততা পোজিতিব ওইবা মতৌ লাক্নবা ঐখোয়না করি তৌবা য়াবগে? থাগৎচরি।

থৌরম লান্থোক্লিবাঃ মোহম্মদ অমসুং দানিয়াবু থাগৎচরি। ঐখোয়গী মহৈরোই কয়া অমনা খুন্নাই অমসুং কৈরোল লৈকাইগী মীওইশিংনা থাজবা থম্বগী পোৎলুমশিং মাইয়োক্নবদা অৱাবা ওইরি। মসিগী মতাংদা পাউতাক খরা প্রধান মন্ত্রীজীনা পীবীয়ু।

প্রধান মন্ত্রীঃ হন্দক্কী পরিক্ষা পে চর্চা অসি তরেৎশুবা তাঙ্কক্নি হায়না ঐহাক্কী ইফমদা পাউদম্লি। ঐহাক্না নীংশিংবদা, ৱাহংশিং অসি অয়াম্বনা মান্নৈ অদুবু হংবগী মওংদা খেন্নবদি লৈ। মসিনা হায়বদি, চহি তরেৎ অসিগী মনুংদা তোঙান-তোঙানবা বেৎচ তরেৎনা ফিভম অসি থেংনদুনা লাক্লি, অদুগা মথংগী বেৎচনসু হায়রিবা ফিভম অসি অদুম থেংনরক্কনি হায়বনি। মহৈরোইশিংগী বেৎচতি অদুম লোইখিগনি, অদুবু ওজাগী বেৎচতি মখা অদুম চত্থদুনা লৈগনি। ঐহাক্কী ইপিসোদশিং অসি ওজাশিংনা নৈনদুনা মখোয়গী মহৈরোইশিংদা খরা খরা তাক্লবদি, পোৎলুম অসি তপ্না তপ্না হন্থহনবা ঙমগনি হায়না ঐনা থাজৈ। ইমুং মনুংদা ওইরবসু, মচা অহলশিংনা মসি থেংনদুনা হৌখ্রবনি, মমা মপাশিংনসু নীংথিনা থেংনখ্রবনি। হৌজিক খন্নগদৌরিবা অসিদি মসিবু করম্না মাইয়োক্নগনি হায়বসিনি। খঙদ্রে হায়রগা হেক্তা তুমিন্না লৈথোকপা য়াবদি নত্তে। পুন্সিদা মসিগুম্বা থাজবগী পোৎলুমদি থেংনদুনা লৈগনি। মসিগীদমক্তা ইশাবু শেম শাবা তাবনি। ৱাখল চেৎপা তাবনি। অইংবা মফম অমদা চৎকদবা লৈরবদি, ঐখোয়না অরুম্বা ফিরোল পুদুনা চৎলি, মফমদু য়ৌরবা মতুংদা ঐহাক্না খল্লম্বা অদুগুম্নদি ইংলমদ্রে হায়না খল্লি। মসি করিগীনো হায়বদা, ঐহাক্না ৱাখলদা হেন্ননা শেম শাদুনা চৎপগীনি। অদুনা, শিংনবা অমা মাইয়োক্নদ্রিঙৈদা ৱাখল হান্না শেম শাবা তাবনি। পোৎলুম মখল কয়াগী মনুংদগী অতোপ্পা পোৎলুম অমনা, ঐখোয় ইশানা হয়েংদি অয়ুক্কী পুং মরিদা হৌগৎকদবনি, পুং 11 ফাওবা লাইরিক পাগদবনি, মসিগী মনুংদা ৱাহং অদুমগী পাউখুম শেমদোক্কদবনি, মসিগুম্বা অচৌবা পোৎলুম কয়া অমসু ইশানা অদুম পীজবা য়াওরি। ঐখোয়ী তৌবা ঙম্বগী মতিক্তা অকায়বা লৈগদবা অচৌবা পোৎলুম অসি ইশানা কৈদৌনুংদা পীজরোইদবনি। থাক নাইনা শিন লাঙদুনা নোংমগী অঙম্বা খরা খরা হেনগৎকদবনি। ঙরাংদি ৱাহং 15গী পাউখুম শেমগদবদা শুপ্নগী ৱাহং 7গী পাউখুম খক্তমক শেমখি, ঙসিদি অৱাৎপা খুদিংমক লোইশিন্দবা য়াদে হায়না খনবনা মশা মথন্তনা পোৎলুম হেনগৎহল্লি। অতোপ্পা অমনা, ইমা ইপাশিংনা পরিক্ষা ময়াদা কা হেন্না চেকশিনবা হেনগৎপদগী মখল কয়াগী ৱাহং হংই। হৌজিক ফাওবা তুমদুনা লৈরি করিগীনো, পরিক্ষা থাগনি কাওরবরা, নমান্নবশিংদি লাইরিক পানরমখিনি, নহাক্না কৈদৌরগা লৈরিনো, মসিগুম্বা কম্মেন্তরী অসি নুমিৎ চুপ্পা তৌদুনা লৈবা য়াম্না য়াওরিবনি। অমনা হেক লোইখিবগা, অমনা অদুম হৌদুনা লেপ্তনা মখা চত্থদুনা লৈগনি। য়ুমদগী অমুক থোক্লকপদা, ওজানা অমুক হৌরক্কনি। অদুগা মসিদা অতোপ্পা মীওই খরা লৈ, নোইনা হায়নীংবা হায়য়ু, ঐদি ইশাগী অপাম্বা তৌনি খন্দোকপা মীওইসু লৈ। মসিসু প্রেসর মখল অমনি। অতোপ্পা অমনা, মরম লৈতনা পংৱাদা ৱাজবা অমসু লৈ। মসিদি ক্রাইসিস অমনি। অদুগা থবক অদু তসেংনা পাংথোকপা লোইবা মতুংদদি, মসিদি ঐনা খল্লম্মিদুগা খেন্নরম্মে, কৈসু য়াম্না ৱাবদি নত্তেনা, ঐনা অরেম্বদা পেরসর লৌরুরে খনবসু য়াওদবা নত্তে। অদুনা মসিগুম্বা পোৎলুম অসিদি মহৈরোই, ইমুং অমসুং ওজাশিংনা পুন্না মাইয়োকমিন্নগদবনি। মহৈরোই মশানা অদুম থেংনগনি, নত্ত্রগা ওজা নত্ত্রগা মমা-মপাশিং খক্তনা মাইয়োক্নগনি হায়বা লৈতে। ইমুংদা মসিগী মতাংদা ৱারী তোয়না শাগদবনি, ফিভম অসি লাক্লবদি করম্না মসিগা মাইয়োক্নগনি হায়বা খন্ন-নৈনগদবনি, মমাংগী এক্সপেরিএন্সশিং পাউদম্নগদবনি। সীস্তেম নাইবা থীওরী ইনবগী মহুত্তা মরী লৈনবা থৌওংশিং মশা মথন্তনা লাকহনগদবনি। মসিগুম্বা মশা মথন্তনা লাকচবা মতমদা, ঐখোয়না পোৎলুম অসিদগী মপান থোক্লকপা ঙমগনি হায়না ঐহাক্না থাজৈ। থাগৎচরি।

থৌরম লান্থোক্লিবাঃ পি.এম. সর, প্রেসর করম্না মাইয়োক্নগনি হায়বগী পাউতাক্কীদমক্তা থাগৎচরি। বীর সাবর্করনা কত্থোক্লম্বা অদুগী শাখি ওইরিবা অমসুং মহৌশাগী নীংথিরবা খুৎশেম কয়ানা থল্লবা অন্দমান নিকোবার ইথত্তগী গার্জিয়ন ভাগ্যলক্ষ্মীনা ভর্চুএল মীদিয়মগী খুত্থাংদা করিগুম্বা খরা হংবা পাম্লি।

ভাগ্য লক্ষ্মীঃ ইকায়খুম্ননীংঙাই ওইরবা প্রধান মন্ত্রীজী, ঐহাক্না গার্জিয়ন অমা ওইনা হংনীংবদি, মহৈরোইশিংগী মরক্তা মমান্নবা মশেলগী ওইবা প্রেসর খরা লৈ, মসিনা মরুপ-মপাং ওইবগী নীংথিবসু মাঙহনবা য়াওরিবনি। মসিনা মরুপশিংগী মরক্তা কম্পিতিসন লৈহল্লি। মসিগী মতাংদা পাউখুম অমত্তা পীবিয়ু।

থৌরম লান্থোক্লিবাঃ ভাগ্য লক্ষ্মীবু থাগৎচরি। মালেমদা অচুম্বা, অহিংশা অমসুং ধর্মগী ত্রিমুর্তী পীবিরবা লমদম, গুজরাতকী পঞ্চমহলগী জৱাহর নবোদয়া বিদ্যালয়গী মহৈরোই দ্রিশ্তী চৌহান্না অদোমগী মফমদা মহাক্কী শিংনবা অমগী পাউখুম পাম্লি। দ্রিশ্তী ৱাহং হংবীরো।

দ্রিশ্তী চৌহানঃ ইকায়খুম্ননীংঙাই ওইরবা প্রধান মন্ত্রীজী, ঐহাক পঞ্চমহলগী জৱাহর নবোদয়া বিদ্যালয়দা ক্লাস 6 তম্লিবা মহৈরোই অমনি। পরিক্ষাগুম্বা কম্পিতিসন ৱাংবা পথাপ অসিদা ইমান্নবশিংগা কম্পিত তৌবনা প্রেসর হেন্না লৈহল্লি। মসিদগী ঐখোয়না করম্না নান্থোক্কনি। পাউতাক অমুক্তা পীবিয়ু সর।

থৌরম লান্থোক্লিবাঃ  মহৌশাগী ফজবনা থল্লবা অমসুং অহানবা নোংলিক্না চোৎহনবা রাজ্য, কেরলাগী কেন্দ্রিয় বিদ্যালয় লম্বর – 1 কলিকত্তা তম্বী স্বাতীনা ঐখোয়গা ওনলাইন্দা লৈমিন্নরি, মহাক্না করিগুম্বা খরা হংবা পাম্লি। স্বাতী হংবীরো।

স্বাতীঃ নমস্কার! ইকায়খুম্ননীংঙাই ওইরবা প্রধান মন্ত্রীজী, ঐহাক এর্নাকুলমগী কলিকত্তা লৈবা PM SHRI কেন্দ্রিয় বিদ্যালয় নম্বর – 1 দা ক্লাস 11 তম্লিবী স্বাতী দিলিপ্নি। ঙসিগী কম্পিতিতিব ওইবা মালেমসিদা কান্নদবা কম্পিতিসন্দগী ঐখোয়না করম্না লাপ্তহোক্কনি অমসুং ঐখোয়গী ৱাখলদা পীয়র প্রেসর মতৌ করম্না লৌরোইদগে হায়বগী মতাংদা সরনা পাউতাক খরা পীবিয়ু।

থৌরম লান্থোক্লিবাঃ স্বাতীবু থাগৎচরি। ভাগ্য লক্ষ্মী, দ্রিশ্তী অমসুং স্বাতীনা পীয়র প্রেসর অমসুং কম্পিতিসন্দগী লাকপা পোৎলুম্না মরম ওইরগা হান্ননা লৈনরম্বা মরীদা অকায়বা লাকপদগী করম্বা কনগদগে হায়না খঙবা পাম্লি। সরনা পাউতাক খরা পীবিয়ু।

প্রধান মন্ত্রীঃ পুন্সিদা শিংনবা লৈত্রবদি, পুন্সিদি অহাঙবনি, মগুন য়াওদবনি, অদুনা কম্পিতিসন অসিদি শোইদনা লৈগদবনি। কলিকত্তগী অঙাং অমনা হেলথী কম্পিতিসন হায়না পনখি। চুম্মি। হেলথী ওইবা কম্পিতিসন লৈগদবনি। অদোমগী ৱাহং অসি য়াম্না দেঞ্জর ওই, পরিক্ষা পে চর্চাদা মসিগুম্বা ৱাহং ঐনা মমাঙদা থেংনখিদ্রি। করিগুম্বা মতমদা, মসিগুম্বা ফত্তবা কম্পিতিসনগী ৱাখল্লোন অসি ইমুংদগী হৌগল্লি। ইমুং অমদা অঙাং অনি লৈবা মতমদা, মমা মপানা অঙাং অমগী মতাংদা অফবা ৱাহৈ হায়বা য়াওই। মসিনা মচিন মনাওগী মরক্তা পামদবা কম্পিতিসন মথন্তনা লৈহল্লি, খঙনা খঙনা তোবা নত্ত্রবসু অদুম লৈহল্লি। অদুনা, মমা মপাশিংনা মচাশিংবু কৈদৌনুংদা চাংদম্নবীগনি হায়না ঐহাক্না থমজনীংই। মসিনা অঙাংশিংগী নুংদা নুংশিনদবগী মরু হুল্লি, মতম কয়াগী মতুংদা মরু অসিমক অচৌবা উ অমা ওইরকই। মান্নবা থৌওং অমা ওইনা, ঐহাক্না মতম কয়াগী মমাংদা ভিদিও অমা উখি। অদোমসু লোয়না উনরম্লগনি। দিসএবল অঙাং খরনা কম্পিতিসন অমদা লমজেল চেল্লম্মি, অঙাং 12-25 মুক্তি অতৈদগী তোঙাল্লি। মখোয়না খুদোংচাদবা মাইয়োনবা হায়বসিদি মহৌশানা তাবনি, অদু মখোয় চেনবা লেপ্লমদে। তাঞ্জাসিদা অঙাং অমা তুশিল্লি। অশিংবা মীওইদি মসিদা করি তৌগনি? অমা তুখ্রে, কম্পিতিসন অমা হন্থরে খনগনি। অদুবু, অঙাংশিং অদুনা করি তৌই, মমাংদা চেল্লম্বা পুম্নমক মাগীদমক্তা হল্লকখি, অতোপ্পা খরনা চেনবা লেপখি, মহাকপু লেপখৎহল্লে, অদুগা চেনবা অমুক হৌই। তসেংবদি, ভিদিও অসি নাম্মা শোইবা অঙাং অদুগী য়াম্না কান্নবা অমনি, লোয়ননা, মসিনা ঐখোয়দা অচৌবা ইথিল অমগা লোয়ননা পাউজেল অমসু পীখি।

ফরে, অহুমশুবা হীরম অসিদি মরুপশিংগী মরক্তা কম্পিতিসন লৈবনি, নত্ত্রা? পেপর অসি মার্ক 100হিনি খল্লসি, অদোমগী মরুপ্না মার্ক 90 ফংলে, অদু ওইরবদি, লেমহৌরিবা মার্ক 10 অদু অদোমগী ওইরে, নত্ত্রা? মান্নিকো? নত্তে। অদোমগীসু মার্ক 100 ওইরিবনি। অদুনা, অদোমগী মরুপকা কম্পিতিসন তৌবগী মথৌ তাদে। ইশাগা ওইনা কম্পিত তৌগদবনি। মহাক্না 100কী মনুংদা 90 ফংখ্রে, অদুদি ঐনা 100কী মনুংদা 100 করম্না ফংগনি খনগদবা নত্ত্রো? মসিদা মরুপ্তুবু মীরায়বা নত্ত্রগা নুংশিদবগী মরম লৈতেনা। তসেংবদি, মহাক অসি নহাক্কী ইথিল ওইফম থোক্লিবনি। অদোমদগী হেন্না হৈথোই শিংথোইবা মীওই অমবু ইশাগী মরুপ ওইহল্লোইদরা? তসেংবদি, ঐখোয়দগী হেন্না হৈথোই শিংথোইবা মীওইগা মরুপ শান্নগদবনি। ঐখোয়না মখোয়দগী ইথিল লৈদুনা ইশাবু হেন্না ফগৎহনগদবনি। অদুনা, কল্লকপা মীহৌবগী ৱাখল্লোন অসি কৈদৌনুংদা চেল্লোইদবনি।

মথংসিদি, মমা-মপাশিংগী ওইনদি য়াম্না চেকশিন্নীংঙাই ওইবা ৱাফম্নি। মমা-মপাশিংসে অয়াম্বা মতমদা মচাবু চৈদুনা লৈগল্লি। শান্নদুনা অদুম লৈরিবা করিগীনো, করম কান্দা লাইরিক পাদোইনো, মাদি লাইরিক পারিসে উদ্রা, মখোয়না নহাক্কী নমান্নবশিংবু নহাক্কী মাইয়োক্তা খুদম ওইনা শিজিন্নৈ। অদুনা কৈদৌই, ঐখোয়সু ইমান্নবগী মতাংদা ফত্তবা খনবা হৌরকই। মমা-মপাশিংনা মসিগুম্বা থবক অসি তৌবীগনু। ঐহাক্না সুম উবদা, মশাগী পুন্সিদা মায় কয়া পাক্তবা মমা-মপাশিংনা মশাগীতা অয়াম্বা খল্লি, মচাগী কয়া খন্দে। অদুগা মচাগী রিপোর্ত কার অদুবু মশাগী ভিজিতিং কার্দ ওইনা শিজিন্নবসু য়াওই। মী অমা হেক থেংনবগা, মচাগী মায় পাকপগী ৱারী পংশাদা শাই। মসিনা অঙাং অদুদা, মহাক্না মহেল্লে হায়বগী ৱাখল অমা চেনহল্লি। অঙাং অদুসু ঐ মঙাইরে হায়না খনবা হৌরকই। মসি য়াম্না ফত্তবনি।

তসেংবদি, মরুপ অমগী মতাংদা কলকপা মীহৌবা ফাওবগী মহুত্তা মহাক্কী পাঙ্গল খঙনবা হোৎনফম থোকই। ঐনা করিগুম্বা অঙ্কদা শোল্লবদি, ঐগী ওজানা তাকপদগী ঐগী অঙ্ক হৈবা মরুপ্তুনাতাকপনা হেন্না নুংঙাইগনি, মহাক্তি অদোমগী ৱাখল্লোন খঙবনিনা মহাক্না হেন্না মতেং পাংবা ঙমগদৌরিবনি। অসুম্না ঐনসু মখোয়গী অঙম্বা মতেং পাংগনি, মখোয়নসু ঐহাক্কী মতেং পাংগনি। অদুনা, মরুপ মশেলগী মরক্তা কলক মীহৌবা, কম্পিতিসন তৌবা অসিগুম্বা হীরমদা মতম মাংহল্লোইসি। মশা ফেল ওইরবসু, মহাক্কী মরুপ্না পাস তৌবা মতমদা মহাক্কী মরুপ পাস তৌরে হায়বা ত্বীত শেয়র তৌবসু ঐহাক থেংনরে। মহাক্কী মরুপ্না মার্ক য়াম্না ফংদে হায়বদগী, মহাক্কী মার্ক ফনা য়াম্না ফংলবসু, লাংথোকপা তৌদবা মহৈরোইসু ঐহাক থেংনরে। মরুপ-মপাং হায়বসিদি পীথোক পীশিনগী থৌওং ওইবরনে? নত্তে, ওইদে। পীথোক পীশিনগী ৱাখল্লোন থাদোক্লবা মতুংদা করি লেমহৌই? নুংশিবা, ইকায় খুম্নবা অমসুং মরুপ-মপাং। মসিগুম্বা মরী অসিদি পুন্সি চুপ্পগীনি। অদুনা মরুপশিং, ঐখোয়দগী হেনবা মরুপ তিন্নগদবনি, মখোয়দগী তমগদবনি। থাগৎচরি।

থৌরম লান্থোক্লিবাঃ  ঐহাক্কীসু মখয়গুম্বা মরুপ লৈ। মরুপ অমা শোত্থহৌবদগী, ঐখোয় পার্তী, কুহ্মৈ অমত্তা শরুক য়াখিদবা য়াওখ্রে। “মরুপ-মপাং হায়বসিদি পীথোক পীশিনগী থৌওং ওইবরনে? নত্তে, ওইদে। পীথোক পীশিনগী ৱাখল্লোন থাদোক্লবা মতুংদা করি লেমহৌই? নুংশিবা, ইকায় খুম্নবা অমসুং মরুপ-মপাং। মসিগুম্বা মরী অসিদি পুন্সি চুপ্পগীনি। , ঐখোয়দগী হেনবা মরুপ তিন্নগদবনি, মখোয়দগী তমগদবনি”। পাউতাক অসিগীদমক্তা সরবু থাগৎচরি।

সম্পতরাওঃ প্রধান মন্ত্রীবু সম্পতরাওনা নোল্লুকচবা উৎচরি। ঐহাক্কী মিং কোন্দাকাঞ্চী সম্পতরাও কৌজৈ অমসুং ঐহাক আন্ধ্র প্রদেশকী এঙ্কাপল্লি জিলাদা লৈবা উপরপল্লীগী ZP হাইস্কুলদা ওজা ওইজৈ। সর, ঐহাক্কী ৱাহংদি, ঐহাক্না ওজা অমা ওইনা ঐহাক্কী মহৈরোইশিংবু স্ত্রেস করম্না লৈহল্লোইদগে? চানবীদুনা সরনা পাউতাক পীবিয়ু। থাগৎচরি, সর।

থৌরম লান্থোক্লিবাঃ  ভারতকী অৱাং নোংপোক্তগী চা বগানগী মফম ওইরিবা অমসুং ফজরবা ব্রহ্মপুত্র তম্পাক্না মহৌশাগী ফজবা খুৎশেম ওইনা ঙাল্লিবা অসমগী শিবসাগরদা লৈবা সেরা হাই স্কুলগী ওজা, বন্তী মেধাজী ঙসি ওদোতোরিয়ম অসিদা লৈবীরি। মহাক্না ৱাহং অমা হংবা পাম্লি।

বন্তী মেধাঃ ইকায়খুম্ননীংঙাই ওইরবা প্রধান মন্ত্রীজী, ঐহাক অসমগী শিবসাগরদগী লাকপী বন্তী মেধানি। ঐহাক্কী ৱাহংদি, মহৈরোইশিংবু পুক্নিং থৌগৎপদা ওজানা করি থৌদাং লৈগদগে? চানবীদুনা ঐখোয়বু লমজিংবীয়ু। থাগৎচরি।

থৌরম লান্থোক্লিবাঃ মেদাম্বু থাগৎচরি। আন্ধ্র প্রদেশকী ম্যুজিক ওজা শ্রী সম্পতরাও অমসুং মেদাম বন্তী মেধানা পরিক্ষাগী মতমদা ওজাশিংনা করি থৌদাং লৌদুনা পরিক্ষাগী পোৎলুমদগী করম্না কোকহনগদগে হায়বা খঙবা পাম্লি। সরনা চানবীদুনা অমুক্তা লমজিং লমতাকপীয়ু।

প্রধান মন্ত্রীঃ অহানবদা, ম্যুজিক্কী ওজাশিংদি ক্লাস অমখক্কী মহৈরোইদগী হেন্দোক্তুনা স্কুল পুম্বগী মহৈরোইশিংগী পরিক্ষাগী পোৎলুমদগী কোকহনবা ঙমগনি হায়না ঐদি খল্লি। ম্যুজিক্কী তোপ-তোপ্পা শক্তি অমা লৈ। হোই, ম্যুজিক খোংলিঙৈদা নাকোং মেনশিন্দুনা লৈরবদি, শক্তি অসি করিনো খঙবা ঙম্লোই। মসি থোক্তবা নত্তেকো। ওজা অমনা অঙাংশিংগী মফমদগী মতৌ করম্না প্রেসর লৌথোকপা ঙমগদগে হংলকপা মতমদা মখোয়না হায়রিবসি পরিক্ষাগী প্রেসর ওইগনি হায়না ঐ খল্লি। ওজা অমসুং মহৈরোইগী মরী অসি পরিক্ষাগী মতমদখক লৈবা ওইরবদি, মরী অদু শেমদোক্তবা য়াদ্রে হায়না ঐদি লৌই। মহৈরোই অমনা স্কুল অমগী ক্লাস্তা অহানবা ওইনা খোঙদাশিল্লকপা মতমদগী পরিক্ষা মতম ফাওবদা মরী অসি শেমগৎ শাগত্তুনা শাহৌ লৈহনগদবনি। অদু ওইরবদি, পরিক্ষা মনুংদা প্রেসর থোইদোক্না লৈরোই হায়না ঐনা খল্লি।

মোবাইলগী মতম্নি, মহৈরোইশিংগীসু মশাগী মোবাইল অমমমদি লৈরমগনি। মহৈরোই অমনা অদোমগী মফমদা ফোন তৌরকপা য়াওরবরা? ঐহাক খুদোংচাদবা খরা থেংনরে, অৱাবা খরা মাইয়োক্নরে কায়না ফোন্দা হায়রকপগা য়াওখ্রবরা? ফোন তৌরকঅমদৌ মান্দেবো। মরমদি, মহাক্কী পুন্সিদা সবজেক্তকী মতাং নত্তনা অদোমগী অখন্নবা মফম অমা লৈ হায়না মহাক্না খল্লম্লোই। অদোম্না সিলেবস্তগী ৱাংমা লান্থোক্তুনা মরী অমা শাগৎপা নুমিত্তদুদগী মহাক্না মহাক্কী পুন্সিগী, চাউগেরা পীক্কেরা, হীরমশিংগী মতাংদা থম্মোইদগী ৱারী শাবা হৌরক্কনি।

মসিগুম্বা মরী হেক লৈরবদি, পরিক্ষা মতমদা প্রেসর লৈবগী থৌওং অসি লৈররোই, থোক্লরোই। অদোম্না দাক্তর কয়াদা লাইয়েংলম্লগনি। দাক্তরগী দিগ্রীদি পুম্নমক্কী মনাক্তা লৈনৈ, অদুবু, জেনেরেল প্রেক্তিস্নর ওইবশিংনা মায় পাকপা হেল্লিবা করিগীনো খঙবরা? মখোয়দি পেসেন্ত হনখ্রবসু, পেসেন্তা ফোন তৌদুনা হিদাক চারবরা, খরা ফরবরা হংই। অদোম্না হোস্পিতালদা মথং চৎপা মতমদা, লাইয়েংবা হৌদ্রিঙৈদা মহাক্কা ৱারী শান্নরমগনি। মসিনা অনাবা অদু তংখাই অমা লাইয়েংবা লোইরবনি। কনাগুম্বা ওজা খরসু লৈ, থাজবীয়ুকো। অঙাংনা মার্ক ৱাংনা নত্ত্রগা অফবা থবক অমা তৌবা মতমদা, ঙসিদি অঙাংগী ময়ুমদা চৎলুগে, মীথাই চারুগে খনবা ওজাসু লৈ। ওজা অমনা মশামক্না অঙাংগী ময়ুমদা চত্তুনা অঙাংগী মায় পাকপগী শরুক য়াবা, মীথাই চারুবা হায়বসিনা অঙাং অদুদা পাঙ্গল হেন্না হাপ্পগা লোয়ননা মমা-মপাগী মফমদসু নুংঙাইবা অমা ফাওহল্লি। মচাশিংগী মখোয়না খঙলমদবা পাঙ্গল খঙবা ঙম্লকই, অদুগা অঙাংদা হেন্না মিৎয়েং চঙনীংবগী ৱাখল্লোনসু লাকহল্লি।

অচৌবা অওনবা অমা লাক্কনি। পরিক্ষা মতমদা প্রেসর করম্না হন্থহনগদগে হায়বা ৱাহংগী পাউখুম ঐহাক্না কয়ারক হন্না পীখ্রে। ঐ মদু অমুক হন্না হায়ররোই। অদুবু, মখোয়গা অদোমগা চহি চুপ্পা মরী লৈবগী মথৌ তাই। অদোম ওজাশিং শিনফম অসিদা লৈরকপা চহি কয়া ফারবগে হায়না ঐ হংনিংই। অদোমগী অহানবা মহৈরোই কয়াদি লুহোংবসু য়াওরম্লগনি। অদোমগী মহৈরোইনা মখোয়গী লুহোংবগী বার্তোন তৌরকপা য়াওখ্রবরা? য়াওদ্রি হায়বা ৱাহং অসি 99% ওইগনি খল্লি। মসিনা হায়বদি, ঐখোয় অসি জোব তৌবনি, পুন্সিদা অহোংবা পুরকপীবা নত্তে হায়বা তারে। ওজাগী থবক্তি জোব তৌবা নত্তে, পুন্সি অমবু শেমগৎপীবনি, পুন্সিগী মগুন হাপ্পনি, পুন্সিদা অফবা অহোংবা পুবীরকপনি। থাগৎচরি।

থৌরম লান্থোক্লিবাঃ মহৈরোই অমসুং ওজাগী মরক্তা থাজনবগী মথৌ য়াম্না তাই। অনৌবা মঙাল অমা তাকপীবগীদমক্তা সরবু থাগৎচরি। ত্রাইবেলশিংগী ওইবা তোপ-তোপ্পা চৎনবী লৈবা, অৱাং নোংপোক ভারতকী ত্রিপুরাদগী প্রনৱানন্দ বিদ্যা মন্দির, নোংচুপ ত্রিপুরাগী মহৈরোই অদ্রিতা চক্রবোর্তীনা ঐখোয়গা ওনলাইন্দা পুল্লি। পরিক্ষাগী প্রেসরদগী করম্না নান্থোক্কনি হায়বগী মতাংদা মহাক্না প্রধান মন্ত্রী সরদগী পাউখুম পাম্লি। অদ্রিতা অদোমগী ৱাহং হংলো।

অদ্রিতা চক্রবোর্তীঃ নমস্কার প্রধান মন্ত্রীজী, ঐহাক প্রনৱানন্দ বিদ্যা মন্দির, নোংচুপ ত্রিপুরাগী ক্লাস 12কী মহৈরোই অদ্রিতা চক্রবোর্তীনি। ঐহাক অসি পেপর লোইরমদাইগী অরোইবা মিনিৎ খরদুদা য়াম্না পাখৎকল্লি। অদুগা নীংথিনা ইবসু ঙম্লক্তে। ফিভম অসিগা করম্না থেংনগদগে হায়বগী ৱারোইশিন অমুক্তা হায়বীয়ু সর। থাগৎচরি।

থৌরম লান্থোক্লিবাঃ অদ্রিতাবু থাগৎচরি। খোনিগী মফম ওইরিবা ছতিসগরদা লৈবা করাপ কাঙ্কেরগী জৱাহর নবোদয়া বিদ্যালয়গী মহৈরোই শৈখ তাইফুর রেহমান্না ঐখোয়গা ওনলাইনগী খুত্থাংদা পুন্দুনা পরিক্ষাগী প্রেসর মাইয়োক্নবগী মতাংদা অদোমগী মফমদগী পাউতাক খরা পাম্লি। তাইফুর অদোমগী ৱাহং হংবীরো।

শৈখ তাইফুর রেহমানঃ প্রধান মন্ত্রী সর, নমস্কার! ঐহাক্কী মিং শৈখ তাইফুর রেহমান কৌজৈ। পি.এম. শ্রী জৱাহর নবোদয়া বিদ্যালয়, কাঙ্কের, ছতিসগরদা ঐহাক তমজরি। পরিক্ষা মতমদা মহৈরোই অয়াম্বনা য়াম্না পাখৎনৈ। মসিনা মরম ওইরগা, অশোইবা হেন্না তৌই, ৱাহং নীংথিনা পাবা ঙমদবগুম্বা ফিভম মাইয়োক্নৈ। মসিগুম্বা অশোইবশিং অসি মতৌ করম্না পাংথোক্তনবা তৌগদগে হায়বা পাউতাক অমুক্তা পীবিয়ু, সরজী।

থৌরম লান্থোক্লিবাঃ তাইফুরবু থাগৎচরি। ওরিশাগী আদর্শ বিদ্যালয়, কতক্কী মহৈরোই রাজলক্ষ্মী অচার্য়সু ঙসি ওদোতোরিয়মদা লৈরি। মহাকসু সরগী মফমদা ৱাহং খরা হংজবা পাম্লি। রাজলক্ষ্মী অদোমগী ৱাহং হংবীরো।

রাজলক্ষ্মী অচার্য়ঃ ইকায়খুম্ননীংঙাই ওইরবা প্রধান মন্ত্রীজী, জয় জগন্নাথ! ঐহাক্কী মিং রাজলক্ষ্মী কৌজৈ। ঐহাক ওরিশাগী আদর্শ বিদ্যালয়, জোকিদোলা বঙ্কী কতক্কী মহৈরোই অমনি। সর, ঐহাক্কী ৱাহংদি – মোঙ হাদবা ৱাখল্লোন চেন্দুনা পরিক্ষা থাগদবনি হায়বসি ৱাহৈনা হায়বদদি লায়না থোকই, অদুবু, পরিক্ষা হোলদদি লেংবা য়াদে, লৈথোকপা য়াদে হায়বগুম্বা কাঙলোনশিংনা য়াম্না হেন্না অকীবা পোকহল্লি, অদুনা মতৌ করম্না ঐখোয়না মোঙ হাদনা লৈগদগে সর?

থৌরম লান্থোক্লিবাঃ রাজলক্ষ্মীবু থাগৎচরি। প্রধান মন্ত্রীজী, অদ্রিতা, তাইফুর অমসুং রাজলক্ষ্মী অমসুং মখোয়গুম্বা কয়া অমনা মসিগুম্বা ৱাহং অসি মমাংদসু য়াম্না হংনখ্রে। হন্দক্কী মতাং অসিদসু, ৱাহং অসি মহৈরোইশিংনা খ্বাইদগী ৱাজবা থৌওং অমা ওইরি। মতমসিদা ঐখোয়না মতৌ করম্না লৈগদগে হায়বা অমুক্তা তাকপীয়ু।

প্রধান মন্ত্রীঃ কোইনা চৎলুরবা তুংদা, প্রেসরগী মতাংদা অমুক হল্লকে। মসিদগী করম্না নীংতম্লসিগে। অশোইবা করম্না থোকই হায়বা অমুক্তা খন্নসি। অশোইবা খরা মুন্না নৈনরবদি খঙবা ঙমগনি। মমা মপাশিংনা হেন্না পাখৎপদগী অশোইবা মখল খরসু থোকহল্লি। মহৈরোই খরনা পুকচেল শেংবা হেনমনবদগী অশোইবা মখল খরসু থোকই। মসি কনবা য়াবা ঙাক্তনি। পরিক্ষা লৈরবদি, মচাশিংগী কোলোম অনৌবা লৈবীগদবনি হায়না মমা মপা খরদি খল্লি। ফিরোল অহনবা লৈবীবা মতমদা, মদুগা চুননবা হোৎনবদা মতম খরা অদুম চঙগনি। মসিদা ঐনা খনবদি, অঙাংশিংদা মখোয়না হান্নদগী শিজিন্নদুনা লাক্লিবা কোলোম অদু অদুম শিজিন্নহনবীয়ু। মহাক অসি কোলোম উৎপা চৎপা নত্তে, পরিক্ষা থাবা চৎপনি। পরিক্ষা মনুংদা মতম য়াম্না ফংদে। অহনবা ফিরোল, কোলোম য়েংবগী মতম লৈতে। অদুনা, মসিগুম্বা ৱাখল্লোন অসি থাদোকপা তাবনি। অনিশুবদা, পরিক্ষা ওইবনিনা মসিদং চাথোক্লগা চৎলু, অদু চাউ হায়বা তৌগনু। চাবা তুমদবদগী মহাক্না খুদোংচাদবা কয়া মাইয়োক্নবসু য়াই। মসিদগী প্রেসর অদুম হৌরবনি। অদুনা ঐনা মমা-মপাশিংদা হায়নীংবদি, মহৈরোই মশানা হৈনজবা অমসুং নুংঙাইবা থবক্তুমক তৌহনবীয়ু। পরিক্ষা থাবা চৎপদা ৱাখল নুংঙাইনা অমসুং অয়েৎপা অপনবা লৈতনা চৎহনবীয়ু। ঐখোয়না ত্রেন তোংদুনা চৎপা মতমদা, কদাইদা লেপ্পগা ত্রেন ঙাইগনি। খরা চৎখলগা লেপ্পদি কাফম চপ চারনি হায়বা ৱাখলনা মশানা লেপ্পগা পাংথোকই। চপ মান্নবা মতৌ ওইনা, পরিক্ষা থাবা চৎপা মতমদসু, একজাম হোল অদু হান্ননা হাংদুনা থনমদবা য়াই। অদুবু, মিনিত 10-15 ৱাৎলিঙৈদদি থাজিল্লমগনি। হেক চঙবা য়াবগা চঙবীরো, নুংঙাইনা ফম্বীরো। মমাংদা খঙখিবা নোক্নিংবা ৱারী লৈরবসু ঙৈহাক নীংশিংবীয়ু, নাকলফা ফম্বা মরুপকী মফমদা লিবিয়ু, ঙৈহাক পোত্থাবা ওইনা ৱাখল নুংঙাইথোকপীয়ু। অদুদগী, নিংশা শ্বর মপুং হোন্দোক্লবা মতুংদা ইশাগী ওইনা মিনিৎ 8-10 অমুক ৱাখল তাশিনবীরো। পরিক্ষা ঙৈহাক কাওথোকপীয়ু। অদুগা, ৱাহং চে ফংবা মতমদদি অদোম মোঙ হাদনা লৈবা ঙম্লগনি। অদুগী মহুত্তা, কনানা করি তৌরি, ওজা কদাইদা লেপ্লি, নহাক্কী মরুপ অদু হৌজিক ফাওবা য়ৌরক্লবরা, মসিগুম্বা কয়া অমা খনবদা মতমসু মাঙগনি, ৱাখলসু চরাংনগনি। অদুগা অমনা, মমাংদা ফম্বা মীওইশিংদা ৱাহং চে ফংখিবা মতমদা মহাক্না মিনিত মঙা হান্না ফংখ্রে, ঐগী মিনিত মঙা মাঙলে, মসিগুম্বা থোকইকো? পরিক্ষা নত্তনা অতোপ্পা ৱাখলদা মতম মাঙহনবা য়াদে। অদুনা, অহানবদা ৱাহংশিং অদু মুন্না পাথোকও। করম্বা ৱাহংদা মতম কয়া য়ানা কাইথোক্কনি হায়বা য়াত্থোকও। চাক চাবা মতমদা মিনিত কয়াগী মনুংদা চাগনি মথন্তনা খঙজবগুম্না, মতম খঙনা পরিক্ষা থাবীয়ু। অসুম্না নীংথিনা থৌরাং য়াত্থোক্তুনা ইশাগী পাউখুম পুম্নমক ইথোকপীরো। লোইরবা মতুংদা, অমুক্কা হন্না পাবীয়ু। অশোইবা য়াওরবসু শেমদোকপীয়ু। অদোম্না পাউখুম ইরিঙৈদা ফাওবা ইশাগী থাজবা অদু ঙাক্তুনা থম্বীয়ু। মসি তৌরবদি, অদোমগী মতমসু কোন্নরগনি, পরিক্ষা লোইরমদাইদা পাখৎপগী মতৌসু লৈররোই।

থৌরম লান্থোক্লিবাঃ পি.এম. সরবু থাগৎচরি। স্ত্রেস মাইয়োক্নবগী মসিগুম্বা থৌওংনা ঐখোয় খুদিংদা ইথিল অমা পীবিরে। রাজস্থান্দগী রাজসমন্দদগী লাকপা মহৈরোই, ধীরজ সুথার অসি গবর্নমেন্ত সেনিয়র সেকেন্দরী স্কুল, কোন্দেৱাদা তম্লিবনি। মহাকসু ৱাহং খরা হংবা পাম্লি।

ধীরজ সুথারঃ ইকায়খুম্ননীংঙাই ওইরবা প্রধান মন্ত্রীজীবু নোলুকচরি। ঐহাক্কী মিং ধীরজ সুথার কৌই। ঐহাক রাজস্থান্দগী রাজসমন্দদগী গবর্নমেন্ত সেনিয়র সেকেন্দরী স্কুল, কোন্দেৱাদা ক্লাস 12 তম্লি। ঐহাক্না হংজনীংবা ৱাহং অসিদি – হকচাং শাজেলগা লোয়ননা লাইরিক নীংথিনা মতৌ করম্না পাগদগে মুক্তা তাকপীয়ু। হকশেল হায়বসিসু মরু ওইবা অমা ওইবনিনা, ঐহাক হীরম অসিগী মতাংদা মমুৎ তানা খঙবা পামজৈ। থাগৎচরি।

প্রধান মন্ত্রীঃ অদোমগী হকচাং য়েংলুবদা অদোম্না অচুম্বা ৱাহং অমা হংলে হায়না ঐনা খল্লি। অদুগা অদোম্না ৱারিবা অসিসু মরম চাবনি।

থৌরম লান্থোক্লিবাঃ ধীরজপু থাগৎচরি। সংস্কৃতীগী ওইবা চৎনবা অমসুং উন্না কুপ্পা চিংমায়দা লৈবা মথৌনা ফরবা লান্মীশিংগীদমক্তা মমিং চৎপা অৱাং ভারতকী মমিং লৈরবা য়ুনিয়ন তেরিতোরী লদাখকী নাজমা খাতুন অসি শ্রী কেন্দ্রিয় বিদ্যালয় কার্গিলগী মহৈরোই অসিসু ঐখোয়গী নাক্তা ওনলাইনগী খুত্থাংদা শরুক য়ারি। মহাকসু সরগী মফমদা ৱাহং অমা হংবা পাম্লি।

নাজমা খাতুনঃ ইকায়খুম্ননীংঙাই ওইরবা প্রধান মন্ত্রীজী নমস্কার! ঐহাক্কী মিং নাজমা খাতুন কৌজৈ অমসুং ঐহাক শ্রী কেন্দ্রিয় বিদ্যালয় কার্গিল লদাখকী ক্লাস 10গী মহৈরোইনি। পরিক্ষাগীদমক্তা শেম শানা শানা হকশেলসু নীংথিনা মতৌ করম্না লৈগদগে হায়বসি ঐহাক্কী ৱাহংনি। থাগৎচরি।

থৌরম লান্থোক্লিবাঃ নাজমাবু থাগৎচরি। ভারতকী মনি ওইরিবা ত্রাইবেলনা নম্বা খুন্দাবা অরুনাচল প্রদেশকী নাহরলাগুন গবর্নমেন্ত হাইয়র সেকেন্দরী স্কুলগী মহৈরোই, তোবী লামীসু ঙসি ওদোতোরিয়মদা অসিদা লৈরি। মহাকসু সরগী মফমদা করিগুম্বা পাউতাক খরা লৌবা পাম্লি।

তোবী লামীঃ ইকায়খুম্ননীংঙাই ওইরবা প্রধান মন্ত্রীজীবু নোল্লুকচরি। ঐহাক্কী মিং তোবী লামী কৌই, ঐহাক অরুনাচল প্রদেশকী নাহরলাগুন গবর্নমেন্ত হাইয়র সেকেন্দরী স্কুলদগী লাকপনি। ঐহাক্কী ৱাহংদি – শান্ন-খোৎনবা খক্তা নত্তনা, মহৈ তম্বদসু ইশাগী ধ্যান অসি মতৌ করম্না নীংথিনা চঙবা ঙমহনগদগে? থাগৎচরি।

থৌরম লান্থোক্লিবাঃ মেম্বু থাগৎচরি। প্রধান মন্ত্রীজী, ধীরজ, নাজমা অমসুং তোবীনা হকশেল অমসুং মহৈ তম্বগা মরী করম্না লৈনহনগদগে হায়না মখোয়না খঙবা পাম্লিবা অসিবু অদোম্না মমুৎ তানা অমুক্তা খঙহনবীয়ু।

প্রধান মন্ত্রীঃ মহৈরোই অয়াম্বনা মোবাইল ফোন শিজিন্নরমগনি। মহৈরোই খরদি মোবাইলদা নিশা চুদুনা নোংমদা পুং কয়া মোবাইলদা থাদরমগনি। ঐহাক্না করিগুম্বা মোবাইল চার্জ তৌরবদি, ঐহাক মোবাইল শিজিন্নবা খরা হন্থগনি, অদুনা ঐ চার্জ তৌররোই হায়না খনবগা য়াওবরা? চার্জ তৌদ্রবদি মোবাইল শিজিন্নবা য়াগদরা? অদুনা, ঐখোয়না নুমিৎ খুদিংগী উরিবা পোৎলম কয়াসু চার্জ তৌবগী মথৌ তাই। মান্নবা অমা ওইনা, ঐখোয়গী হকচাংবু চার্জ তৌবগী মথৌসু তারিবনি। মসিদি য়াম্না তঙাই ফদবনি। পুন্সিদা হীরম খুদিংগী খল ঙাকপগী মথৌ তাই। ঐখোয়না করিগুম্বা অমা পামদ্রে হায়দনা, পুম্নমক থাদোক্লগা লৈবা য়াবা নত্তে। পুম্নমক অসিগী মনুংদা পরিক্ষা হায়বসিশু শরুক অমা ওইরিবনি। পুম্নমক্কী মশাগী মরু ওইবা অমমম লোয়না লৈজৈ। ঐখোয়না ইশা ফত্ত্রবদি, পরিক্ষা থাবা মতমদা নীংথিনা ফম্বা ঙম্লোইদৌরিবনি। পরিক্ষাগী পুং অহুমদি লায়রদনা মিনিৎ মঙা ফাওবা ফম্বা ঙম্লোই। অদুনা, হকশেল ফবা হকচাং অমগীদমক্তা হকশেল ফবা ৱাখল্লোনগী মথৌসু তাই। অদুগা হকচাং রিচার্জ তৌবগী মতাংদা, নুংশা মঙাল অসি হকচাং রিচার্জ তৌবদা লাইথোকপা য়াদ্রবা থৌওংনি। ঐখোয়না নুংশা মঙালদা নোংমদা মতম কয়া য়াম্না লৈবগে অমুক্তা খন্থসি। অদুনা, মতম খরা ওইরবসু, লাইরিক অমা পায়রগা নুংশা মঙালদা নোংমগী মতম খরদি ফম্বা য়াই। নুংশা মঙালগা অফবা মরী অমা শাগৎনবা মতম খরদি কাইথোক্কদবনি। মসি রুল অমা ওইনা পাংথোক্কদবনি। মান্নবা মতৌ অমনা, তুম্বা ৱাৎপা হায়বসিসু মিৎয়েং চঙফম থোকই। তুম্বা ৱাৎপায়াদে। অদোমগী ইমানা তুম্মো হায়রিবা অসি পংহাইদা হায়বা নত্তে। মসিদা মহৈরোই খরগী ইগোদা শোকপসু য়াওদবা নত্তে। ঐ হয়েং পরিক্ষা লৈরগা তুম্মো হায়রিবসি করিগীনো? ঐহাক্না তুম্বা তুমদবসিদা পানরিবা করিগীনো খনবসু য়াওরিবনি। মসিগুম্বা মওং মতৌ অসি মহৈরোইশিংনা ময়ুমদা তৌনবগী থৌদোক য়াম্না লৈ। তুম্বগী মতাংদা লাক্লিঙৈসিদা, রীল অমুক লাক্লে। রীল য়েংবদা তুম্বগী মতম কয়া য়াম্না মাঙই? অমা য়েংলগা মথং মথং য়েংলকপদা ঐহাক্না য়েংখিবা অহানবা রীল অদু ফাওবা কাওরকপা য়াওরবনি। ঐখোয়না তুম্বসি য়াম্না লুনা খঞ্জিন্দ্রে।

ঙসিগী মতমসিদা, মোদর্ন সাইন্সনা তুম্বদা অহেনবা মরু ওইবা পীনরি। অদোম্না তুম্ফম থোকপা মতম তুম্মি নত্ত্রগা তুমদে হায়বসিগা মীওইবগী হকশেলগা হকথেংননা মরী লৈনৈ। মসিদা অদোম্না মিৎয়েং চঙবা য়াই। মোদীজীনা হায়রবনিনা পরিক্ষা মনুংদসু তুম্মো হায়বা নত্তেকো। তুম্বা মতম ৱাৎপা হায়বসি হকশেলদা ফবা নত্তে। পুং য়াম্না তুমদবা মীওইসু লৈতবা নত্তে, অদুবু মসিদি মীপুম খুদিন্না তৌবা ঙম্বদি নত্তে।

ন্যুত্রিসনগী হীরম অমুক লাক্লে। বেলেন্স দাইত চাগদবনি। চাফম থোকই হায়না পংচাদা চাবসু ফত্তে। মদুনা তুম্বা ৱাৎলক্কনি, অমসুং মদুনা হকচাংগী তঙাই ফদবা মচল খুদিংমক পীবা ঙম্বসু ওইরোই। অদুনা বেলেন্স দাইত চাফম থোকই।

ক্লাস 10, 12কী মতমসিদদি, হকচাংনা তঙাই ফদবা চিঞ্জাক খুদিংমক চাবীগদবনি। মমা-মপাশিংনসু মখোয়গী মচাশিংদা পীজনিংলিবনি হায়দুনা পংপীদা পীজরোইদবনি। ঙসিদি হলুৱা হৌই, হরা হেন্না চাশিল্লু হায়নবনি মমা মপাশিংনা। মখোয়গী মচাশিংনা য়াম্না চারবদি, অঙাং অদু নুংঙাইবা ফাওই হায়না মখোয়না খল্লি। অঙাং অদুবুদি হরাওগনি, মহাক্কী হকচাংনদি মদু পাম্লোই। মসিদা ইনাক খুনবা, লৈত-লাইরগী ৱা লৈতে। তঙাই ফদবদি, মচি ওইবা চিঞ্জাক চাবা হায়বসিনি। শেল য়াম্না তিংলুদ্রগসু, মচি ওইবা হীরম খুদিংমক ফংবা চিঞ্জাক কয়া লৈ। অদুনা, বেলেন্স দাইত চাবা হায়বসি হকচাংগী ওইনা য়াম্না অফবা পোৎলম অমনি।

অদুগা হৌজিক হকচাং শাজেলগী ৱাফম অমা অমুক লাক্লে। মসিদা মুক্না শান্নৌ হায়বা নত্তে, হকশেল ফনা লৈনবা শাজেল তৌসি হায়বনি। নুমিৎ খুদিংগী শোইদনা য়া থিনবগুম্বা শাজেল হায়বসিসু পাংথোক্কদবনি, মসিদা কম্প্রোমাইস তৌবা য়াদে। অঙাং খরদি য়ুম্থক্তা লাইরিক অমা পারগা শাজেলসু তৌবগী মতৌ কয়া অমা ঐহাক্না উরে। মসিদা করিম্মতা কায়বা লৈতে। মহাক্না লাইরিকসু পারে, নুংশা মঙালদা ঙৈহাকসু চৎলে, মশাগী হকচাং রিচার্জসু তৌরে। ঐখোয়গী ফিজিকেল এক্তিবিতী লেপ্তনা মখা চত্থবগী পাম্বৈ খরা পুথোকফম থোকই। মীওই অমনা য়ামদ্রবদা মিনিৎ মঙা নত্ত্রগা তরাদি শাজেল তৌগদবনি। মসিদগী হেন্না তৌবা ঙম্লবদি হেন্না ফরে। মসিগুম্বা থৌওং অসি পরিক্ষা মনুংদসু মহৌশানা অদুম পাংথোকপা ঙম্লবদি য়াম্না ফরে। মসিদসু খল ঙাকপগী মথৌ তাই। থাগৎচরি।

থৌরম লান্থোক্লিবা - পি.এম. সর একজাম ৱারিয়রদসু অদোম্না ঐখোয়দা চপ মান্নবা পাউজেল পীখি…অদোম্না হেন্না শানরিবা মতিক হেন্না লৈশাৎ তমগনি। থাগৎচরি পি.এম. সর। ইনাক খুল্লবা আর্ত অমসুং স্কিলনা থল্লবা রাজ্যম রবীন্দ্রনাথ তেগোর ভন্দে মাতরমগী অমর ওইরবা লমদম, বেঙ্গোলগী নোর্থ 24 পরগনাদগী কেন্দ্রীয় বিদ্যালয়গী মহৈরোয় মধুমিতা মাল্লেখনা ঐখোয়দা ভর্চুএল ওইনা ৱাহংশিং হংবা পাম্মি। মধুমিতা অদোমগী ৱাহং হংবীরো…

মধুমিতা– ইকাই খুম্নরবা প্রধান মন্ত্রী সর, হেল্লো, ঐগী ইমুং মধুমিতা মল্লেখ কৌই। ঐহাক পি.এম. শ্রী কেন্দ্রীয় বিদ্যালয় বররাকপুর আর্মী কোলকাতা দিবিজনগী 11শুবা সাইন্সকী মহৈরোয় অমনি। ঐহাক্কী ৱাহং অসি মশাগী কেরিয়রগী মরমদা ৱারেপ লৌবা ঙমজদবা নত্ত্রগা অকক্নবা কেরিয়র নত্ত্রগা প্রোফেসন অমা খনবদা প্রেসর মায়োক্নরিবা মহৈরোয়শিংদা করি পাউতাক পীবীগনি। তোপিক অসিদা ঐহাকপু লমজিংবীয়ু। থাগৎচরি সর।

থৌরম লান্থোক্লিবা– থাগৎচরি মধুমিতা। পি.এম. সর ভগৱান কৃষ্ণনা তাকপী তম্বীরম্বা লমদম, মথৌনা লৈবা শান্নরোয়শিংগী লমদম ওইরিবা হরিয়ানাগী পনিপৎকী দি মিলেনিয়ম স্কুমগী মহৈরোয়, অদিতি তনৱর হৌজিক ওনলাইনগী খুত্থাংদা কন্নেক্ত তৌদুনা অদোমগী গাইদেন্স ঙাইরি। অদিতি অদোমগী ৱাহং হংবীরো।

অদিতি তনৱর – ইকাই খুম্নরবা প্রধান মন্ত্রী, খুরুমজরি। ঐগী মিং অদিতি তনৱর কৌই অমসুং ঐহাক হরিয়ানাগী পনিপৎকী দি মিলেনিয়ম স্কুমগী ক্লাস XIগী মহৈরোয় অমনি। ঐহাক্কী ৱাহং অসি ঐহাক্না হ্যুমেনিতীজ অসি ঐগী সবজেক্ত ওইনা খনখি  অমসুং মীয়াম্না নুমিৎ খুদিংগী ঐবু নোক্নবীরি। ঐহাক্না লম অসি পামজবগী লৌবনি। অদুবু করিগুম্বা মতমদা নোক্নবীরকপা অসি খাংবদা অৱাবা ওইরকই। করম্না মসি হেন্দল তৌগদগে অমসুং মখোয়বু থওইরোইদগে। মসিদা অদোমগী মতেং পামজৈ। থাগৎচরি সর।

থৌরম লান্থোক্লিবা– থাগৎচরি অদিতি। মধুমিতা অমসুং অদিতি অমদি মখোয়গুম্বা মহৈরোয় খরনা পুন্সিদা করিয়র খনবদা প্রেসর থেংনরি। সর অকক্নবা কেরিয়র নত্ত্রগা স্ত্রীম অমা খন্নবগী ৱাখলদা লৈরিবা প্রেসর অসি করম্না কোকহনগনি?

প্রধান মন্ত্রী– ঐদি নখোয় কনফ্যুস ওইবা মান্দে। তশেংবদি নখোয় নশানা নশাদা থাজবা ঙমদবনি। নখোয়না খল্লিবা অদুদা নখোয়না চীংনবা পোক্লি। হৌজিক নখোয়না মীওই 50দা মসিগী মরমদা হংলি। ঐনা মসি তৌরবদি অদোম করি ফাওগনি… ঐনা মসি তৌরবদি অদোম করি ফাওগনি। নখোয় নশানা নশাবু খঙজদে। অমসুং মসিনা মরম ওইদুনা নখোয়না কনাগুম্বগী পাউতাক্কী মখা পোল্লি। অমসুং খ্বাইদগী পাম্বা অমসুং খ্বাইদগী অরাইবা পাউতাক অদু নখোয়না লৌরি। হৌজিক ঐহাক্না শান্নরি হায়গে, মসিদা মীওই কয়ানা ঙসি ৱাশক্তুনা ময়ুমদা হনখিগনি…. মোদীজীনা হায়, শান্নৌ, শান্নৌ, শান্নৌ, শান্নৌ। ঐহাক্না হৌজিক মসি পারোই…মরমদি মহাক্না মসি পাম্লি।

ঐনা খনবদা খ্বাইদগী শাথিবা ফীভম অসি কনফ্যুজন্নি…ইনদিসিজন্নি। ইনদিসিজন… অরিবা মতমদগী নখোয়না স্তোরী অমা  তারমগনি…কনাগুম্বনা কার থৌদুনা লাকই অমসুং হুই অদুনা কদোমদা চৎকনি হায়বগী ৱারেপ লৌবা ঙমদে অমসুং অকোনবদদি মহাক মখাদা চংখ্রে। মসিনা থোক্লিবা অসি… করিগুম্বা মহাক্না কদোমদা চৎকনি খঙলম্বা তারবদি দ্রাইভর অদুনা মহাকপু কনবা ঙমলমগদবনি। অদুবু করিগুম্বা মহাক্না অমদা অমুক অমদা অমুক চৎপা তারবদি দ্রাইভর অদুনা এক্সপর্ত ওইরবসু মহাকপু কনবা ঙমলোই। ঐখোয়না অসিগুম্বা পুক্নিং লেপ্পা ঙমদবা মতৌ অসিদগী ঙাকথোক্কদবনি। অমসুং ৱারেপ অমা লৌদ্রিঙৈ মমাংদা ঐখোয়না করিনা ফবগে হান্না খঙদোক্কদবনি।

​

অনিশুবদা করিগুম্বদা মীওই খরনা মসিদি অচম্বনি….মরু ওইবনি হায়না খনগনি… হৌজিক হায়য়ু স্বচ্ছতা অসি প্রধান মন্ত্রীগী মীৎয়েংদগী য়েংলবদি অরাইবা ইস্যু নত্ত্রা? কনাগুম্বা অমনা হায়গনি য়েংঙু পি.এম. অসি থবক ফনা য়াম্না লৈরবসু স্বচ্ছতা-স্বচ্ছতাদা তৌদুনা লৈ। অদুবু ঐগী ওইনদি পুম্নমক মরু ওইবা ঙাক্তনি। স্বচ্ছতা অসি ঙসি লৈবাক্কী প্রাইম এজেন্দা ওইব্রা? মসি অপীকপা হীরম অমা ওইরবসু ঐগী পুন্সিদা লাকপদগী অচৌবা হীরম অমা ওইরে। মরম অসিনা ঐখোয়না পীকপা চাউবা হায়না খল্লোইদবনি। হৌখিবা চহি 10 অসিদা কনাগুম্বনা অসুম্না হায়বা থেংনৈ, ভারতকী আর্ত অমসুং কলচরগী লমদা মার্কেৎ অসি শরুক 250 হেনগৎলকখি। হৌজিক কনাগুম্বা অমনা লাইয়েকলম্বা তারবদি মহাক্কী মমা-মপানা লাইরিক হান্না তম্নবা হায়রমখি। ঐখোয়না অমত্তা অন্দরএস্তিমেৎ তৌরোইসি। করিগুম্বা ঐখোয়দা থৌনা লৈরবদি ঐখোয়না পুন্সিদা থেংনবা ঙমগনি। ঐখোয়দা পাঙ্গল লৈবা তাই। অমসুং নখোয়না তৌবা থবক খুদিংমক থৱায় য়াওনা তৌগদবি.. মদু ময়াইদা তোক্লোইদবনি। ঐনা মসি ওইনা লৌরম্লবদি ফগদবনি খল্লোইদবনি। মসিগী চম্মনবা অসিনা অদোমদা অৱাবা কয়া পীগনি।

ঙসিগী অনিশুবা তোপিক অসি নখোয়দা খুদোংচাবা ফংহল্লিবা নেস্নেল এজুকেসন পোলিসীনি। নখোয়না লম অমদা খুমাং চাউশিল্লবা অদুবু অতোপ্পা অমা ত্রাই তৌনীংলবদি নখোয়না হোংদোকপা য়াই। অমা খক্তদা পুন্দুনা লৈররোই, নখোয় নশাগী ওইবা লম্বীদা খুমাং চাউশিনবা ঙমলগনি। অমসুং মসিনা মরম ওইরগা এজুকেসন্দসু অহোংবা কয়া লাকহনখ্রে। ঙসি ঐনা একজিসন অমা য়েংই, মদুদা অঙাংশিংনা উৎখিবা তেলেন্ত অসি শীংথানীংঙাই ওই।

অঙাংশিং অসিনা সরকারগী INB মন্ত্রালয়দগী হেন্না সরকারগী স্কিমশিংগী মরমদা খঙহন্নবা থবক নীংথিনা তৌখি। নারী শক্তিগী মরু ওইবা অসি য়াম্না ফজবা মওংদা পুথোকখি। মসিনা তাকপদি ঐখোয়না সিচুএসন অমা হেক্তদা দেসিসিব ওইগদবনি হায়বনি। অমুক হন্না নখোয়না দেসিসিব ওইবগী হৈনবী অদু থম্মি কনফ্যুজন লৈহনগনু। নখোয়না ইমুং মনুংগা রেস্তোরেন্ত অমদা চৎপদা নখোয়না খল্লগা ওর্দর তৌই। নখোয়গা তেবল থংনবদা করিগুম্বা অমা উরবদি নখোয়না মসি তৌররোই অসি ওইনা তৌরগে হায়গনি। মতম অদুদা ৱেতরনা করিগুম্বা অমা ত্রেদা হাপতুনা পুথোরক্কনি.. মতম অদুদা অদু অমুক ওর্দর তৌনীংগনি। অসুম্না খনবনা মানা ওর্দর তৌরিবা অদু চাবদা মহাও ৱাৎকনি পুক থনবা ঙমলোই। রেস্তোরেন্তগী তাইনিং তেবেলদা করি ওর্দর তৌগনি খনবা ঙমদবা মীওই অদুনা কৈদৌনুংদা হাওনা চাবা ফংলোই। নখোয়গী ইমানা নুমিৎ  খুদিংগী করি চাগনি হায়না হংলমগনি, মহাক্না মখল মথেল 50রোম হায়রমগনি মদুদা নহাক কৈদৌবগে? কোইরুরগা নুমিৎ খুদিং মফম অদুদা লাক্লগা চাগনি।

ঐখোয়না দেসিসিব ওইবগী হৈনবী থমগদবনি হায়না ঐনা খল্লি। ৱারেপ অমা লৌদ্রিঙৈ মমাংদা ঐখোয়না কুপ্না হীরম 50 য়েংগদবনি, প্লস-মাইনস পোইন্তশিং য়েংগদবনি, কনাগুম্বদা প্লস-মাইনস পোইন্তশিং অদু হংগদবনি…অদুবু পুম্নমক অসি ঐখোয়না দেসিসিব ওইরবা মতুংদা তৌগদবনি। ফীভম অমা হেক্তদা কনাগুম্বা অমগীদমক কনফ্যুজন অসি ফত্তে। ইনদেসিসন অসি ফত্তে অমসুং মসিদগী থোক্নবা ঐখোয়না হোৎনগদবনি। থাগৎচরি।

থৌরম লান্থোক্লিবা– সর, মাইপাকপা হায়বা অসি ৱারেপ লৌবদা ক্লেরিতী লৈরবা মতমদা ঙমগনি…ঐহাক্না মতম চুপ্পদা অদোমগী ৱাফম অসি নীংশিংদুনা লৈগনি। থাগৎচরি। ফজরবা বীচশিং, ফজরবা লম্বী অমসুং কলচরেল দাইভর্সিতীগীদমক খঙনরিবা মমিং লৈরবা সহর, পুদুচেরীগী গভর্নমেন্ত হায়র সেকেন্দরী স্কুলগী মহৈরোয়, দি, বর্সরি ওদিতোরিয়ম অসিদা ঐখোয়গী ইরক্তা য়াওরি  অমসুং মহাক্কী ৱাহং অমা হংনীংলি। দীপাশ্রী অদোমগী ৱাহং হংবীরো।

দীপাশ্রী – খুরুমজরি, বনক্কম ইকাই খুম্নরবা প্রধান মন্ত্রী সর।

প্রধান মন্ত্রী– বনক্কম, বনক্কম

দি বর্সরি– ঐগী ইমিং দীপাশ্রী কৌই। ঐহাক সেদারাপেৎ পুদুচেরীগী গভর্নমেন্ত হায়য়র সেকেন্দরী স্কুলদগী লাকপনি। ঐগী ৱাহংদি ঐখোয়না কন্না হোৎনরি হায়বা অসি ঐখোয়গী ইমা-ইপাদা করম্না থাজহনগনি। থাগৎচরি সর।

থৌরম লান্থোক্লিবা– থাগৎচরি দিপাশ্রী। প্রধান মন্ত্রীজী, ঐখোয়না হোৎনরি হায়বা অসি ইমা-ইপাদা করম্না থাজহনগনি। হীরম অসিদা দিপাশ্রীনা অদোমদগী পাউতাক পীবীনবা হায়রি।ল

প্রধান মন্ত্রী– অদোমদা ঐঙোন্দা ৱাহং অমা হংলি অদুবু ৱাহং অদুগী মরুমদা ৱাহং অমা লৈরি, মদু অদোম্না খঙদ্রিবা করিগীনো। অনিশুবা ৱাহং অসি ইমুং পুম্নমক্তা থাজনদবা লৈ। থাজবা ৱাৎলি অদুবু অদোম্না য়াম্না ফজবা মওং অমদা ইমুং মনুংনা শাওদনবা পুথোরক্লি। মসি ওজাশিং লোয়ননা মমা-মপাশিংনা খনবা য়াবা ৱাফম অমনি। ইমুং মনুংদা থাজনদবা লৈরিবা অসিগী মরম করিনো। ইমুংদা ফাওবা থাজবা ৱাৎলবদি মসি য়াম্না নুংনাংনীংঙাই ওইবা ৱাফম ওইরি। অমসুং থাজবা মাংবা হায়বা অসি খঙহৌদনা ওইরকপা নত্তে…মসি মতম শাংনা তপ্না-তপ্না ওইরকপনি। অমসুং মরম অসিনা মমা-মপা খুদিংমক, ওজা খুদিংমক, মহৈরোয় খুদিংমক্না মখোয়না তৌরিবা অদু কুপ্না য়েংশিনবা তাই। মমা মপানা থাজদ্রিবা অসিগী মরম করিগুম্বা মমঅমদা করিগুম্বা খরা থোকলমগনি। অদোম্না ঐ ইমানবীগীদা চৎলুগে হায়রম্লগা মফম অদুদা চৎতে হায়বা ইমা-ইপানা খঙলকপা য়াওরমগনি। মসিগুম্বশিং অসিনা থাজবা মাংনবা মচাক ওইরক্লি। অমসুং মহৈরোয় অমা ওইনা “ইমা নঙ তুমলুরো ঐ লাইরিক পাহৌখিবগে” হায়রমগনি অদুগা ইমানা তুমিন্না য়েংলকপদা ঐনা তুম্বা উরমগনি, মদুনা নঙনা লাইরিক পাগনি হায়বদা থাজবা ঙমলক্লোই।

নখোয়না ইমাদা ঐ চয়োল অমা মোবাইল শোক্লোই হায়রমগনি। অদুবু ইমানা তুমিন্না মোবাইল পাইবা উরমগনি মসিনা থাজবা মাংহল্লি। অদোম্না হায়রিবা অদু নিয়ম চুম্না ঙাক্না চৎপ্রা? করিগুম্বা অদোম্না ঙাক্না চৎলবদি মসিগী থাজবা মাংবা অসি লাক্লোই থাজৈ। মমা-মপাশিংনসু চপ মান্নবা মওংদা খনবা তাই। মমা-মপা খরনা অসিগুম্বা হৈনবী অমা লৈ, খুদম ওইনা মমা অমনা মচাগীদমক হাওনা চানবা শেম শাবীরগা মরম অমা নত্ত্রগা অমদগী মচা  অদুনা চানীংদ্রবা নত্ত্রগা খজিক্তং চারবদি মমা অদুনা হায়গনি…নঙনা মফম অমদগী চাশিল্লমগনি, কনাগুম্বগী য়ুমদা পুক থন্না চাশিল্লমগনি। মদু তাবদা মহাক নুংঙাইররোই অমসুং অশেংবা হায়ররোই। মমা নুংঙাইখিদবনা হাওগেরা হাওরোইগেরাগা ঐগী য়াদা চনবা অদু হাপচিনগে খনগনি। মসুম্না থাজবা মাংবা অসি য়ুম খুদিংদা থোক্লমগনি। করিগুম্বা ইমা অমসুং ইপানা থা খুদিংগী লুপা চামা পীরবা অমসুং মথংগী নুমিৎতা মখোয়না লুপা চামা অদু কৈদৌখ্রগে হংই? য়েংঙু মদু নুমিৎ 30গীদমক পীবনি মদু থাজরমদ্রবদি পীরোই।

করিগুম্বা চপ মান্নবা ৱাহং অসি হংলবা, নঙনা লুপা 100 অদু কৈদৌখ্রে হায়না মসি হায়বগী মহুৎ মচা অদুনা হায়গদবা অসি পৈশা অদু লৈরি লেম পানা কোন্নগনি হায়বা অসিনি। অসুম্না ঐখোয়না ঙাংনগদবনি। নোংমদা থেংনরিবা অপীকপা থৌদোক ৱাথোকশিং অসিনা ঐখোয়গী নোংমগী এক্সপেক্তেসনশিং অমসুং এজুকেসন সিস্তেমদা কনফ্লিক অমদা তপ্না তপ্না ওন্থোরক্কনি। মসিনা নঙ মার্ক কৈগী ফংদ্রিনো হায়না হংহনলক্কনি। নঙ লাইরিক পারমলোই, পুক্নিং চংলমলোই, ক্লাস্তা ফম লৈথোকলমগনি, মরুপশিংগা ৱারী শারমগনি। পৈশানা ওইরমগনি, সিনেমা য়েংবা চৎলমগনি, মোবাইল ফোনদা রীলস য়েং লৈরমগনি। অসুম্না হায়রবনিনা মরী লাপথোক্নরকই, অহানবদা থাজনবা মাংলকই মতুংদা লাপ্নবা হেনগৎলকই অমসুং লাপথোক্নরকপনা অঙাংশিংবু দিপ্রেসন লৈহল্লকই। মরম অসিনা মমা-মপাশিংগীদমক মসি য়াম্না মরু ওই।

চপ মান্নবা মওংদা ওজাশিংনসু অঙাংশিংবু মখোয় মশানা খল্লিবা অদু মনীংতম্না ফোঙদোকপা ঙম্নবা ওপন ওইগদবনি, করিগুম্বা মখোয়না ৱাহং অমা খংদবা মতমদা ওজাশিংনদা মখোয়দা লৈগনি, নঙনা খল্লরোই অতৈ মহৈরোয়শিংগী নঙনা মতম মাংহনগনি হায়বী। হাংলক্কনু তুমিন্না ফম্মু হায়বী। করিগুম্বা মতমদা ওজাশিংনা অঙাং 4-5 হেন্না নুংশি অমসুং মখোয়গী হেন্না এতেৎচ ওই, ক্লাস্তা লৈহৌরিবা অঙাং 20, 30 অদুদি খঙনীংলগা খঙঙু খঙদ্রগনা মরাই হায়না খন্দোকই। মখোয়না 2-4দা খক্তা পুক্নিং চংই, মখোয়বু থাগৎলি। মহৈরোয়শিং অসি নখোয়গীদমক চপ মানবা মীৎয়েংনা য়েংগদবনি। অমসুং খ্বাইদগী ফবা অদুনা মনা লৌবা অসি মহৌশানি। অদুবু নখোয়না মীৎয়েং চংবা মথৌ তাবা অঙাং অদুদা মীৎয়েং চংগদবনি। করিগুম্বা অঙাং অমা লাইরিক্তা য়াম শোল্লবা অদুবু মাগী হেন্দরাইতিং অদু ফজরবদি অদোম্না মাগী মনাক্তা চৎতুনা ‘নঙগী হেন্দরাইতিং সি য়াম্না ফজৈ নঙ য়াম্না স্মার্ত ওই’ হায়না পুক্নিং থৌগৎপীগদবনি। করিগুম্বা মতমদা অশোনবা মহৈরোয় অমদা নঙগী ফিরোল অদু য়াম্না ফাজৈ হায়বীদুনা মাগী কনফিদেন্স লৈহনগদবনি, মাগা লোয়ননা ৱারী শাবীগদবনি মদুদা মহাক্নসু নঙোন্দা ৱা ঙাংলক্কনি। করিগুম্বা কম্ফোর্তেবল এনভাইর্নমেন্ত ওইরবদি, মসিদসু মহৈরোয়শিংগী চপ মান্নবা থৌদাং লৈ, মখোয়না করি শোইবদগী ইমুং মনুংনা থাজবা মাংলিবা খঙদোক্কদবনি। হীরম অমত্তদা ঐখোয়গী ইমুং মনুং অমসুং ওজাশিংগী থাজবা মাংহল্লোইদবনি। অনিশুবদা ইমুং মনুংদা এক্সপরিমেন্ত তৌবা য়াই হায়না ঐনা খল্লি। অদোমগী ইচানুপা নত্ত্রগা ইচানুপীগী মরুপ 5 লৈবা থোক্লবদি থা অমদা অমুক্তং ইমুং মঙানা পুং 2 ইমুং অমদা পুনবীয়ু অসুম তৌদুনা মথংগী থাদা অতোপ্পা ইমুং অমদা চৎপীয়ু। ইমুং অমদা ঐখোয়না পুনবদা অঙাংশিং অমসুং অহানশিং মফম অদুদা লৈগনি। মীওই অমগী মীওই অমা অনি থনম্বা নত্তে করিগুম্বা চহি 80 শুরবা অমসুং চৎপা খোৎপা ঙম্লবদি মখোয়বুসু পুবীয়ু। অমসুং অহুমশুব অঙাংগী মমা অদুনা পোজিতিব ওইবা লাইরিক অমা পাদুনা ৱারী অদু লীবীয়ু। মথংদা মরিশুবা মরুপকী মপানা অমুক পোজিতিব ওইবা সিনেমা অমগী ৱারী লীবীয়ু। নখোয়না পুং অমা পুনবা ফংবা খুদিং খুদমশিং, রিফরেন্স খরাগা লোয়ননা পোজিতিব ওইবা ৱাফমশিং খন্নবীয়ু অতোপ্পগা চাংদম্নবদি তৌবীনু। নখোয়না পোজিতিবিতীগী কান্নবা উবা তপ্না-তপ্না ফংলক্কনি। মসিগী পোজিতিবিতী অসিনা নখোয়গী অঙাংশিংদা ইথিল পীবা খক্তা নত্তনা মসিনা থাজবা লৈবা এনভাইর্নমেন্ত অমসু শেমগৎকনি। মসিগী এক্সপরিমেন্তশিং অসি মখা চত্থবীয়ু। থাগৎচরি।

থৌরম লান্থোক্লিবা- পি.এম. সর ইমুং অমদা থাজবা অসি মরু ওই, অদোমগী পাউতাক অসিনা ঐখোয়গী য়ুমশিংদা হরাও তয়াম্বা পুরক্কনি। থাগৎচরি পি.এম. সর। মহারাস্ত্রগী শেংলবা সহর, ছত্রপতি শিবাজী মহারাজ অমসুং সোসিএল রিফোর্মর মহাত্মা জ্যোতিবা ফুলেগী পোক্নফম ওইরিবা পুনেদগী মপা অমা ওইরিবা শ্রী চন্দ্রেশ জেন্না ওনলাইনগী খুত্থাংদা থৌরম অসিদা শরুক য়ারি অমসুং প্রধান মন্ত্রীদা ৱাহং অমা হংনীংলি। চন্দ্রেশজী অদোমগৌ ৱাহং হংবীরো।

চন্দ্রেশ জেন- ইকাই খুম্নরবা প্রধান মন্ত্রী। ঐগী ইমিং চন্দ্রেশ জেন কৌই। ঐহাক মপা অমনি। ঐহাক্কী ৱাহং অসি ঙসিগী  অঙাংশিং অসিনা মখোয়গী ব্রেনশিং শিজিন্নব লেপ্লে,মখোয়না পুম্নমক খুদোম্বী মতোনদা ফংবনা মরম ওইদুনা তেক্নোলোজীদা হেন্না মীপাল তাংলি। হৌরক্লিবা মীরোল অসিদা মখোয় অসি তেক্নোলোজীগী মাস্তর ওইগদবনি মাগী মীনাই ওইরোইদবনি হায়না খঙহনগনি? লমজিংবীয়ু। থাগৎচরি।

থৌরম লান্থোক্লিবা– থাগৎচরি চন্দ্রেশজী। ত্রাইবেল কাংলুপকী অথৌবা নীংতম লান্মী বিরসা মুন্দাগী পোক্নফম ওইরি ঝারখন্দগী রামগর জিলাদগী মমা, শ্রীমতি পুজা শ্রীবাস্তবনা ওনলাইনগী খুত্থাংদা প্রোগ্রাম অসিদা কন্নেক্ত তৌরি অমসুং প্রধান মন্ত্রীদা মহাক্না ৱাহং অমা হংনীংলি। পুজা অদোমগী ৱাহ্ং হংবীরো।

পুজা শ্রীবাস্তব– খুরমজরি। ইকাই খুম্নরবা প্রধান মন্ত্রী সর। ঐগী ইমিং কুমারি পুজা শ্রীবাস্তব কৌই। ঐহাক ঝারখন্দগী রামগরগী শ্রী গুরুনানক পুব্লিক স্কুলদা তম্মিবা প্রিয়ান্সি শ্রীবাস্তবগী মমানি। সর ঐহাক্না হংনীংবদি করম্না ঐহাক্না ইনস্তাগ্রাম, স্নেপচেৎ, ত্বিত্তরগুম্বা সোসিএল মেদিয়া প্লেৎফোর্মশিং শিজিন্নদুনা ঐগী ইচানুপীগী স্তদীস মেনেজ তৌগদগে। থাগৎচরি সর।

থৌরম লান্থোক্লিবা – থাগৎচরি মেম। শিবালিক হিল্সকী চীংখোঙদা লৈবা হমিরপুর জিলাগী হিমাচল প্রদেশ T.R. DAV স্কুল কেঙ্গূগী মহৈরোয় অভিনব রানানা ওনলাইনগী থোংদা শরুক য়ারি অমসুং প্রধান মন্ত্রীদা ৱাহং অমা হংবা পাম্মি। অভিনব অদোমগী ৱাহং হংবীয়ু।

অভিনব রানা – ইকাই খুম্নরবা প্রধান মন্ত্রী সর খুরুমজরি। ঐগী মিং অভিনব রানা কৌই। ঐহাক হিমাচল প্রদেশকী হমিরপুরগী T.R. DAV পব্লিক সিনিয়র সেকেন্দরী স্কুল কেঙ্গু জিলাগী মহৈরোয় অমনি। সর ঐহাক্কী ৱাহং অসি লাইরিক পারিঙৈগী মমল য়াম্লবা মতম অসিদা দিস্ত্রেক্সন অমা ওইহনবগী মহুৎ মোবাইল তেক্নোলোজীগী কান্নবশিং অসি খুৎলাই অমা ওইনা শিজিন্নদুনা একজাম স্ত্রেস অসি করম্না নীংথিনা কোকহন্নবা মহৈরোয়শিংবু করম্না ৱাখল তাহনগনি অমসুং পুক্নিং থৌগৎকনি। থাগৎচরি সর।

থৌরম লান্থোক্লিবা– থাগৎচরি অভিনব। চন্দ্রেশ জেন, পুজা অমসুং অভিনবগুম্বা মীওই কয়ানা পুন্সিদা সোসিএল মেদিয়া অমসুং তেক্নোলোজীনা পীরিবা প্রেসর হেনগৎলকপনা চৈথেং পীরি। মখোয়না তেক্নোলোজীদা মীপাল তাংবা করম্না হন্থহনগনি অমসুং মসিবু হেন্না শিজিন্নবগী সাইদ ইফেক্তশিং অসি করম্না ঙাকথোক্কনি? হীরম অসিদা অদোমগী পাউতাক পীবীয়ু।

প্রধান মন্ত্রী– য়েংঙু, ঐখোয়গী শাস্ত্রাশিংদা লোয়ননা ঐখোয়গী নোংমগী পুন্সিদা হায়নবা লৈ… করিগুম্বা অমগী কাহেনবা অসি কনাগুম্বা অমদা অফবা ওইদে। পুম্নমক স্তেন্দর ওইনা লৈগদবনি অমসুং মসিদা য়ুম্দম ওইগদবনু। য়েংবীয়ু ইমানা য়াম্না অহাওবা শেম্বীরি…মসিদা মচি ওইবা কয়া য়াওরি… মহাও অসি অদোমগী অপাম্বগী মতুং ইন্ননি…চাবগী মতমসু ওইরে…অদুবু চারি, চারি, চারি। ইমানা হাপ্পীরি। ওক্লব্রা? ওক্লব্রা? করিগুম্বা মতমদা ইমা ওক্লে, ঐ পুক থল্লে, ঐ চাবা ঙমলরোই হায়গনি। অদোম্না পাম্বা ওইরবসু মদুদা চারিবা অদু মচি ওইবা ওইরবসু মদুনা অদোমদা অৱাবা পীগদবা, অদোমবু ওনীংবা পোকহনবা, হকচাংদা অনাবা পোকহনবা য়াওরক্কনি। অদোম্না ফনা পাম্লবসু অদোম্না চাবা লেপ্পা মথৌ তাগনি, তারোইদ্রা?

মতৌ অসুম্না মোবাইলদা অদোম্না পাম্বা কয়া য়াওজরবসু করিগুম্বা মতমদা মদু শেম্বা মথৌ তারক্কনি। হৌজিক মতম অসিদা ঐহাক্না মীওই কয়া উবদা মখোয় অসি চিন্দনতা লৈবা উই। অদুবু নখোয়না উবা ফংলমগনি মদুদি য়াম্না তাংনা ঐনা খুৎতা মোবাইল পাইবা থেংনগনি। মসি ঐহাক্না পাউ ফাওননবা মরু ওইবা পাম্বৈ অমনি হায়নসু খল্লি, অদুবু মসি করম্না শিজিন্নবা, কয়া য়াম্না শিজিন্নবা অসি নৈনবা তাই। মমা মপা অনি অসিগী সমস্যা অসি মখোয় অনি খক্তগী নত্তে মমা-মপা পুম্নমক্কীনি। মসিদা য়াওদবা হায়বা অসি তাংনা থোক্কনি। মসিগী চৈথেং অসি মসিনা নখোয়গী পুন্সিদা শাওনীংবা পোকহল্লি। ইমুং অমদা মীওই মরিনা য়ুমগী কাচিন অমমদা ফমদুনা মেসেসশিং ফোর্ৱার্দ তৌনৈ। অঙাংশিং অরোন অথুপ তৌই মরম অসিনা মসিনা চাউনা থাজনদবা থোকহল্লি। করিগুম্বা মমানা ফোন পাইরুরবদি লাঞ্জাও অমা থোকই।

ঐনা খনবদা য়ুমদা কাংলোন খরা শেম্বা মথৌ তাই, খুদম ওইনা চাক চারিঙৈদা দাইনিং তেবল অসি নো ইলেক্ত্রোনিক গেদজেৎ জোন ওইহনবা। মীপুম খুদিংমক্না ৱারী শাদুনা চাক চাগনি। ঐখোয়না মসিগী কাংলপন অসি ঙাক্না চৎপা য়াই। য়ুম মনুংদা নো গেদজেৎ জোন থম্মু, মসি ঐনা মমাংদসু হায়খ্রে। নুংশিনা ফম্মিনদুনা ৱারী শাবগী নুংঙাইরবা এৎমোস্ফিয়র অমা ইমুং মনুংদা মথৌ তাই।

অহুমশুবদা নখোয় নশাগীদমক হৌজিক তেক্নোলোজীদগী নান্থোকপা য়াররোই, তেক্নোলোজী অসি পোৎলুম অমা ওইনা লৌরোইসি, ঐখোয়না তেক্নোলোজীদগী চেন্নবা হোৎনরোইসি, অদুবু মসি নীংথিনা শিজিন্নবা তম্বসু চপ মান্ননা তঙাই ফদে। অদোম্না করিগুম্বা তেক্নোলোজী য়াম হৈরবা…অদোমগী ইমা ইপানা মসিগী লোইশিং লৈতবা তারবদি অহানবদা অদোমগী থৌদাং অসি মখোয়দা মোবাইল ফোন্দা করি য়াওবগে খঙহনবা…মখোয়দা তাকপীবা..মখোয়দা থাজহনবা অসিনি। য়েংঙু ঐহাক্না মেথস্তা মসি ফংই, কেমিস্ত্রীদা মসি ফংই, হিস্তরীদা মসি ফংই। নত্ত্রবদি মখোয়না মোবাইল অসি মরুপশিংগা পাও ফাওনদুনা লৈনবা, রিল য়েংনবনি খনখিগনি। ঐখোয়গী ইমুং মনুং পুম্বনা করি তৌরি খঙহনবা মথৌ তাই। ইমুংগী মীওই খুদিংমক্না মোবাইল খুদিংমক এক্সেস তৌহনগদবনি করিগুম্বা ত্রান্সপরেন্সী লৈরবদি ফত্তবদগী ঙাকথোকপা ঙমগনি, পাসৱার্দ শিয়র তৌনবনা অফবা পুরক্কনি।

অনিশুবদা নখোয়না অদোমগী স্ক্রীন তাইম মোনিতর তৌরিবা এপ দাউনলোদ তৌদুনা থমগদবনি। মসিনা নখোয়দা ঙসিগী স্ক্রীনতাইম হেল্লি হায়না খঙহল্লক্কনি। অসুম্বা এলর্ত তুলশিং হেন্না লৈরবদি ঐখোয়গী গেদজেৎশিং ঐখোয়না কাহেন্না শিজিন্নরে লেপ্পা মতম ওইরে হায়না খঙহনগনি। মসিগা ইরোইননা মসিবু পোজিতিব ওইনা শিজিন্নহনগনি। খুদম ওইনা ঐনা করিগুম্বা অমা ইবদা চপ চাবা ৱাহং ফংদ্রবদি দিক্সনার অমা মথৌ তাই।

ঐহাক্না দিজিতেল সিস্তেম শিজিন্নদুনা মসিগী কান্নবা লৌবা য়াই। ঐনা অঙ্কাগী ফোর্ম্যুলা নীংশিংদ্রবদি দিজিতেল সপ্পোর্ত সিস্তেমদা হংদুনা মসিদগী কান্নবা লৌই। মোবাইলগী পোজিতিব ওইবা কান্নবা অসি করিনো, মসি ক্লাসরুমদা পোজিতিব ওইনা শিজিন্নরদি করি তৌবা য়াই। ক্লাসরুমদা মসিগী মতাংদা মিনিৎ 10-15 খন্নবা য়াই। মহৈরোয় অমা হেক্তনা ৱেবসাইৎতা ঐনা মসি উখি হায়না মাগী এক্সপরিয়েন্স শিবর তৌবা য়াই। য়েংঙু অঙাংশিংদা তুর প্রোগ্রাম অমা লৈরে মফম অমদা চৎকনি খঙহল্লবা, অঙাংশিংনদা ‘ঐখোয় জয়শলমর চৎকনি’ হায়রদুনা ওনলাইনদা লৈদুনা জয়শলমরগী মতাংদা প্রোজেক্ত রিপোর্ত শেম্নবা হায়গনি। মখোয়না মতম অদুদা পোজিতিব ওইনা শিজিন্নবগী হৈনবী দিবেলপ তৌগনি,ঐখোয়দা মতেং পাংনবা ফেসিলিতী কয়া য়াওরি মসি শিজিন্নগদবনি হায়না ফাওগদবনি। নখোয়না পোজিতিব ওইনা হেন্না শিজিন্নরিবা মখৈ নখোয়না কান্নবা হেন্না ফংগনি। অদুবু করিগুম্বা ঐখোয়না হেন্না তুং মাং য়েংনা তৌরবদি করিগুম্বা অমা লৈরবনি অমদি ইমুং মনুংদা ত্রান্সপরেন্ত ওইনা তৌরবদি হেন্না কান্নবা ফংগনি, থাগৎচরি।

থৌরম লান্থোক্লিবা– পি.এম. সরক পুন্সিদা বেলেন্স তৌবা হায়বা অসি মাইপাক্নবগীদমক য়াম্না মরু ওই। মসিগী মন্ত্র অসিনা ঐখোয়বু অচুম্বা লম্বীদা লমজিংগনি। তামিল নাদুগী কোনুং, মহাকবি সুব্রহ্মনিয়ম ভারতীগী পোক্নফম চেন্নাইগী মোদেল সিনিয়র সেকেন্দরী স্কুলগী মহৈরোয় এম. ভাগেশনা ওনলাইনগী থোংদা শরুক য়ারি অমসুং প্রধান মন্ত্রীদা ৱাহং অমা হংনীংলি। এম. ভাগেশ অদোমগী ৱাহং হংবীরো।

এম ভাগেশ – অদোমসু ওইনিব্রা? ওইনবা শেম শারিব্রা?

থৌরম লান্থোক্লিবা– থাগৎচরি এম. ভেগেশ। ঙসিগী খন্ন নৈনবগী অরোইবা ৱাহং। মহৌশাগী ফজবগী মমিং লৈরবা দেবভুমি উত্তরাখন্দগী উধম সিংহ নগরদা লৈবা দাইনাস্তী মোদর্ন গুরুকুল একাদেমীগী মহৈরোয় স্নেহা ত্যাগীনা ওনলাইনগী খুত্থাংদা শরুক য়ারি অমসুং প্রধান মন্ত্রীদা ৱাহং অমা হংনীংলি।

স্নেহা ত্যাগী– অদোম অথোইবনি, চাংদম্নবা য়ারোই অমসুং থৌনা ফবগী খুদম অমনি। অদোম ফজরবা ভারতকী তুংলমচৎনি, চহিচা অসিবু শেম্বীবনি। দেবভুমি উত্তরাখন্দদগী ঐহাক্না ইকাই খুম্নরবা প্রধান মন্ত্রীবু ইকাই খুম্নবা উৎচরি। ঐগী মিং স্নেহা ত্যাগী কৌই। ঐহাক উধম সিংহ নগরগী খাতিমদা লৈবা চিঙ্কি ফার্মগী দাইনাস্তী মোর্দন গুরুকুল একাদেমীগী ক্লাস 7 তম্লিবা মহৈরোয় অমনি। ঐহাক্কী ৱাহং অসি ইকাই খুম্নরবা প্রধান মন্ত্রীগুম্না করম্না পোজিতিব ওইনা লৈগনি?, থাগৎচরি সর।

থৌরম লান্থোক্লিবা– থাগৎচরি নেহা। প্রধান মন্ত্রী অদোমগী চিল্লবা পুন্সিদা করম্না প্রেসর হেন্দল তৌবগে, অমসুং অদোম্না প্রেসর ফনা লৈরবসু করম্না অদুমক পোজিতিব ওইনা লৈবগে, অদোম্না পুম্নমক অসি করম্না তৌবগে, অদোমগী পোজিতিব ইনর্জীগী অরোনবা মন্ত্র অদু ঐখোয়দা শিয়র তৌবীয়ু, প্রধান মন্ত্রী।

প্রধান মন্ত্রী- মসিগী মতাংদা পাউখুম কয়া লৈরম্বা য়াই। অহানবদা ঐহাক্না নুংঙাইরিবা অসি নখোয়না প্রধান মন্ত্রীনা প্রেসর কয়া মায়োক্নৈ খঙবীরম্বা অসিনি। নৎত্রবদি নখোয়না এরোপ্লেন, হেলিকোপ্তর তোংদুনা চৎনীংবদা চৎপা ফংলি খঙলম্বা য়াই, অদুবু নখোয়না খঙলিদুনি তোঙান-তোঙানবা মখল কয়াগী নুমিৎ থেংনরি। তশেংবদি ফীভম অসি নত্তনা মীপুম খুদিংমক্কী পুন্সিদা অতৈ হীরম কয়া লৈরি মখোয়বু মেনেজ তৌবা মথৌ তারি। ঐখোয়না খল্লুদবা কয়া পর্সনেল লাইফতা, ইমুং মনুংদা থোক্লি মদু ঐখোয়না মেনেজ তৌবা তারি। খুদম ওইনা অচৌবা নোংলৈ নুংশিৎ অমা লাক্লে, ঐখোয়না ফমদুনা মদুবু লোইবা ঙাইসি, ক্রাইসিস অমা থোক্লে মতমগা ইরোইননা লোইখিগনি ফমদুনা ঙাইয়ু। অসুম্না তৌবনা পুন্সিদা করিগুম্বা অমত্তা ফংবা ঙমলোই। ঐনা অসুম্না খল্লি অমসুং মসিগী কান্নবা লৈ। ঐদি শিংনবা খুদিংমক মায়োক য়ানবা হোৎনৈ। শিংনবা অদু চৎখিগনি, ফীভম অদু ফগৎলক্কনি, ঐদি তুমদুনা মদু ঙাইদুনা লৈথোক্তে। মরম অসিনা ঐনা অনৌবা পরা কয়া তমশিনবা ফংলি। ঐহাক্না ফীভম খুদিংমক থেংননবা অনৌবা পাম্বৈ দিবেলপ তৌবগী হৈনবী লৈ, অনৌবা এক্সপরিমেন্ত, অনৌবা লালোং অদুমক দিবেলপ তৌরি। অনিশুবদা ঐহাক ইশাদা থাজবা য়াম্না থম্মি। মতম চুপ্পদা থোক্নীংবা থোক্লবসু ঐগী ইরৈবাকচা করোর 140না ঐগীদমক লেপ্পী খল্লি। করিগুম্বা শিংনবা 100 মিলিয়ন  লাক্লবা মুদগী সোল্যুস বিলিয়ন অমা লৈগনি। ঐনা কৈদৌনুংদা ইথন্তানি খনবা তৌদে। ঐনা মতম চুপ্পদা খঙই মদুদি ঐগী লৈবাক অসি শক্তি লৈ, ঐগী লৈবাক্কী মীয়াম অসি শক্তি লৈ, ঐগী লৈবাক্কী মীয়ামগী ৱাখল্লোনশিং অসি শক্তি লৈ, ঐখোয়না শিংনবা খুদিংমক থেংনবা ঙমগনি। ঐগী নুংদা য়াওরিবা ফন্দামেন্তেল ঐনা খনবা অদুনি। অমসুং মসিনা মরম ওইদুনা ঐনা ঐগীদমক মীওই করোর 140 লৈ খল্লি। করিগুম্বা অমা শোইরদবি অদুগী চৈথেং থেংনবা তাই। মসিনা ঐগী লৈবাক্কী পাঙ্গল ওইরি। ঐনা লৈবাক্কী শক্তি হেনগৎহন্নবা ঐগী ইনর্জী কত্থোক্লি। ঐগী ইরৈবাকচাগী শক্তি হেনগৎহল্লিবা মখৈ, ঐখোয়না শিংনবশিং মায়োক্নবা ঙম্নবা শক্তি হেন্না হেনগৎকনি।

হৌজিক ভারত্তা লৈরিবা সরকার খুদিংমক্না লায়রবগী সমসা অসি মায়োক্নবা তাই। ঐখোয়গী লৈবাক অসিদা ক্রাইসিস শোইদনা থেংনগনি। অদুবু ঐহাক্না কিবদগী ফমদুনা লৈথোক্তে। ঐহাক্না মদুগী লম্বী থীনবা হোৎনৈ অমসুং ঐহাক্না খল্লি করম্বা সরকারনা লায়রবা মুত্থৎকনি। ঐগী লায়রবা মীওই খুদংমক্না মখোয়না লায়রবা থেংনগে খল্লবা মতমদা লায়রবা মুত্থৎপা ঙমগনি। অদুনা মখোয়গী মঙলানশিং থুংহন্নবা মখোয়বু শক্তি পীবা, মখোয়দা পর্মিনেন্ত ওইবা য়ুম পীবা, মখোয়দা তোইলেৎ পীবা, মখোয়দা এজুকেসন ফংহনবা, মখোয়দা আয়ুশ্মান য়োজনাগী কান্নবা ফংহনবা, মখোয়গী য়ুমদা তোতি ঈশিং য়ৌহনবা, মখোয়না নোংমগী পুন্সিদা  থেংনবা অৱাবশিংদগী মখোয়বু মনীংতমহনবা অসি ঐগী থৌদাংনি, করিগুম্বা মখোয়বু শক্তি পীবা তারবদি মখোয়না হৌজিক লায়রবা কোক্লে মসি মাংহনখ্রসি হায়বসু য়ারক্কনি। হৌখিবা চহি তরা ঐগী তেনর মনুংদা নখোয়না উবা ফংলি মদুদি লৈবাক অসিগী মীওই করোর 25 লায়রবদগী থোকপা ঙমখি। হৌজিক অতৈ মীওইশিংনা তৌবা চাদিং অদু ঐসু তৌবা ঙম্লে। মরম অসিনা ঐনা ঐগী লৈবাক্কী শক্তি অমসুং লৈবাক্কী রিসোর্সশিংগী মপাল তাংলি। ঐখোয়না হীরমশিং অসিদা য়েংলুবদা ঐখোয়না ইথন্তনি হায়না কৈদৌনুংদা ফাওরোই। ঐখোয়না করি তৌগনি? করম্না তৌগনি? চা য়োনবা ঐনা অহানবদা মথৌ তারিবা অসি অদোম্না তৌরিবা মীশক অদুদগী মপুং ফানা থাজবা ফংবনি।  অনিশুবদা অদোমদা শঙ্গোমগী লৌশিং লৈবা তাই, করম্বনা চুম্মি, করম্বনা লাল্লি। ঙসি করি মথৌ তাই, করি মথৌ তাদে। অদোম্না মরু ওইবা অদু খন্দোকপা ঙম্বা তাই। মসি এক্সপরিয়েন্সতগী লাকপনি, মসি পুম্নমল এনালাইসিস তৌবদগী লাকপনি। অহুমশুবদা করিগুম্বা ঐনা অশোইবা অমা তৌরবসু মদু ঐদি পরা অমা ওইনা লৌই। ঐনা মদু নীংহন্ননবা মচাক অমা ওইনা লৌদে। নখোয়না খঙলে কোবিদ লাইচৎ অদু কয়া য়াম্না তমথীখি, মদু অরাইবা শিংনবা ওইখিব্রা? মালেম পুম্বা ফুমবংনখি। ঐগী ওইনদি ঐ করি তৌবা য়াই, করি হায়সিগে খনখি, মসি গ্লোবেল দিজিজ অমা ওইখি, মালেম পুম্বদগী লাকখি, মীপুম খুদিংমক চেকশিন্না লৈবা তাখি। ঐ তুমিন্নদি লৈথোকখিদে। ঐনা নুমিৎ খুদিংমক তিভিদা থোকখি ঐগী ইরৈবাকচাশিংগা ৱারী শাখি, করিগুম্বদা খুবাক খুন্নবা, করিগুম্বদা পুখম থিন্নবা, করিগুম্বদা মৈ থান্নবা হায়খি, মসিনা কোরোনা মাংহনবা ঙমগনি হায়বা নত্তে অদুবু মসিনা কোরোনা থেংননবা অপুনবা পাঙ্গল অমা পুথোকহল্লি। অপুনবা শক্তি অসি পুথোক্নবা মমাংদসু মীয়াম্না শান্নবুংদা থোক্তুনা মাইপাক্লগা হল্লকখি। কনাগুম্বা অমত্তনা কনা চৎলি, কনা লাক্লি হংদে। ঐহাক্না হায়খি মেদল অহুম লৌগদনি হায়খি অদুবু অঙাংশিং অসিনা মেদল 107 পুদুনা লাকখি। অচুম্বা মাইকৈ, অচুম্বা লালোং, অচুম্বা লুচিংবগী মতৌনা অফবা ফল পুরকই। শক্তি পাইরিবা অদুনা মদুবু নীংথিনা শিজিন্নগদবনি। অমসুং ঐগী গভর্নান্সকী প্রিন্সিপলশিংগী মনুংদা অমদি অফবা সরকার অমা চল্লাইবনি অমসুং সমস্যাশিং অদু কোকহনবনি, মখাদগী অচুম্বা ই-পাউ পীবনি, মথক্তগী মখা ফাওবা নীংথিনা লমজিংবীবনি। করিগুম্বা চেনেল অসি নীংথিনা লৈরবদি মাগী কম্ম্যুনিকেসন, মাগী এরেঞ্জমেন্ত, মাগী প্রোতোকলশিং অসি নীংথিনা তৌরবসু অদোম্না পুম্নমক হেন্দল তৌবা ঙমগনি।

কোরোনা অসি অচৌবা খুদম অমনি। মরম আসিনা ঐখোয়না পুন্সিদা নীংহন্নবা তৌবগী মরম লৈতে, করিগুম্বা ৱাখলদা অমুক লেপখ্রবদি ঐখোয়না পোজিতিবিতী লৈহনগদবনি। অমসুং ঐগীদমক্তদা নীংহন্নবগী থোং পুম্নমক লোইশিনখ্রে। ঐহাক্না কাচিন অমত্তা, অপীকপা থোংনাও অমত্তা হাংদোক্তুনা নীংহন্নবা লাক্নবা লম্বী থমদে। অমসুং ঐহাক্না থাজৈ থাজবা লৈরবা মতমদা ঐখোয়না পুন্সিগী পান্দমশিং থেংনবা ঙমগনি। অনিশুবা সিনা পর্সনেল ইন্তরেস্ত লৈত্রবদি ঐখোয়না করিগুম্বা অমা তৌনবা খনবা মতমদা মদু ৱারেপ ওই, মসিদা চীংনবা পোক্লোই। অমসুং মসিনা ঐগী খ্বাইদগী চাউবা লন ওইরি। ঐগী ওইনা করিসু তৌদে, ঐনা তৌরিবা অসি লৈবাক্কী খক্তনি। অমসুং নখোয়গী ইমা-ইপানা থেংনখিবা অৱাবা অদু নখোয়না অমুক থেংনবা অদু পামদবদগী মসি তৌরিবনি। মরুপশিং, নখোয়গী তুংগী মীরোলশিংনা অমসুং নখোয়গী  অঙাংশিংনা মপুং ফানা লৈশাৎ তম্মিবা অদুগুম্বা লৈবাক অমা শেমগৎনবা হোৎনসি, ঐখোয়গী পোতেন্সিএল উৎআ অসি ঐখোয়গী অপুনবা ফিরেপ ওইহল্লসি। মরম অসিনা মরুপশিং পোজিতিব ওইনা খনবা অসি পু্সিগী খ্বাইদগী অথোইবা শক্তিনি। য়াম্না ৱারবা মতমদসু পোজিতিব ওইনা উবা তমসি। থাগৎচরি।

থৌরম লান্থোক্লিবা– পি.এম. সর অদোম্না ঐখোয়গী ৱাহং পুম্নমক য়াম্না লাইনা অমসুং থুনা পাউখুম পীবিরি। ঐখোয়, মমা-মপা অমদি ওজাশিংনা অদোমগী মতম চুপ্পদা লমন তোনশিল্লে। ঐখোয়না মতম চুপ্পদা একজাম ৱারিয়র (Warrior) ওইগনি ৱারিয়র (Worrier) ওইরোই। থাগৎচরি ইকাই খুম্নরবা প্রধান মন্ত্রী।

প্রধান মন্ত্রী – ৱাহং হংবা লোইরব্রা।

থৌরম লান্থোক্লিবা– উচেক খরনা নোংমৈ নুংশিৎ মরক্তা পাইরি, মখোয়দা মপাঙ্গল লৈ অমসুং শোইদনা থৌনা লৈগনি, করিগুম্বা নখোয়না অসুম্না মাংদা চংশিল্লবদি নোংমদি সমুদ্র য়ৌগদবগী অরাপ্পা অসি শোইদনা তেনশিনগনি। অরাপ্পা শোইদনা হন্থগনি।

প্রধান মন্ত্রী – অঙাংশিং অসিনা তৌরিবা মতৌ অসি শোইদনা উরমগনি মসি নখোয়গী স্কুল-কোলেজতসু শোইদনা মখোয়দগী তমশিল্লু।

থৌরম লান্থোক্লিবা– ‘পরিক্ষা পে চর্চা 2024’গী অখন্নরবা অয়ুক অসি হৌখিবগা লোয়ননা ঐহাক্না ইকাই খুম্নরবা প্রধান মন্ত্রী, শ্রী নরেন্দ্র মোদীজীবু মহাক্কী লৌশিং লৈরবা পাউতাক অমসুং ইথিল পীরিবা ৱাফমশিংগীদমক থমোয় শেংনা থাগৎপা ফোঙদোকচরি। ঙসি প্রধান মন্ত্রী সরনা নন্নূল কৌবা লাইরিক্তা পীরমখিবা পরাশিং অদুবু মগুন হাপখি। মহাক্কী পাউতাকশিং অসিনা ঐখোয়গী লৈবাক শিনবা থুংবদা লৈরিবা মহৈরোয়শিং, ওজাশিং অমসুং মমা-মপাশিংদা ইথিল পীরি। অমুক হন্না থাগৎচরি পি.এম.সর।

প্রধান মন্ত্রী – ফরে মরুপশিং নখোয় পুম্নমকপু হন্না হন্না থাগৎচরি। অদুগা হায়রিবা থৌনা অসিগা লোয়ননা নখোয়গী ইমুং মনুং , নখোয় নশামক্তা মপুং ফানা থাজবা লৈহন্দুনা অফবা ফলশিং পুরক্লগনি অমসুং মসিনা নখোয়না হিংবা পাম্লিবা পুন্সী মহিং অদুগী হৈনবী অমা ওইরক্লগনি হায়না ঐহাক্না থাজবা থম্লি। অদুগা অদোম্না পাম্বা ফলশিং অদু ফংবা ঙম্লগনি, ঐহাক্না পুম্নমকপু য়াইফ-মঙ্গোল পীজরি। থাগৎচরি।।

***