প্রধান মন্ত্রী শ্রী নরেন্দ্র মোদীনা জনুৱারী 8-10দা গুজরাত্তা চৎকনি।

জনুৱারী 9গী অয়ুক্কী চাউরাকপা পুং 9.30 তাবা মতমদা, প্রধান মন্ত্রীনা গান্ধীনগরদা থুংগনি, মহাক্না মফমসিদা মালেমগী লুচিংবশিংগা বাইলেতরেল মীফম ফমগনি অমসুং মসিগী মতুংগী থৌরম ওইনা, মহাক্না মালেমগী মকোক থোংবা কোর্পোরেসনশিংগী CEOশিংগা ৱারী শাগনি। মসিগী মতুংদা, মহাক্না নুংথিলগী চাউরাকপা পুং 3 তাবা মতমদা, মহাক্না ভাইব্রেন্ত গুজরাত গ্লোবেল ত্রেদ শো হৌদোক্কনি।

জনুৱারী 10গী অয়ুক্কী চাউরাকপা পুং 9.45 তাবা মতমদা, মহাক্না গান্ধীনগরগী মহাত্মনা মন্দিরদা ভাইব্রেন্ত গুজরাত গ্লোবেল সম্মিৎ 2024 হৌদোক্কনি। মখা তারকপা ওইনা, মহাক্না মালেমগী মকোক থোংবা কোর্পোরেসনশিংগী CEOশিংগা মীফম অমসু ফমগনি। প্রধান মন্ত্রীনা নুংথিলগী 5.15 তারকপা অদাইদা গিফ সিতীদা চৎকনি অমসুং মসিদা পাংথোকপা গ্লোবেল ফিনতেক লীদর্শিপ ফোরমদা ব্যুজিনেসকী মশক নাইবা লুচিংবশিংগা উন্নগনি।

মিৎয়েং শানবা মুখ্য মন্ত্রী, শ্রী নরেন্দ্র মোদীগী লুচিং মখাদা ইং 2003দা ৱাহৌদোক থমখিবা ভাইব্রেন্ত গুজরাত গ্লোবেল সম্মিৎ অসিনা ঙসিদি কারবারগী মতাংদা তেংবাংনবা, ইনক্লুসিব ওইবা গ্রোথ অমসুং সস্তেনেবল ওইবা চাউখৎ থৌরাংগী মতাংদা লৌশিং লান্নবা অমসুং স্ত্রেতজিক পার্তনরশিপকী খাইদগী মমিং লৈবা মালেমগী ফোরম অমা ওইরে। ভাইব্রেন্ত গুজরাত গ্লোবেল সম্মিৎকী তরাশুবা ইদিসন অসি গুজরাতকী গান্ধীনগরদা জনুৱারী 2024গী 10-12 ফাওবা পাংথোক্কনি। মসিগী থীম্না “গেতৱে তু দি ফ্যুচর” ওইরি। মসিগী তরাশুবা সম্মিৎ অসিনা “ভাইব্রেন্ত গুজরাতনা মায় পাকপগী সম্মিৎ ওইরকপা চহি 20” হায়বগী হীরম অসিগী নুংঙাইবা ফোংদোক্কনি।

হন্দক্কী চহিগী সম্মিৎ অসিদা পার্ত্নর লৈবাক 34 অমসুং পার্ত্নর ওর্গনাইজেসন 16না শরুক য়াগনি। মখা তারকপদা, দোনর মন্ত্রালয়না ভাইব্রেন্ত গুজরাত প্লেতফোর্ম অসিবু শিজিন্নদুনা অৱাং-নোংপোক লমদমদা শেল থাদবদা ফংগদবা খুদোংচাবশিং উৎকনি।

সম্মিৎ অসিদা হৌজিক্কী মতমগা চুনবা হীরম, খুদম ওইনা হায়রবদা, ইন্দস্ত্রী 4.0, তেক্নোলোজী অমসুং ইন্নোভেসন, সস্তেনেবল মেন্যুফেকচরিং, গ্রীন হাইদ্রোজেন, ইলেক্ত্রিক মোবিলিতী অমসুং রিন্যুএবল ইনর্জী অমসুং সস্তেনেবিলিতীগী মাইকৈদা চঙশিনবগী সেমিনার অমসুং কনফরেন্স কয়া য়াওনা অতোপ্পা থৌরম কয়া অমা পাংথোক্কনি।

ভাইব্রেন্ত গুজরাত গ্লোবেল ত্রেদ শোগী মনুংদা কম্পেনী কয়ানা মালেমগী থাক্কী খ্বাইদগী অফবা তেক্নোলোজী শিজিন্নদুনা পুথোকপা পোত্থোক কয়া উৎকনি। ই-মোবিলিতী, স্তার্ত-অপ, MSME, ব্লু ইকোনোমী, গ্রীন ইনর্জী অমসুং স্মার্ত ইনফ্রাস্ত্রকচর হায়বসিনা ত্রেদ শো অসিদা মিৎয়েং চঙগদবা হীরম খরা ওইগনি।

***