দিয়ুদা লৈবা অমকপা য়াওদ্রবা ব্ল্যু ফ্লেগ সর্তিফাইদ ওইরবা ঘোঘলা বীচতা পাঙথোকখিবা ভারতকী অহানবা মলতি-স্পোর্তস বীচ গেমস, বীচ গেমস 2024 অসি গোল্দ 7 য়াওনা অপুনবা মেদল 18 লৌবা ঙমদুনা মেদল তেল্লীদা মকোক্তা লৈদুনা কংফালনা কোইশিন্দুনা লৈবা মধ্য প্রদেশনা ওভরওল চেম্পিয়ন ওইদুনা লোইশিনখি। শীংথানীংঙাই ওইবা মাইপাকপা অসিনা মধ্য প্রদেশকী কন্তিঞ্জেন্তগী স্পোর্তসকী হৈথোই-শীংথোইবা অদু উৎখিবতা নত্তনা রাজ্য অসিদা লৈরিবা তেলেন্ত য়োকখৎলিবা অদুসু উৎখি।

মহারাস্ত্রনা গোল্দ 3 য়াওনা মেদল 14 ফংখি, অমরোমদা তামিল নাদু, উত্তরাখন্দ অমসুং য়ুম্বু দাদরা, নগর হবেলি, দিয়ু অমসুং দামন্না মেদল 12 লৌখি। অসামনা মেদল 8 লৌখি মসিদা গোল্দ 5 য়াওখি।

নুংঙাইরবা ইভেন্ত অসিদা লক্ষদ্বীপনা বীচ সোসরদা গোল্দ মেদল লৌখি, মসিনা অমকপা য়াওদ্রবা ঈথৎ লমদম অসিগী ওইনা পুৱারী ওইরবা মাইপাকপা অমা ওইখি। মখোয়না নীংথিনা লম্বা তৌনদুনা ফাইনেলদা মহারাস্ত্রবু 5-4দা মাইথিবা পীখি। লক্ষদ্বীপকী মাইপাকপা অসিনা মেদল ৱিনরশিংদা দাইভর্সিতী হাপকৎপা খক্তা নত্তনা দিয়ু বীচ গেমস 2024গী ইনক্লুসিব অমসুং লৈবাক শিনবা থুংবদা পীরিবা শাফু অদুসু উৎখি।

মেৎচ ওফিসিএল 205না সপ্পোর্ত তৌবা রাজ্য 28 অমসুং য়ুনিয়ন তেরিরোরীশিংদগী চহি 21গী মখাদা লৈবা এথলীথ 1404না তোঙান-তোঙানবা দিসিপ্লিনশিংদা শরুক য়াখিবা লোয়ননা জনুৱারী 4-11 ফাওবা স্পোর্তিং এক্সিলেন্স অসিনা মীৎয়েং চীংশিনখি। 

গেমস অসি নুমিৎ খুদিংগী সেসন 2 থোক্না পাঙথোকখি। মোর্নিং সেসন অসি অয়ুক পুং 8দগী হৌরগা নুমিৎ য়ুংবদা লোইশিনখি, মতুংদা অফতরনুন সেসন অসি নুংথিল পুং 3দা হৌখি। সেদ্যুল অসুম্না তৌবা অসিনা চুনবা ৱেদর কন্দিসনশিংদা এথলীথশিংগী পরফোর্মেন্সশিং ওপ্তিমাইজ তৌবতা নত্তনা থৱায় য়াওনা য়েংলিবা ভাবোলশিংগীদমক দাইনামিক অমসুং নুংঙাইরবা য়েংবগী এক্সপরিয়েন্স ফংহল্লি।

থৌরি চীংবীগী নুংঙাইরবা কুহ্মৈদগী হৌরগা সমুদ্রদা ইরোইবা, পঞ্চক সিলেক্কী মার্সিএল আর্তিস্ত্রী, মল্লখম্বগী এক্রোবেতিক দিস্প্লেশিং, বীচ ভোল্লীবোলগী খোঙজেল য়াংবা এক্সন, বীচ কব্বদীগী হৈশিংনা লম্বা তৌনবা, অমসুং বীচ সোসরগী ফজরবা কিক অমসুং পাঞ্জলশিং, স্পোর্ত খুদিমক্না ইভেন্ত অসিদা অখন্নবা শক্তম অমা পীখি। বীচ বোক্সিংগী দিব্যুতনা নুংঙাইবগী এক্সত্রা লেয়র অমা হাপখি, শরুক য়ারিবশিং অমসুং অয়েংবশিং অনিমক্কী ওইনা পুক্নিং চীংশিন্নীংঙাই ওইহল্লি অমসুং মসিনা লৈবাক্কী এথলেতিক জর্নীদা পুৱারী ওইরবা মীকুপ অমা ওইরি।

য়ুথ এফিয়র্স অমসুং স্পোর্তসকী কেন্দ্র মন্ত্রী অনুরাগ থাকুরনা Xতা (ত্বিত্তর হান্না খঙনরম্বা) ইভেন্ত অসিগীদমক মহাক্কী সপ্পোর্ত অমসুং নুংঙাইবা অদু ফোঙদোকখি। মহাক্না অসুম্না কেপ্সন পীদুনা পোস্ত তৌখি “এথলীথশিংগী ইনর্জী অমসুং দিয়ুগী ফজবনা মমাংদা অমুক্তা ওইখিদ্রিবা ফজবা অমসুং নুংঙাইবা অমা ফংহল্লি”। মহাক্না মখা তারদুনা হায়খি, গুজরাতকী সমুদ্র খোঙবানদা লৈবা দিয়ুদা ইহান হানবা বীচ গেমস পাঙথোকপগা লোয়ননা ভারতকী বীচশিংদা অনৌবা পুন্সি পীনবা প্রধান মন্ত্রী নরেন্দ্র মোদীগী বিজনবু ইনোৎ হাপখি।

ভারত অসি মালেমগী খ্বাইদগী ফজরবা বীচশিংগা লোয়ননা ফজরবা জিওগ্রাফী লৈ। ভারত্তা লৈরিবা বীচশিংদা 12দি সস্তেনেবল তুরিজম থৌগৎলদুনা খ্বাইদগী লুনানবা বীচ ওইনা ব্ল্যু ফ্লেগ সর্তিফিকেসন পীখি। অদুম ওইনমক লৈবাক্কী বীচশিং অসি নীংথিনা এক্সপ্লোর তৌবা য়ৌদ্রি। মরম অসিনা দিয়ু বীচ গেমস মাইপাক্না পাঙথোকখিবা অসি নুংঙাইরবা পাউ অমা ওইরি।

দিয়ুদা পাঙথোকখিবা বীচ গেমস 2024গী শক্তমশিং

*****

PPG/SK