মন্ত্রীমন্দল
মেদিকেলগী পোৎথোকশিংগী চৎন-কাংলোনশিংগী মতাংদা মতেং পীননবা ভারত অমসুং ইক্বেদোরগী মরক্তা মেমোরেন্দম ওফ অন্দরস্তেন্দিং লৈনবা মন্ত্রীমন্দলনা অয়াবা পীরে
Posted On:
18 JAN 2024 12:58PM by PIB Imphal
মেদিকেলগী পোৎথোকশিংগী চৎন-কাংলোনশিংগী মতাংদা মতেং পীননবা ভারতকী হেল্থ অমসুং ফেমিলি ৱেলফিয়ার মিনিস্ত্রিগী সেন্ত্রেল দ্রগস স্তেন্দার্দ কন্ত্রোল ওর্গনাইজেসন(সি দি এস সি ও) অমসুং ইক্বেদোরগী এজেন্সিয়া নাসিওনেল দে রিগুলেক্সন, কন্ত্রোল ৱাই ভিজিলান্সিয়া সানিত্রিয়া-এ.আর.সি.এস.এ, দোক্তর লিওপোলদো ইজকুইতা পেরেজগী মরক্তা নবেম্বর ৭, ২০২৩ দা খুৎয়েক পীনখিবা মেমোরেন্দম ওফ অন্দরস্তেন্দিং প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
কান্নবা:
লৈবাক অনিগী মরক্তা মেদিকেলগী পোৎথোকশিং অমসুং মরী লৈনবা চৎন-কাংলোনশিংগী লমদা ই-পাউ পীনবা অমসুং মতেং পীনবদা এম.ও.য়ু অসিনা হেন্না ফগৎহনগনি। মালেমগী কৈথেলশিংদা থেংনরিবা মগুন হন্থবা, নমথাক তৌবা হিদাক-লাংথকশিংগী খুদোংচাদবশিং থেংননবা এম.ও.য়ু অসি খুৎয়েক পীনদুনা রিগুলেতরি এজেন্সিশিংগী মরক্তা পুন্না থবক তৌমিন্নবগী খুদোংচাবা পীগনি।
থবক ফংবগী খুদোংচাবা:
চৎন-কাংলোনগী থবকশিং পুনশিনবা অসিনা ভারত্তগী হিদাক-লাংথকশিং মপান্দা থাদোকপা হেনগৎহনবদা মতেং পাংগনি অমসুং মখা তানা ফার্মাসিউতিকেল সেক্তরদা লাইরিক-লাইশু হৈরিবা শীনফম অসিগী মীওইগী থবক ফংনবগী খুদোংচাবশিং পীগনি।
অত্মানির্ভর ভারত:
এম.ও.য়ু অসিনা মেদিকেলগী পোৎথোকশিং মপান্দা থাদোকপদা মতেং পাংদুনা ফোরেন একচেঞ্জশিং ফংহনবা ঙমগনি। মসি অত্মানির্ভর ভারত অমগী মাইকৈদা থাংজিনবা খোঙথাং অমা ওইগনি।
নুঙগীৱারোল:
সি.দি.এস.সি.ও অসি হেল্থ অমসুং ফেমিলি ৱেলফিয়ার দিপার্তমেন্তগী এত্তেচ ওফিস অমা ওইরিবা দাইরেক্তোরেত জেনেরেল ওফ হেল্থ সর্বিসেসকী সবোর্দিনেত ওফিস অমনি। সি.দি.এস.সি.ও ভারত্তা হিদাক-লাংথকশিং, মেদিকেলগী খুৎলায়শিং অমসুং অকে-অমৌগী পোৎলমশিংগী নেসনেল রিগুলেতোরি ওথোরিতিনি। এজেন্সিয়া নাসিওনেল দে রিগুলেক্সন, কন্ত্রোল ৱাই ভিজিলান্সিয়া সানিত্রিয়া-এ.আর.সি.এস.এ, দোক্তর লিওপোলদো ইজকুইতা পেরেজনা অসিগুম্বা পোৎথোকশিংগী মতাংদা ইক্বেদোরগী রিগুলেতোরি এজেন্সিনি।
*****
(Release ID: 1997423)
Visitor Counter : 74
Read this release in:
Tamil
,
English
,
Urdu
,
Hindi
,
Nepali
,
Marathi
,
Bengali
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam