প্রধানমন্ত্রীগী লোইশঙ
ত্রান্সজেন্দর বিকসিত ভারত সংকল্প যাত্রা বেনফিসরিগী তমজনফম ওইরবা থৌনা প্রধান মন্ত্রীনা থাগৎখ্রে
“সবকা সাথ সবকা বিকাসকী সরকারগী ৱাখল্লোন খুন্নাইগী কাংলুপ খুদিংমক্তা য়ৌরে: প্রধান মন্ত্রী”
Posted On:
09 DEC 2023 2:40PM by PIB Imphal
ঙসি ভিদিও কনফরেন্সিংগী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। অকক্নবা মতম অমগী মনুংদা সরকারনা পায়খৎলিবা স্কিমশিংগী কান্নবশিং ফংফম থোকপা বেনিফিসরিশিংদা মপুংফানা য়ৌহন্নবা লৈবাক শীনবা থুংনা বিকসিত ভারত সংকল্প যাত্রা পাংথোক্লি।
ঝারখন্দগী রাঞ্চিদগী হোংলকপা চান্দিগরদগী ত্রান্সজেন্দর বিকসিত ভারত সংকল্প যাত্রা বেনফিসরি অমা, মোনানা প্রধান মন্ত্রীদা মহাক্না চান্দিগরদা নুমিদাংৱাইরমগী পুং ৬ তগী নুমিদাংগী পুং ১০ ফাওবা চা য়োনবা দুকান অমা ফম্বগী মতাংদা পাউদমখি।
প্রধান মন্ত্রীগী হংলকপদা, মোনানা হায়খি মহাক্কী চাগী দুকান লিংখৎনবা মহাক্না পি.এম শ্বানিধি স্কিমগী খুৎথাংদা লুপা ১০,০০০ গী লোন অমা ফংখি। সিতি কোওপরেসন্না লোন অমগী মতাংদা কৌরকখি। মোনাগী চাগী দুকান্দা অয়াম্বা মতমদা য়ু.পি.আইদা শেন পীরি, বেঙ্কনা অহেনবা লোন পীনবা হায়রকপরা হায়না শ্রী মোদীনা হংখি। মোনানা হায়খি মতুং তারকপদা মহাক্না লুপা ২০,০০০ অমসুং লুপা ৫০,০০০গী লোন ফংখ্রে। মোনানা শেন্দোই পীদনা তাঙ্কক অহুমরক লোন লৌরকপদা প্রধান মন্ত্রীনা অপেনবা ফোঙদোকখি।
প্রধান মন্ত্রীনা হায়খি অসিগুম্বা সরকারগী কান্নবশিং লৌনবা ত্রান্সজেন্দর কাংলুপগী মীওই মশিং হেন্না পুক্নিং থৌগৎপা দরকার ওই। সবকা সাথ সবকা বিকাসকী সরকারগী ৱাখল্লোন খুন্নাইগী কাংলুপ খুদিংমক্তা য়ৌরে। সরকারগী থবকশিং মাইকৈ চুম্না চৎতুনা মরী লৈনবা থবকশিং পাংথোকপা অমসুং মোনা চাউখৎলকপদা মহাক্না অপেনবা ফোঙদোকখি। অসামগী রেলৱে স্তেসন অমদা দুকান পুম্নমক ত্রান্সজেন্দরশিংদা পীনবা রেলৱেজনা ৱারেপ অমা লৌরে অমসুং ললোন-ইতিক্কী থবক মাইপাক্লে। মহাক মাইপাকপগীদমক প্রধান মন্ত্রীনা মোনা থাগৎপা ফোঙদোকখি।
***
(Release ID: 1984744)
Visitor Counter : 63
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam