প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেতকী মফমদা ভারত সরকারগী ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় অমসুং কেনয়া সরকারগী ইনফোর্মেসন, কম্ম্যুনিকেসন অমসুং দিজিতেল ইকোনোমী মন্ত্রালয়না দিজিতেল ত্রান্সফোর্মেসন পুরক্নবা পোপ্যুলেসন স্কেলদা পায়খৎপা মায় পাক্লবা দিজিতেল সোল্যুসন শেয়র তৌনবদা তেংবাংননবা দিসেম্বর 5, 2023দা খুৎয়েক পীনখিবা মেমোরেন্দম ওফ অন্দর্স্তেন্দিং (MoU)গী মতাংদা খঙহনখ্রে।

অকুপ্পা ৱারোল:

MoU অসিনা লৈবাক অনিমক্তা পায়খৎলিবা দিজিতেল ত্রান্সফোর্মেসনগী খোঙথাংশিং পায়খৎপগী মতাংদা নক্ননা তেংবাংনবা অমসুং এক্সপেরিএন্সকা লোয়ননা সোল্যুসন্দা য়ুম্ফম ওইবা দিজিতেল সোল্যুসন লান্নবগী থৌওংবু হেন্না খুমাং চাউশিলহনবগী পান্দম থম্লি।

থবক পায়খৎপগী থৌরাং অমসুং পান্দমশিং:

MoU অসি পার্তীশিংনা খুৎয়েক পীনখিবা নুমিত্তগী চৎনবা হৌগনি অমসুং মথংগী চহি 3 ফাওবা চৎনগনি।

পীগদবা শাফু:

দিজিতেল পব্লিক ইনফ্রাস্ত্রকচর (DPI)গী লমদা লৈরিবা G2G অমসুং B2Gগী বাইলেতরেল কোওপরেসন অনিমক হেন্না ফগৎহল্লগনি।

বেনেফিশরী মশিং:

MoU অসিনা তেংবাংনবগী চাং হেনগৎহন্দুনা ITগী লমদা থবক্কী অহেনবা খুদোংচাবা লৈহনবা পাম্লি।

বেকগ্রাউন্দ:

MeitYনা ICT দোমেন্দা বাইলেতরেল অমসুং মলতিলেতরেল কোল্লাবোরেসন লৈহন্নবা লৈবাক অমসুং মলতিলেতরেল এজেন্সী কয়াগা তেংবাংনরি। MeitYনা মতম খরগী মনুংদা তোঙান-তোঙানবা লৈবাক কয়াগী মখোয়গী খোঙলোই ওইবা ওর্গনাইজেসন/এজেন্সীশিংগা ICT দোমেন্দা তেংবাংনবা অমসুং ই-পাউ লান্নবগী থৌওংদা খুমাং চাউশিলহন্নবা MoU/MoC/এগ্রীমেন্ত কয়াগী খুৎয়েক পীনখ্রে। মসিদি ভারত সরকারগী দিজিতেল ইন্দিয়া, আত্মানির্ভর ভারত, মেক ইন ইন্দিয়ানচিংবা লৈবাকপু দিজিতেলগী পাঙ্গল লৈবা খুন্নাই অমসুং লৌশিংগী শেন্মিৎলোন ওইহন্নবা পায়খৎলিবা খোঙথাং কয়াগী মখা পোনবনি। মসিগুম্বা এক্সচেঞ্জ পেরাদাইম অসিদা, কারবারগী চাউরবা খুদোংচাবা কয়া থীদোকপা, খ্বাইদগী ফবা থৌওং লান্নবা অমসুং অমগা-অমগা তেংবাংনবা হেনগৎহন্নবা দিজিতেল সেক্তরদা ইনভেস্তরশিংগী পুক্নিং চীংশিনবগী মথৌ য়াম্না তারক্লি।

হৌখিবা চহি খরসিদা, ভারতনা দিজিতেল পব্লিক ইনফ্রাস্ত্রকচর (DP) পায়খৎপগী মতাংদা লুচিংবগী থৌওং কয়া উত্তুনা লাকখ্রে অমসুং কোবিদ লাইচৎ মনুংদা মীয়ামদা সর্ভিস কয়া মায় পাক্না পীবসু ঙমখ্রে। মসিগী মহৈ ওইনা, লৈবাক কয়া অমনা ভারতকী এক্সপেরিএন্স খঙনীংবগী মতৌ উৎলকখি অমসুং ভারতকা MoU কয়াগী খুৎয়েকসু পীনখ্রবনি।

ইন্দিয়া স্তেক সোল্যুসন অসিদি DPIনা শেমগৎপা অমসুং ভারতনা পোপ্যুলেসন স্কেলদা পব্লিক সর্ভিস নীংথীনা অমসুং পাক-শন্না পীবা ঙম্নবা পায়খৎপা খোঙথাং অমনি। মসিনা কন্নেক্তিবিতী হেনগৎহনবা, দিজিতেল ইনক্লুজন খুমাং চাউশিলহনবা অমসুং পব্লিক সর্ভিস মওং মরিল চুম্না ফংহনবগী পান্দম থম্লি। হায়রিবশিং অসি ওপন তেক্নোলোজী শিজিন্নদুনা শাবনি, অমগা অমগা ওপরেবল ওইনৈ অমসুং ইন্দস্ত্রী অমসুং খুন্নাইনা শরুক য়াহন্নবা মওংদা শেম শাবনি, অমসুং থৌওং অসিমক্না ইন্নোভেতিব ওইবা অমসুং ইনক্লুসিব ওইবা ৱারোইশিন পুহল্লকপা ঙম্লিবনি। অদুবু, DPI শেমগৎপা মতমদদি, বেসিক ওইবা মথৌ মান্নরগসু লৈবাক খুদিংগী মশাগী তোপ-তোপ্পা তঙাই ফদবা অমসুং শিংনবা লৈ অদুনা মালেমগী কোওপরেসন অমগী তঙাই ফদবা লৈহল্লি।

***