প্রধানমন্ত্রীগী লোইশঙ
ভারতনা এসিয়ন পেরা গেম্সতা হান্নগী রেকোর্দ থুগাইদুনা মেদল 73 লৌরিবা অমসুং মখা তানা লৌরক্কদৌরিবা অসিবু পি.এম.না থাগৎখ্রে
Posted On:
26 OCT 2023 12:34PM by PIB Imphal
প্রধান মন্ত্রী, শ্রী নরেন্দ্র মোদীনা ভারতনা মমাংদা পাংথোকখিবা জাকার্তা 2018গী মেদল 72 লৌবগী রেকোর্দতগী হেন্দোক্তুনা হন্দক্কী এসিয়ন পেরা গেম্সতা মেদল 73 লৌরিবা অমসুং মখা তানা লৌরকখিগদৌবা অসিবু থাগৎখ্রে। শ্রী মোদীনা পেরা শান্নরোইশিংগী নীংহন্নবা নাইদবা, ৱাখল চেৎপা অমসুং মায় পাক্নিংবগী ইথিলবু থাগৎখ্রে।
প্রধান মন্ত্রীনা Xতা অসুম্না পোস্ত তৌখিঃ
“ভারতনা মমাংদা অমুক্তা তৌখিদদবা মওংদা মেদল 73 লৌবা অমসুং মখা তানা লৌরকখিগদৌবগী এসিয়ন পেরা গেম্সকী মশক নাইরবা পরফোর্মেন্স অমা উৎলে। মসিনা জাকার্তা 2018 এসিয়ন পেরা গেম্সকী মেদল 72গী হান্নগী রেকোর্দপুসু থুগাইরে।
মসিগুম্বা মশক নাইরবা পুঙফম অসিদা ঐখোয়গী শান্নরোইশিংগী ৱাখল চেৎপগী মতৌ য়াওরি।
ভারত মচা খুদিংবু অদুক্কী মতিক্তা হরাওবা পোকহল্লিবা অমসুং পুৱারীদা মমিং হক্লবা ঐখোয়গী শীংথানীংঙাই ওইরবা পেরা শান্নরোইশিংগী মফমদা ইকায় খুম্নবা উৎচরি।
মখোয়গী ৱাখল চেৎপা, নীংহন্নবা নাইদবা অমসুং মায় পাক্নিংবগী হনবা লৈতবা ইথিল অসিদি তসেংনা পুক্নিং থৌগৎনীংঙাই ওই।
মসিগুম্বা মশক নাইরবা মায় পাকপশিংনা তুংগী চারোন শুরোনশিংগী লমজিং মৈরা ওইরসনু”।
***
(Release ID: 1971377)
Visitor Counter : 80
Read this release in:
Marathi
,
Bengali
,
English
,
Urdu
,
Urdu
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam