وکست بھارت سنکلپ یاترا کے تئیں غیر معمولی عوامی حمایت نظر آرہی ہے اور ایک مہینے سے بھی کم وقت میں 2 کروڑ سے زائد شرکاء کے ساتھ اسے ازحد اہم کامیابی حاصل ہوئی ہے۔ اس تحریک میں یہ بے مثال اضافہ یاترا کے گہرے اثرات اور ترقی کی اجتماعی جستجو میں لاکھوں افراد کو متحد کرنے کی اس کی ناقابل یقین صلاحیت کو اجاگر کرتا ہے۔

یاترا کی بڑھتی ہوئی رفتار کا اندازہ اس بات سے لگایا جا سکتا ہے کہ پہلے کروڑ کا نشان 22 دن میں چھو لیا گیا تھا جبکہ اگلے کروڑ کو محض 7 دن لگے ۔ ہر گزرتے دن کے ساتھ، یاترا کا دائرہ وسیع ہوتا جا رہا ہے اور اپنی مضبوط رفتار کو برقرار رکھتے ہوئے عوام کی جانب سے زبردست مثبت ردعمل حاصل ہو رہا ہے۔

یاترا تقریباً 60,000 گرام پنچایتوں تک پہنچ چکی ہے، جو ملک کے کونے کونے میں ترقی اور پیش رفت کو آگے بڑھا رہی ہے۔ مختصر مدت کے اندر، یاترا نے 1.6 کروڑ سے زیادہ شہریوں کے ساتھ اپنی موجودگی کا احساس دلایا ہے ، یہ شہری 2047 تک ایک وکست بھارت کے قیام کے لیے بھرپور کوشش کر رہے ہیں۔ یاترا کی "میری کہانی، میری زبانی" پہل قدمی کے ایک حصے کے طور پر، 1.30 کروڑ سے زائد افراد نے ملک بھر میں شہریوں کے متنوع تجربات اور خواہشات کو ظاہر کرتے ہوئے، اپنی ذاتی داستانیں ساجھا کیں۔

یاترا کے بنیادی موضوعات میں سے ایک کے طور پر شہریوں کی فلاح و بہبود کے ساتھ، ملک بھر میں ہیلتھ کیمپس کا انعقاد کیا جا رہا ہے اور اب تک 42 لاکھ سے زیادہ لوگوں کی اسکریننگ کی جا چکی ہے۔

ایک ملک، ایک سفر

تمام خطوں میں پورے دل سے یہ یاترا انتہائی دور دراز علاقوں تک پہنچنے کے لیے سرکاری خدمات اور مدد فراہم کرنے کے لیے براہ راست راستے کے طور پر کام کر رہی ہے۔ شرکت کے لحاظ سے، اتر پردیش تقریباً 80 لاکھ شرکاء کے ساتھ سرفہرست ہے، اس کے بعد مہاراشٹر 29 لاکھ سے زیادہ شرکاء کے ساتھ، اور گجرات 23 لاکھ سے زیادہ شرکاء کے ساتھ ہے۔ جموں و کشمیر آج تک 16 لاکھ سے زیادہ شرکاء کے حوصلہ افزا ردعمل کے ساتھ قریب سے پیروی کرتا ہے۔ آندھرا پردیش نے 11 لاکھ سے زیادہ شرکاء کے ساتھ ایک اہم مقام حاصل کیا۔

سرکاری اسکیموں کی 100 فیصد تکمیل

وکسٹ بھارت سنکلپ یاترا ایک ملک گیر کوشش ہے جس کا مقصد حکومت کی کلیدی پہل قدمیوں کو 100 فیصد پورا کرنا اور اس امر کو یقینی بنانا ہے کہ ان پہل قدمیوں کے فوائد تمام تر مستحق وصول کنندگان تک پہنچیں۔

 (وکست بھارت سنکلپ یاترا‘ کے دوران نئی دہلی کے باڑا ہندو راؤ میں ’نصب کیے گئے ایک سیلفی پوائنٹ فوٹو کھنچواتی ایک خاتون)

یاترا کے دوران حاصل کیے گئے سنگ ہائے میل غیر معمولی نوعیت کے ہیں: 29000 سے زائد گرام پنچایتوں نے آیوشمان کارڈس کی 100 فیصد تکمیل کے ساتھ مکمل طور پر احاطہ کر لیا ہے؛  18000 سے زائد گرام پنچایتوں نے ’ہر گھر جل‘ اسکیم کے تحت 100 فیصد ہدف حاصل کر لیا ہے؛  34000 سے زائد گرام پنچایتوں نے زمین کے ریکارڈ کے مکمل ڈجیٹائزیشن کا ہدف حاصل کر لیا ہے؛ اور سووَچھ بھارت پہل قدمی  کی حمایت میں، 9000 سے زائد گرام پنچایتیں او ڈی ایف پلس ماڈل کے ساتھ 100 فیصد تعمیل کے لیے معیار پر پوری اتر ی ہیں۔

ایک تبدیلی کی مہم کا آغاز کرتے ہوئے، وزیر اعظم نریندر مودی کی جانب سے 15 نومبر کو کھونٹی، جھارکھنڈ سے شروع کی گئی وکست بھارت سنکلپ یاترا، بھارت بھر کے شہریوں کے ساتھ گہرے روابط کو فروغ دے رہی ہے۔ اس اولوالعزم پہل قدمی کا مقصد حکومت اور لوگوں کے درمیان خلیج کو ختم کرنا، برادریوں کو بااختیار بنانا اور ایک جامع اور وکست بھارت کی بنیاد رکھنا ہے۔

**********

 (ش ح –ا ب ن۔ م ف)

U.No:2424