'విక్షిత్ భారత్ సంకల్ప్ యాత్ర' భారతదేశం అంతటా ఆశల కలనేత, మిలియన్ల మంది ప్రజలను కలుపుతూ మరియు అభివృద్ధి స్ఫూర్తిని పెంపొందించింది. ఇది విభిన్న నేపథ్యాల నుండి అసంఖ్యాక వ్యక్తులను కలుపుతుంది, ఉజ్వల భవిష్యత్తు కోసం సామూహిక కలను ప్రోత్సహిస్తుంది.

గణాంకాలు పురోగతి  చిత్రాన్ని చిత్రించగలవు కొన్ని కథలు మన భావోద్వేగాలతో లోతుగా ప్రతిధ్వనిస్తాయి. క్యాటరింగ్ ప్రపంచంలో విజయవంతమైన మార్గాన్ని చెక్కిన లింగమార్పిడి వ్యక్తి నీలేష్ కథ అలాంటిది.

పీ ఎం వీధి వ్యాపారుల ఆత్మ నిర్భర్ నిధి ( పీ ఎం స్వనిధి) యోజన ద్వారా, మహారాష్ట్రలోని వార్ధా నివాసి నీలేష్ రూ. 10,000 రుణాన్ని పొందారు, ఇది స్పూర్తిదాయకమైన వ్యవస్థాపక ప్రయాణానికి ఉత్ప్రేరకంగా పనిచేసింది. నీలేష్ అనేక ప్రారంభ సవాళ్లను ఎదుర్కొన్నారు, అయితే అచంచలమైన సంకల్పం మరియు సానుకూల దృక్పథం ఆమె అభివృద్ధి చెందుతున్న క్యాటరింగ్ వ్యాపారాన్ని స్థాపించడంలో సహాయపడింది. నీలేష్ క్యాటరింగ్ వ్యాపారాన్ని స్థాపించడమే కాకుండా, ట్రాన్స్‌జెండర్లు మరియు మహిళలు ఆర్థిక సాధికారత కోసం సహకరించే స్వయం సహాయక బృందాన్ని 'మోహిని బచత్ గాట్'ని ఏర్పాటు చేయడం ద్వారా ఇతరులకు స్ఫూర్తినిచ్చారు. నీలేష్ కథ సామాజిక అడ్డంకులను అధిగమించడానికి మరియు వారి కలలను వెంబడించడానికి ఇతరులను ప్రేరేపిస్తుంది. నీలేష్ తన సామర్థ్యాన్ని వెలికతీసేందుకు  మరియు ఆర్థిక స్వాతంత్య్రాన్ని సాధించడానికి లభించిన ఒక "వరం"గా ప్రధానమంత్రి స్వనిధి పథకాన్ని కీర్తించారు.

మరో కథనం, తన అనుభవాలను ప్రధాని తోనే స్వయంగా పంచుకున్న లింగమార్పిడి వ్యాపారవేత్త శ్రీమతి మోనా ప్రయాణం.

మోనా ప్రయాణం చండీగఢ్‌లో ప్రారంభమైంది, అక్కడ ఆమె ఒక చిన్న టీ స్టాల్‌తో నిలకడైన మరియు స్వావలంబన యొక్క జ్యోతిని వెలిగించింది. పీ ఎం వీధి వ్యాపారుల ఆత్మ నిర్భర్ నిధి (పీ ఎం స్వనిధి) పథకం నుండి రూ. 10,000 రుణంతో సామానులు పొందారు, ఒక చిన్న టీ స్టాల్ ఆమెకు ఆర్థిక స్వాతంత్ర్య మార్గాన్ని ప్రారంభించడానికి వీలు కల్పించింది. ఆమె తర్వాత రూ. 20,000 మరియు రూ. 50,000 చొప్పున మరో రెండు రుణాలు అందుకుంది, అది ఆమె ప్రయాణాన్ని బలోపేతం చేసింది. పీ ఎం స్వనిధి మోనాను సామాజిక దురభిప్రాయాలచే నియంత్రించబడే జీవితం నుండి తప్పించుకోవడానికి మరియు లింగమార్పిడి సమాజాన్ని తరచుగా పట్టించుకోని ప్రపంచంలో తనకంటూ ఒక స్థానాన్ని రూపొందించుకోవడానికి అనుమతించింది.

నీలేష్ మరియు మోనాల ప్రగతి ప్రస్థానాలు కేవలం వ్యక్తిగత విజయాలు మాత్రమే కాదు; వారు జీవనయానం ద్వారా సాధ్యమైన అనుభవాలను పంచుకునే సమయంలో అభివృద్ధి మరియు సాధికారత యొక్క విస్తృత దృశ్యాన్ని చిత్రీకరిస్తారు. ప్రధానమంత్రి స్వనిధి పథకం వీధి వ్యాపారులను సాధికారిక ఆర్థిక రంగంలోకి తీసుకురావడంలో కీలకపాత్ర పోషించి, పైకి ఎదగడం కోసం సరికొత్త మార్గాలను అందించింది. డిసెంబర్ 20 నాటికి, పీ ఎం స్వనిధి పథకం నుండి 57 లక్షల మందికి పైగా ప్రయోజనం పొందారు. ప్రగతి అనేది కేవలం సంఖ్యాపరమైన మైలురాళ్లకు సంబంధించినది కాదని, వ్యక్తులు తమ పూర్తి సామర్థ్యాన్ని వెలికితీసేందుకు వీలు కల్పిస్తుందని, సుసంపన్నమైన భారతదేశానికి గణనీయంగా దోహదపడుతుందని అవి జ్ఞాపికలుగా పనిచేస్తాయి. విక్షిత్ భారత్ సంకల్ప్ యాత్ర అనుసంధానం మరియు సాధికారత కోసం దాని సంకల్పం కొనసాగుతుంది కాబట్టి, ప్రతి ఒక్కరికీ ఉజ్వల భవిష్యత్తు వైపు మనల్ని ప్రేరేపించడంలో మరియు నడిపించడంలో ఇటువంటి కథలు కొనసాగుతాయని మనం నమ్మకంగా ఊహించవచ్చు. 

సంబంధితాలు 

https://pib.gov.in/PressReleasePage.aspx?PRID=1985967#:~:text=Nilesh%20is%20a%20beneficiary%2C%20who,Nidhi%20(PM%20SVANidhi)%20Yojna.

https://pib.gov.in/PressReleaseIframePage.aspx?PRID=1984414

https://viksitbharatsankalp.gov.in/photo

PM SVANidhi Dashboard

***