হৌজিক চত্থরিবা বিকসিত ভারত সঙ্কল্প য়াত্রা মনুংদা নুপী ওইবী কয়ানা পি.এম. উজ্জ্বলা য়োজনাগী মখাদা LPG সিলিন্দর ফংলবা মতুং মখোয়গী পুন্সীদা লাক্লিবা অওনবশিং শেয়র তৌখি। LPG সিলিন্দর ফংহনবনা লৈবাক পুম্বগী নুপী ওইবীশিংবু শিংথানিংঙাই ওইবা মওংদা কানবা কয়া অমা ফংহল্লে। নুপী ওইবী খরদি ত্রেদিস্নেল চুলহাশিংদগী থোরকপা মৈখুদগী নিংতম্বা ফংবদা নুংঙাইবা ফাওরি, অদুগা নুপী ওইবী খরদি মৈ থনবা শীং খোমজিনবদা চংবা মতম কনবা ঙম্বা অমসুং অৱাবা কোকপদা মরুওইবা পীরি।

য়াত্রা অসিগী থা অমগী মতম মনুংদা চাউরাক্না নুপী লাখ 3.77না য়োজনা অসিগীদমক মীং চন্দুনা 2016দা মসি হৌদোকখিবদগী হৌরগা স্কিম অসিগী মখাদা হান্ননা কানবা ফংলবা করোরশিংগী মথক্তা হাপচিল্লে। য়াত্রা মনুংদা নুপী কয়া অমনা শেয়র তৌখিবা এক্সপরিয়েন্সশিং য়েংলগদি পি.এম. উজ্জ্বলা য়োজনা অসি তশেংনা শিংথানিংঙাই ওইবা গেম চেঞ্জর অমা ওইদুনা নুপী ওইবী করোর কয়াগী পুন্সীদা হেন্না ফবা ক্বালিতী পুরক্লি হায়বা ঙমগনি। সীমা কুমারী অমসুং বচন দেবীগী ৱাফম ঐখোয় য়েংলসি।

উত্তর প্রদেশকী চন্দৌলী জিলাদা লৈবী সীমা কুমারীনা মহাক্কী চাকশংদা নুমিৎ খুদিংগী খুদোং চাদশিং মায়োক্নরম্মি। ভারতকী অতৈ য়ুমথোং খুদিংগুম শ্রীমতী সীমা কুমারীসু চাক থোংবগী ত্রেদিস্নেল ওইবা প্রেক্তিসশিংনা পুন্দুনা থমলম্মি, মদুনা মরম ওইদুনা মহাক নুমিৎ খুদিংগী মৈ থানবা শীং খোমজিমবা তাখি। মৈখুনা মরম ওইদুনা মহাক কোক চিকলম্মি অমসুং ত্রেদিস্নেল ওইবা থোং-থাকপগী প্রেক্তিসশিং অসি তুংইনবদা খুদোংচাদবশিং মায়োক্নরম্মি। শীং শিজিন্নদুনা থোং-থাকপদা মতম কয়া অমসু চংলম্মি। মসিগী খম থেংবা রুতিন অসিনা অৱাবা পীরম্মি, মৈখু চেন্দবা চাকশংগী ৱাখল্লোন মহাক্কীদমক মংফাওনরোইদবা মংলান অমগুমলম্মি।

অদুম ওইনমক, ‘প্রধান মন্ত্রী উজ্জ্বলা য়োজনা’গী থোংদা সরকারনা মতম চানা লৌখৎলকপা খোংথাংনা মহাক্কী পুন্সী মপুং ফানা অহোংবা পুরক্লে। LPG সিলিন্দর হেক ফংবগা মহাক্কী চাকশংদা চাউনা অওনবা পুরক্লে, মৈখুদগী ফ্রী ওইরে অমসুং মহাক্কী ইমুং-মনুংগীদমক কোম্না থোং-থাকপা ঙমহল্লে। LPG সিলিন্দরগা লোয়ননা, মহাক হৌজিক খোংজেল য়াংনা চাক থোংবা ঙম্লে, মদুনা মহাক্কী মতম কনবা ঙমলে অমসুং খুদোংচাদবা মায়োক্নহনদ্রে। সীমানা মসিগী মমল নায়দ্রবা তেংবাং অসিগীদমক প্রধান মন্ত্রী শ্রী নরেন্দ্র মোদীবু তৌবীমল খংবা ফোংদোক্লি, মসিনা মহাক্কী পুন্সী য়াম্না ফগৎহল্লে।

মতৌ অসুম্না, জম্মু অমসুং কাশ্মীরগী কথুৱা জিলাদগী বচন দেবীসু অসিগুম্বা মখলগী খুদোংচাদবশিং মায়োক্নরম্মি। মৈ থানবা শীং থিবদা অমসুং হাথু-হাথু চাক থোংবদা মহাক্কী নোংমগী মতম মাংলম্মি, লোইবা নায়দবা নুংতিগী মায়োক্নবা খুদোংচাদবা অমা ওইরম্মি। শ্রীমতী বচন দেবীনা অৱাবশিং অসিদগী নান্থোক্নবা লম্বী অমত্তা লৈত্রে খল্লুবা মতমদুদা পি.এম. উজ্জ্বলা য়োজনানা মহাক্কী পুন্সীদা থাজদরুদবা পোজিতিব ওইবা অহোংবা অমা পুরকখি। স্কিম অসিগী মখাদা গ্যাস সিলিন্দর ফংবনা মহাক্কী পুন্সী হেন্না ফবা অওনবা পুরক্লে। সুশ্রী বচন দেবীনা মৈ থানবা শীং খোমজিনবগী অৱাবা থবক্তগী পোত্থাহল্লিবা সিলিন্দরগীদমক প্রধান মন্ত্রী নরেন্দ্র মোদীবু তৌবীমল খংবা ফোংদোকখ্রে।

পি.এম. উজ্জ্বলা য়োজনা মমাংগী পুন্সী

পি.এম. উজ্জ্বলা য়োজনাগী মখাদা পুরকপা অওবগী মমাংদা, ইমুং করোর কয়ানা শীং, কোয়লা অমসুং শন্থীগী কেকগুম্বা ত্রেদিস্নেল কুকিং ফুএলশিং শিজিন্নদুনা চাক থোংবা তারম্মি। মৈখু চেনবা চাকখুমদা চাক থোংবা, নুমিৎ চুপ্পা অমা লোক খুবা অমসুং শোর হোনবদা অৱৌবা মায়োক্নবা অসি ভারতকী নুপীশিংগীদমক কমন ওইরম্মি। মসিনা মখোয়গী হকচাং শোকহনবতা নত্তনা মহৌশাগী ফিভমদসু অকায়বা পীরম্মি।

মৈখু অমসুং শোকনিংঙাই ওইবা প্রেক্তিসশিংগী মরক্তা নুপী কয়া অমনা অতোপ্পা মহুৎ শিনবা য়াবা অমা ফংবগী থাজবা থাদোকলমখি। অদুমওইনমক, ভারত সরকারনা 2016গী মে থাদা খুঙ্গং অমসুং শোত্থরবা ইমুংশিংবু চাক থোংনবগীদমক LPG গুম্বা ক্লিন কুকিং ফুএল ফংহন্নবগীদমক প্রধান মন্ত্রী উজ্জ্বলা য়োজনা (PMUY) হৌদোকখি। ইনিসিয়েতিব অসিনা জেনরেসন কয়াদগী খুদোংচাদবা কয়া মায়োক্নদুনা লাক্লবা ভারতকী নুপীশিংবু নিংতম্বগী এক্সপরিয়েন্স ফংহনখি অমসুং অরোইবদা মৈখু চেন্দবা চাকশংগী মংলান মংফাওনহনখি।

সীমা কুমারী অমসুং বচন দেবীগী ৱারীশিং লৈবাক পুম্বগী মশিং থিঙমদ্রবা নুপীশিংগী ৱারীশিংগা অমত্তা ওইরি। মখোয়গী মমিং, কলচর অমসুং বেকগ্রাউন্দ খেৎনজরবসু মখোয়না কমন ওইবা ইমোসন অমা শেয়র তৌরি – চহি কয়া মায়োক্নরকপা খুদোংচাদবশিংদগী নানন্থোকপা অমসুং মখোয়গী পুন্সীদা পোজিতিব ওইবা অহোংবগীদমক গ্রেতিচুদকী সেন্স।

রিফরেন্সশিং

• https://www.youtube.com/watch?v=DFKQnTQpoj0
• https://twitter.com/airnewsalerts/status/1735249080086056986?s=20
• https://www.pmuy.gov.in/

***

Nimish Rustagi/ Himanshu Pathak/ Aswathy Nair