ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ನಾಯಕತ್ವದಲ್ಲಿ ಮತ್ತು ಕೇಂದ್ರ ಗೃಹ ಸಚಿವ ಶ್ರೀ ಅಮಿತ್ ಶಾ ಅವರ ಮಾರ್ಗದರ್ಶನದಲ್ಲಿ, "ಸೈಬರ್ ಸುರಕ್ಷಿತ ಭಾರತ"ವನ್ನು ನಿರ್ಮಿಸುವುದು ಗೃಹ ವ್ಯವಹಾರಗಳ ಸಚಿವಾಲಯದ ಉನ್ನತ ಆದ್ಯತೆಗಳಲ್ಲಿ ಒಂದಾಗಿದೆ.

ಕೇಂದ್ರ ಗೃಹ ಸಚಿವ ಶ್ರೀ ಅಮಿತ್ ಶಾ ಅವರ ಮಾರ್ಗದರ್ಶನದಲ್ಲಿ, ಗೃಹ ವ್ಯವಹಾರಗಳ ಸಚಿವಾಲಯವು ಸೈಬರ್ ಅಪರಾಧವನ್ನು ನಿಗ್ರಹಿಸಲು ಮತ್ತು ಸೈಬರ್ ಬೆದರಿಕೆ ಖದೀಮರಿಂದ ಜನರನ್ನು ರಕ್ಷಿಸಲು ಬದ್ಧವಾಗಿದೆ. ಅಂತಹ ವಂಚಕರು ಬಳಸುವ ಫೋನ್ ಸಂಖ್ಯೆಗಳು ಮತ್ತು ಸಾಮಾಜಿಕ ಮಾಧ್ಯಮ ಖಾತೆಗಳನ್ನು ಎನ್ ಸಿ ಆರ್ ಪಿಗೆ ತಕ್ಷಣ ವರದಿ ಮಾಡಲು ನಾಗರಿಕರಿಗೆ ಸೂಚಿಸಲಾಗಿದೆ http://www.cybercrime.gov.in

ಇಂಡಿಯನ್ ಸೈಬರ್ ಕ್ರೈಮ್ ಕೋಆರ್ಡಿನೇಷನ್ ಸೆಂಟರ್ (ಐ 4 ಸಿ) ದೇಶದಲ್ಲಿ ಸೈಬರ್ ಅಪರಾಧವನ್ನು ಸಂಘಟಿತ ಮತ್ತು ಸಮಗ್ರ ರೀತಿಯಲ್ಲಿ ಎದುರಿಸಲು ಗೃಹ ಸಚಿವಾಲಯದ ಉಪಕ್ರಮವಾಗಿದೆ. ಐ4ಸಿ, ಎಂಎಚ್ಎ ತನ್ನ ಲಂಬವಾದ ರಾಷ್ಟ್ರೀಯ ಸೈಬರ್ ಕ್ರೈಮ್ ಥ್ರೆಟ್ ಅನಾಲಿಟಿಕ್ಸ್ ಯುನಿಟ್ (ಎನ್ ಸಿಟಿಎಯು) ಮೂಲಕ ಕಳೆದ ವಾರ ಸಂಘಟಿತ ಹೂಡಿಕೆ / ಕಾರ್ಯ ಆಧಾರಿತ - ಅರೆಕಾಲಿಕ ಉದ್ಯೋಗ ವಂಚನೆಗಳಲ್ಲಿ ಭಾಗಿಯಾಗಿರುವ 100 ಕ್ಕೂ ಹೆಚ್ಚು ವೆಬ್ ಸೈಟ್ ಗಳನ್ನು ಗುರುತಿಸಿದೆ ಮತ್ತು ಶಿಫಾರಸು ಮಾಡಿದೆ. ಮಾಹಿತಿ ತಂತ್ರಜ್ಞಾನ ಕಾಯ್ದೆ, 2000 ರ ಅಡಿಯಲ್ಲಿ ತನ್ನ ಅಧಿಕಾರವನ್ನು ಬಳಸಿಕೊಂಡು ವಿದ್ಯುನ್ಮಾನ ಮತ್ತು ಮಾಹಿತಿ ತಂತ್ರಜ್ಞಾನ (ಎಂಇಐಟಿವೈ) ಈ ವೆಬ್ ಸೈಟ್ ಗಳನ್ನು ನಿರ್ಬಂಧಿಸಿದೆ. ಕಾರ್ಯ ಆಧಾರಿತ / ಸಂಘಟಿತ ಕಾನೂನುಬಾಹಿರ ಹೂಡಿಕೆ ಸಂಬಂಧಿತ ಆರ್ಥಿಕ ಅಪರಾಧಗಳಿಗೆ ಅನುಕೂಲ ಮಾಡಿಕೊಟ್ಟ ಈ ವೆಬ್ ಸೈಟ್ ಗಳನ್ನು ಸಾಗರೋತ್ತರ ವಂಚಕರು ನಿರ್ವಹಿಸುತ್ತಿದ್ದರು ಮತ್ತು ಅವರು ಡಿಜಿಟಲ್ ಜಾಹೀರಾತು, ಚಾಟ್ ಮೆಸೆಂಜರ್ ಗಳು ಮತ್ತು ಮುಲ್(ಅಕ್ರಮ ಅವ್ಯವಹಾರ) / ಬಾಡಿಗೆ ಖಾತೆಗಳನ್ನು ಬಳಸುತ್ತಿದ್ದರು ಎಂದು ತಿಳಿದುಬಂದಿದೆ. ದೊಡ್ಡ ಪ್ರಮಾಣದ ಆರ್ಥಿಕ ವಂಚನೆಗಳಿಂದ ಬಂದ ಆದಾಯವನ್ನು ಕಾರ್ಡ್ ನೆಟ್ ವರ್ಕ್ , ಕ್ರಿಪ್ಟೋ ಕರೆನ್ಸಿ, ಸಾಗರೋತ್ತರ ಎಟಿಎಂ ಹಿಂಪಡೆಯುವಿಕೆ ಮತ್ತು ಅಂತಾರಾಷ್ಟ್ರೀಯ ಫಿನ್ಟೆಕ್ ಕಂಪನಿಗಳನ್ನು ಬಳಸಿಕೊಂಡು ಭಾರತದಿಂದ ಹೊರಗೆ ವರ್ಗಾವಣೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ. ಈ ನಿಟ್ಟಿನಲ್ಲಿ, 1930 ಸಹಾಯವಾಣಿ ಮತ್ತು ಎನ್ ಸಿ ಆರ್ ಪಿ ಮೂಲಕ ಹಲವಾರು ದೂರುಗಳನ್ನು ಸ್ವೀಕರಿಸಲಾಗಿದೆ ಮತ್ತು ಈ ಅಪರಾಧಗಳು ನಾಗರಿಕರಿಗೆ ಗಮನಾರ್ಹ ಬೆದರಿಕೆಯನ್ನುಂಟುಮಾಡುತ್ತಿವೆ ಮತ್ತು ದತ್ತಾಂಶ ಭದ್ರತಾ ಕಾಳಜಿಗಳನ್ನು ಸಹ ಒಳಗೊಂಡಿವೆ.

ಈ ವಂಚನೆಗಳು, ಸಾಮಾನ್ಯವಾಗಿ, ಈ ಕೆಳಗಿನ ಹಂತಗಳನ್ನು ಒಳಗೊಂಡಿರುತ್ತವೆ:-

1. ಗೂಗಲ್ ಮತ್ತು ಮೆಟಾದಂತಹ ಪ್ಲಾಟ್ ಫಾರ್ಮ್ ಗಳಲ್ಲಿ ವಿದೇಶಿ ಜಾಹೀರಾತುದಾರರಿಂದ ಅನೇಕ ಭಾಷೆಗಳಲ್ಲಿ "ಘರ್ ಬೈತೆ ಜಾಬ್", "ಘರ್ ಬೈದೆ ಕಮೈ ಕೈಸೆ ಕರೆನ್" ಮುಂತಾದ ಪ್ರಮುಖ ಪದಗಳನ್ನು ಬಳಸಿಕೊಂಡು ಉದ್ದೇಶಿತ ಡಿಜಿಟಲ್ ಜಾಹೀರಾತುಗಳನ್ನು ಪ್ರಾರಂಭಿಸಲಾಗುತ್ತದೆ. ಗುರಿಗಳು ಹೆಚ್ಚಾಗಿ ನಿವೃತ್ತ ಉದ್ಯೋಗಿಗಳು, ಮಹಿಳೆಯರು ಮತ್ತು ಅರೆಕಾಲಿಕ ಉದ್ಯೋಗಗಳನ್ನು ಹುಡುಕುತ್ತಿರುವ ನಿರುದ್ಯೋಗಿ ಯುವಕರುನ್ನು ಗುರಿಯಾಸಿವೆ.

2. ಜಾಹೀರಾತನ್ನು ಕ್ಲಿಕ್ ಮಾಡಿದ ನಂತರ, ವಾಟ್ಸಾಪ್ / ಟೆಲಿಗ್ರಾಮ್ ಬಳಸುವ ಏಜೆಂಟ್ ಸಂಭಾವ್ಯ ಬಲಿಪಶುವಿನೊಂದಿಗೆ (ವಂಚನೆಗೆ ಒಳಗಾಗುವವ) ಸಂಭಾಷಣೆಯನ್ನು ಪ್ರಾರಂಭಿಸುತ್ತಾನೆ, ಅವರು ವೀಡಿಯೊ ಲೈಕ್ ಗಳು ಮತ್ತು ಚಂದಾದಾರರು, ನಕ್ಷೆಗಳ ರೇಟಿಂಗ್ ಮುಂತಾದ ಕೆಲವು ಕಾರ್ಯಗಳನ್ನು ಮಾಡಲು ಮನವೊಲಿಸುತ್ತಾರೆ.

3. ಕೆಲಸವನ್ನು ಪೂರ್ಣಗೊಳಿಸಿದ ನಂತರ, ಬಲಿಪಶುವಿಗೆ ಆರಂಭದಲ್ಲಿ ಸ್ವಲ್ಪ ಕಮಿಷನ್ ನೀಡಲಾಗುತ್ತದೆ ಮತ್ತು ನೀಡಲಾದ ಕೆಲಸದ ವಿರುದ್ಧ ಹೆಚ್ಚಿನ ಆದಾಯವನ್ನು ಪಡೆಯಲು ಹೆಚ್ಚು ಹೂಡಿಕೆ ಮಾಡಲು ಕೇಳಲಾಗುತ್ತದೆ.

4. ವಿಶ್ವಾಸವನ್ನು ಗಳಿಸಿದ ನಂತರ, ಬಲಿಪಶುವು ದೊಡ್ಡ ಮೊತ್ತವನ್ನು ಠೇವಣಿ ಮಾಡಿದಾಗ, ಠೇವಣಿಗಳನ್ನು ಸ್ಥಗಿತಗೊಳಿಸಲಾಗುತ್ತದೆ ಮತ್ತು ಇದರಿಂದಾಗಿ ಬಲಿಪಶುವು ಮೋಸಹೋಗುತ್ತಾನೆ.

ಮುನ್ನೆಚ್ಚರಿಕೆ ಕ್ರಮವಾಗಿ, ಈ ಕೆಳಗಿನವುಗಳನ್ನು ಸೂಚಿಸಲಾಗಿದೆ:-

1. ಅಂತರ್ಜಾಲದ ಮೂಲಕ ಪ್ರಾಯೋಜಿಸಲಾದ ಅಂತಹ ಯಾವುದೇ ಹೆಚ್ಚಿನ ಕಮಿಷನ್ ಪಾವತಿಸುವ ಆನ್ ಲೈನ್ ಯೋಜನೆಗಳಲ್ಲಿ ಹೂಡಿಕೆ ಮಾಡುವ ಮೊದಲು ಸೂಕ್ತ ಶ್ರದ್ಧೆಯನ್ನು ಅನುಸರಿಸಿ.

2. ಅಪರಿಚಿತ ವ್ಯಕ್ತಿಯು ವಾಟ್ಸಾಪ್ / ಟೆಲಿಗ್ರಾಮ್ ಮೂಲಕ ನಿಮ್ಮನ್ನು ಸಂಪರ್ಕಿಸಿದರೆ, ಪರಿಶೀಲನೆಯಿಲ್ಲದೆ ಹಣಕಾಸು ವಹಿವಾಟುಗಳನ್ನು ಮಾಡುವುದನ್ನು ತಪ್ಪಿಸಿ.

3. ಯುಪಿಐ ಅಪ್ಲಿಕೇಶನ್ ನಲ್ಲಿ ಉಲ್ಲೇಖಿಸಿರುವ ರಿಸೀವರ್ ಹೆಸರನ್ನು ಪರಿಶೀಲಿಸಿ. ಸ್ವೀಕರಿಸುವವರು ಯಾವುದೇ ಯಾದೃಚ್ಛಿಕ ವ್ಯಕ್ತಿಯಾಗಿದ್ದರೆ, ಅದು ಅಕ್ರಮ ವ್ಯವಹಾರದ ಖಾತೆಯಾಗಿರಬಹುದು ಮತ್ತು ಯೋಜನೆ ಮೋಸವಾಗಿರಬಹುದು. ಅಂತೆಯೇ, ಆರಂಭಿಕ ಕಮಿಷನ್ ಅನ್ನು ಎಲ್ಲಿಂದ ಸ್ವೀಕರಿಸಲಾಗಿದೆ ಎಂಬುದನ್ನು ಪರಿಶೀಲಿಸಿ.

4. ನಾಗರಿಕರು ಅಪರಿಚಿತ ಖಾತೆಗಳೊಂದಿಗೆ ವಹಿವಾಟು ನಡೆಸುವುದರಿಂದ ದೂರವಿರಬೇಕು, ಏಕೆಂದರೆ ಇವು ಅಕ್ರಮ ಹಣ ವರ್ಗಾವಣೆ ಮತ್ತು ಭಯೋತ್ಪಾದಕ ಹಣಕಾಸು ಒಳಗೊಂಡಿರಬಹುದು ಮತ್ತು ಪೊಲೀಸರು ಖಾತೆಗಳನ್ನು ನಿರ್ಬಂಧಿಸಲು ಮತ್ತು ಇತರ ಕಾನೂನು ಕ್ರಮಗಳಿಗೆ ಕಾರಣವಾಗಬಹುದು.
 

******